Dünən "Qarabağ" Çempionlar Liqasının 1-ci təsnifat mərhələsində “Partizani”la, "Neftçi" isə Avroliqada eyni mərhələdə qarşılaşacağı "Sperantsa" ilə oyunlar üçün sifariş vərəqəsini açıqladı. Hər iki təmsilçimiz siyahını UEFA-ya təqdim edib. Yalnız "Səbail" heyəti açıqlamadı. Klubun mətbuat katibi Törə Əhmədova "siyahı təsdiq olunan kimi açıqlayacağıq" desə də, gün ərzində avrokuboklarda debüt edəcək klubun saytına bununla bağlı xəbər qoyulmadı.
"Qarabağ" Albaniya çempionu ilə qarşılaşmalar üçün 3 qapıçı, 7 müdafiəçi, 11 yarımmüdafiəçi və 1 hücumçu sifariş edib: qapıçılar - 12. Şahruddin Məhəmmədəliyev, 13. Vaqner da Silva, 94. Nicat Mehbalıyev; müdafiəçilər - 3. Aylton Silva, 4. Rahil Məmmədov, 5. Maksim Medveyev, 14. Rəşad Sadıqov, 30. Abbas Hüseynov, 55. Bədavi Hüseynov, 77. Vild-Donald Gerye; yarımmmüdafiəçilər - 2. Qara Qarayev, 6. Simeon Slavçev, 7. Araz Abdullayev, 8. Miçel, 9. Xayme Romero, 10. Dani Kintana, 17. Abdullah Zubir, 18. İsmayıl İbrahimli, 19. Filip Ozobiç, 20. Riçard Almeyda, 21. Hacıağa Hacılı; hücumçu - 11. Mahir Əmrəli.
"Neftçi"nin iştirak ərizəsində isə 24 futbolçu yer alıb: qapıçılar - 1. Səlahət Ağayev, 12. Kamran İbrahimov, 30. Aqil Məmmədov; müdafiəçilər - 3. Mamadu Mboc, 5. Anton Krivotsyuk, 6. Voislav Stankoviç, 18. Tural Axundov, 25. Kiril Petrov, 26. Ömər Buludov, 51. Mehmet Sərin, 85. Şöhrət Yusifov; yarımmüdafiəçilər - 7. Namiq Ələsgərov, 8. Emin Mahmudov, 10. Dario Federiko, 11. Vangelis Platellas, 17. Rəhman Hacıyev, 28. Stiven Jozef-Monroz, 33. Turan Vəlizadə, 36. Mamadu Kane, 37. Vüsal Əsgərov, 80. İsmayıl Zülfüqarlı, 93. Soni Mustivar; hücumçular - 9. Baqali Dabo, 19. Rauf Əliyev.
Sonda onu da bildirək ki, ilk oyunun startına 24 saat qalmış klublar daha bir futbolçunu iştirak ərizəsinə daxil edə bilər.