Xətai Bağırovun Taylandda maaşı 2500 dollar olub
“Araz"a ÇL-də kömək etməyimi istəyirlər”
Onu ayyarım öncə bəh-bəhlə yola salmışdıq. İnsafən, bu müddətdə Tayland çempionatında işləri yaxşı gedirdi. Ora çatan günün ertəsi oyuna çıxdı, qol da vurdu, komandasına qələbə qazandırdı. İlk dövrənin sonuna kimi meydana çıxdığı 6 oyunda qol sayını 3-ə çatdırdı, 2 məhsuldar ötürmə ilə yadda qaldı. Buna baxmayaraq, Xətai Bağırov legioner karyerasını başa vura bilər. Niyə? Hazırda vətəndə olan futzal millimizin üzvü ilə görüşüb bu və digər suallara aydınlıq gətirmək istədik.
- Birdəfəlik gəlmisən?
- Hələ "Sisaket"in oyunçusuyam. Tayland çempionatında birinci dövrə başa çatıb, iki həftəlik fasilədi. Fürsət bilib evə baş çəkməyə gəldim. Amma mümkündü ki, qayıtmayım. Başqa variantlar var, görək necə olur.
- Əslində "Araz"a qayıdacağını eşitmişik və bu barədə qəzetimizdə xəbər də yazmışıq.
- Sizdən nəsə gizlətmək olmur ki (gülür).
- "Araz"la məsələn həll olunub?
- Hələ yox. Həftəsonu nöqtə qoyulacaq. Ola bilər ki, alınmasın və qayıdım. Zəng vurub təkliflərini çatdırdılar. Amma detalları müzakirə etməmişik. Bu gün-sabah hər şeyə aydınlıq gələcək. Mənim vaxtım yoxdu, klubuma cavab verməliyəm. Ki, "pəncərə" bağlanmamış yerimə transfer etsinlər.
- Niyə getmişdin, niyə qayıdırsan? Axı bir ay əvvəl "Sisaket"dən, Tayland çempionatından, yaradılan şəraitdən ağızdolusu danışırdın.
- Mən yenə də ordakı durumumdan məmnunam. Şəraitə görə tərk etmirəm oranı. Ona qalsa, legioner kimi çox qayğıma qalırlar. Narazılıq üçün əsas yoxdu. Maaşımı deyilən vaxtdan da tez verdilər. Demişdilər ki, maaşı ayın 5-nə qədər alacaqsız, 2-də verdilər. Peşəkarlıq yüksək səviyyədədi. Mən bir komandanın 6 oyun formasının olduğuna orda şahid oldum. Məşqçi korpusunda 4 nəfər var, oyunçulara 3 masajçı xidmət edir. Çempionat oyunları ev-səfər prinsipi ilə keçirilir, hər klubun öz arenası var. Elitanı bir komanda tərk edir və yalnız aşağı liqanın qalibinə lisenziya verilir. Bir sözlə, çempionat peşəkar qayda-qanunla idarə olunur. Maaşım da məni qane edir.
- Bəs onda niyə qayıdırsan?
- "Araz"a ÇL-də kömək etməyimi istəyirlər. Komandada dəyişikliklər olub, iranlılardan gedənlər var. Qarşıdan dünya çempionatının seçmə oyunları da gəlir. Bir yerdə olmağımız faydalı olar. Özü də yığma Bakıda oynayacaq. Ancaq yenə deyirəm, hələ qayıdıb-qayidmayacağım dəqiqləşməyib. "Araz"ın şərtlərindən də çox şey asılıdı.
- Şərtlər demişkən, "Sisaket"də nə qədər alırdın? Sirr deyilsə...
- Niyə gizlədim ki? 2500 dollar verirdilər. "Premiya"dan başqa. Həmçinin klub məni evlə və yeməklə təmin edir. Baxmayaraq ki, onların verdiyi yeməkləri yeyə bilmirəm (gülür). Milli yeməkləri, donuz əti...
- Mükafat nə qədər idi?
- Qələbəyə 70, heç-heçəyə 35 dollar.
- Bu, "Araz"dakından nə qədər çoxdu?
- "Araz"da əvvəlki maaşım 2000-2500 manat olub. Amma görək yeni şərtlər necə olacaq? "Araz"da da maaş problemi olmayıb, sağ olsunlar, məvacibimizi qəpiyinə qədər veriblər.
- Legioner olmağın başqa üstünlükləri də var.
- Əlbəttə. Yeni məşqçi mənə çox güvənir, hər oyunda demək olar, 30 dəqiqə meydanda oluram. Qeyd edim ki, mən Bakıdan çıxıb ora çatana kimi məşqçi dəyişikliyi oldu. Yeni çalışdırıcımız Eyi Tayi vaxtilə Qazaxıstanda oynayıb, rusca bilir. Tayland millisinin qapıçısı olub. Mən onunla tanış olduqdan sonra təkidlə bildirdi ki "hazırlaş, bu gün meydana çıxacaqsan". Halbuki bir gün əvvəl çatmışdım, yorğun idim. Ümumiyyətlə, o, mənə çox güvənir. Cəmi bir oyunda oynamamışam, onda baldırımın iç əzələsini dartmışdım. Dedi risk etmə, damar yırtıla bilər. Daim oynadığıma görə yaxşı formadayam. Legioner olmağın üstünlüklərindən biri odu ki, özünə inamlı olursan, yığmada sənə daha çox güvənirlər.
- Eşitdiyimizə görə, İsa Atayevi də Taylanda aparmaq istəyirmişsən.
- Doğrudu. "Sisaket" rəsmiləri İsanın da oyununu görüb bəyənmişdilər. "Xəzər Cənub"la final qarşılaşmasına baxdıqdan sonra mənim vasitəmlə ona dəvət yolladılar. Həqiqətən də İsa o oyunu möhtəşəm keçirmiş, qarşılaşmanın taleyini həll etmişdi. Ona hətta mənim maaşımdan da çox pul təklif edirdilər. Hətta ona görə bəyəndikləri bir braziliyalı futzalçıdan imtina etdilər. İsa əvvəl müqaviləyə razılıq vermişdi. Mən bunu deyəndən sonra viza işlərinə başlanılmışdı ki, İsa əlaqə saxlayıb fikrini dəyişdiyini bildirdi. O, ailə vəziyyətinə görə təklifi dəyərləndirə bilməyəcəyini dedi. Beləliklə, transfer baş tutmadı. Onu da deyim ki, bir neçə ay əvvəl İsa ilə mənə Rusiyadan da təklif gəlmişdi. Bu, Biro Jadenin məşqçilər korpusunda yer aldığı "Orqxime" komandasıdı. Millimizin Sabiq çalışdırıcısı güclülər dəstəsində çıxış edən və superliqaya yüksəlməyə iddialı olan Nijni Novqorod təmsilçisində köməkçi-məsqçidi. O, paralel olaraq fiziki hazırlığa cavabdehdi. Mənimlə əlaqə saxlamışdı, ancaq elə oldu ki, Taylanda getdim. Amma mümkündü ki, qışda Bironun yanına yollanım.
- "Araz"ın heyətində dəyişikliklər olub. Bu heyətlə ÇL-də yüksək hədəflər uğrunda mübarizə aparmaq çətin olmayacaq?
- Taha gedib. O, İran superliqasında oynayacaq, özünə klub tapıb. Taha və Əli "Araz"a çox kömək etdilər. Digər iranlılar nisbətən zəifdi, amma Əliylə Taha səviyyəli oyunçulardı. Yəqin ki, gedənlərin yerinə yeni oyunçular alınacaq.
- Bəs yığma? DÇ-də uğurlu nəticə göstərmək mümkün olacaqmı?
- Yığma ilə bağlı nikbinəm. Əvvəla, yerli oyunçular yaxşı formadadılar. Legionerlərimiz də güclü çempionatlarda çıxış edirlər. Tyaqo Rusiya, Qallo İspaniya çempionatında oynayır. Bu birinciliklərin səviyyəsi isə hər kəsə bəllidi. Bundan başqa, əsas mərhələnin oyunları Bakıda keçiriləcək. Doğma azarkeşlər önündə qrup birincisi olmaqdan başqa çarə yoxdu. Yığmaya daha çox diqqət ayrılır. Bu il Latviya və Serbiyaya səfərlər, bu olkələrdəki toplanşlar çərçivəsində keçirilən yoldaşlıq görüşlərini qeyd edə bilərəm. DÇ-yə qədər daha iki toplanış olmalıdı. Biri Rusiyada təşkil olunacaq beynəlxalq turnir çərçivəsində baş tutacaq. Bir sözlə, oktyabra qədər tam hazır olacağıq.
MİRAĞA

Son xəbərlər

"Real” superkuboku başı üzərinə qaldırdı

Zaniolo "Tottenhem"ə keçmədi

Dadaşovun bərabərlik qolu - VİDEO

Renat Dadaşov komandasını məğlubiyyətdən xilas etdi

Baneqa La Liqa yolunda

Abakarov gümüş medal qazandı - KONYA-2021

"Sumqayıt"dan yeni transfer

"Növbəti mərhələyə adlasaq, hər cür söz verəcəm" - Laurentsiu Regekampf

İdmançılarımızdan daha iki medal - KONYA-2021

“Bizi çətin oyun gözləyir” - Yusuf Laval

“Bizi çətin oyun gözləyir” - Yusuf Laval

Güləşçilərimizdən 3 qızıl medal - KONYA-2021

"Neftçi" ilə oyun maraqlı olacaq" - Patrik Qrayl

"Neftçi"nin özünəməxsus oyun tərzi var" - "Rapid"in baş məşqçisi

Millimizdən 5-ci medal - KONYA-2021

"Neftçi"dən azarkeşlərə müraciət

"İnter"dən "Sassuolo"ya

"Nyukasl" "Çelsi"nin futbolçusunu istəyir

"Qəbələ"dən növbəti transfer

Mariya Stadnik finalda

Leyla Əliyeva güləşçilərimizin çıxışlarını izləyir

PSV-nin futbolçusu "Mançester Yunayted"ə keçə bilər

Hacı Əliyev gümüş medalı təmin etdi

Millimiz Əfqanıstana qalib gəldi

"Neftçi" səfər oyunlarında problem yaşayır" - "Rapid"in baş məşqçisi

"Heyətimizə əsasən gənclər dəvət olunub" - Millimizin üzvü

"Qarabağ" - "Viktoriya" matçının vaxtı açıqlandı

"Qarabağ"ın qələbəsində gözlənilməz heç nə yoxdu" - Yuri Syomin

FFF Qaltyenin PSJ ilə müqaviləsini tanımadı

İngiltərə premyer-liqasının ilk turunda qeydə alınan maraqlı faktlar

“Real”dan “Jirona”ya keçdi

Silva Barselonada ev axtarır

“Napoli” Ruisi də itirir

"Qarabağ"ın rəqibi pleyy-offa belə yüksəldi - VİDEO

Millimiz oynamadan qələbə qazandı - İslam Oyunları

Sahil Babayev boks millisinin üzvləri ilə görüşdü - FOTOLAR

"Misli" ilə PFL arasında müqavilə imzalandı

Kadi Borges bu göstəricidə birincidi - Çempionlar Liqası

“Ayntraxt”ın ilk, “Real”ın 8-ci cəhdi - YENİLƏNİR

"Daha çox "Ferentsvaroş"la oynamaq istəyirdim" - "Viktoriya"nın baş məşqçisi

"Qarabağ" bu göstəricilərlə ÇL-də birincidi - Statistika

"Belə tez dağılmamalı idik" - "Ferentsvaroş"un futbolçusu

"Neftçi" Avstriyaya yola düşdü

"Hələ Çempionlar Liqasında oynamağa hazır deyilik" - "Ferentsvaroş"un futbolçusu

"Qarabağ"ın qələbəsi Azərbaycanın xalını artırdı

Bütün xəbərlər