Sizin reklam burada

Slovaklar dünən axşam gəldi

Title
Slovaklar dünən axşam gəldi
AÇ-2020-nin seçmə mərhələsi çərçivəsində sabah yığmamızla qarşılaşacaq Slovakiya yığması dünən axşam Bakıya gəlib. Qonaq komanda bu gün ilk məşqə çıxacaq. Səfər ərəfəsində rəqib futbolçu Yuray Kuçka yerli federasiyanın rəsmi saytına açıqlama verib: "Azərbaycanla matçın çox çətin olacağını gözləyirəm. Bu rəqib bizə elə də tanış deyil. Həmçinin Bakıda çətin şərtlər altında oynayacağıq. Bu ölkənin iqlimi tam fərqlidi və buna uyğunlaşmalıyıq. Oyundan 2 gün əvvəl orda olmağımız bizə kömək edə bilər. Hava şəraitinə nə dərəcədə öyrəşməyimiz matça bilinəcək".
Kuçka millimizin Macarıstana məğlubiyyətinin onlar üçün üstünlük olmadığını düşünür: "Buna fikir verməməliyik. Məğlubiyyət onları silkələyə bilər. Bizimlə oyunda qol vurmağa çalışacaqlar. Macarlar kimi dueldən qalib ayrılmaq istəyiriksə, yüzfaizlik konsentrasiya ilə oynamalıyıq. Bakıdan 3 xalla qayıtmaq istəyirik".
Football-plus.az Məlumatlardan yararlandıqda istinad vacibdi. ✔ Məlumatlardan internet səhifələrində yararlanarkən müvafiq keçidin qoyulması vacibdi.