Ölkəmizi növbəti dəfə Çempionlar Liqasında (ÇL) təmsil edəcək "Qarabağ"ın bütün potensial rəqibi müəyyənləşib. Xəbər verdiyimiz kimi, 1-ci təsnifat mərhələsindən mübarizəyə qoşulacaq ağdamlılar “səpələnmişlər” səbətində yer alacaq.
ÇL-ə son vəsiqə qazananlardan "Pünik" siyasi səbəblərdən Azərbaycan çempionuna rəqib ola bilməz. Reytinq xalına görə qeyri-müəyyənlərdən olan "Suduva"nın da artıq “səpələnməmişlər” səbətində qərarlaşacağı dəqiqləşib. Beləliklə, Ermənistan çempionunu saymasaq, "Qarabağ"ın 15 potensial rəqibindən 14-nün adına aydınlıq gəlib. Onlara ilkin mərhələnin yeganə qalibi də qoşulacaq.
Ümumilikdə 1-ci mərhələdə 32 komanda mübarizə aparacaq.
Çempionlar Liqası, 1-ci təsnifat mərhələsi
“Səpələnmişlər”: "Seltik" (Şotlandiya), BATE (Belarus), "Astana" (Qazaxıstan), "Ludoqorets" (Bolqarıstan), "QARABAĞ" (Azərbaycan), "Maribor" (Sloveniya), "Srvena Zvezda" (Serbiya), "Şerif" (Moldova), "Rusenborq" (Norveç), HİK (Finlandiya), "Dundalk" (İrlandiya), "Düdelanj" (Lüksemburq), "Şkendiya" (Makedoniya), TNS (Uels), "Slovan" (Slovakiya), AIK (İsveç).
“Səpələnməmişlər”: "Suduva" (Litva), "Sarayevo" (Bosniya və Hersoqovina), "Valletta" (Malta), "Pyast" (Polşa), "Pünik" (Ermənistan), "ÇFR Kluj" (Rumıniya), "Ferentsvaroş" (Macarstan), "Nomme Kalyu" (Estoniya), "Sutyeska" (Monteneqro), "Partizani" (Albaniya), "Valyur" (İslandiya), "Linfild" (Şimali İrlandiya), "HB Torshavn" (Farer adaları), "Riqa" (Latviya), "Saburtalo" (Gürcüstan), ilkin mərhələnin qalibi.
İlkin mərhələ
“Səpələnmişlər”: “Linkoln” (Cəbəllütariq), “Santa Koloma” (Andorra)
Səpələnməmişlər: “Feronikeli” (Kosovo), San-Marino зempionu
Xatırladaq ki, Çempionlar Liqasının 1-2-ci təsnifat mərhələlərinin püşkü iyunun 18-də atılacaq.