Sizin reklam burada

“Qarabağ” “Neftçi” üçün heç nə qoymadı

Baxış Sayı:1 985

“Qarabağ” “Neftçi” üçün heç nə qoymadı
111. Neftçi (Bakı) – Qarabağ (Ağdam) 2:3 (2:1)
1. Səlahət Ağayev – 5,5
18. Tural Axundov – 5,5
(17. Rəhman Hacıyev, 86) – qiymətsiz
15. Ruslan Abışov (k) – 5,0
5. Anton Krivotsyuk – 5,0
3. Mamadu Mboc – 5,0
26. Ömər Buludov – 5,0
93. Soni Mustivar – 5,5
8. Emin Mahmudov – 6,0
9. Baqali Dabo – qiymətsiz
(7. Namiq Ələsgərov, 17) – 5,5
11. Vangelis Platellas – 6,5
16. Canluka Sansone – 5,5
(22. Mirabdulla Abbasov, 72) – 5,0
Ehtiyat oyunçular
30. Aqil Məmmədov
12. Kamran İbrahimov
4. Petru Raku
6. Qoran Paratski
21. Məhəmməd Mirzəbəyov
25. Kiril Petrov
33. Turan Vəlizadə
36. Mamadu Kane
70. Əli Şirinov
Baş məşqçi: Roberto Bordin
Komandanın ən yaxşısı: Vangelis Platellas

12. Şahruddin Məhəmmədəliyev - 6,0
77. Vild-Donald Gerye – 6,0
4. Rahil Məmmədov – 5,5
14. Rəşad Sadıqov (k) – 5,5
(55. Bədavi Hüseynov, 46) – 6,0
5. Maksim Medvedev – 5,5
8. Miçel – 5,0
(6. Simeon Slavçev, 75) – 5,0
2. Qara Qarayev – 5,5
(19. Filip Ozobiç, 66) – 5,0
17. Abdulla Zubir – 6,0
20. Riçard Almeyda – 6,0
10. Dani Kintana – 5,0
11. Mahir Mədətov – 6,5
Ehtiyat oyunçular
13. Vaqner da Silva
94. Nicat Mehbalıyev
7. İnnosent Emeqara
9. Araz Abdullayev
18. İsmayıl İbrahimli
21. Hacıağa Hacılı
30. Abbas Hüseynov
52. Yakub Jezniçak
99. Reynaldo
Baş məşqçi: Qurban Qurbanov
Komandanın ən yaxşısı: Mahir Mədətov
Qollar: M.Mədətov, 15 (0:1, V-D.Gerye). E.Mahmudov, 38-p. (1:1). C.Sansone, 40 (2:1, T.Axundov). M.Mədətov, 64 (2:2, R.Almeyda). R.Almeyda, 90 (2:3, D.Kintana).
Dabo 11-ci dəqiqədə penaltidən yararlana bilməyib (yan).
Vərəqələr: Q.Qarayev, 18 (qeyri-idman hərəkəti). C.Sansone, 21 (qeyri-idman hərəkəti). Miçel, 37 (hakimin qərarına etiraz). M.Mədətov, 42 (hakimin qərarına etiraz). R.Sadıqov, 42 (hakimin qərarına etiraz). R.Almeyda, 44 (qeyri-idman hərəkəti). Ö.Buludov, 48 (qeyri-idman hərəkəti). M.Medvedev, 52 (qeyri-idman hərəkəti). R.Abışov, 90+4 (qeyri-idman hərəkəti) – sarı.
Hakimlər: KAMAL UMUDLU, Rahil Ramazanov, Cavanşir Yusifov, Rauf Allahverdiyev (hamısı Bakı).
Hakim-inspektor: İmanxan Sultani (Bakı).
AFFA nümayəndəsi: Şaiq Həmidov (Bakı).
11 may. Bakı. Bakcell Arena. 5000 tamaşaçı (10260 yerlik).
Birinci hissəyə 2, ikinci hissəyə 4 dəqiqə əlavə olunub.
Oyunun qiyməti: 7,0.
27-ci turda bütün suallara aydınlıq gəldiyindən oyuna adi premyer-liqa qarşılaşması yox, nüfuz savaşı adı daha çox yaraşırdı. “Qarabağ” əbəs yerə çempion olmadığını sübut etməyə çalışmalıydısa, “Neftçi” isə cari mövsümdə növbəti dəfə bu rəqibinə məğlub olmamaqla bir növ küskün azarkeşlərin könlünü oxşamaq niyyəti güdürdü. Kifayət qədər maraqlı və gərgin alınan qarşılaşma mövsümə möhür vurmağı bacardı. Meydanda hər şey gördük: 5 qol, 2 penalti, 9 sarı vərəqə, qeydə alınmayan qol…
3 xalın əhəmiyyəti itmişdi deyə, prinsipial məqam Mahirlə Baqalinin mübarizəsiydi. Bombardirlik adı uğrunda mübarizə aparan cütlüyün hər ikisi ən yaxşı adına yiyələnmək istəyirdi ki, bunun üçün Dabonun əla fürsəti vardı. Di gəl ki, 11-ci dəqiqədə penalti vurmaq üçün topun başına keçən fransız futbolçu qeyri-dəqiq oynamaqla şansını boşa verdi və çox keçmədən aldığı zədəyə görə əvəzləndi. Bu, Mədətov üçün göydəndüşmə oldu. Ağdamlıların hücumçucu iki qol vurmaqla topların sayını 16-ya çatdırdı. Maraqlısı hər iki topu başla rəqib qapısından keçirməsiydi. Birinciyə görə Geryeyə, ikincidə isə Almeydaya təşəkkür etdi. Hesab 2:2 olarkən, yəni hər kəs oyunun növbəti dəfə bərabərə başa çatacağını düşündüyü an səhnəyə Riçard çıxdı. “Qarabağ”ın “düşünən beyni” solaxay zərbə ilə uzaq küncü dəqiq nişan aldı.
Çempionun qələbəsinə baxmayaraq, “Neftçi” özünü heç də pis tərəfdən göstərmədi. Meydan sahiblərinin istəkli olduqları ilk dəqiqələrdən görünürdü. Düzdü, Bordin yenə qorxaq taktikasından əl çəkməmiş, meydana 5 müdafiəçi buraxmaqla əks-hücum taktikası seçmişdi. Elə bu taktiki tapşırıqla da ilk yarıda hesabda geri olmalarına baxmayaraq, ardıcıl 2 qol vurmaqla rəqibə gözlənilməz şok yaşatmağı bacarmışdılar. Növbəti penalti zamanı “nöqtə”yə Emin yaxınlaşmış və asta vuruşla topu mərkəzə göndərib hesabı bərabərləşdirmiş, 2 dəqiqə sonra dünən 32 yaşını tamamlayan Sansone Axundovun asmasına başla dəqiq toxunmuşdu.
Lakin ilk hissədəki üstünlüyü sona qədər qoruya bilmədilər. “Qarabağ” təzyiqi artıran kimi “Neftçi”lilər yükün altından çıxmaqda çətinlik çəkincə, Səlahət iki dəfə topu tordan çıxarmalı oldu. Bu fakt növbəti dəfə Bordinin legioner adını doğrultmağı bacaran məşqçi olmadığını göstərdi. Komandası hesabda öndə olduğu halda yekunda meydanı məğlub tərk edirsə, italyanın öyrənəcəyi çox şey var. İstənilən halda, ağdamlılar “Bakcell Arena”dakı matçı da qələbəylə başa vurub əbəs yerə çempion olmadıqlarını ortaya qoydular. Mahir isə Dabonu üstələdi ki, bununla da bakılıların heç olmasa, bombardirlik yarışında ağdamlıları üstələmək sevdası baş tutmadı.
HƏBİB

Oxşar xəbərlər
SON XƏBƏRLƏR