İran futbol çempionatında 27-ci turun oyunları keçirilib. Hesabat turunu Təbriz klubları üçün uğurlu saya bilmərik. Belə ki, səfərdə “Zobahan”la münasibətləri aydınlaşdıran “Traktorsazi” meydandan məğlub ayrılıb - 0:2. Bu, Təbrizin iddialı təmsilçisinin ardıcıl üçüncü yenilgisi olub. “Maşınsazi” isə “Saypa” ilə dogma meydanda qarşılaşıb. 90 dəqiqə qolsuz başa çatıb. “Traktorazi” hazırda 49 xalla 16 iştirakçı arasında 4-cü, “Maşinsazi” isə 28 xalla 12-ci pillədə qərarlaşıb.
“Traktorsazi” mayın 1-də 56 xalla turnir cədvəlinə başçılıq edən “Persepolis”i qəbul edəcək. Mükafatçılar arasına düşmək baxımından həmin oyunda qələbə təbrizlilər üçün çox vacibdi.