Sizin reklam burada

U-13 liqasının qalibləri mükafatlandırıldı

Title
U-13 liqasının qalibləri mükafatlandırıldı
AFFA-nın təşkil etdiyi U-13 qızlar liqasında mövsümə yekun vurulub. Abşeron Olimpiya Kompleksində keçirilən 3-cü yer və final oyunlarından sonra mükafatçılar məlum olub. Finalda rəqibini iki cavabsız qolla məğlub edən Bakının 8 saylı İOEUGİM komandası liqanın qalibi adını qazanıb. “Amasiya” (Bakı) ikinci, "Neftçi" (Bakı) üçüncü yeri tutub. Final oyunundan sonra mükafatlandırma mərasimi təşkil olunub. Mükafatları AFFA-nın Məşqçilər Komitəsinin üzvü, veteran futbolçu Yaşar Vahabzadə, yığmanın sabiq üzvü Zaur Ramazanov və AFFA-nın Qadın Liqaları şöbəsinin rəhbəri Emin Cəfərov təqdim ediblər. Liqanın bombardiri rəqib qapılarından 70 qol keçirən Günay Azayeva (“Babadağ”, İsmayıllı) olub. Ramilə Süleymanova (Neftçi) ən yaxşı qapıçı, Mələk Hacıyeva (8 saylı İOEUGİM) ən yaxşı oyunçu seçilib. "Feyr-pley" mükafatı isə “Amasiya”nın üzvü Aytac Mirzəyevaya təqdim olunub.
Football-plus.az Məlumatlardan yararlandıqda istinad vacibdi. ✔ Məlumatlardan internet səhifələrində yararlanarkən müvafiq keçidin qoyulması vacibdi.