Sizin reklam burada

Fariz Nəcəfov “Zirə”ylə oyundan sonranı nişan verdi

Müəllif: football Tarix: 17-04-2019, 16:32 535 Baxış
Fariz Nəcəfov “Zirə”ylə oyundan sonranı nişan verdi
“Özümüz də gözləmə mövqeyindəyik”
13 il “Qəbələ”yə rəhbərlik etmiş Tale Heydərovun ötən həftə istefa verməsi kifayət qədər təəccübə və narahatlığa səbəb oldu. Tale bəyin klubdan ayrılmasının kökündə nələrin dayandığını özündən və ətrafındakılardan yaxşı bilən olmaz. Sizə bu yöndə dəqiq məlumat çatdırmaq üçün cəhdlərdə bulunsaq da, hələ ki səhih bilgi ala bilməmişik. Ötən ilin mayında baş tutan kubokun finalındakı uğursuzluğa görədisə, məntiqlə çoxdan getməliydi. Həmin oyundan sonra, ən pis halda yayda. Lakin məsələ 1 ilə qədər uzanıbsa, deməli, bilmədiyimiz nələrsə var.
İndi gündəmin sualı budu: “Qəbələ”nin yeni başqanı kim olacaq? Müxtəlif fərziyələr irəli sürülsə də, ortada heç nə yoxdu. Bir məqam dəqiqdi ki, bölgə təmsilçisi tarixin yaddaşına qovuşmayacaq. Növbəti mövsümdə qapazaltı olacağı da inandırıcı görünmür. İmkanlı biri prezident səlahiyyətlərinə sahib olacaq ki, Qəbələdəki akademiya və meydanlar sıradan çıxmasın.
Məsələylə bağlı klub rəsmiləri ilə danışmaq müşkülə çevrilib. Zaur Əzizov, Səbuhi Səfiyarlı, Səməd Nəsibov kimi rəsmilər konkret fikir bildirməkdə çətinlik çəkirlər. Belədə klubun vitse-prezidenti, başqa cür desək, əsas söz sahiblərindən biri olan Fariz Nəcəfovla danışmaq zərurəti yaranmışdı. “Keşlə” – “Qəbələ” qarşılaşmasından öncə tribunada rastlaşdığım Fariz bəylə əl sıxıb görüşəndən sonra suallara cavab tapmağım üçün müsahibə verməsini xahiş etsəm də, razılaşmadı. Bunu isə dəqiq bilgiyə sahib olmaması ilə əlaqələndirdi: “Sizi inandırım, hələ heç nə bilmirik. Səmimiyyətimə inanırsız, nəsə olsaydı, sizdən gizlətməzdim. Özümüz də gözləmə mövqeyindəyik. Bir az səbirli olaq. Müsahibəni “Zirə”ylə oyundan sonraya saxlayaq”.
HƏBİB
SON XƏBƏRLƏR