Aprelin 8-i və 9-da Bakıda, ayın 10-dan 12-dək Latviyada, 13-dən 17-dək isə Serbiyada təlim-məşq toplanışında olacaq futzal yığmamızın heyəti açıqlanıb. Joze Alesio da Silva toplanış çərçivəsində aprelin 11-i və 12-də Latviyaya, 15-i və 16-da isə Serbiyaya qarşı keçiriləcək yoldaşlıq görüşlərinə 14 futzalçı cəlb edəcək. Braziliyalı mütəxəssis paralel olaraq rəhbərlik etdiyi “Araz”ın 5, həmçinin “Ekol”un 4, “Neftçi”nin 1 üzvünə dəvət göndərib. Yeri gəlmişkən, Vitali Borisov uzun fasilədən sonra milliyə dönəcək. Bundan başqa, səfərdəki 4 oyuna “milliləşdirilmiş” braziliyalı legionerlər də çağırılıb: Rövşən Hüseynli, Rizvan Fərzəliyev, Xətai Bağırov, Oktay Rüstəmli, Nihad İsmayılov (hamısı “Araz”), Emin Kürdov, Fərid Atakişiyev, Namiq Məmmədkərimov, Samir Həmzəyev (hamısı “Ekol”), Vitali Borisov (Neftçi), Conatan Luis (“Jetısu”, Qazaxıstan), Tyaqo Teles (“Norilski Nikel”, Rusiya), Everton Kardoso (“Levante”, İspaniya), Fineo De Araujo (“İPC Pelindo”, İndoneziya).
