Dünən Rusiya premier-liqasında 21-ci tura start verilib. Turun açılış matçında Ramil Şeydayevin şərəfini qoruduğu "Krılya Sovetov" doğma meydanda "Arsenal"la münasibətləri aydınlaşdırıb. Luka Corceviçin 66-cı dəqiqədə vurduğu qol qonaqlara qələbə qazandırıb. Şeydayev 73-cü dəqiqədə meydana çıxıb. Ardıcıl son 3 oyun da fərqlənən yığmamızın forvardı komandasını məğlubiyyətdən xilas edə bilməyib. "Krılya Sovetov" hazırda 24 xalla 11-ci pillədə qərarlaşıb.