Sizin reklam burada

U-19-un rəqibi əvvəl qalib gəldi, sonra uduzdu

Baxış Sayı:320

U-19-un rəqibi əvvəl qalib gəldi, sonra uduzdu
19 yaşadək futzalçılarda ibarət yığma Avropa çempionatının əsas mərhələsinə hazırlığı davam etdirir. Qeyd edək ki, martın 16-da bir araya gələn və ayın 25-də Bakını tərk edərək Sloveniyaya yollanacaq yığma qitə birinciliyinə 14 nəfərlik heyətlə hazırlaşır. Ağatahir Əzimov AÇ-yə Vladislav Reznov, Niyaz Əhmədov, İqbal Pənahov, Tofiq Hüseynov, Turan Əhmədov, Rauf Rüstəmov, Nurlan Mehdizadə, Hüseyn Qarayev, Kənan Əsədli, Ceyhun Nuriyev, Nicat Quluzadə, Rafael Mütəllimov, Fuad Məmmədzadə və Hüseyn Abutalıbovla yollanacaq.
Bu arada qrup oyunlarına evsahibliyi edəcək Sloveniya yoldaşlıq görüşü keçirib. Yığmamızın rəqibinin Serbiyanın müvafiq yaş qrupundan ibarət komandası ilə oyunları martın 16-sı və 17-də baş tutub. İlk görüş “Roqatek” zalında gerçəkləşib və sloveniyalılar 6:0 hesablı darmadağına imza atıblar. Yığmamızın rəqibinin heyətində Timotey Debelyak (2), Matey Ahçin (2), Patrik Osredkar və Tilen Qayser fərqləniblər. Bazar günü isə oyun qitə çempionatına evsahibliyi edəcək “Podçetrtek” arenasında olub. Sloveniya bu dəfə meydanı məğlub tərk edib – 4:8. Hesabı sloveniyalılar açsa da, fasiləyə qədər qapısında 5 qol görüblər. İkinci yarının əvvəlində daha iki top buraxan meydan sahibləri yalnız 1:7-dən sonra ayılıb və ardıcıl 3 qol vurublar. Bununla belə, matçda son nöqtəni məhz serblər qoyub. İkinci oyunda Sloveniyanın heyətində Qayser (2), Marko Byelçeviç və Vanç Floryançiç adını tabloya yazdırıb.
Baş məşqçi Serbiya ilə oyunlarda bu futzalçılara güvənib: Maks Vesel, Yure Vetrih, Matey Ahçin, Vanç Floryançiç, Marko Mohoriç, Timotey Debelyak, Marko Byelçeviç, Tilen Qayser, Maks Vidmar, Maks Rotar, Tod Ciyha, Patrik Osredkar və Vid Kosa. Rəqibin heyətində 3 oyunçunun - Ceremi Bukoveç, Matiç Qoznik və Maks Veselanın zədəli olduğunu da bildirək.
Xatırladaq ki, yığmamız ilk oyununu martın 27-də keçirəcək. U-19 saat 22.45-də Cənubi Kiprlə qarşılaşacaq. Komandamız ertəsi gün Hollandiyadan olan həmyaşıdları ilə gücünü sınayacaq. Bu duel saat 19.30-da baş tutacaq. Qrup mərhələsinin son oyunu martın 30-da keçiriləcək. U-19 bu dəfə Sloveniya millisi ilə münasibətləri aydınlaşdıracaq. Oyun saat 21.00-da başlayacaq.
MİRAĞA

Oxşar xəbərlər
SON XƏBƏRLƏR