24 mar 13:18yigma, manset

Almanlar “Hilton”da məskunlaşacaq

Almanlar “Hilton”da məskunlaşacaq
Löv Prosineçkinin qabaqlayacaq

Yığmanı martın 26-da çox çətin sınaq gözləyir. Belə ki, Robert Prosineçkinin yetirmələri DÇ-2018-in seçmə mərhələsi çərçivəsində Almaniya ilə qarşılaşacaq. Tofiq Bəhramov adına Respublika stadionunda keçiriləcək oyun saat 20.00-da start götürəcək. Hazırda yığma “Dalğa Arena”da məşq edir. Dünən əldə etdiyimiz məlumata görə, artıq 23 mindən çox bilet satılıb.

Açıq məşq və mətbuat konfransları
Hər iki komandanın açıq məşqi və baş məşqçilərin mətbuat konfransı sabah matçın keçirıləcəyi Respublika stadionunda gerçəkləşəcək. Almaniyanın çalışdırıcısı Yoahim Löv saat 17.00-da jurnalistlər önünə çıxacaq, qonaqların məşqi bundan 45 dəqiqə sonra başlayacaq. Robert Prosineçkinin mətbuat konfransı 19.30-da start götürəcək, komandanın hazırlığının isə 20.00-da başlaması planlaşdırılıb. Qeyd edək ki, hər iki məşqin ilk 15 dəqiqəsi media nümayəndələri üçün açıq olacaq.

Almanlar “Hilton”u seçdi
Qonaq komanda bu gün ölkəmizə təşrif buyuracaq. Bundestimi Bakıya gətirən təyyarə saat 22.25-də hava limanına enəcək. Dünya çempionları “Hilton” otelində məskunlaşacaq. Alman azarkeşlərin sabah gələcəyini də qeyd edək.

Hər iki heyətdə zədəlilər var
Hər iki komandanın heyətində itkilər var. Namiq Ələsgərovla Ruslan Abışov zədəli olduğundan Almaniya ilə matçda iştirak edə bilməyəcək. Həmçinin Kamran Ağayevin də bu cür probleminin olduğu deyilir. Ancaq çox güman, qolkiper dünya çempionlarına qarşı oyunda “çərçivə”ni qoruyacaq. Bundestimə gəlincə, Marko Roysla Mario Götzenin adı, ümumiyyətlə, siyahıda yox idisə, Manuel Noyer zədələndiyinə görə Bakıya gəlməyəcək. Onun yoxluğunda Löv PSJ-nin qapıçısı Kevin Trappı düşərgəyə çağıırıb. Ancaq böyük ehtimalla, Bakıdakı görüşdə almanların start heyətində Mark-Andre ter Ştegeni görəcəyik. Elə İngiltərə ilə yoxlama matçında (1:0) olduğu kimi. Bundan başqa, bundestimin debütantı Timo Verner də ölkəmizə gətirilməyəcək. İngilislərlə oyunun 77-ci dəqiqəsində əvəzlənən gənc forvardın yığmamızla görüşdə forma geymək arzusu gerçəkləşməyəcək. Həmçinin daha 4 oyunçunun - Məsut Özil, Yuliyan Draksler, Mario Qomes və Sami Xediranın zədə problemi var. Ancaq Löv açıqlamasında bu futbolçuları Bakıya gətirəcəyini bildirib. Bununla belə, onların yığmaya qarşı oyunda forma geyməsi sual altındadı.

Oyun italiyalı hakimlərə tapşırıldı
Bundestimlə oyunu İtaliyadan olan hakimlər briqadası idarə edəcək. Matçda əsas söz sahibi Daniele Orsato olacaq. Ona Mauro Tonolini və Rikardo Di Fyore kömək edəcək. Dördüncü hakim funksiyasını isə Marko Quida yerinə yetirəcək. Oyunun UEFA nümyaəndəsi moldovalı Adrian İksari, hakim-inspektoru isə bizə yaxşı tanılş olan rusiyalı Aleksey Spirindi. Orsatonun 41 yaşı var, indiyədək 50 beynəlxalq oyun idarə edib. Bu matçlarda ümumilikdə 180 sarı, 14 qırmızı vərəqə göstərib, 16 dəfə penalti təyin edib. 2010-da FİFA hakimi olan Orsatonun debütü həmin il İrəvanda reallaşıb. O, AÇ-2012-nin seçmə mərhələsi çərçivəsində Ermənistan - Slovakiya matçını idarə edib. İtaliyalı sonuncu dəfə 10 gün öncə ÇL-in 1/8 final mərhələsində iş başında olub. Bu, "Lester"lə "Sevilya" arasında İngiltərədə meydan sahiblərinin 2:0 hesabı ilə qalib gəldiyi cavab qarşılaşmasıdı. Təcrübəli FİFA referisi ilk dəfə Azərbaycan və Almaniyanın rəsmi matçlarında baş hakimlik edəcək. Ədalət təmsilçisi indiyədək nəinki millimizin, klublarımızın da oyunlarını idarə etməyib. Orsatonun 2010-cu ildən başlayan beynəlxalq karyerasında almanlarla yolu 2 dəfə kəsişib. Bunlardan biri elə 2011-ci il sentyabrın 6-da Almaniyanın Polşa ilə səfərdəki yoldaşlıq görüşü olub. Qdanskda keçirilən qarşılaşma 2:2 hesabı ilə nəticələnib. İtalyan referi bu oyunda 3 sarı vərəqə göstərib ki, bunlardan ikisi bundestimə qismət olub. O, qırmızı vərəqədən də istifadə etməli olub ki, polşalılar azlıqda qalıb. Referi həmin matçda 2 penalti də təyin edib, özü də hər iki tərəfi cəzalandırıb. Orsato ÇL-in cari mövsümündə Almaniyada iş başında olub. Maraqlıdı ki, ötən il sentyabrın 14-də keçirilən "Bayer-04" - ÇSKA (Moskva) matçı da 2:2 bitib. Ədalət təmsilçisi oyunda hər 2 sarı vərəqəni almanlara göstərib.

Renat Dadaşov: “Ürəyim Azərbaycanla döyünür”
İlk dəfə Prosineçkidən dəvət alan Renat Dadaşov Almaniya mətbuatına açıqlama verib. “Ayntraxt"ın hücumçusu yığmamıza dəvətdən danışıb. O, millini seçməsini belə izah edib: “Mən bu haqda bir çox insanla söhbət etdim. Uzun müzakirələr apardım, çox düşündüm. Valideynlərim mənim məsləhətçilərimdi. Onlar seçimimə çox dəstək oldular. Düzdü, bəzən daha çox fikirləşmək lazımdı. Amma milli seçimində ürəyinizin səsini dinləyin. Mən də belə edərək Azərbaycanı seçdim. Almaniyada uğurlarımda əməyi olan “Leyptsiq” və “Ayntraxt”dakı məşqçilərimə təşəkkür edirəm. Onlara sevgim həmişə olacaq. Bakıya ilk dəfə tək gəlirəm. Bu, mənim üçün yenilikdi. Bircə onu deyə bilərəm ki, vətənimə gələndə çox sevindim. Bakı əla şəhərdi”. Renat “CBC Sport”a açıqlamasında isə bunları deyib: “Hamı məndən Azərbaycan millisini seçməyimin səbəbini soruşur. Azərbaycan mənim vətənimdi, valideyinlərim burda doğulub, ürəyim Azərbaycanla döyünür. Düzgün qərar verdiyimi düşünürəm... Almaniya ilə görüşdə öz oyunumuzu göstərsək, yaxşı nəticə əldə edə bilərik. 90 dəqiqə ərzində bütün bacarığımızı ortaya qoyacağıq. Nəticəni isə zaman göstərəcək”.

Azərbaycan: 8 sürprizdən biri
Rusiya mətbuatı DÇ-2018-in seçmə mərhələsində sürpriz edə biləcək komandaların siyahısını dərc edib. Həmin yığmalar arasında Azərbaycan da var. Qonşu ölkədəki həmkarlarımız gələn il Rusiyada keçiriləcək mundialın sürpriz iştirakçılarla zəngin ola biləcəyini istisna etməyiblər. Final mərhələsinə yollanacağı güman olunan 8 sürpriz komanda Azərbaycanla yanaşı, Bolqarıstan, Monteneqro, Səudiyyə Ərəbistanı, Burkina-Faso, Ekvador, Panama və seçmə mərhələdəki rəqibimiz olan Şimali İrlandiyadı. Ruslar qrupda əsas rəqibimizin britaniyalılar olduğunu düşünür. Hətta bu rəqibdən fərqli, Almaniya ilə ehtiyatda iki oyunumuzun olmasını yığmamız üçün müsbət hal sayırlar. Prosineçkinin yetirmələrinin digər üstünlüyü isə Şimali İrlandiyanı Bakıda qəbul edəcəyi və evdə daha çox oyun keçirəcəyidi.
FARİZ
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 22:07 “Bayıl Arena”da Əliyar Ağayevin də səhvi olub Dünən, 22:05 Stuxlik Xaqani Məmmədovun otağında oturur Dünən, 22:04 Emin Ağayev yığmada potensial görür Dünən, 22:02 “CBC Sport” DÇ-ni yayınlamaq istəyir Dünən, 22:01 Cüdo yığmamızda məcburi dəyişiklik Dünən, 22:00 Dünya çempionatının püşkü atıldı Dünən, 21:56 “1982-ci il” ilə Lissabona 7 saatlıq səfər Dünən, 21:54 Uğurun bünövrəsi Lissabonda qoyulsun! Dünən, 21:52 "Arsenal"la oyunun biletləri satışda Dünən, 21:24 Vaqner "Qarabağ"ı portəgizlərə təriflədi Dünən, 21:22 Qurban Qurbanov: “Rəşad oynamayacaq, Miçelin meydana çıxıb-çıxmayacağı sabah bilinəcək” Dünən, 21:04 Alesio yığmanın heyətini açıqladı Dünən, 21:03 “Xəzər Cənub” qalmaqal yaratdı, klubun rəhbəri Zaur Axundovdan üzr istədi Dünən, 21:00 Mundialda üzümüzü kim(lər) güldürəcək? Dünən, 20:58 Məmmədyarova “qaralar”la xal qazana bilmir Dünən, 20:55 Sənan Qurbanov “Qəbələ”nin problemlərini açıqladı Dünən, 20:53 “Kəpəz” ilk qol və ilk xal axtarışında Dünən, 20:52 Anar Salmanovun reaksiyası gecikmədi Dünən, 20:51 Azarkeşlər ÇL oyunları zamanı çətinliklə üzləşir Dünən, 00:29 Almaniyada Ömər Paşayevin səhhətində ciddi problem aşkarlanmayıb Dünən, 00:27 Heç bir klub mətbuat katibinə protokol doldurmağı tapşırmır Dünən, 00:26 Xaqani Məmmədovun düşmənləri sosial şəbəkədə “at oynadır” Dünən, 00:23 Voleybolçular dünya çempionatına inamlı yollanır Dünən, 00:21 Alesio yığmanın heyətini bu gün açıqlayacaq Dünən, 00:19 “Sportinq” qrup mübarizəsinə uğursuz başlayır Dünən, 00:05 Turun oyunçusu Dünən, 00:04 TURUN SİTATI Dünən, 00:02 Məhsuldarlıq rekord vurdu Dünən, 00:01 Turun statistikası 19-09-2018, 23:59 TURUN MƏŞQÇİSİ 19-09-2018, 23:58 Turdan məqamlar 19-09-2018, 23:56 16 medalın izi ilə... 19-09-2018, 23:54 Xala və qola həsrət “Kəpəz”in baş məşqçisi məmnundu 19-09-2018, 23:53 İntizam Komitəsi “Zirə”yə texniki məğlubiyyət verdi 19-09-2018, 23:51 HAKİMLƏRİN MÜHAKİMƏSİ 18-09-2018, 22:14 Stuxlik qovulanları başına topladı 18-09-2018, 22:13 Sabiqlər Stuxliklə görüşə dəvət olundu, Tahir Süleymanov AFFA-nın təklifini geri çevirdi 18-09-2018, 22:12 Əliyar Ağayev “Latsio” – “Apollon” oyununda 18-09-2018, 22:10 “Sportinq” kubok mübarizəsinə qələbə ilə başladı 18-09-2018, 22:08 UEFA “Sportinq”i cəzalandırdı 18-09-2018, 22:07 Leteksiye “Qarabağ”ın oyununda qrupda debüt edəcək 18-09-2018, 22:07 “Qarabağ” bu gün yola düşür: 7 saatlıq uçuş 18-09-2018, 22:05 “Traktorsazi” dayandı, “Maşınsazi” davam edir 18-09-2018, 21:48 Samir Abasovun əziyyəti hədər getdi 18-09-2018, 21:45 Rüfət Dadaşov Almaniyada növbəti qolunu vurdu 18-09-2018, 21:44 Qriqorçuk “Astana”ya qayıdacaq 18-09-2018, 21:43 Volkan Üst infarkt keçirib 18-09-2018, 21:42 “Keşlə” Bosançiçi göndərdi 18-09-2018, 21:40 Rahid formada olmadığını etiraf etdi 18-09-2018, 21:37 Bayılda qarşılıqlı qollar 18-09-2018, 21:16 Deviç vurur, “Sabah” udur 18-09-2018, 21:13 “Zirə”yə texniki məğlubiyyət veriləcək 18-09-2018, 21:12 “Neftçi” “yuva”ya qayıdışını qələbəylə qeyd etdi 18-09-2018, 21:10 Startda “sülh” olmadı 18-09-2018, 21:08 Təyinatlar açıqlandı 14-09-2018, 23:16 “Uşaq vaxtı Kasorlayla bir yerdə oynamışam” 14-09-2018, 23:04 Dünya çempionatı üçün rekord mükafat fondu Bütün xəbərlər
Ən çox oxunanlar