09 fev 14:03yigma

Ağatahir Əzimov şikayətlənsə də, nikbindi

Ağatahir Əzimov şikayətlənsə də, nikbindi
“Böyük yol qət etmişik”
Xəbər verdiyimiz kimi, 19 yaşadək futzalçılardan ibarət yığma fevralın 13-dən 21-dək Bakıda təlim-məşq toplanışı keçirəcək. Avropa çempionatının əsas mərhələsinə hazırlaşan Ağatahir Əzimovun komandası hazırlıq çərçivəsində iki yoldaşlıq görüşündə qüvvəsini sınayacaq. Yeniyetmələr fevralın 19-u və 21-də Türkiyənin müvafiq yaş qrupundan ibarət komandası ilə münasibətləri aydınlaşdıracaq. Hər iki oyun Bakı İdman Sarayında keçiriləcək və saat 18.00-da start götürəcək. Qardaş ölkə təmsilçisi Bakıya fevralın 18-də gələcək. Paytaxtımızda qalacağı 4-5 gün ərzində qonaqlar “Bayıl Arena”da məskunlaşacaq. Yığmamızın üzvləri üçün isə AFFA Mərdəkandakı Futbol Mərkəzini ayırıb.
Hazırlıq ərəfəsində U-19-un baş məşqçisi Ağatahir Əzimovla danışmağı lazım bildik. Hər halda, gənc çalışdırıcıdan soruşulası bir neçə məqam var idi.
- İlk növbədə toplanışa dəvət alan namizədlərlə bağlı fikrinizi bilmək istərdik. 15 nəfərlik heyətin əsasən “Keşlə”nin üzvlərindən formalaşması diqqəti çəkməyə bilməz.
- Çox çətin şərtlər altında komanda formalaşdırırıq. Bizdə əvvəl U-17 olub, o komanda bu qədər çətinliklə üzləşməyib. U-19 elə yaş qrupudu ki, götürə biləcəyimiz oyunçuların əksəriyyətinin başı əsgərlik probleminə qarışır. Nisbətən səviyyəlilər isə böyük futbolu atıb futzala gəlmir. Olanları da klubları buraxmır. Nə qədər ki, bizdə ayrıca futzal məktəbləri, yüksək liqa klublarının aşağı yaş qrupları yoxdu, belə olacaq. Məcbur qalıram, hər dəfə Zaur Axundova müraciət edirəm. Keçən dəfə vəziyyət barədə məruzə edəndə dedi ki “gəl, “Keşlə”dən seç, apar”. Əsas millimizin baş məşqçisi Joze Alesio da Silva ilə gedib baxdıq və 3-4 yeniyetməni bəyəndik. İndi onların sayı 6-ya çatır. Ceyhun Nuriyev, Kənan Əsədli, Nicat Quluzadə, Tofiq Hüseynov, Rauf Rüstəmov və Turan Əhmədov “Keşlə”nin üzvləridi. Turan sırf təsadüf nəticəsində bizə gəlmişdi, sonradan “Neftçi”yə keçmək variantı yaransa da, transferi baş tutmadı və “Keşlə”yə yollandı. Tofiq, Kənan və Rauf əvvəllər futzal üzrə U-17-də çıxış ediblər. Mən də onları əvvəlki toplanışlara cəlb edirdim. Ceyhun Nuriyev isə “Keşlə”nin əvəzedicilərində çıxış edir. Dəvət etdiklərimin 8-i birinci liqada çıxış edən uşaqlardı. Niyaz Əhmədov, İqbal Pənahov, Nurlan Mehdizadə, Hüseyn Qarayev, Sabir Həsənov, Rafael Mütəllimov, Fuad Məmmədzadə, Hüseyn Abutalıbov neçə vaxtdı bizimlədi. Bundan başqa, “Araz”da çıxış edən qapıçı Vladislav Reznov da yığma üzvüdü.
- Təbii ki, qarşıdakı toplanışdan sonra yığmanın AÇ-yə nə dərəcədə hazır olduğunu biləcəyik. Amma birinci liqada çıxış edən U-19-un nəticələrinə əsasən ümidliyik.
- Əsas çətinliyi arxada qoymuşuq. Artıq neçə aydı məşq edirik, çempionatda oynayırıq. Belə deyim də, indi-indi komandaya oxşayırıq, nəticələrimiz də yaxşılaşır. Çempionatda 4-cü yerdəyik, hətta mükafatçılar sırasına da düşə bilərik. Ancaq məni daha çox oyunçuların təcrübə qazanması sevindirir. Böyük yol qət etmişik. İlk günlər gözümün qabağına gəlir. Bu uşaqların əksəriyyəti top qəbulunu, ötürmə verməyi belə bacarmırdı. Böyük futbolda topu ayağın içi ilə qəbul edirsən, elə də ötürmə verirsən. Top daha yüngül olduğuna görə zəif ötürmə də ünvanına çatır. Ancaq futzalda topu ayağın altı ilə saxlamaq lazım gəlir. Ötürməni də gərək bərk verəsən. Bu detalları başa salmaq üçün nə qədər vaxt və enerji sərf edirdik. Hələ mən oyun qaydalarının, taktikanın mənimsənilməsini demirəm. Bu hələ də görmək istədiyim komanda deyil. Seleksiya imkanım geniş, sərəncamımda keyfiyyətli uşaqlar olsaydı, daha güclü yığma formalaşdıra bilərdim. Belə də pis deyil, 4-5 ayın komandası üçün normal oyun sərgiləyirik.
- Niyə məhz Türkiyə ilə oynamağa üstünlük verildi? Ümumiyyətlə, bu qarşılaşmalar və toplanış yığmaya nə verəcək?
- Çox şey! İlk növbədə onu qeyd edim ki, komandamda yüksəliş noyabrda Gürcüstana gedib-gələndən sonra baş verdi. Halbuki bu, toplanış deyildi. Sadəcə, iki gün əvvəldən yığışdıq, gedib iki oyun keçirib gəldik. Amma qısa müddət olsa da, bir yerdə olmağımız çox yaxşı oldu. Ümumiyyətlə, uşaqlar komanda şəklində səfərdə olmamışdılar. Bu üzdən yolda, düşərgədə özlərini aparmağın qaydasını bilmirdilər, belə desəm, “bardak” idi. İntizamı qaydaya saldıq. Bundan başqa, ilk beynəlxalq oyunlar olduğu üçün komanda yaxşı təcrübə qazandı. Budəfəki toplanış ikiqat faydalı olacaq. Hardasa 10 gün bir arada olmaq, bilirsiz, nə deməkdi? Müəyyən çatışmazlıqlar var, onları qaydaya salacam, bizi qarşıda necə çətin və məsuliyyətli sınaq gözlədiyini anladacam. Türkiyə ilə keçirəcəyimiz iki oyunda özünəinam qazandırmağa çalışacam. Bir sözlə, AÇ üçün çox faydalı hazırlıq olacağını düşünürəm. O ki qaldı rəqibin səviyyəsinə, düzdü, hələ mənim vaxtımda Türkiyə ilə əsas yığmalar səviyyəsində bir neçə dəfə qarşılaşmışıq və hər dəfə onları üstələmişik. Ancaq U-19 komandalarının güclü olduğunu güman edirəm. Yeniyetmə və gənc yaşda istək və fiziki hazırlıq daha ön planda olur. Görünür, bu keyfiyyətlər onlarda var. Hər halda, bir müddət əvvəl Hollandiya ilə yoldaşlıq görüşündə qarşılaşıblar və qalib gəliblər. Deməli, bizi sıradan rəqib gözləmir. Qeyd etdiyim kimi, Hollandiya Türkiyə ilə yoxlama oyunu keçirib və 1:3 uduzub. Bu baxımdan onlarla oynadıqdan sonra nələrisə biləcəyik. Səviyyəmizi öyrənəcəyik.
- Bu yaxınlarda U-19-un qrupdakı sonuncu rəqibi də müəyyənləşdi. Sloveniya və Hollandiya ilə yanaşı, Cənubi Kiprlə də mübarizə aparmaq lazım gələcək. Bu rəqib haqda nə bilirsiz?
- Ətraflı bilgiyə sahib deyiləm. Amma informasiya toplamağa çalışıram. Bu yarışda rəqibin adına baxıb fikir yürütmək, ciddiyə almamaq olmaz. Bəli, əsas yığma üçün Hollandiya, Sloveniya və Cənubi Kipr uğurlu püşk sayıla bilər. Ancaq U-19-lar səviyyəsində onların hər biri “sirli qutu”du. Elə özümüzdən nümunə götürək, əsas yığmamızın qazandığı nəticələr hesabına dünya reytinqində 11-ci yerdəyik. Amma futzal məktəbimiz varmı? Yoxdu! Yeni-yeni başlayırıq. Hollandiyanın güclü yığması və klubu olmasa da, futzal ənənələri var. Hollandiya ilə müqayisədə Sloveniyadan daha çox çəkinirəm. Balkanlarda ortabab səviyyədə olsa da, məktəb olub və bu gün də var. Düzdü, İtaliya, İspaniya, Portuqaliya, Rusiya səviyyəsində deyil, amma məktəb var. Həm də qrupumuzun oyunları Sloveniyada keçiriləcək. Çalışacağıq ki, növbəti mərhələyə adlamaq üçün bütün rəqiblərimizi üstələyək. Axı final mərhələsinə bir komanda gedəcək.
MİRAĞA
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 19:33 Liderlər üçün asan gəzinti Dünən, 19:32 “Kəpəz”in yubileyinə aid film təqdim olundu Dünən, 19:30 Mitreski “Neftçi”dəki ən yaddaqalan oyununu xatırladı Dünən, 19:28 Zaqreb sınağı: bir ay əvvəlin düşüncələri Dünən, 19:27 Ramil Şeydayev Yurçeviçi tanımır Dünən, 19:25 “El Klasiko” “İdman Azərbaycan”da Dünən, 19:17 Riad Rəfiyev yeni transferləri yararsız saymır Dünən, 19:15 “Sumqayıt” rəhbərliyi məşqçilərlə görüş keçirəcək Dünən, 19:12 Elvin Məmmədov “qara zolaq”dan çıxmaq üçün bir qələbənin kifayət edəcəyini düşünür Dünən, 19:09 Sərxan Hacıyev Budapeştdədi Dünən, 19:07 “İspan mətbəxinə öyrəşmək asan olmadı və 4-5 futbolçumuz xəstələndi” Dünən, 19:06 Ölkə futbolunda rüsvayçılıq davam edir Dünən, 19:05 “Neftçi” qeyri-adi cəzanı əsaslı sayır Dünən, 19:03 Təmkin Xəlilzadə duyğulan(dır)dı Dünən, 19:02 Lider dəyişəcəkmi? Dünən, 18:59 Zal dəyişdi, canlı yayın olmayacaq Dünən, 18:52 İlk dueli türklər qazandı Dünən, 18:50 Emil oynadı, “Tobol” qələbə qazandı Dünən, 18:47 “Elə cavab verərəm, siz də qəzetə yazarsız, sonra ...” Dünən, 18:44 Delarj durumundan məmnundu Dünən, 18:43 Dördüncü “Media turniri” başlayır Dünən, 18:41 Qurban Qurbanov İnzaqi ilə Donadonidən öndə 20-02-2019, 17:45 “FC Baku” və “Şahdağ” rəqiblərinə “5” verdi 20-02-2019, 17:43 U-19-un üzvləri “qırmızı”nı qabartdı 20-02-2019, 17:41 Nikola Yurçeviç Xorvatiyaya qayıdıb 20-02-2019, 17:40 İntizam Komitəsi “Səbail”i cərimələməlidi 20-02-2019, 17:37 Yığmamız Litvanı sınağa çəkəcək 20-02-2019, 16:40 “Sumqayıt”: 70 illiyə 7-ci yerdə?! 20-02-2019, 16:39 Tural rəsmən “Dauqavpils”də 20-02-2019, 16:36 Bu ruh nə ruhdu belə... 20-02-2019, 16:24 Turun statistikası 20-02-2019, 16:21 Turun məşqçisi 20-02-2019, 16:06 Hakimlərin mühakiməsi 20-02-2019, 16:03 Turun oyunçusu 20-02-2019, 16:02 Turun sitatı 20-02-2019, 15:56 Məhsuldarlıq rekordu 20-02-2019, 15:49 Kubokun son qalibindən açılışda səssizlik, ertəsi darmadağın 20-02-2019, 15:45 Əliyar Ağayev VAR-da sınanacaq 20-02-2019, 15:43 Turdan məqamlar 20-02-2019, 15:40 Ozancanla Renat “yatdı”, Pavel sonradan “ayıldı” 19-02-2019, 14:24 Həftənin idman proqramı 19-02-2019, 14:15 “Real”ın kapitanını dəstəkləyən də oldu, pisləyən də 19-02-2019, 14:13 BOS-un media tribunasında əsaslı yeniliklər olacaq 19-02-2019, 14:12 Yığma şotlandlardan "2 aldı" 19-02-2019, 14:11 Möhtəşəm oyuna 99 gün qaldı! 19-02-2019, 13:47 "Qarabağ" fərqi minimuma endirdi 19-02-2019, 13:46 “Səbail” Akpovetanın keçidini elan etdi 19-02-2019, 13:44 Çempion fərqi: 22 oyun, 22 qələbə! 19-02-2019, 13:43 “Gilavar”ın 1 yaşı tamam oldu 19-02-2019, 13:40 Murad Moldovada baxışdadı 19-02-2019, 13:38 “CBC Sport” niyə diviziondan uzaq gəzir? 19-02-2019, 13:37 “Qarabağ”a 45 dəqiqə bəs etdi 19-02-2019, 13:11 “Tələbələr” Bayıldakı imtahandan “kəsildi” 19-02-2019, 13:06 Eddidən başqa 90 dəqiqə oynayan yoxdu! 19-02-2019, 13:05 Uğursuzların duelində “Keşlə” sevindi 19-02-2019, 12:55 “Sumqayıt” “Zenit”in yetirməsi ilə anlaşdı 19-02-2019, 12:54 U-19 minimal hesabla yenildi Bütün xəbərlər
Ən çox oxunanlar