06 mar 18:29yigma, manset

Yığmanın heyətində sürpriz adlar

Yığmanın heyətində sürpriz adlar
Prosineçki Almeydanı da Qətərə aparacaq


Martın 9-da səfərdə Qətərlə yoxlama oyunu keçirəcək milliyə dəvət olunan futbolçuların siyahısı açıqlanıb. Baş məşqçi Robert Prosineçki 23 oyunçuya dəvət göndərib ki, onlardan 4-ü ilk dəfə ölkənin əsas komandasının formasını geymək şansı qazanıb. “Qarabağ”ın yarımmüdafiəçisi Riçard Almeyda, Şahruddin Məhəmmədəliyev, “İnter”dən Abbas Hüseynov və “Qəbələ”dən Tellur Mütəllimov üçün asiyalılarla görüş karyeralarında yeni səhifə ola bilər.
Qətərə yollanan heyətdə son vaxtlar olduğu kimi, Ağdam təmsilçisinin üzvləri çoxluq təşkil edəcək. Qurban Qurbanovun komandasının 10 oyunçusu Prosineçkinin sərəncamında olacaq. “Qəbələ”nin 6, “İnter”in 4, “Zirə”nin 2, “Neftçi”nin isə 1 futbolçusu yığmanın uğuru üçün tər tökəcək.
Xorvat mütəxəssis əvvəlcədən bildirdiyi kimi, bu qarşılaşma üçün ölkə xaricində top qovan yığma üzvlərinə dəvət göndərməyib. Səbəb isə Qətərlə matçın FİFA “pəncərə”sinə düşməməsidi. Xatırladaq ki, asiyalılarla görüş martın 9-u Bakı vaxtı ilə saat 20.00-da paytaxt Dohadakı 15 min azarkeş tutumuna malik “Şeyx Cassim ibn Hamad” arenasında keçiriləcək. Yığma bu oyunun hazırlıqlarına martın 6-da başlayacaq.
Qapıçılar - Şahruddin Məhəmmədəliyev (Qarabağ), Anar Nəzirov (Zirə), Səlahət Ağayev (İnter); müdafiəçilər - Tərlan Quliyev, Abbas Hüseynov (hər ikisi “İnter”), Bədavi Hüseynov, Rəşad Sadıqov, Arif Daşdəmirov (hamısı “Qarabağ”), Tellur Mütəllimov, Ürfan Abbasov, Məhəmməd Mirzəbəyov (hamısı “Qəbələ”); yarımmüdafiəçilər - Ruslan Abışov (Neftçi), Rahid Əmirquliyev, Qara Qarayev, Riçard Almeyda (hamısı “Qarabağ”), Namiq Ələsgərov (Neftçi), Elvin Məmmədov (Zirə), Cavid Hüseynov, Araz Abdullayev (hər ikisi “Qəbələ”); hücumçular - Ağabala Ramazanov, Mahir Mədətov (hər ikisi “Qarabağ”), Ruslan Qurbanov (Qəbələ), Rauf Əliyev (İnter).

Almeyda müəmması
Son vaxtlar ölkə mətbuatında ən çox müzakirə olunan mövzulardan biri də “köhlən atlar”ın yarımmüdafiəçisinin “milliləşdirilməsidi”. Ötən saylarımızda Almeydanın AFFA-nın baş katibi Elxan Məmmədovla görüşdüyünü diqqətinizə çatdırmışdıq. Həmin görüşdən sonra assosiasiya rəhbərliyi “sambaçı”nın “milliləşdirilməsi” üçün müvafiq qurumlara müraciət edib. Hələ ki FİFA-dan bu məsələ ilə bağlı cavab alınmasa da, Prosineçki yarımmüdafiəçinin adını Dohaya yollanacaq heyətə salıb. Ali futbol qurumunun cavabı məlum olmadan braziliyalının yığma ilə birgə səfərə yollanması ortaya müəyyən suallar çıxarıb. Olmaya artıq Riçardın “milliləşdirilməsi” yönündə “yaşıl işıq yandırlıb”, xəbərimiz yoxdu? Ancaq AFFA-dan əldə etdiyimiz bilgiyə görə, Qətərlə qarşılaşma FİFA-nın reyesterinə rəsmi oyun kimi daxil olmadığından braziliyalının meydana çıxmasında heç bir problem yoxdu.

Samir Abasov Vurğuna görə narahatdı
Siyahıdan da göründüyü kimi, xorvat çalışdırıcı sözünün üstündə duraraq, Nizami Hacıyevə dəvət göndərməyib. Diqqəti çəkən başqa məqam yığmanın baş məşqçisinin “Sumqayıt”, “Kəpəz” və AZAL-dan heç kimi bəyənməməsidi. Gəncəlilərin düşərgəsində daha çox legionerlərin “at oynatdığını”, “təyyarəçilər”in isə autsayder olduğunu nəzərə alıb, Prosineçkinin bu addımını hardasa başa düşmək olar. Bəs “Sumqayıt”? Doğrudanmı yerli oyunçulardan qurulan, hazırda avrokuboklara vəsiqə uğrunda mübarizə aparan “ağ-göylər”in düşərgəsində ölkənin əsas komandasına fayda verə biləcək səviyyədə futbolçu yoxdu? Məsələ ilə bağlı “kimyaçılar”ın baş məqçisi Samir Abasovun mövqeyini öyrəndik: “Berti Foqtsun dönəmində nəticələr o qədər də ürəkaçan olmasa da, millinin hər toplanışına yeni futbolçular dəvət olunurdu. Hər dəfə istər Bakıda, istərsə də ölkə xaricində keçirilən hazırlıq prosesində bir neçə gənc təcrübəlilərlə birgə məşq edir, millinin ab-havasını duyurdu. Görünür, Prosineçki üçün indi ən vacib olan nəticədi və buna görə də ancaq tanıdıqlarını yığmaya dəvət edir. Məncə, bu gün rəhbərlik etdiyim komandada milliyə dəvət olunmağa layiq futbolçular var. Gənclərə görə narahat deyiləm. Onlar ən azı mayda keçiriləcək İslam Həmrəyliyi Oyunlarında yığmanın heyətində olacaqlar və yaxşı oyunla özlərini əsas komandanın baş məşqçisinə göstərə bilərlər. Ancaq Vurğun Hüseynov bu şansdan məhrumdu. Fikrimcə, Prosineçki Qətərlə oyun üçün Vurğuna dəvət göndərə bilərdi. Son qarşılaşmalarda yığmada mərkəz müdafiəçisi problemi yaşanır. Rəşad Sadıqov olmayanda baş məşqçi cinah müdafiəçilərini məcburiyyətdən mərkəzə çəkir. Hüseynov isə cari mövsümdə bu mövqedə “Sumqayıt”ın heyətində sabit oyun sərgiləyən 2-3 futbolçudan biridi”.

Şahruddinin dəvət alması birmənalı qarşılanmayıb
Xorvatın Şahruddinə dəvət göndərməsi futbol ictimaiyyəti arasında böyük söz-söhbətə səbəb olub. Görəsən, “Qarabağ”ın ehtiyat oyunçular skamyasında gün keçirən “milliləşdirlmiş” qolkiperin Fərhad Vəliyevdən, Aqil Məmmədovdan nəyi üstündü? 2017-ci ildə cəmi 90 dəqiqə iş başında olan qapıçının yaşının az olmasını qabardırlar. Ancaq nədənsə yığmanın məqçiləri dünya təcrübəsinə nəzər salıb “yaşlı qapıçı çox illik şərab kimidi. İllər ötdükcə, təcrübə artdıqca, daha inamlı olur” deyiminə güvənmirlər.
Məhəmmədəliyevin durumu ilə bağlı millidə qapıçılarla işləyən məşqçi Faiq Əzizovu aradıq. Faiq bəy məsələyə belə reaksiya verdi: “Şahruddin U-21-in üzvü olub. O Yaşar Vahabzadənin rəhbərlik etdiyi millidə seçmə mərhələnin bütün oyunlarında qapıda dayanıb. Üstəlik, Şahruddin gəncdi. Bütün bunları nəzərə alıb, ona dəvət göndərmişik ki, durumu ilə tanış olaq. Onun “Qarabağ”da ehtiyatda qaldığını bilirik. Sadəcə, yoxlama görüşü məhz gəncləri sınamaq üçündü. O ki qaldı Aqillə Fərhada, yığmanın qapısı hamının üzünə açıqdı. Bu dəfə Şahruddin dəvət olundu, ola bilər ki, gələn dəfə Aqili çağıraq. Bu gün Aqil çağırılmayıbsa, o demək deyil ki, həvəsdən düşməlidi. Fərhada gəlincə, o bir neçə qarşılaşmada özünü yaxşı tərəfdən göstərə bilibsə, bu o demək deyil ki, onu çağırmalıyıq. Hər qapıçını bir yaxşı oyuna görə dəvət etsək, daha nə oldu? İkincisi, çalışırıq gənc qapıçılara üstünlük verək. Çünki AÇ-2020-ni düşünürük və bu üzdən gənclərlə çalışırıq. İstəyirik ki, onları həvəsləndirək, indidən milliyə uyğunlaşsınlar. Fərhad vaxtilə milliyə dəvət alıb, indi gənclərə yol açmaq lazımdı”.

Debütantlar ümidləri doğruldacaqlarını söylədilər
Yuxarıda qeyd etdiyimiz kimi, Qətərlə oyuna dəvət olunanlardan 4-ü ilk dəfə millinin düşərgəsinə dəvət alıb. Şahruddin Məhəmmədəliyev dəvətə görə xorvat məşqçiyə təşəkkür etdi: “Məni yığmaya layiq gördüyü üçün Robert Prosineçkiyə təşəkkür edirəm. Çalışacam baş məşqçinin ümidlərini doğruldum. Yığmaya dəvət almaq hər bir futbolçu üçün fəxrdi. Bu şansdan maksimum yararlanmağa çalışacam”.
Tellur Mütəllimov isə dəvəti sürpriz kimi dəyərləndirdi: “Açığı, milliyə çağırılmaq mənim üçün sürpriz oldu. Ölkənin əsas komandasına dəvət alacağımı gözləmirdim. Siyahı məlum olanda çox sevindim. Son vaxtlar bütün diqqətimi ancaq “Qəbələ”nin oyunlarına yönəltmişdim. Buna görə də milliyə düşmək barədə fikirləşmirdim. Çox şadam ki, yığmaya çağırılan futbolçuların sırasında mən də varam. Ölkənin əsas komandasında oynamaq hər futbolçu üçün şərəfdi. Bununla kifayətlənmək istəmirəm. Çalışacam yığmada yerimi möhkəmləndirim, növbəti oyunlara da dəvət alım. Robert Prosineçkinin komandasında heyətə düşmək üçün rəqabətə davam gətirmək lazımdı. Hamı özünü yaxşı tərəfdən göstərməyə çalışacaq. Mən də məşqlərdə əlimdən gələni edəcəm. Amma kimin oynayıb-oynamayacağına baş məşqçi qərar verir. Prosineçki Qətərlə matçda mənə şans versə, çox sevinərəm. Meydana çıxmasam belə, üzülməyəcəm. Əsas odu ki, məni milliyə dəvət edib və buna görə ona minnətdaram”.
“İnter”in 22 yaşlı oyunçusu Abbas Hüseynov da yığmanın baş məşqçisinin etimadını qazandığına görə fəxr etdiyini söylədi: “Mənim üçün qürurverici gündü. Sevincimin həddi-hüdudu yoxdu. Hər bir oyunçu üçün milliyə dəvət olunmaq çox xoşdu. Baş məşqçinin diqqətini cəlb etdiyimə görə sevincliyəm. Bilirəm ki, yığmaya ölkənin ən güclü futbolçuları çağırılır. Onların arasında daim olmaq, milliyə müntəzəm çağırılmaq üçün əlimdən gələni edəcəm. Müdafiənin cinahlarında təcrübəli oyunçular olsa da, onlarla rəqabət aparmağa hazıram”.
RƏŞAD
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 17:14 Gülağa Cabbarov Stuxlikə məktub yazdı Dünən, 17:13 Riad Rəfiyev əvvəlcə sponsorla, sonra baş məşqçi ilə görüşəcək Dünən, 17:11 “Qəbələ”də qeyri-müəyyənlik davam edir Dünən, 17:09 Renat Dadaşov U-21-dən imtina etməyib Dünən, 17:07 Qara Qarayev daha iki il “Qarabağ”da Dünən, 17:06 Azərbaycanlı futbolçular Mxitaryanı “qorxaq” adlandırdı Dünən, 17:04 Avroliqanın kuboku Cocuq Mərcanlıda Dünən, 15:28 Yığma 17 nəfərlə hazırlaşır Dünən, 15:25 Yurçeviç “çərçivə”ni Səlahət Ağayevə tapşıracaq Dünən, 15:22 "Ayntraxt"ın azarkeşləri azərbaycanlı cocuqları sevindirdilər Dünən, 15:17 UEFA İcraiyyə Komitəsi Bakıda yığışacaq Dünən, 15:14 Çempion üç günə iki qələbə qazandı Dünən, 15:12 “Araz”ın ÇL-dəki rəqibləri nə vaxt məlum olacaq? Dünən, 15:10 Joze Alesio limitin tərəfdarıdı Dünən, 15:08 Hər iki finalçı cəzalandırıldı Dünən, 14:03 “Dəyişikliklər vacibdi, amma belə yox” Dünən, 14:01 “Keşlə” Salahlı ilə anlaşdı, hədəfdə Əfrandı Dünən, 13:59 U-21 xorvatlarla “sülh bağladı” Dünən, 13:54 Səfir jurnalistlər önünə çıxacaq Dünən, 13:53 Nə tez ayıldın, Özil?! Dünən, 13:51 Naxçıvan turniri: xəbəri kimdən alaq? Dünən, 13:47 Kamal Bayramov “Səbail”də Dünən, 13:44 Emil Balayevli "Tobol"dan önəmli qələbə Dünən, 13:40 “Neftçi”nin Mirabdullanı satmaq fikri yoxdu Dünən, 13:25 Ayxan Abbasov Riad Rəfiyevlə son görüşü gözləyir Dünən, 13:20 AZAL “Qəbələ” və “Sumqayıt”ın futbolçularına zülm etdi Dünən, 13:18 “Topaz” mayın 28-də festivala başlayır Dünən, 11:21 Futbolumuzdakı ingilislər həmyerlilərini Bakıya səsləyir 23-05-2019, 20:32 Finalın meydanda görünməyən tərəfləri 23-05-2019, 20:21 Naxçıvanda üç gün 23-05-2019, 20:19 Premyer-liqanın ən yaxşısı Dani Kintanadı! 23-05-2019, 20:16 “Zirə”nin kapitanlarına qapını göstərirlər 23-05-2019, 20:13 AFFA “Xəzər Cənub”a cəza yağdırdı 23-05-2019, 20:11 "Ekol" “Neftçi”ni asanlıqla üstələdi 23-05-2019, 20:03 Xətai Bağırov Taylandda oteldə qalır 23-05-2019, 19:24 Davud Kərimi 13 futbolçunun göndərilməsini normal sayır 23-05-2019, 19:19 Renat Dadaşov Portuqaliyada medal qazandı 23-05-2019, 19:17 Azərbaycan səfirindən sərt sual 23-05-2019, 19:15 Gürcü Azərbaycanı bəyənmir... 23-05-2019, 19:13 “Qarabağ”ın 16 mümkün rəqibindən 13-ü bəllidi 23-05-2019, 19:11 Rəhimin “Sabah”, Əliyarın “Qarabağ” “sevgisi” 23-05-2019, 19:04 Bakıda əfsanələrin paradı 21-05-2019, 15:14 Həftənin idman proqramı 21-05-2019, 15:08 Medianın finala biganəliyinin arxasında nə dayanır? 21-05-2019, 15:05 “Çelsi” fanklubunun Bakıdakı üzvləri hava limanına getməyəcək 21-05-2019, 15:03 Ayxan Abbasov “Sumqayıt”dan gedir 21-05-2019, 15:01 Rauf Əliyev: “Top qəbul etmək, düzgün ötürmək vermək çətin idi” 21-05-2019, 14:54 Cavid Hüseynov rəhbərliklə görüşəcək 21-05-2019, 14:52 İnqilab Məmmədov protokolda çoxlu səhv buraxdı 21-05-2019, 14:50 "Qəbələ": final lənətinə son və ilk titul! 21-05-2019, 14:46 "Səbail" bir ucdan yola salır 21-05-2019, 14:40 Alla Həsənova çempion oldu 21-05-2019, 14:38 Fərid Kərimzadə yersiz xal itkilərini səbəb göstərdi 21-05-2019, 14:35 Elçin Səmədli UEFA-da Murad Məmmədovu əvəzlədi 21-05-2019, 14:32 “Xəzər Cənub” dağıldı! 21-05-2019, 14:28 “Baku Fire” yüksək liqaya iddialıdı 21-05-2019, 14:27 ADBTİA “gümüş”ü “Standard”dan “oğurladı” Bütün xəbərlər
Ən çox oxunanlar