08 sen 13:48yigma

Ziya yığmanı qələbədən etdi


Ziya yığmanı qələbədən etdi
Avropa çempionatı
Seçmə mərhələ, 5-ci qrup
Azərbaycan – İsrail 1:1 (1:1)

12. Kamran İbrahimov
20. Yusif Nəbiyev
3. Anton Krivotsyuk
4. Eltun Turabov
2. Sərtan Taşkın (k)
6. Hacıağa Hacıyev
8. Budaq Nəsirov
(21. İlkin Muradov, 60)
17. Ozancan Kökcü
(11. Barış Əkinciər, 72)
16. İsmayıl İbrahimli
(13. Ziya Əzizov, 63)
9. Fəhmin Muradbəyli
10. Renat Dadaşov
Ehtiyat oyunçular
22. Aydın Bayramov
5. Elvin Sərkərov
7. Fərid Nəbiyev
18. Amin Seydiyev
Baş məşqçi: Rəşad Sadıqov

1. Assaf Tzur
3. Yarden Mordehai Kohen
(12. Raz Nahmias, 46)
4. İdan Naçmias (k)
5. Amit Bitton
2. Yosef Raz Meyr
20. Qavriel Kaniçovski
6. Neta Lavi
21. Moti Barşazki
(10. Matan Hozez, 46)
17. Or Dasa
9. Yonatan Kohen
(22. Yonas Malede, 83)
11. Şon Zalman Veyssman
Ehtiyat oyunçular
23. Haviv Ohayon
7. Omer Lako
15. Ofri Arad
19. Ehab Qnayem
Baş məşqçi: Marko Balbul
Qollar: R.Dadaşov, 1 (1:0). Ş.Z.Veyssman, 30 (1:1).
86-cı dəqiqədə Ziya Əzizov penaltidən yararlana bilməyib (qapıçı).
Vərəqə: S.Taşkın, 36 – sarı.
Hakimlər: FARRUCİYA KANN TRASTİN, Alan Kamilyen, Lyuk Portelli, Malkolm Spiteri (hamısı Malta).
Hakim-inspektor: Plarent Kotherja (Albaniya).
UEFA nümayəndəsi: Aleksandr Keplin (Qazaxıstan).
6 sentyabr. Mərdəkan. Dalğa Arena. 150 tamaşaçı.
Birinci hissəyə 1, ikinci hissəyə 2 dəqiqə əlavə olunub.
Bu oyuna qədər qrupda keçirdiyi 7 matçda cəmi 1 xal toplayan yığmanın rəqibi turnir cədvəlindəki ən yaxın qonşusu idi. İsrailin 7 xala sahib olması bizimkilərin qələbə istəyini artırırdı. Mümkün 3 xal aradakı fərqi azaldacaq, növbəti 2 qarşılaşmadakı uğurlu nəticələr Rəşad Sadıqovun yetirmələrini sonuncu pillədən xilas edəcəkdi.
Start fitini səsləndirən maltalı hakim fiti ağzından çıxarmağa imkan tapmamış hesab açıldı. Rəqibin müdafiə xəttindəki futbolçulara pressinq edən Ozancan öncə topa sahib oldu, daha sonra onu Renata ötürdü. “10 nömrə” baxımlı vuruşla tablodakı “0-lar”dan birini xeyrimizə dəyişdi. Buraxılan qoldan “sınmayan”, əksinə topa daha çox nəzarət edən qonaqlar üstünlüyü tam ələ keçirib istədiyini edirdi. Fiziki cəhətdən bizimkiləri üstələyən israilli futbolçular rəqibin cərimə meydançasına saysız ötürmələr etsə də, hər dəfə təhlükəli olan həmlələrin heç biri qolla nəticələnmirdi. 17 və 21-ci dəqiqələrdə hesabı bərabərləşdirməyə yaxın olsalar da, məqsədlərinə yarım saatın tamamında çatdılar. Kamran Dasanın zərbəsini lazım olan nöqtəyə qaytarmayınca, Veyssman təkrar vuruşla adını tabloya yazdırdı. Heç cür rəqibin cərimə meydançasına daxil ola bilməyən yığma üzvləri çıxış yolunu uzaqdan zərbələrdə görürdü. Hissənin sonlarına yaxın Renatla Ozancanın və sonda Hacıağanın bu yolla fərqlənməsinə topun “çərçivə”dən aralı keçməsi mane oldu.
Fasilədən sonra qonaqların meydana iki yeni futbolçu ilə çıxmasına baxmayaraq, üstün tərəf meydan sahibləri idi. Rəşad Sadıqov fasilədə yetirmələrinə nə demişdisə, ikinci yarıda “diri” görünürdülər. 53-cü dəqiqədə İsmayıl qola yaxın olsa da, zərbəsi qapının yanından keçdi. 5 dəqiqə sonra Fəhminin aşırma vuruşu hədəfə düşmədi. Budaqla İsmayılın yorulduğunu görən Sadıqov haqlı olaraq hər iki futbolçunu əvəzlədi. Lakin meydana sonradan çıxanlar heç cür yığmanı gücləndirə bilmədi. Əksinə üstünlük qonaqların tərəfinə keçdi. Cərimə meydançamıza ötürmələr və təhlükəli vəziyyətlər bir-birini əvəzləsə də, israillilər heç cür fərqlənə bilmirdi. 86-cı dəqiqədə yığma qələbə topunu vurmağa yaxın oldu. Maltalı hakim qapıçının cərimə meydançası daxilində Fəhminə qarşı kobudluğunu qayda pozuntusu kimi dəyərləndirsə də, “nöqtə”yə yaxınlaşan Ziyanın vurduğu topu Tzur dəf etdi. Halbuki topu tora qovuşdursaydı, yorğun israillilər məğlubiyyətlə barışmalı olacaqdı. Son dəqiqələrdə tərəflərin səyinə baxmayaraq, qələbə topunu vurmaq mümkün olmadı.
HƏBİB
1. Almaniya 7 5 1 1 23-6 16
2. İrlandiya 6 4 1 1 10-3 13
3. Kosovo 8 3 2 3 8-8 11
4. Norveç 7 3 2 2 10-9 11
5. İsrail 8 2 2 4 11-17 8
6. Azərbaycan 8 0 2 6 4-23 2

Gözdən qaçmadı
* Oyuna ciddi azarkeş marağı olmasa da, giriş qapılarındakı polislər stadiona daxil olanları yoxlayırdılar. Eyni qayda jurnalistlər üçün də keçərli idi. Hətta bilgisayar çantasının içini də onlara göstərmək məcburiyyətindəydik.
* Matçın başlamasına 10 dəqiqə qalmış əsas millinin üzvləri də media sektorun üst tərəfində göründü. Bir-biri ilə deyib-gülüb zarafatlaşmaqlarından keflərinin kök olduğunu anlamaq çətin deyildi. Bu mənada Kamran Ağayevlə Maksim Medvedev fəal təsir bağışlayırdı. Maraqlıdı ki, millinin futbolçuları ilk hissədən sonra stadionu tərk etdilər.
* Jurnalistlərin sayının az olmasına görəydi ki, bizim üçün ayrılmış oturacaqların böyük əksəriyyəti boş qalmışdı. Bunu görən Məhəmməd Mirzəbəyov media sektoruna yaxınlaşıb boş oturacaqların üzlüklərini özü və komanda yoldaşları üçün aparanda jurnalistlərin zarafata hesablanmış atmacasına tuş gəldi. Yığma üzvü çıxış yolunu gülümsəməkdə gördü.
* Matçı izləyən jurnalistlər arasındakı iki əcnəbini öncə İsrailli zənn etdik. Bir qədər sonra Kosovo adını çəkmələrindən həmin ölkədən gəldiklərini düşünmək olardı. Lakin yaxınlaşıb soruşanda məlum oldu ki, qonaqlar almaniyalıdı, “Südkurvenbladdl” nəşrindən ezam olunublar. Bakıya səfərlərində məqsəd Azərbaycan - Kosovo oyununu işıqlandırmaq, ümumilikdə ölkəmizin futbolu haqda reportaj hazırlamaqdı. Şənbə günü Azərbaycanı tərk edib Gürcüstana yollanacaq, eyni işi orda görəcəklər.
* Oyunu izləyənlər arasında bir çox futbol adamlarını görmək olardı. PFL prezidenti Ramin Musayev, AFFA-nın baş katibi Elxan Məmmədov, “Keşlə”nin Müşahidə Şurasının sədri Zaur Axundov, “Sumqayıt”ın prezidenti Riad Rəfiyev, “Zirə”nin çalışdırıcı Samir Abasov, U-17-nin baş məşqçisi Ramin Quliyev, “Zaqatala”nın İdarə Heyətinin sədri Musa Qurbanov Mərdəkanın yolunu tutanlar arasındaydı.
* İsrail yığması özləri ilə gələn 4 mühafizəçinin nəzarəti altındaydı. İkisi media sektoruna yaxın yerdə qərarlaşmış, digər iki nəfər VİP-lojanın alt tərəfində dayanmışdı. Nəzərinizə çatdıraq ki, İsrail təmsilçiləri hər dəfə ölkəmizə gələndə, onları mülki geyimli şəxslər qoruyur.
* Penaltini Renat yerinə yetirmək istəyirdi. Lakin həmin an əzələsini dartıb həkim xidmətinə ehtiyac duyması topa Ziyanın yaxınlaşmasını şərtləndirdi.
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 22:14 Stuxlik qovulanları başına topladı Dünən, 22:13 Sabiqlər Stuxliklə görüşə dəvət olundu, Tahir Süleymanov AFFA-nın təklifini geri çevirdi Dünən, 22:12 Əliyar Ağayev “Latsio” – “Apollon” oyununda Dünən, 22:10 “Sportinq” kubok mübarizəsinə qələbə ilə başladı Dünən, 22:08 UEFA “Sportinq”i cəzalandırdı Dünən, 22:07 Leteksiye “Qarabağ”ın oyununda qrupda debüt edəcək Dünən, 22:07 “Qarabağ” bu gün yola düşür: 7 saatlıq uçuş Dünən, 22:05 “Traktorsazi” dayandı, “Maşınsazi” davam edir Dünən, 21:48 Samir Abasovun əziyyəti hədər getdi Dünən, 21:45 Rüfət Dadaşov Almaniyada növbəti qolunu vurdu Dünən, 21:44 Qriqorçuk “Astana”ya qayıdacaq Dünən, 21:43 Volkan Üst infarkt keçirib Dünən, 21:42 “Keşlə” Bosançiçi göndərdi Dünən, 21:40 Rahid formada olmadığını etiraf etdi Dünən, 21:37 Bayılda qarşılıqlı qollar Dünən, 21:16 Deviç vurur, “Sabah” udur Dünən, 21:13 “Zirə”yə texniki məğlubiyyət veriləcək Dünən, 21:12 “Neftçi” “yuva”ya qayıdışını qələbəylə qeyd etdi Dünən, 21:10 Startda “sülh” olmadı Dünən, 21:08 Təyinatlar açıqlandı 14-09-2018, 23:16 “Uşaq vaxtı Kasorlayla bir yerdə oynamışam” 14-09-2018, 23:04 Dünya çempionatı üçün rekord mükafat fondu 14-09-2018, 23:03 Tofiq Məmmədov Avropanın ən güclüsüdü! 14-09-2018, 22:58 AFFA Hakimlər Komitəsi ilə Hakim-İnspektorlar Komitəsini birləşdirir 14-09-2018, 22:57 Şahin Diniyevlə Əsgər Abdullayev Mircavadovun səsinə səs vermədi 14-09-2018, 22:56 Venera Kahriç Xaqani Məmmədovdan ölkə başçısına şikayət etdi 14-09-2018, 22:54 “Keşlə”dən növbəti transfer 14-09-2018, 22:52 PFL-i premyer-liqanın imici maraqlandırmır 14-09-2018, 22:50 “Sportinq”in 4 illik avrokubok macərasına səyahət 14-09-2018, 22:47 Adams Mxitaryanın Bakıya gəlməsini istəyir 14-09-2018, 22:46 Slavçev futbolumuzdan və “Qarabağ”dakı durumundan razıdı 14-09-2018, 22:43 “Qəbələ” Biləcəriyə qayıtdı 14-09-2018, 22:34 Yığmalardan ikisi liqalarda oynayacaq 14-09-2018, 22:33 Utancaq, küskün Zeynal Zeynalov 14-09-2018, 22:32 “Hərbçilər” zirvədə! 14-09-2018, 22:30 Futbolçular Bakının işğaldan azad olunduğu günü bilmir 14-09-2018, 22:26 Yüksək liqanın təqvimi açıqlandı 14-09-2018, 22:24 Yığma “Sumqayıt”ı darmadağın etdi 14-09-2018, 22:23 Eddi oynadı, komandası mərhələ adladı 14-09-2018, 22:21 Tahir Süleymanov Qurban Qurbanova haqq qazandırdı 14-09-2018, 22:20 “Neftçi”nin yeni formaları satışa çıxır 14-09-2018, 22:18 AFFA lisenziyaları yeniləyir 13-09-2018, 23:25 Baş məşqçi samboçumuzun ölümündən danışdı 13-09-2018, 23:24 AFFA 11000 bileti pulsuz paylayıb 13-09-2018, 23:23 “Uğur”un futbolçuları 10 min manatın həsrətindədi 13-09-2018, 23:22 PFL bölgələrə səfər üçün “Topaz”dan cavab gözləyir 13-09-2018, 23:21 “Keşlə” müdafiəçi və menecer ilə anlaşdı 13-09-2018, 23:19 Kim deyir ki, hücumçu yoxdu? 13-09-2018, 23:16 Slavçevin arzusu ürəyində qaldı 13-09-2018, 23:14 “Onu deyim ki, Qurban Qurbanov çox sərt danışdı, çox sərt” 13-09-2018, 23:12 Nurlan Novruzov Türkiyə kubokunda fərqləndi 13-09-2018, 23:05 Jurnalistlər Malta təəssüratını bölüşdü 13-09-2018, 23:04 Şans qazanmayanlar ümidini itirmir 13-09-2018, 23:02 Fasilə bitdi: “birincilər” başlayır 13-09-2018, 23:00 “Araz” mövsümə xal itkisi ilə başladı 13-09-2018, 22:59 UEFA 40 nəfəri Bakıya göndərdi 13-09-2018, 22:57 Kamran İbrahimovun məşqçiləri təcrübəsizliyi qabartdı Bütün xəbərlər
Ən çox oxunanlar