07 avq 17:22yigma

Ağatahir Əzimov U-19-a əlifbanı öyrədir

Ağatahir Əzimov U-19-a əlifbanı öyrədir
“20 yaşımda zərbəmdən az qalırdı tir-dirək qırılsın”
Yeni yaradılan 19 yaşadək futzalçılardan ibarət yığmanın təlim-məşq toplanışı davam edir. Məlum olduğu kimi, komandanın formalaşdırılması veteran futzalçı Ağatahir Əzimova tapşırılıb. Daha doğrusu, Futzal Federasiyası yığmanı Ağatahirə müvəqqəti həvalə edib. Əslində yığmaya əsas millinin baş məşqçisi Joze Alesio da Silva rəhbərlik edəcək, Əzimov isə köməkçi funksiyasını yerinə yetirəcək. Bir araya yaxındı seleksiya işini həyata keçirən veteran futzalçı ilə danışıb həm U-19, həm ötən mövsüm şərəfini qoruduğu “İtaldizayn”ın dağılması, həm də “Araz”dakı son dəyişikliklər haqda söhbətləşdik.
- Hazırlıq prosesi necə gedir?
- Bəribaşdan qeyd edim ki, U-19-a təyinatım rəsmiləşməyib. Yəni rəsmi müqavilə ilə çalışmıram. Sadəcə, federasiyadan əlaqə saxlayıb dedilər ki, gənclərdən yeni komanda formalaşdırmaq lazımdı və bu postu müvəqqəti sənə tapşırırıq, işə başladım. Bekar idim və özümün də həvəsim var. Həftədə üç dəfə Bakı İdman Sarayında məşq keçirik. Bilirsiz ki, 2019-cu ildə U-19-lar arasında Avropa çempionatının seçmə mərhələsinin oyunları keçiriləcək. Qitə çempionatının oyunları ilin əvvəllində baş tutacaq. Yanvarın 21-dən 26-dək ilkin mərhələnin oyunlarının təşkil ediləcəyi gözlənilir. Əsas mərhələnin qarşılaşmaları isə martın 26-dan 31-dək keçiriləcək. Daha sonra final turu olacaq. Bu mərhələnin oyunları isə sentyabrın 8-14-ü aralığında reallaşacaq. Final mərhələsinə hansı ölkənin evsahibliyi edəcəyi bilinmir. Bildiyimə görə, hazırda 7 ölkə - Xorvatiya, Gürcüstan, Macarıstan, Latviya, Portuqaliya, Rusiya və Ukrayna namizəddi. Biz də AÇ-nin hazırlığına başlamışıq. Əslində futzal ölkələrində aşağı yaşlılardan ibarət yığmalar çoxdan fəaliyyət göstərir. Biz isə bu komandanı sıfırdan formalaşdırırıq. Çətin olacaq, ancaq vaxt var.
- Seçimlərə qatılan oyunçular arasında ümidverici gənclər var?
- Açığı, səviyyələrindən razı deyiləm. İndiyə qədər 40-50 uşağı yoxlamışıq. 90 faizi futzal oynamayan, böyük futboldan gələnlərdi. Eləsi olur ki, bir və ya iki məşqdən sonra geri göndərirəm. Görürəm ki, “qab”ında yoxdu, məşqə gəlməməsini tapşırıram. Əksəriyyəti böyük futboldakı klublardan gəlir. Bu yaşdakı yeniyetmələrin çoxu əsgərliyə gedir. Qalan azdı. Gələnlər də zəiflərdi, yaxşıları klublar özlərinə saxlayırlar. Məcburuq bunlarla işləyək.
- Belə başa düşdüm ki, aralarında yüksək liqa səviyyəsində olanlar yoxdu.
- Təklif var ki, U-19-u birinci liqaya buraxaq. Yüksək liqada oynasalar, biabır olarlar. Gəlib-gedən 10-15-ni vurar. Mən bunlara “əlifba”nı öyrədirəm. Çoxunun ayağı top tutmur. Topu saxlamağı bacarırlar. Mən başa düşə bilmirəm, indiki gənclər niyə belədi? Hamısı “1-ci sürət”də oynayırlar. Nə sürət var, nə əzmkarlıq, nə də istək. Nə olsun ki, böyük futboldan gəliblər, futbol oynamayıblar, güc və sürət olmalıdı axı. Məni küçədən tutub futzala gətirmişdilər, 20 yaşımda zərbəmdən az qalırdı tur-dirək qırılsın. Hələ ki “əlifba”nı öyrədirik, müdafiəni təşkil etməyi, hücuma çıxmağı başa salırıq.
- Komandanın “onurğa”sını yarada bilmisiz?
- 5-6 nəfəri bəyənmişəm, onlardan bir-ikisıni başqa yerdən dəvət etmişik. Hələ ki qapıçımız yoxdu. Qapıçı da var e, amma yox sayın. Yığmaya kömək edəcək səviyyədə deyillər.
- Toplanış çərçivəsində yoxlama oyunu keçirmək yaxşı olmazdımı?
- Gərək seçimi başa çatdıraq ki, sonra oyun keçirək. Sıfırdan başlayanı çıxarıb uduzdurmaq, məğlubiyyətinə tamaşa etmək nə effekt verəcək? Komanda formalaşsın, sonra oyun da olacaq, çempionat da. Birinci liqada oynadıqca, oyun nizamı qaydasına düşəcək. Amma hətta hazır olsalar belə, yüksək liqaya buraxmaq olmaz. Ora başqa səviyyədi.
- Əslində böyük futbola uşaq və yeniyetmələrin axını var, futzala maraq niyə yoxdu?
- Çünki bizdə futzal məktəbi yoxdu. Yəqin DÇ-də Rusiyanın heyətinə baxdız, 19-20 yaşlı futzalçılar var idi sıralarında - Niyazov, Davıdov, Asadov. Bizdə o yaşda futbolçuya top saxlamağın yolunu başa salırıq. Futzal məktəbi olsa, uşaqlıqda maraq oyatmaq mümkündü.
- Ötən mövsüm heyətində olduğunuz “İtaldizayn” niyə dağıldı?
- Açığı, özümə də qaranlıq qaldı. Eyniadlı şirkət idi sponsor, komandaya pis baxmırdılar. Biz də normal oyun sərgiləyirdik, çempionata rəng qatırdıq. Son günə kimi “gözləyin, gözləyin” dedilər, sonra bildirildi ki, çempionatda çıxış etməyəcəyik. Belədə uşaqlar hərə bir yerə dağılışdı. Mən bilən, Rəcəb Fərəczadə karyerasını başa vurdu. Çünki hələ çempionatın gedişində özü deyirdi ki, artıq “dartmır, bitirmək lazımdı”. Demək olar, hər oyunda zədələnirdi. Bu o deməkdi ki, artıq əzələ tab gətirmir. Bildiyimə görə, Faiq Əliyev “Ekol”a, Nihad İsmayılovla Elşən İbrahimxəlilov “Araz”a gedib.
- “Araz”ın legionerlərdən imtina etməsini necə qarşıladın?
- Açığı, gözlənilməz qərar oldu. Eşitmişdim ki, əlavə 4-5 braziliyalı ilə güclənəcəklər, hətta ikisi ilə rəsmi müqavilə də imzalamışdılar. Bir anda strategiyanı dəyişdilər. Səbəbi mənə də qaranlıq qaldı. Ancaq bu qərarın ölkə futzalına təsiri mütləq olacaq.
- Digər iddialıların çempionluq mübarizəsinə qoşulacağını nəzərdə tutursan?
- Təbii ki.
- Məsələ burasındadı ki, iddialılardan “Marafon” da “İtaldizayn” kimi çempionatda iştirak etmək istəmir. İştirakçılardan ikisi isə debütantdı.
- “Marafon”u başa düşmürəm, niyə oynamırlar? Ötən il deyirdilər sponsorlar ikinciliyi qəbul etmək istəmir. İddiaları avrokuboklara qatılmaq idi. İkinci yerin sahibini ÇL-ə buraxsaydılar, qalardılar. O plan da baş tutmadı, reytinq çatmadı. Çempionluq mübarizəsində isə “Araz”la bacarmadılar. İndi “Araz” legionerlərdən imtina edibsə, “Marafon” həmin heyətlə çempion ola bilər. Düzdü, “Ekol” və “Neftçi” də var. Ancaq bu komandalar həmişə 2-3-cü yerlər uğrunda mübarizə aparıblar. “Ekol” da yerlilərlə oynayır. Ancaq ən güclü yerli futzalçılar “Araz”dadı. Əcnəbilərsiz oynamağa qərar verəndən sonra Rizvan Fərzəliyevlə Ramiz Çovdarovu da qaytardılar. Vitali Borisov da gələcəksə, komanda hətta bu heyətlə də çempion ola bilər. “Araz”ı yalnız güclü legionerləri olan komanda dayandıra bilər.
MİRAĞA
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
20-03-2019, 13:41 AFFA xəbərləri 20-03-2019, 13:32 “Taxta oğrusu” Ayxan, papaq atıb məyus olan Aslan... 20-03-2019, 13:30 Favoritlər büdrəmədi 20-03-2019, 13:28 Eltac “sülh”lə başladı 20-03-2019, 13:27 Büdrəməyən iki komanda var 20-03-2019, 13:23 Rəşad yığmaya çağırılmayacağını hiss edibmiş 20-03-2019, 13:20 Ağasəlim Mircavadov U-19-la Krasnodardadı 20-03-2019, 13:18 Ədalət təmsilçilərimizə təyinat gəldi 20-03-2019, 13:16 Elxan Abdullayev Velebitin köməkçisi oldu 20-03-2019, 13:15 Əvvəl Rusiya, sonra İrlandiya və Rumıniya 20-03-2019, 13:13 Litva ilə üçüncü duel 20-03-2019, 13:10 Bayram axşamı qanımız qaralmasın! 20-03-2019, 13:06 Yığmanın mümkün “11-liy”i 20-03-2019, 13:04 Yurçeviç Zaqrebdə sürpriz etmək istəyir 20-03-2019, 13:02 U-21-in heyətində iki dəyişiklik 20-03-2019, 12:55 U-19-un rəqibi əvvəl qalib gəldi, sonra uduzdu 20-03-2019, 12:52 “FC Baku”dan “feyr-pley” və darmadağın 20-03-2019, 12:51 Mütəxəssislər yığmadan maksimum heç-heçə gözləyir 20-03-2019, 12:46 Bombardirlərin turu 20-03-2019, 12:45 Tərlan Əhmədov sınaq matçı planlaşdırıb 20-03-2019, 12:33 “Neftçi” yoxlama oyunu keçirməyəcək 20-03-2019, 12:30 Essyenlə bağlı soruşduq, fikirlər haçalandı 20-03-2019, 12:28 “Sabah” yoldaşlıq görüşü keçirəcək 20-03-2019, 12:27 “Sumqayıt” Əfran İsmayılovu itirdi 20-03-2019, 12:25 “Qarabağ” yarımcan heyətlə “Zirə”ni sınağa çəkəcək 20-03-2019, 12:23 Fərid “Slaviya”ya qələbə qazandırdı 19-03-2019, 15:11 Aleksey İsayev yığmadan ayrıldı 19-03-2019, 15:07 “Maksimir”də yığmaya 20 fanat dəstək verəcək 19-03-2019, 15:05 Essyen ilyarım “Səbail”ə xidmət edəcək 19-03-2019, 15:02 "Neftçi"nin legioneri Seneqalla oyuna çağırıldı 19-03-2019, 14:58 Emeqara zədəyə görə kənarda qalıb 19-03-2019, 14:56 Aqolli azarkeşlərlə bizim dildə sağollaşdı 19-03-2019, 14:55 “Sabah” Çalanı yola saldı 19-03-2019, 14:52 Kamran Ağayev “Keşlə”də yox, dostları ilə oyunda zədələnib 19-03-2019, 14:50 Boyükağa Hacıyevin ölümündən bir il ötdü 19-03-2019, 14:47 “O qədər məyusam ki, danışmağa, müsahibə verməyə həvəsim yoxdu” 19-03-2019, 14:46 Ayxan Abbasov Atillanın “qələmini qırdı” 19-03-2019, 14:44 İlk "üçlük"də yerdəyişmə oldu 19-03-2019, 14:42 Adam sabiq köməkçisini unutmayıb 19-03-2019, 14:41 Bojoviç: “Ramil son vaxtlar möhtəşəm oynayır, afərin!” 19-03-2019, 14:37 “Azərsun Holdinq” “Qarabağ”a lazım olan vəsaiti ayırır 19-03-2019, 14:35 Turun statistikası 19-03-2019, 13:08 Turun məşqçisi 19-03-2019, 13:07 Hakimlərin mühakiməsi 19-03-2019, 13:04 Üçüncü dövrənin lideri “Qarabağ”dı 19-03-2019, 13:01 Eddi və Rüfət “fərqləndi” 19-03-2019, 12:59 Turun oyunçusu 19-03-2019, 12:57 Turun sitatı 19-03-2019, 12:54 Turdan məqamlar 19-03-2019, 12:50 Lider izləyicisini xalsız qoydu, U-19 uduzdu 19-03-2019, 12:47 Layiq olmadığımız yenilgi 17-03-2019, 14:50 Marinadan tarixi addım və finala vəsiqə 17-03-2019, 14:49 “Boykotçular”ın turniri apreldə keçiriləcək 17-03-2019, 14:48 “Neftçi” debütantı üstələdi, “Yasamal” İSK “zirzəmi”dən qurtuldu 17-03-2019, 14:34 Mütəxəssislər Səlahətin “1 nömrə” olacağını düşünür 17-03-2019, 14:32 Essyenin “Səbail”dən heç bir xüsusi tələbi olmayıb 17-03-2019, 14:30 Essyenin transferi ölkə futboluna nə qazandıracaq? Bütün xəbərlər
Ən çox oxunanlar