08 in 00:22yigma

Yeni yığmanın ilk fiaskosu

Yeni yığmanın ilk fiaskosu
Yoldaşlıq oyunu
239. Qazaxıstan - Azərbaycan 3:0 (2:0)

1. Nenad Eriç
2. Sergey Malıy
18. Dmitri Şomko (k)
(16. Qafurjan Suyumbayev, 52)
4. Yevgeni Postnikov
21. Abzal Beysebekov
5. İslambek Kuat
(23. Yuri Loqvinenko, 69)
7. Serikjan Mujikov
(19. Baxtiyar Zaynutdinov, 63)
9. Baurjan İslamxan
(6. Yan Voroqovski, 89)
11. Erkebulan Tunqışbayev
(10. Georgi Jukov, 52)
14. Roman Murtuzayev
13. Aleksey Şotkin
(15. Baurjan Turusbek, 82)
Ehtiyat oyunçular
12. Vladimir Plotnikov
3. Nurəli Alip
8. Maqomed Paraqulqov
20. Maksim Fedin
22. Vyaçeslav Şviryov
Baş məşqçi: Stanimir Stoilov

1. Kamran Ağayev (k)
21. Təmkin Xəlilzadə
5. Maksim Medvedev
15. Ruslan Abışov
(30. Rahil Məmmədov, 73)
29. İlqar Qurbanov
(26. Ürfan Abbasov, 46)
2. Qara Qarayev
13. Dmitri Nazarov
(18. Coşqun Diniyev, 46)
22. Mahir Mədətov
16. Cavid Hüseynov
(25. Cavid İmamverdiyev, 63)
7. Araz Abdullayev
(9. Namiq Ələsgərov, 63)
10. Ruslan Qurbanov
(11. Ramil Şeydayev, 72)
Ehtiyat oyunçular
12. Anar Nəzirov
23. Səlahət Ağayev
3. Slavik Alxasov
4. Pavel Paşayev
6. Bədavi Hüseynov
8. Emin Mahmudov
17. Rəhman Hacıyev
19. Amil Yunanov
28. Ufuk Budak
Baş məşqçi: Qurban Qurbanov
Qollar: R.Murtuzayev, 12 (1:0). S.Mujikov, 14 (2:0). B.Zaynutdinov, 90 (3:0).
Vərəqələr: T.Xəlilzadə, 35. Y.Tunqışbayev, 48. G.Jukov, 90+2 – sarı.
Hakimlər: ALEKSANDR TYAN, Andrey Bodyan, Viktor Mardari, Dmitri Muntyan (hamısı Moldova).
5 iyun. Astana. Astana Arena. 22500 tamaşaçı.
Yığma cəmi bir həftə əvvəl Qırğızıstanı 3:0 yenmişdi və aramızdan bəziləri rəqibə rişxənd edərək “sən get, böyüyün gəlsin” demişdi. “Buynuzsuz qoçun qisası buynuzlu qoçda qalmadı” – Qazaxıstan çərşənbə axşamı futbolçularımızı kötəklədi. Elə 3 cavabsız qolla məğlub olduq. Hadisələri qabaqlayaraq təəssüflə demək lazımdı ki, nəticə məhz oyuna görə idi. Komandamızın ifasında son vaxtların ən zəif çıxışlarından birini izlədik. Millətlər Liqası ilə bağlı xəyallarımız ən azı indilik suya düşdü. Görək Qurban Qurbanov dağılmış komandanı toparlaya biləcəkmi?
Qazaxıstanla görüş Qurbanovun yığmanın “sükanı arxasında” 5-ci sınağı idi. Moldova (0:0) və Makedoniya (1:1) ilə Antalyada üz-üzə gələn milli Qırğızıstandan başqa Belarusu (0:1) da evdə qəbul etmişdi. Bir sözlə, Qurbanovun yetirmələri keçirdiyi yoldaşlıq oyunlarında iki heç-heçə edib, 1 qələbə qazanıb, 1 dəfə məğlub olmuşdu. Ümumiyyətlə isə çərşənbə axşamı baş tutan görüş bu rəqiblə 10-cu duel idi. İndiyəqədərki 9 oyundan 4-də bərabərlik qeydə alınmış, 2 dəfə qalib gəlmiş, 3 dəfə məğlub olmuşduq. Dördüncü yenilgi darmadağınla qeydə alındı. Hər dəfə fərqli heyətə güvənən, öz təbirincə desək, hələ də seçim aparan və kimə güvənəcəyini müəyyənləşdirməyə çalışan Qurban Qurbanov Qazaxıstanda da şakərindən əl çəkmədi. Halbuki “Astana Arena”da artıq optimal “11-liy”i meydanda görəcəyimizə ümid edirdik. Təcrübəli mütəxəssis start heyətində əsasən “Qəbələ”lilərə üstünlük vermişdi. Hər halda, Təmkin, Cavid, İlqar və Ruslan ilk dəqiqələrdən meydanda idi. Bundan başqa, “çərçivə”ni Kamrana həvalə edən Qurbanov yarımmüdafiənin cinahlarını Arazla Mahirə tapşırmış, müdafiənin mərkəzində Medvedevlə Abışova etibar etmişdi. Orta sahədə isə Cavidlə yanaşı, Qara və Dmitri yer almışdı. Başqa sözlə, komanda meydana əsasən yaradıcı futbolçuların üstünlük təşkil etdiyi “11-lik”lə çıxmışdı. Ancaq sən saydığını say, gör fələk nə sayır... Qazaxıstan artıq 14-cü dəqiqədə tablodakı 2 “sıfır”ı 2:0-a dəyişmişdi. Hərçənd hələ ilk dəqiqə tamam olmamış hesab açıla bilərdi. Baxmayaraq ki, oyuna komandamız başladı. Dərhal da pressinq tətbiq edib hücum quran meydan sahiblərindən Şotkinin son anda həlledici zərbə vurmasına Maksim əngəl oldu. 8-ci dəqiqədə Murtuzayev sağ cinahda İlqarı keçib qapı qarşısına ötürmə etdi ki, bu dəfə Təmkin hesabın açılmasına imkan vermədi. Artıq həyəcan təbili çalınmaqdaydı və bu gedişlə qol özünü çox gözlətməyəcəkdi. Belə də oldu. 12-ci dəqiqədə rəqib cərimə zərbəsindən sonra hesabı açdı. İslamxanın aut xəttinin yaxınlığından cərimə meydançasına göndərdiyi topu Murtuzayev başla tora qovuşdurdu. Gözləmək olardı ki, yığma buraxılan topdan sonra ayılacaq. Amma əksinə, bu qol soyuq duş effekti verdi. Cəmi 2 dəqiqə sonra qazaxlar millini növbəti dəfə cəzalandırdı. Bu dəfə komanda yoldaşından ötürmə alan Mujikov cərimə meydançasına daxil oldu və orda bir “kişi” onun qarşısını kəsə bilmədi. Bir hərəkətlə Abışov və Medvedevdən yayınan yarımmüdəçi Kamrana heç bir şans vermədi.
Yığmamız topu ilk dəfə 17-ci dəqiqədə rəqibin cərimə meydançasına daşıya bildi. Mahir cinah reydindən sonra topu uzaq dirəyə doğru ünvanladı. Di gəl ki, burda nəzarətsiz qalan Araz şansı dəyərləndirə bilmədi. Qazaxıstan hissənin sonlarına doğru daha iki təhlükə ilə yadda qaldı. 31-ci dəqiqədə Maksimin kobud səhvi az qala qolla nəticələnəcəkdi. Kamran vaxtında irəli çıxıb təhlükənin böyüməsinə imkan vermədi. 37-ci dəqiqədə isə Qara mərkəzdə topu rəqibə “bağışladı”. Nəticədə meydan sahibləri üçün əks-hücum imkanı yarandı. Yaxşı ki, Mujikovun zərbəsindən sonra qapıya gedən top elə öz komanda yoldaşına dəyib istiqamətini dəyişdi. 43-cü dəqiqədə Araz Abdullayev növbəti dəfə yaxaladığı fürsəti boşa verməklə diqqəti çəkdi. Cərimə meydançasında qərar verməkdə tərəddüd edən yarımmüdafiəçi ləngidi ki, rəqib futbolçu özünü yetirib təhlükəni önlədi. Ümumiyyətlə, ilk yarının əvvəlində qazaxların ön xətdə güclü pressinqi komandamızı çaş-baş saldı, müdafiədən çıxmağa imkan vermədi. Erkən qollardan sonra isə rəqib nisbətən sakitləşdi.
Qurban Qurbanov fasilədən dərhal sonra iki dəyişiklik gerçəkləşdirdi. İlqar yerini Ürfana, Dmitri isə Coşquna verdi. İkinci hissə bərabər mübarizə şəraitində keçdi. Millimiz oyunu bərabərləşdirdi, hətta topa nəzarəti ələ keçirdi. Ancaq futbolçularımız yalnız bununla kifayətlənir, gərək oldu-olmadı tez-tez geriyə ötürmə verirdilər. Nə təhlükəli hücumlar gerçəkləşdirmək, nə də rəqib qapıçını ciddi şəkildə narahat etmək mümkün olurdu. Hissənin gedişində ardıcıl əvəzləmələr tempin daha da aşağı düşməsinə yol açdı. İkinci hissədə qapımız qarşısına yaxınlaşmaqda çətinlik çəkən qazaxlar son dəqiqələrdə əks-hücumu məntiqi sonluğa çatdıraraq böyük hesabla qalib gəldilər. Əsas vaxtın sonuncu dəqiqəsində Zaynutdinov təxminən 25 metrdən qüvvətli zərbə ilə Kamranı aciz qoydu və baxımlı qola imza atdı. Beləliklə, millimiz Qurban Qurbanovun rəhbərliyi altında ilk böyükhesablı məğlubiyyətini aldı.
MİRAĞA

Maraqlıdı...
* “Astana Arena”da Azərbaycan bayraqları və az sayda azarkeşimiz var idi. Oyunun gedişində müxtəlif şüarlar səsləndirən həmyerlilərimizin səsi eşidilirdi.
* Stadionun diktorunun matçın sonlarında bir elanı diqqəti çəkdi. Məlum oldu ki, arenada iki azyaşlı uşaq valideynlərindən ayrı düşüb.
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
15-06-2018, 14:55 Yığmanın daha bir üzvü A seriyasında 15-06-2018, 14:53 “Neftçi”də oynamaq Turalın uşaqlıq arzusu imiş 15-06-2018, 14:51 Türk Hava Yolları “Neftçi”nin sponsoru olacaq 15-06-2018, 14:50 Əsgər Abdullayev yenidən “Araz Naxçıvan”da 15-06-2018, 14:48 Maksimov dörd yeni legioner tələb edir 15-06-2018, 14:14 “Kəpəz”də maaş gecikməsi və dağılmaqda olan uşaq komandaları 15-06-2018, 14:12 “Qarabağ” Qurban Qurbanovsuz başladı 15-06-2018, 14:11 Eldəniz Yusifov "Keşlə"də 15-06-2018, 14:10 Yığmanın sabiq baş məşqçisi İtaliya çempionu oldu 15-06-2018, 14:09 “Heydər Əliyev kuboku”na start verildi 15-06-2018, 14:07 Legionerlərimizin 2017/18 mövsümü 15-06-2018, 14:04 Yeni mövsümün ilk püşkü atıldı 15-06-2018, 14:03 Nail Kərimov U-15 və U-17-nın çıxışını dəyərləndirdi 15-06-2018, 14:00 “Sumqayıt” “Şaxtyor”un futbolçusunu icarəyə götürdü 15-06-2018, 13:58 Ötən mövsümün “dil pəhləvanları” 15-06-2018, 13:54 “Çaynataun” mundial üçün şərhçiləri bir araya gətirdi 15-06-2018, 13:52 “Xan Lənkəran”ın Direktorlar Şurası yaradıldı 15-06-2018, 13:50 “Qəbələ” Qəbələdə hazırlığa başladı 14-06-2018, 00:18 Taekvondo yığmamızın əcnəbiləri böyük pullar qazanır 14-06-2018, 00:15 “Neftçi” yeni təyinatları açıqladı 14-06-2018, 00:13 “Keşlə” Kamranla Vaqifi də razı saldı 14-06-2018, 00:04 Şəmsəddin Abbasov səfər təəssüratını bölüşdü 14-06-2018, 00:02 Yığma Millətlər Liqasına nə dərəcədə hazırdı? 14-06-2018, 00:00 Mütəxəssislər favoritlərini açıqladılar 13-06-2018, 23:59 FİFA iyuldan yenilik edəcək 13-06-2018, 23:58 “Qəbələ” Sloveniyaya yollanacaq 13-06-2018, 23:56 Nazim Süleymanov özünə köməkçi tapa bilmir 13-06-2018, 23:54 Kərim Diniyev son 6 ayı özü üçün itirilmiş sayır 13-06-2018, 23:53 Samir Əliyev Ukraynadan döndü 13-06-2018, 23:51 Elnur Həmidov “Sabah”ın mətbuat katibi oldu 13-06-2018, 23:50 "Səbail" Ruslan Qurbanovu transfer etdi 13-06-2018, 23:49 Yığma üzvü İtaliya klubuna keçir 13-06-2018, 23:48 Yana DÇ-də millinin əsas heyət üzvü olmaq istəyir 13-06-2018, 23:47 Sponsorların havaya sovrulan pulları rəqəmlərin gözündə 13-06-2018, 23:45 Daha 6 iştirakçı müəyyənləşdi 13-06-2018, 23:44 "Zirə" Bolunu seçdi 13-06-2018, 23:42 Ramin Musayev kubokun finalına çəkilən xərci “Futbol+”ə açıqladı 12-06-2018, 00:29 Famil Ağayev Sofiyada qazanılmayan setə görə təəssüflənir 12-06-2018, 00:25 Zəkiyyə Həsənovadan növbəti rekord 12-06-2018, 00:24 Samir Abasov iki elita klubunun təklifini geri çevirib 12-06-2018, 00:21 “Keşlə” iyunun 23-də Türkiyəyə gedəcək 12-06-2018, 00:19 Patelaynen yetirmələrinin qüsurlarını sadaladı 12-06-2018, 00:18 Yığma qazaxlara məğlubiyyəti Riqada unutdurdu 12-06-2018, 00:16 Vüqar Əsgərovu məşqçisi və komanda yoldaşları təbrik edib 12-06-2018, 00:14 “Milli dəstə” yığmadan razı, bəzi futbolçulardan narazı qalıb 12-06-2018, 00:06 Doroşev yığmamızı “Real”a bənzətdi 12-06-2018, 00:04 “Mən özüm də kiminsə yerinə gəlmişdim” 12-06-2018, 00:03 Slavik Alxasov millidə oynamamasının səbəbini bilmir 11-06-2018, 23:50 "Traktorsazi"də Toşak dönəmi başladı 11-06-2018, 23:44 “Haqlı hesab etmirdisə, topu çölə vurmaq olardı” 11-06-2018, 23:42 Rəşad Sadıqov toplanışa yekun vurdu 11-06-2018, 23:40 Şehiç Türkiyə superliqasında? 11-06-2018, 23:39 Nazarov əlavə vaxt istəyəcək 10-06-2018, 13:39 Avropa Liqasından çıxan nəticə 10-06-2018, 13:37 Ramil Quliyev Norveçdə hamını qabaqladı 10-06-2018, 13:35 Eldəniz Yusifov da "Neftçi"dən getdi 10-06-2018, 13:34 “Neftçi” Bordini ictimaiyyətə təqdim etdi Bütün xəbərlər
Ən çox oxunanlar