27 yan 21:47yigma

U-21-in rəqibləri bəlli oldu

U-21-in rəqibləri bəlli oldu
İsraillə başlayıb Norveçlə bitirəcəyik

Xəbər verdiyimiz kimi, dünən 21 yaşadək futbolçular arasında keçiriləcək AÇ-2019-un seçmə mərhələsinin püşkü atılıb. İsveçrənin Nyon şəhərində təşkil olunan tədbir Bakı vaxtı ilə saat 12.00-da başlayıb. Püşk ərəfəsində 54 yığma 9 qrupa bölünüb ki, səbətlərin tərkibi haqda qəzetimizin ötən sayında bilgi vermişdik. Yeri gəlmişkən, dünənki tədbirə U-21-in baş məşqçisi Yaşar Vahabzadə də qatılıb.
Final mərhələsi İtaliyada keçiriləcək qitə çempionatındakı rəqiblərə gəlincə, 5-ci qrupda yer alan millimiz Almaniya, İsrail, Norveç, İrlandiya və Kosovo ilə mübarizə aparacaq.
1-ci qrup: Çexiya, Xorvatiya, Yunanıstan, Moldova, Belarus, San-Marino.
2-ci qrup: İspaniya, Slovakiya, İslandiya, Albaniya, Estoniya, Şimali İrlandiya.
3-cü qrup: Danimarka, Polşa, Finlandiya, Gürcüstan, Litva, Farer adaları.
4-cü qrup: İngiltərə, Hollandiya, Ukrayna, Şotlandiya, Latviya, Andorra.
5-ci qrup: Almaniya, İsrail, Norveç, İrlandiya, AZƏRBAYCAN, Kosovo.
6-cı qrup: İsveç, Belçika, Türkiyə, Macarıstan, Cənubi Kipr, Malta.
7-ci qrup: Serbiya, Avstriya, Rusiya, Makedoniya, Ermənistan, Cəbəllütariq.
8-ci qrup: Portuqaliya, İsveçrə, Rumıniya, Uels, Bosniya və Hersoqovina, Lixtenşteyn.
9-cu qrup: Fransa, Sloveniya, Monteneqro, Bolqarıstan, Qazaxıstan, Lüksemburq.
Püşkü dəyərləndirsək, yığmamızın bəxtinin gətirmədiyini deyə bilərik. Düzdü, sonuncu səbətdə yer alan Kosovo aşkar autsayderdi və bu rəqibdən hər iki oyunda 3 xal almaq mümkün olacaq. Əslində bu ölkə Azərbaycan tərəfindən tanınmasa da, hələ 2016-cı ilin mayında AFFA rəsmən bəyan etmişdi ki, FİFA və UEFA-nın üzvü olan ölkə ilə rəqib olsaq, matçlar baş tutacaq. Yeri gəlmişkən, artıq futzalda (Araz) bu ölkə təmsilçisiylə (Feniks) UEFA kubokunda qarşılaşmışıq.
Son AÇ-də də eyni qrupda yer aldığımız Almaniya, həmçinin İsrail və Norveç isə öz səbətlərində ilk sıralarda yer alan komandalardı. Amma almanlar istisna olmaqla, bu iki rəqib, eləcə də adı D səbətindən çıxan İrlandiyayla döyüşmək olar. Bu rəqiblərin hamısıyla (üçü ilə 4, biri ilə 2 dəfə) əvvəllər qarşılaşmışıq. Onlardan ən arzuolunmazı Almaniyadı. AÇ-2006 və AÇ-2017-də qarşılaşdığımız bundestim komandalarımıza xal verməyib. Bu matçlarda təsəllimiz cəmi 1 qol olub.
İsrail və Norveçlə isə 4 matçda 1 qələbə və 3 məğlubiyyət qeydə alınıb. Hər iki qələbə də əlamətdar olub. Skandinaviyalılarla səfərdə reallaşan 3:1 hesablı qələbə də, israillilərə Bakıda vurulan 3 cavabsız qol da bir sıra ilklərlə əlamətdar olub. İlk dəfə səfərdə 3 qol vurub və 2 top fərqilə qalib gəlmişik. Yeganə böyükhesablı qələbəmiz məhz israillilər üzərində olub.
İrlandiya ilə görüş isə kuryoz hadisəylə yadda qalıb. 11 il əvvəlki seçmə mərhələyə düşmək üçün pley-offda oynayan komandamız məşqçilər korpusunun səhlənkarlığı ucbatından yarışla erkən vidalaşdı. Bakıdakı ilk matçda cəzalı futbolçunun meydana çıxması səbəbindən yığma texniki məğlubiyyət aldı.
Almaniya – 4 oyun, 0 xal
08.10.2004. Azərbaycan – Almaniya 0:2
02.09.2005. Almaniya – Azərbaycan 2:0
08.09.2015. Azərbaycan – Almaniya 0:3
13.11.2015. Almaniya – Azərbaycan 3:1

İsrail – 4 oyun, 3 xal
15.11.1994. Azərbaycan – İsrail 1:2
10.10.1995. İsrail – Azərbaycan 4:0
08.09.2013. İsrail – Azərbaycan 7:2
03.09.2014. Azərbaycan – İsrail 3:0

İrlandiya – 2 oyun, 0 xal
11.05.2006. Azərbaycan – İrlandiya -:+
18.05.2006. İrlandiya – Azərbaycan 3:0

Norveç – 4 oyun, 3 xal
06.10.2011. Azərbaycan – Norveç 0:2
01.06.2012. Norveç - Azərbaycan 1:0
10.10.2013. Norveç – Azərbaycan 1:3
01.06.2014. Azərbaycan – Norveç 0:1
Qeyd edək ki, seçmə oyunlar martda başlayacaq. Artıq püşkatmada iştirak edən nümayəndələr təqvimi razılaşdırıb. U-21 ilk oyununu avqustun 31-də səfərdə İsrailə qarşı keçirəcək. Son rəqib isə gələn il oktyabrın 16-dakı səfər matçında Norveç olacaq.
2017-ci il
31 avqust
İsrail – Azərbaycan

5 sentyabr
Azərbaycan – İrlandiya

6 oktyabr
Almaniya – Azərbaycan

9 noyabr
Azərbaycan – Almaniya

14 noyabr
Azərbaycan – Kosovo

2018-ci il
22 mart
Kosovo – Azərbaycan

27 mart
İrlandiya – Azərbaycan

6 sentyabr
Azərbaycan – İsrail

11 sentyabr
Azərbaycan – Norveç

16 oktyabr
Norveç – Azərbaycan
Qeyd edək ki, seçmə mərhələdə qrup qalibi olan komandalar birbaşa AÇ-2019-a vəsiqə qazanacaq. İkinci yerin sahibləri arasında ən yaxşı nəticəyə malik 4 komanda pley-offda son iki vəsiqənin sahibini müəyyənləşdirəcək. İtaliyanın da qatılacağı turnirdə 12 yığma mübarizə aparacaq. Pley-off mərhələsinin görüşlərinin də vaxtı bəllidi. Qrup ikincilərinin qatılacağı matçlar 2018-ci il noyabrın 12-20-də baş tutacaq.
MİRAĞA
Yeri gəlmişkən…
Avropa çempionatının final mərhələsini qəbul edəcək stadionların siyahısı müəyyənləşib. Yarışın əsas ev sahibi İtaliya olsa da, San-Marino da həlledici mərhələnin görüşlərini qəbul edəcək. Hətta turnirin oyunlarını qəbul edəcək 6 stadiondan ikisi “cırtdanlar”a məxsusdu. Bir sözlə, yarışı İtaliya yox, İtaliya və San-Marinoda keçirilən AÇ kimi də qələmə vermək olar. Amma bir məqam da var ki, yalnız İtaliya seçmə mərhələdən azaddı. “Skuadra adzurra” final mərhələsinə meydan sahibi kimi qatılmaq hüququ qazanıb. “Cırtdanlar” isə bunun üçün Çexiya, Xorvatiya, Yunanıstan, Moldova və Belarusla mübarizə aparmalıdı.
Bu isə o deməkdi ki, AÇ meydan sahiblərindən biri olmadan baş tutacaq. Çünki san-marinolular üçün bu “altılığ”ı “ölüm qrup”u da saymaq olar.
Final mərhələsi Bolonyanın “Stadio Renato dell Ara”, Reco-Emiliyadakı “Mapei Stadium”, Çezenadakı “Stadio Dino Manuzzi” və Udinedeki “Stadio Friuli”, həmçinin San-Marinodakı “San-Marino Stadium”da baş tutacaq. Bundan başqa, San-Marinonun Doqana şəhərində də yeni arena inşa olunur.
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
17-02-2019, 16:02 Yığma üzvləri darmadağından danışdı 17-02-2019, 16:00 Fərid Nəbiyevə Slovakiya və Sloveniyadan təkliflər olub 17-02-2019, 15:59 “Qarabağ” Dedanı “Karpatı”ya satmağa hazırlaşır 17-02-2019, 15:58 PFL divizionun oyunlarını canlı yayınlayır 17-02-2019, 15:56 Moldova yığmasının üzvü "Neftçi"də 17-02-2019, 15:55 "Bayıl Arena"da 10 qol vurulsa da... 17-02-2019, 15:53 “Qarabağ”dan qorxmuruq, çəkinmirik” 17-02-2019, 15:52 Cavid Hüseynov “Qarabağ”la oyunda 1 xala razıdı 17-02-2019, 15:50 "Qəbələ" həvəslə hazırlaşır 17-02-2019, 15:42 Yurçeviçli millinin nağıl arzuları bəllidi 17-02-2019, 15:40 10 saatlıq tur 17-02-2019, 15:38 “Keşlə” yığmanın marağını klub marağından üstün tutub 17-02-2019, 15:37 Sürprizsiz tur 17-02-2019, 15:35 “Qaranın yerini silkələmək üçün çox çalışdım, alınmadı” 17-02-2019, 12:54 BMM “Futbol+”ə yer verməkdən çəkindi 17-02-2019, 12:53 Azərbaycanın idman ictimaiyyətinə müraciət 17-02-2019, 12:51 “Sumqayıt” “Keşlə”nin aqibətini yaşadı 17-02-2019, 12:48 Türkiyənin heyəti və yoldaşlıq görüşlərinə təyinatlar açıqlandı 17-02-2019, 12:47 Miloş Velebit kimdi? 17-02-2019, 12:45 “Yumşaq” Yurçeviç xaricdə fiasko vəd edir 17-02-2019, 12:44 Musa Qurbanlıdan poker, U-19-dan darmadağın 17-02-2019, 12:40 Sansone “Neftçi”də 600 min manat qazanacaq 17-02-2019, 12:39 Stuxlikin yeniliyinə fərqli münasibət 17-02-2019, 12:37 Klublar Komitəsinin rəhbərsiz qalması AFFA-nın ürəyincə deyil 17-02-2019, 12:36 “Səbail”də argentinalı forvard: 13 ildə 13 (?!) klub dəyişib 17-02-2019, 12:27 Qış fasiləsinin diqqəti çəkən 5 olayı 17-02-2019, 12:25 Stuxlik Xorvatiyaya gedəcək 17-02-2019, 12:23 “Red Black Army” narahatdı 17-02-2019, 12:22 Prinsipial rəqiblərin 50-ci dueli 17-02-2019, 12:18 “Çempionatda limiti ləğv etmişdilər, hamı legioner gətirib, pul “yeyirdi” 17-02-2019, 12:13 Amit Quluzadə “Çelik”də 22 gün qalıb və geri qayıdıb 14-02-2019, 23:21 “Karlsen, demək olar ki, səhv etmir” 14-02-2019, 23:18 Günay Məmmədzadə - 9 oyuna 8,5 xal toplayan çempion! 14-02-2019, 23:07 Denis “Sumqayıt”la oyuna dönüş nöqtəsi kimi baxır 14-02-2019, 23:05 Stuxlikin “islahatı” liqalarda narazılıq doğurub 14-02-2019, 23:03 U-21 martda 10 günlük toplanış keçəcək 14-02-2019, 22:54 Yığma penaltini qaçırdı və İspaniyaya uduzdu 14-02-2019, 22:51 “Avropa çempionatında iştirak etmək üçün vuruşacağıq” 14-02-2019, 22:41 Yurçeviçin təyinatına premyer-liqadan baxış 14-02-2019, 22:39 Xorvatlar Yurçeviçin 300 min avro qazanacağını iddia edir 14-02-2019, 22:37 Üç il əvvəlki duelə damğa vuran FİFA referisi 14-02-2019, 22:36 “Tofiq Bəhramov”da növbəti “döyüş” 14-02-2019, 22:34 Divizionda təcrübəli adlar: İmanxan Sultani, Ramil Diniyev, Əliyar Ağayev, İnqilab Məmmədov… 14-02-2019, 22:32 “Xəzər Lənkəran” yenə məhkəməyə gəlmədi 14-02-2019, 22:30 “Səbail” Antalyaya yollanıb 14-02-2019, 22:29 Asif Əsgərov ECA-nın toplantısının detallarını açıqladı 14-02-2019, 22:27 Kluba kəsilən cəriməni “Ağsu”nun futbolçuları ödəyəcək 14-02-2019, 22:26 İntizam Komitəsi daha iki komandaya texniki məğlubiyyət verdi 14-02-2019, 22:25 “Qəbələ”nin sabiq məşqçisi və idman direktoru uğursuzlar arasında 14-02-2019, 22:23 Baş katib BOS-da qonaqlarla görüşdü 13-02-2019, 13:35 Hacı Əliyev: "Hələ optimal formada deyiləm" 13-02-2019, 13:33 AFFA yığmanı Nikola Yurçeviçə tapşırdı 13-02-2019, 13:30 Yığmanın yeni çalışdırıcısını Məşqçilər Komitəsinin üzvlərindən uzaq tutublar 13-02-2019, 13:29 UEFA nümayəndələrinin Bakıya son səfəri 13-02-2019, 13:28 Səyavuş Əliyev “İdman Azərbaycan”ın direktoru olacaq 13-02-2019, 13:22 U-21-in heyəti ilə bağlı növbəti narazılıq dalğası 13-02-2019, 13:21 Aqil Məmmədov zədələnib Bütün xəbərlər
Ən çox oxunanlar