22 yan 21:43yigma

Ramin Quliyev AFFA-nın təklifini məqsədəuyğun saymayıb

Ramin Quliyev AFFA-nın təklifini məqsədəuyğun saymayıb
“İki-üç gün əksəriyyət sadə tapşırıqları belə düzgün yerinə yetirə bilmirdi”
Yanvarın ilk günlərində Qəbələdə bir araya gələn U-17 dünən təlim-məşq toplanışını başa vuraraq Bakıya dönüb. Ramin Quliyevin rəhbərliyi altında ilk dəfə toplaşan yığmanın hazırlıq dönəmində necə təsir bağışladığını, yeni çalışdırıcının toplanışdan razı qalıb-qalmadığını öyrənmək üçün onunla söhbətləşməyi lazım bildik.
- Öncə 12 günlük təlim-məşq toplanışını dəyərləndirməyinizi istərdik.
- Hazırlıqda iştirak etmək üçün 28 futbolçuya dəvət göndərmişdik. Əsas məqsədimiz seleksiya aparmaq, yığmaya namizədləri gözdən keçirmək idi. Toplanış müddətində “Qəbələ”nin U-19 və əvəzedici heyəti ilə iki yoxlama oyununda gücümüzü sınadıq. Ancaq mənə nəticədən çox uşaqların durumu, özlərini necə göstərəcəyi maraqlı idi. Fikrimcə, ilk dəfə üçün təlim-məşq toplanışını normal saymaq olar.
- Demək olar ki, bütün yığmalar hazırlıq üçün Antalyaya yollandığı halda, U-17-nin Qəbələyə üz tutması bir qədər təəccüblü göründü. AFFA sizə niyə belə şərait yaratmadı?
- Açığı, özüm toplanışın Qəbələdə keçirilməsini istədim. AFFA rəhbərliyi U-17-nin də Türkiyədə hazırlıq keçməsini istəyirdi. Mənə bununla bağlı müraciət olunmuşdu. Lakin bu dəfə seleksiya xarakterli toplanış olduğunu nəzərə alıb, Antalyaya yollanmağı məqsədəuyğun saymadım. Qəbələdə məhsuldar işləməyimiz üçün gözəl şərait yaradılmışdı. Həm assosiasiya rəhbərliyi, həm də “Qəbələ” rəsmiləri əlindən gələni etmişdi ki, heç bir çatışmazlıqla üzləşməyək.
- U-17-nin üzvləri yeni baş məşqçini necə qarşıladı?
- Yəqin ki, bunun səs-sorağı sonra çıxacaq (gülür). Fikrimcə, futbolçular onlardan nə tələb etdiyimi başa düşdülər.
- Milliyə “Qəbələ”dən 11 oyunçunun dəvət olunması heç də birmənalı qarşılanmadı. Bəzi mütəxəssislərin fikrincə, Ramin Quliyev bu klubun “şinelindən çıxdığına” görə “qırmızı-qaralar”ın yetirmələri yığmada üstünlük təşkil edir. Bu fikirlərə münasibət bildirməyinizi istərdik.
- Bəyəm “Qəbələ”nin yetirmələri tək U-17-də üstünlük təşkil edir? Bütün yaş qruplarına baxsaq, eyni durumun yaşandığını görə bilərik. “Qəbələ”nin U-17-si hazırda çempionatda liderdi. Bu da əsas verir ki, o biriləri ilə müqayisədə bu klubdan daha çox oyunçuya dəvət göndərilsin. Ancaq bu o demək deyil ki, həmin 11 futbolçunun hamısı daim yığmada olacaq. Mənim əsas məqsədim bu yaş qrupunda çıxış edən bütün istedadlı, yığmaya namizəd futbolçuların üzünə millinin qapılarını açmaqdı. Heç kim kənarda qalmayacaq, bundan narahat olmayın. Mən və köməkçilərim bu yöndə söz-söhbətə rəvac verəcək bir addım belə atmayacağıq. Toplanışı belə tez başa vurmağımız da məhz bununla bağlıdı. Artıq yanvarın 25-dən bu yaş qrupunda çempionat oyunlarına start veriləcək. Növbəti tur isə fevralın 2-də baş tutacaq. Bu iki turda köməkçilərimlə birgə oyunları izləyəcəyik. Canlı baxa bilmədiyimiz qarşılaşmaların isə disklərini əldə edib izləyəcəyik. Bununla bağlı klublarla danışığımız olub. Diqqətimizi cəlb edənlər növbəti toplanışda yığmanın düşərgəsində olacaqlar.
- Növbəti toplanış nə vaxta planlaşdırılıb?
- Fevralın 2-dən sonra yenidən iki yoxlama oyunu keçirməyi planlaşdırırıq. Bu dəfə də seleksiya xarakterli, qısamüddətli toplanış olacaq. İki turda maraq dairəmizə düşən yeniyetmələri həmin matçlarda sınamaq istəyirəm. Fevralın sonunda isə ölkə xaricinə yollanıb ən azı iki matç keçirmək istəyirik. Bununla bağlı AFFA rəhbərliyi ilə görüşüb müzakirələr aparacağıq.
- Son vaxtlar futbol ictimaiyyəti arasında yeni yetişən gənc futbolçu nəsilinin çox zəif olması ilə bağlı fikir formalaşıb. Onları iş başında görən biri kimi bu fikirlərlə razısız?
- Toplanışın ilk günlərində sözün həqiqi mənasında görüdüklərim məni təəccübləndirmişdi. 2-3 gün, demək olar ki, oyunçuların əksəriyyəti verilən sadə tapşırıqları belə düzgün yerinə yetirə bilmirdilər. Daha dəqiq desəm, nə qədər izah etsəm də, qavramaqla bağlı problem yaşanırdı. Vaxt ötdükcə çatışmazlıqlar aradan qalxdı. Tam zəifdi desəm, düz çıxmaz. Bununla belə, doğrudan da müəyyən problemlər var. Ancaq nə etmək olar? Əlimizdə olan budu. Seçim o qədər geniş deyil ki, kimisə kimləsə əvəzləyə bilək.
- Ən çox hansı mövqelərdən narahatsız?
- Təəccüblü görünsə də, hücumda problemimiz yoxdu. Sürətli və texnikalı forvardlarımız var. Məni ən çox narahat edən müdafiə xəttidi. Keçirdiyimiz iki yoxlama görüşündə müdafiəçilərimiz zəif təsir bağışladılar. Yarımmüdafiə də pis deyil.
- Müxtəlif yaş qruplarında çalışan əksər məşqçilər heyəti gücləndirmək üçün yığmaya “milliləşdirilmiş” oyunçular dəvət ediblər. Sabah axsayan mövqelərə Azərbaycanda top qovanlar arasında futbolçu tapmasaz, siz də eyni addımı atacaqsız?
- Bütün məşqçilər kimi, mən də istərdim ki, rəhbərlik etdiyim komandada yerlilər olsun. Ancaq müxtəlif ölkələrdə top qovan, əslən azərbaycanlı oyunçuları da yaddan çıxarmayacağıq. Məndən əvvəl Vüqar müəllimin (U-19-un çalışdırıcısı Vüqar Məmmədi nəzərdə tutur – R.) Moskva “Spartak”ından, Donetsk “Şaxtyor”undan dəvət etdiyi soydaşlarımız bu dəfə də bizimləydilər. Onlardan başqa İspaniya və Fransada top qovan azərbaycanlı yeniyetmələr də nəzərimizdədi. Onların xaricdə çıxış etməsi o demək deyil ki, yığmada yerləri təmin olunub. Həmin oyunçular yerlilərdən ən azı bir baş üstün olmalıdılar ki, yığmaya dəvət olunsunlar. Əks halda öz klublarımızın şərəfini qoruyanlara güvənəcəyik.
- Seleksiya işi ilə özünüz məşğul olacaqsız, yoxsa bu məsələ güvəndiyiniz başqa şəxslərə həvalə olunub?
- Seleksiya ilə mən və köməkçilərim məşğul olacaq. Ola bilsin, kimsə hardasa istedadlı futbolçu görə bilər. Bu haqda bizə məlumat veriləndən sonra özümüz həmin oyunçunu izləyib milliyə layiq olub-olmadığını müəyyənləşdirəcəyik. Bu çox həssas məsələdi və istəməzdim ki, səhvə yol verək.
RƏŞAD
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 17:14 Gülağa Cabbarov Stuxlikə məktub yazdı Dünən, 17:13 Riad Rəfiyev əvvəlcə sponsorla, sonra baş məşqçi ilə görüşəcək Dünən, 17:11 “Qəbələ”də qeyri-müəyyənlik davam edir Dünən, 17:09 Renat Dadaşov U-21-dən imtina etməyib Dünən, 17:07 Qara Qarayev daha iki il “Qarabağ”da Dünən, 17:06 Azərbaycanlı futbolçular Mxitaryanı “qorxaq” adlandırdı Dünən, 17:04 Avroliqanın kuboku Cocuq Mərcanlıda Dünən, 15:28 Yığma 17 nəfərlə hazırlaşır Dünən, 15:25 Yurçeviç “çərçivə”ni Səlahət Ağayevə tapşıracaq Dünən, 15:22 "Ayntraxt"ın azarkeşləri azərbaycanlı cocuqları sevindirdilər Dünən, 15:17 UEFA İcraiyyə Komitəsi Bakıda yığışacaq Dünən, 15:14 Çempion üç günə iki qələbə qazandı Dünən, 15:12 “Araz”ın ÇL-dəki rəqibləri nə vaxt məlum olacaq? Dünən, 15:10 Joze Alesio limitin tərəfdarıdı Dünən, 15:08 Hər iki finalçı cəzalandırıldı Dünən, 14:03 “Dəyişikliklər vacibdi, amma belə yox” Dünən, 14:01 “Keşlə” Salahlı ilə anlaşdı, hədəfdə Əfrandı Dünən, 13:59 U-21 xorvatlarla “sülh bağladı” Dünən, 13:54 Səfir jurnalistlər önünə çıxacaq Dünən, 13:53 Nə tez ayıldın, Özil?! Dünən, 13:51 Naxçıvan turniri: xəbəri kimdən alaq? Dünən, 13:47 Kamal Bayramov “Səbail”də Dünən, 13:44 Emil Balayevli "Tobol"dan önəmli qələbə Dünən, 13:40 “Neftçi”nin Mirabdullanı satmaq fikri yoxdu Dünən, 13:25 Ayxan Abbasov Riad Rəfiyevlə son görüşü gözləyir Dünən, 13:20 AZAL “Qəbələ” və “Sumqayıt”ın futbolçularına zülm etdi Dünən, 13:18 “Topaz” mayın 28-də festivala başlayır Dünən, 11:21 Futbolumuzdakı ingilislər həmyerlilərini Bakıya səsləyir 23-05-2019, 20:32 Finalın meydanda görünməyən tərəfləri 23-05-2019, 20:21 Naxçıvanda üç gün 23-05-2019, 20:19 Premyer-liqanın ən yaxşısı Dani Kintanadı! 23-05-2019, 20:16 “Zirə”nin kapitanlarına qapını göstərirlər 23-05-2019, 20:13 AFFA “Xəzər Cənub”a cəza yağdırdı 23-05-2019, 20:11 "Ekol" “Neftçi”ni asanlıqla üstələdi 23-05-2019, 20:03 Xətai Bağırov Taylandda oteldə qalır 23-05-2019, 19:24 Davud Kərimi 13 futbolçunun göndərilməsini normal sayır 23-05-2019, 19:19 Renat Dadaşov Portuqaliyada medal qazandı 23-05-2019, 19:17 Azərbaycan səfirindən sərt sual 23-05-2019, 19:15 Gürcü Azərbaycanı bəyənmir... 23-05-2019, 19:13 “Qarabağ”ın 16 mümkün rəqibindən 13-ü bəllidi 23-05-2019, 19:11 Rəhimin “Sabah”, Əliyarın “Qarabağ” “sevgisi” 23-05-2019, 19:04 Bakıda əfsanələrin paradı 21-05-2019, 15:14 Həftənin idman proqramı 21-05-2019, 15:08 Medianın finala biganəliyinin arxasında nə dayanır? 21-05-2019, 15:05 “Çelsi” fanklubunun Bakıdakı üzvləri hava limanına getməyəcək 21-05-2019, 15:03 Ayxan Abbasov “Sumqayıt”dan gedir 21-05-2019, 15:01 Rauf Əliyev: “Top qəbul etmək, düzgün ötürmək vermək çətin idi” 21-05-2019, 14:54 Cavid Hüseynov rəhbərliklə görüşəcək 21-05-2019, 14:52 İnqilab Məmmədov protokolda çoxlu səhv buraxdı 21-05-2019, 14:50 "Qəbələ": final lənətinə son və ilk titul! 21-05-2019, 14:46 "Səbail" bir ucdan yola salır 21-05-2019, 14:40 Alla Həsənova çempion oldu 21-05-2019, 14:38 Fərid Kərimzadə yersiz xal itkilərini səbəb göstərdi 21-05-2019, 14:35 Elçin Səmədli UEFA-da Murad Məmmədovu əvəzlədi 21-05-2019, 14:32 “Xəzər Cənub” dağıldı! 21-05-2019, 14:28 “Baku Fire” yüksək liqaya iddialıdı 21-05-2019, 14:27 ADBTİA “gümüş”ü “Standard”dan “oğurladı” Bütün xəbərlər
Ən çox oxunanlar