11 okt 23:57yigma

Qara Şimali İrlandiya ilə ev oyununu unuda bilmir

Qara Şimali İrlandiya ilə ev oyununu unuda bilmir
“Şəxsən mənim üçün “Tofiq Bəhramov”da oynamaq daha rahatdı”
Çexiya ilə matçda ikinci yarıda meydana çıxan Qara Qarayev Almaniyaya qarşı görüşə start heyətində başladı. Düzdü, yarımmüdafiəçi parlaq çıxışı ilə yadda qalmadı. Qara hər dəfə nəhəng komandalarla matçlarda sanki həyəcanlanır, top itkiləri və səhvlərlə yadda qalır. Bunu "Çelsi" ilə oyunda da görmüşdük. Almaniya ilə görüşdən sonra vətənə dönərkən gənc yarımmüdafiəçi ilə danışmaq imkanı oldu.
- Yaman yorğun görünürsən. Yolla bağlıdı, yoxsa dünənki (srağagünkü) oyunla?
- Oyunlara görə deyil. 3 gündə iki oyun keçirsək də, Almaniyaya qarşı matçda tam, Çexiya ilə görüşdə isə bir az oynadım. O qədər də yorğun deyiləm. Ola bilər ki, hər iki görüşdə meydana çıxan uşaqlar yorğundular. 4 gündən sonra yenə oyunum var. Bir az dincəlmək imkanım olacaq.
- Almaniya ilə görüşdə iki fərqli hissə izlədik. İlk yarıda normal oyun və yaxşı nəticə, ikinci hissədə isə "qəza"...
- Bəli, dediyiniz kimidi. İlk yarıda daha çox topa nəzarət etmək imkanımız oldu. Həm də müdafiədə boş zonaları bağlayırdıq. Almaniya 4 qat dünya çempionudu. Bu mərhələdə də 30 xal topladılar. Heyəti çox güclüdü. İlk hissəni bərabər bitirmək özü də bir uğurdu. İkinci yarıda təzyiqi artırdılar. O qədər azarkeş önündə qələbə qazanmaq istəyirdilər. Məcburən müdafiəyə çəkildik. Almaniya ilə görüşdəki məğlubiyyətin səbəblərini axtarmaq qəribə olar. Çünki ortada səviyyə fərqi var. Ümumi qiymət verdikdə isə pis oynamadıq.
- Kənardan elə göründü ki, Almaniya yüksək təzyiq və aqressivlik ilə oynamaq istəmirdi. Rəqib məhz Şeydayevin qolundan sonra daha üstün oynamağa başladı. Sən necə düşünürsən?
- Onlar ilk yarıda sakit oynayıb, ikinci hissədə sürətli oyun nümayiş etdirə bilməzdilər. Sadəcə, ilk yarıda biz yaxşı müqavimət göstərdik. Elə dəqiqələr oldu ki, topa daha çox nəzarət etdik. Rəqibin qapısı qarşısında ilk yarıda 3-4 vəziyyət yaxaladıq. Bunu biz də gözləmirdik. Amma gördük ki, bizdə alınır. Rəqibin sırf vurduğumuz qola görə coşduğunu düşünməzdim. Amma qolumuz onları sanki "oyatdı".
- Fasilədə Robert Prosineçki nə dedi? Hesabı qorumaq yönündə hansısa tapşırığı oldu?
- O hələ DÇ-nin seçmə mərhələsinin püşkü atılandan deyirdi ki, Almaniyadan qorxmayın. Bizi onlara qarşı xüsusi motivasiya edirdi. Oyundakı bəzi çatışmazlıqları bizə çatdırdı. Başa saldı ki, bunları etmək, zonaları bağlamaq lazımdı. Fasilədən sonra bacardığımızı etdik. Amma nəticə gördüyünüz kimi oldu.
- Bəs oyundan sonra söhbət etdiz?
- Xüsusi söhbət olmadı. Sadəcə, uşaqlarla sağollaşdı.
- Maraqlıdı, bu gün Bakıya da dönmədi. Tam vidalaşdı?
- Yox. Oyuna görə təşəkkür etdi. Yəqin vətəninə dönüb. Çox güman, yaxın günlərdə Bakıya qayıdacaq. O Bakıya qayıdanda seçmə mərhələ ilə bağlı bizimlə danışacaq.
- Rəşad Sadıqov artıq millinin kapitanı deyil. Onun yoxluğunda özünüzü necə hiss edirdiz? Çətin deyildi?
- Bunu artıq qəbul etmişik. O beynində olan qərarını verib. Bir gün hamımız belə qərar verəcəyik. Rəşadın qərarına hörmətlə yanaşmaq lazımdı. Təbii ki, onun yoxluğu hiss olunur. Biz bunu onun zədəli vaxtlarında da hiss edirdik. Milli elə bir yerdi ki, burda kimsə daimi oynaya bilməz. Azarkeşlər Rəşadı Bakıda layiqincə yola saldı. Ümid edirəm ki, bundan sonrakı karyerası uğurlu olacaq və millidə də onun yerini dolura biləcək futbolçunu görə biləcəyik.
- Bu seçmə mərhələdə sənin üçün yaddaqalan və üzüldüyün oyun hansı oldu?
- Şimali İrlandiyaya qarşı Bakıdakı matçda dəhşət üzüldük. Yalnız mən yox, komanda yoldaşlarım, məşqçilər korpusu, həmçinin azarkeşlər. Həmin matçda 90 dəqiqə rəqibdən üstün oynadıq. O görüş keçirdiyimiz 10 oyun arasında ən yaxşısı idi. Rəqibə şans vermirdik. Kifayət qədər qol imkanlarımız olmuşdu. Amma sonda bəxtsizlikdən məğlub olduq. Oyunu udsaydıq, hər şey fərqli olardı. Hələ də o görüşü unuda bilmirəm.
- Qarşıdan ÇL-də “Atletiko”ya qarşı oyun gəlir.
- Bu haqda düşünmək hələ tezdi. Özü də elə komandalara rəqib olmuşuq ki, onlar haqda düşünmək də olmur (gülür). Avropanın ən yaxşı çempionatlarının iştirakçıları ilə oynayırıq. Bu bizim üçün böyük təcrübədi. “Atletiko”ya qarşı adımıza, ölkəmizə və azarkeşlərimizə layiq formada oynayacağıq. Necə ki, “Roma”ya qarşı əzmkar oyun sərgilədik, bu dəfə də eyni planımız var. Xal qazansaq, çox yaxşı olar. Lakin rəqibin gücü bizə bəllidi. “Atletiko” son illər iki dəfə ÇL-in finalına oynayıb.
- “Qarabağ”ın ÇL-in qrup oyunlarının Bakı Olimpiya Stadionuna (BOS) salınması xeyli müzakirə olundu. “Roma” ilə görüşdə də gördük ki, kifayət qədər azarkeş olsa da, möhtəşəm atmosfer yaranmadı. Həmin oyun Tofiq Bəhramov adına Respublika stadionunda olsaydı, tam fərqli nəticə də qeydə alına bilərdi. Yəni ora öyrəşmisiz. Bu haqda nə düşünürsən?
- Şəxsən mənim üçün “Tofiq Bəhramov”da oynamaq daha rahatdı. Çünki uzun illər avrokubok matçlarını orda keçirmişik. Tribunalar yaxındı və azarkeşləri hiss edirik. Ora çox alışmışıq. Yəqin ki, BOS-a öyrəşmək üçün də vaxt lazımdı. Deməzdim ki, biz “Roma”ya sırf BOS-da oynadığımıza görə uduzduq. Belə şey mümkün deyil. Təsiri olsa da, azdı. Onlara qarşı lap Respublika stadionunda oynasaydıq belə, uduza bilərdik. Bu bizim qərarımız deyil. Bizim işimiz çıxıb futbol oynamaqdı.
ŞƏFİ ŞƏFİYEV, Saarbrüken - Bakı
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
21-10-2017, 00:59 Hidayət Heydərov 11 illik həsrətə son qoydu 21-10-2017, 00:57 Prosineçki yenə vədinə xilaf çıxdı 21-10-2017, 00:56 “Neftçi” Gəncədə 18 min azarkeşin qarşısına çıxacaq 21-10-2017, 00:55 Məsuliyyəti üzərinə götürən Mirbağır İsayev istefa haqda düşünmür 21-10-2017, 00:53 Bədavi azı 2-3 həftə oynamayacaq 21-10-2017, 00:51 BOS-dakı avtomobil parkı bir saata dolub 21-10-2017, 00:50 “Köhlən atlar” mərc həvəskarlarını ziyana salıb 21-10-2017, 00:47 Son anda fərqli qərar verilsəydi... 21-10-2017, 00:45 Dinonun "qırmızı"sı haqlı müzakirələrə yol açdı 21-10-2017, 00:40 20 ildi “Futbol+”də hesab-kitab aparan şəxs 21-10-2017, 00:33 “Gözəgörünməz qüvvə”: operatorlar “Futbol+”dəki illərini necə xatırlayır? 21-10-2017, 00:30 “Traktorsazi”yə son dəqiqə şoku 19-10-2017, 18:04 “Canlı ensiklopediya” 65-i geridə qoydu 19-10-2017, 17:57 Boris Xetaqurov da bizi təbrik etdi 19-10-2017, 17:54 Tarixi sayı “Qarabağ”ın bütün heyətinə imzalatdıran oxucu 19-10-2017, 17:32 “Futbol+”in işi klubların gözündə 19-10-2017, 17:30 Klubların əksəri aşağı yaş qruplarına buts paylaya bilmir 19-10-2017, 17:28 MOİK rəhbərliyi Ramil Əliyevi saxladı 19-10-2017, 17:27 Cərimələr 20 mini ötdü 19-10-2017, 17:26 Tərlan Əhmədovdan örnək addım 19-10-2017, 17:24 “Atletiko”nun prezidenti Hafiz Məmmədovun qonağı oldu 19-10-2017, 17:20 Gənclər “Atletiko”ya müqavimət göstərə bilmədi 19-10-2017, 17:18 “Qarabağ” “Koroğlu”nun ətrafını bayram yerinə çevirdi 19-10-2017, 17:16 İlk qol, ilk xal, bəs sonra… 19-10-2017, 17:14 Anar Salmanovdan idarəçiliyə qiymət: biabırçılıq! 19-10-2017, 17:11 Zabit Səmədov tanınmış döyüşçünü Bakıya gətirmək istəyir 19-10-2017, 17:09 Prosineçki yenə ləngidi 19-10-2017, 17:07 Superliqa oyunları ölkəmizdə yayınlanmayacaq 19-10-2017, 17:05 Futzalçılar Alesioda günah görmür 19-10-2017, 17:03 Maşallah Əhmədovdan 300 min manat tələb olunur 19-10-2017, 17:01 Yığmanın sabiq çalışdırıcısından şok açıqlama 19-10-2017, 16:58 Reaksiyalar 19-10-2017, 16:55 Qurbanov fransız hakimin qərarı ilə razılaşmır 17-10-2017, 16:51 Təmkin yenə “Kəpəz”in başına oyun açdı 17-10-2017, 16:50 “Qəbələ” ikinci dövrəyə də darmadağınla start verdi 17-10-2017, 16:48 “Arada düşünürəm ki, bu qəzet olmasa, mən necə yaşaya bilərəm” 17-10-2017, 16:44 20 ildə “Futbol+”in bütün saylarını yığan oxucu 17-10-2017, 16:31 Fərhad “Qəbələ”liləri vaxtı uzatmaqda qınadı 17-10-2017, 16:29 Cavid Hüseynov da Prosineçkinin qalmasını istəyir 17-10-2017, 16:26 “Sabah”dan darmadağın 17-10-2017, 14:51 Mahir Mədətovun əmisinə xəsarət yetirdilər 17-10-2017, 14:50 Birinci divizionda ilk istefa 17-10-2017, 14:49 “Neftçi” “Səbail”in borcunu artıqlaması ilə qaytardı 17-10-2017, 14:47 Abasov yetirmələrini təriflədi 17-10-2017, 14:44 Qriqorçukun “avtobus taktikası” özünü doğrultdu 17-10-2017, 14:42 “Araz” mübarizəni dayandırdı... 17-10-2017, 14:40 Rahid Əmirquliyevin təftişi: iki halın heç birində oxumadı 17-10-2017, 14:38 “Qarabağ” “Atletiko”nu məğlub etsə, azarkeşlər pulsuz taksidən yararlanacaq 17-10-2017, 14:37 Prosineçki Sloveniya variantını təsdiqlədi 17-10-2017, 14:34 Antalyada ikiqat uğur 17-10-2017, 14:31 Ölkə çempionunu Danimarkada “döydülər” 17-10-2017, 14:30 Yığma üzvü Rusiyada kapitan oldu 17-10-2017, 14:28 İlk “üçlük”lə başqaları arasında uçurum dərinləşir 15-10-2017, 14:34 Errera və Barqasla anlaşma yeniləndi 15-10-2017, 14:32 Cavadovlar qız gözləyəndə Vaqif doğulub 15-10-2017, 14:28 “Qarabağ” sonda sevindi 15-10-2017, 14:26 “Azəryol” heyətini açıqladı Bütün xəbərlər
Ən çox oxunanlar