22 in 19:00yigma

Çimərlik futbolu yığması Belarusa gedir

Çimərlik futbolu yığması Belarusa gedir
İlham Əzizzadə: “İnanmırsızsa, AFFA-ya xəbər vermədən gəlin, bizimlə nahar edin”

Çimərlik futbolu yığması Bakıda təlim-məşq toplanışındadı. İlham Əzizzadənin komandası iyunun 5-dən hazırlığa cəlb olunub. Dünən həm də öyrəndik ki, milli beynəlxalq turnirə dəvət alıb. Toplanış və turnir haqda bilgi verməzdən öncə çimərlik futbolu yığması ilə bağlı gəzən xəbəri diqqətinizə çatdıraq. Deyilənə görə, AFFA-nın bu komandaya münasibəti dəyişib. Assosiasiya artıq çimərlik yığmasına laqeyd yanaşır. Komandanın içindən mətbuata sızdırılan məlumata inansaq, yığma üzvlərinin “sutoçnı”sı kəsilib, bundan başqa, akademiyada qalan futbolçulara normal yemək belə verilmir. Düzü, yemək məsələsi özümüzə də inandırıcı gəlmədi. Ancaq xəbərin izinə düşüb onun axırına çıxmağa çalışdıq.
Baş məşqçi İlham Əzizzadəni aradıq. Zeynal Zeynalovun gedişindən sonra həmin posta sahib çıxan Əzizzadə məlumatı təkzib etdi. Üstəlik, bizi qarşıdakı bir həftə ərzində millinin düşərgəsinə dəvət etdi: “Bilmirəm, kimdən almısız bu informasiyanı, amma heç bir əsası yoxdu. Əvvəla, biz AFFA-da qalmırq. Düzdü, səhər orda toplaşırıq, assosiasiyanın ayırdığı avtobusla məşqə gedirik və günortaya yenə ora qayıdırıq. Naharı AFFA-da eləyirik. Düzdü, uşaqların heç də hamısı bazada qidalanmır. 3-4 nəfər nahardan azaddı. Bu da Ramazan bayramına görədi. Oruc uşaqlar naharda iştirak etmirlər, özüm buna icazə vermişəm. Yeməyin keyfiyyətinə söz ola bilməz. Bunu dilə gətirmək ayıbdı, ancaq mən baş məşqçi kimi cavabdeh olduğum üçün deməliyəm. Yəni uşaqlar doyub stoldan qalxır, qablarında da yemək qalır. Üstəlik, vitaminlər qəbul edirik. AFFA komanda üçün vitamin alıb, futbolçular həkim nəzarətində onu qəbul edirlər. İnanmırsızsa, sabah gəlin bazaya. Düşünürsüzsə ki, sizə görə menyunu dəyişərlər, onda qarşıdakı bir həftə ərzində günü özünüz müəyyənləşdirin və xəbər vermədən gəlin, bizimlə nahar edin. O ki qaldı toplanış ərzində nəzərdə tutulan gündəlik xərcliyə, düzdü, onu hələ almamışıq. Amma əvvəlcədən AFFA-dan deyiblər ki, toplanışın sonuna kimi pullarınızı alacaqsız. İnanmamaq üçün əsas yoxdu. Axı heç vaxt bu baxımdan problem olmayıb. Klub deyil ki, problem yaransın. Əksinə, AFFA yığmaya böyük diqqət ayırır. Avtobusla təmin olunmuşuq, Su İdman Sarayının yanındakı yeni – Avropa Oyunları üçün tikilmiş meydançanı ixtiyarımıza veriblər, xaricə səfər təşkil edilir. Bir həftə sonra beynəlxalq turnirdə iştirak edəcəyik. Səfərdə olduğumuz müddətin pulunu isə qayıdandan sonra alacağıq. Problem olsaydı, belə şərait yaradılardı? İnanmayın belə şayiələrə”.
Yığmanın baş məşqçisi toplanışın gedişi haqda da bilgi verdi: “İyunun 5-dən təlim-məşq toplanışındayıq. Qeyd etdiyim kimi, bazada qalmırıq, gündə bir məşqlə kifayətlənirik. Məşq səhər saat 10-da olur. Məşq prosesi təxminən iki saat çəkir. Bakı toplanışı ayın 28-nə kimi davam edəcək. 24 gün ərzində uşaqların ümumi vəziyyətini gözdən keçiririk. Artıq kimin nəyə qadir olduğunu gördük. 15 oyunçuyla hazırlıq keçdik. Qarşıda iki ay vaxtımız var. Heyətə yeni uşaqlar cəlb etmişdik ki, bu proses növbəti toplanışlarda da davam edəcək. Çünki bizə güclü oyunçular lazımdı. A divizionunda elədi ki, 12 heyət üzvünün hamısı üst səviyyədə olmalıdı. Qarşıdakı toplanışlarımız həm hazırlıq, həm də seleksiya xarakteri daşıyacaq. Yeni çağırılanlar əsas komanda ilə birgə məşqlərdə, oyunlarda “artırmalıdılar”. Bu dəfə ötən mövsümü “Qaradağ Lökbatan”da keçirən Anar Məhərrəmovu dəvət etmişdik. Sərəncamımda üç qapıçı var. Xoşuma gəlib, gələcək üçün perspektiv vəd edir. Veteran futbolçumuz Nazim Əliyevin oğlu Elgiz də bizimlədi, məşq edir. Ötən toplanışda da onu sınaqdan keçirmişdim. O da pis uşaq deyil, ancaq builki yarışlar üçün hələ “bişməyib”. Növbəti mövsüm sıralarımızda ola bilər. Ümumiyyətlə, 2-3 yeni oyunçumuz var ki, onları gələcək üçün hazırlayırıq. Nəzərə alaq ki, artıq A divizionundayıq. Burdakı rəqiblərin hamısı güclü komandalardı. Bir çoxları Avropa çempionu olub. İtaliya, Ukrayna, Portuqaliya kimi rəqiblərlə üz-üzə gələcəyik. Ümumiyyətlə, onların heç biri zəif deyil. Bildiyiniz kimi, uzun müddətdən sonra komanda bu uğura Zeynal Zeynalovun rəhbərliyi altında imza atdı. Sadəcə, şəxsi məsələlərə görə yığmada qala bilmədi. Məqsədimiz odu ki, komandanı A divizionunda saxlayaq. Orda 6 oyun keçirəcəyik. Ümumilikdə A divizionunun görüşləri 5 mərhələdə keçirilir. Biz avqustda 4 və 5-ci mərhələdə oynayacağıq. Dördüncü mərhələdəki rəqiblərimiz Portuqaliya, Belarus və Polşadısa, 5-ci mərhələdə Ukrayna, İtlaiya və Almaniya ilə qarşılaşacağıq. Yəni hamısı güclü rəqiblərdi. Bizə 6 oyundan heç olmasa, ikisində qalib gəlmək lazımdı ki, A divizionunda qalaq. Bu il vəzifəmiz yerimizi qorumaqdı. Növbəti illərdə isə komandanı daha da komplektləşdirib, gücləndirib “8-liy”ə düşək ki, final mərhələsində iştirak edək. Bu bir qədər uzunmüddətli plandı. Birdən-birə “8-liy”ə düşsək, bu bizim üçün böyük sıçrayış olar. Ancaq fikrimcə, reallıqla danışmaq lazımdı. Dediyim kimi, əsas məqsədimiz A divizionunda qalmaqdı. Bunun üçün 9, 10 və 11-ci yerləri tutmaq kifayət edir”.
Əzizzadə hazırlaşdıqları beynəlxalq turnir haqda da məlumat verdi: “İyunun 28-də bizi turnirə dəvət ediblər. Belarusda “Beach Soccer”in keçirəcəyi ənənəvi yarışdı. Həmişə Belarus Futbol Federasiyası təşkil edirdi, bu dəfə beynəlxalq qurum özü keçirir. Turnirdə 4 komanda iştirak edəcək: meydan sahibləri və bizimlə yanaşı, Türkiyə və Litvanı da cəlb ediblər. Oyunlarımız iyunun 30-da, iyulun 1-i və 2-də olacaq. Ayın 3-də geri qayıdacağıq. Yarış Vitebsk şəhərində keçiriləcək. 12 nəfərlik heyətlə gedirik. Səfər komandalarının məskunlaşması və qidalanması təşkilatçıların boynunadı. İştirakçılar yalnız bilet pullarını ödəyir. Çalışacağıq ki, heyət üzvlərinin hamısına şans verək və yaxşı oyun göstərək”.
MİRAĞA
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
20-03-2019, 13:41 AFFA xəbərləri 20-03-2019, 13:32 “Taxta oğrusu” Ayxan, papaq atıb məyus olan Aslan... 20-03-2019, 13:30 Favoritlər büdrəmədi 20-03-2019, 13:28 Eltac “sülh”lə başladı 20-03-2019, 13:27 Büdrəməyən iki komanda var 20-03-2019, 13:23 Rəşad yığmaya çağırılmayacağını hiss edibmiş 20-03-2019, 13:20 Ağasəlim Mircavadov U-19-la Krasnodardadı 20-03-2019, 13:18 Ədalət təmsilçilərimizə təyinat gəldi 20-03-2019, 13:16 Elxan Abdullayev Velebitin köməkçisi oldu 20-03-2019, 13:15 Əvvəl Rusiya, sonra İrlandiya və Rumıniya 20-03-2019, 13:13 Litva ilə üçüncü duel 20-03-2019, 13:10 Bayram axşamı qanımız qaralmasın! 20-03-2019, 13:06 Yığmanın mümkün “11-liy”i 20-03-2019, 13:04 Yurçeviç Zaqrebdə sürpriz etmək istəyir 20-03-2019, 13:02 U-21-in heyətində iki dəyişiklik 20-03-2019, 12:55 U-19-un rəqibi əvvəl qalib gəldi, sonra uduzdu 20-03-2019, 12:52 “FC Baku”dan “feyr-pley” və darmadağın 20-03-2019, 12:51 Mütəxəssislər yığmadan maksimum heç-heçə gözləyir 20-03-2019, 12:46 Bombardirlərin turu 20-03-2019, 12:45 Tərlan Əhmədov sınaq matçı planlaşdırıb 20-03-2019, 12:33 “Neftçi” yoxlama oyunu keçirməyəcək 20-03-2019, 12:30 Essyenlə bağlı soruşduq, fikirlər haçalandı 20-03-2019, 12:28 “Sabah” yoldaşlıq görüşü keçirəcək 20-03-2019, 12:27 “Sumqayıt” Əfran İsmayılovu itirdi 20-03-2019, 12:25 “Qarabağ” yarımcan heyətlə “Zirə”ni sınağa çəkəcək 20-03-2019, 12:23 Fərid “Slaviya”ya qələbə qazandırdı 19-03-2019, 15:11 Aleksey İsayev yığmadan ayrıldı 19-03-2019, 15:07 “Maksimir”də yığmaya 20 fanat dəstək verəcək 19-03-2019, 15:05 Essyen ilyarım “Səbail”ə xidmət edəcək 19-03-2019, 15:02 "Neftçi"nin legioneri Seneqalla oyuna çağırıldı 19-03-2019, 14:58 Emeqara zədəyə görə kənarda qalıb 19-03-2019, 14:56 Aqolli azarkeşlərlə bizim dildə sağollaşdı 19-03-2019, 14:55 “Sabah” Çalanı yola saldı 19-03-2019, 14:52 Kamran Ağayev “Keşlə”də yox, dostları ilə oyunda zədələnib 19-03-2019, 14:50 Boyükağa Hacıyevin ölümündən bir il ötdü 19-03-2019, 14:47 “O qədər məyusam ki, danışmağa, müsahibə verməyə həvəsim yoxdu” 19-03-2019, 14:46 Ayxan Abbasov Atillanın “qələmini qırdı” 19-03-2019, 14:44 İlk "üçlük"də yerdəyişmə oldu 19-03-2019, 14:42 Adam sabiq köməkçisini unutmayıb 19-03-2019, 14:41 Bojoviç: “Ramil son vaxtlar möhtəşəm oynayır, afərin!” 19-03-2019, 14:37 “Azərsun Holdinq” “Qarabağ”a lazım olan vəsaiti ayırır 19-03-2019, 14:35 Turun statistikası 19-03-2019, 13:08 Turun məşqçisi 19-03-2019, 13:07 Hakimlərin mühakiməsi 19-03-2019, 13:04 Üçüncü dövrənin lideri “Qarabağ”dı 19-03-2019, 13:01 Eddi və Rüfət “fərqləndi” 19-03-2019, 12:59 Turun oyunçusu 19-03-2019, 12:57 Turun sitatı 19-03-2019, 12:54 Turdan məqamlar 19-03-2019, 12:50 Lider izləyicisini xalsız qoydu, U-19 uduzdu 19-03-2019, 12:47 Layiq olmadığımız yenilgi 17-03-2019, 14:50 Marinadan tarixi addım və finala vəsiqə 17-03-2019, 14:49 “Boykotçular”ın turniri apreldə keçiriləcək 17-03-2019, 14:48 “Neftçi” debütantı üstələdi, “Yasamal” İSK “zirzəmi”dən qurtuldu 17-03-2019, 14:34 Mütəxəssislər Səlahətin “1 nömrə” olacağını düşünür 17-03-2019, 14:32 Essyenin “Səbail”dən heç bir xüsusi tələbi olmayıb 17-03-2019, 14:30 Essyenin transferi ölkə futboluna nə qazandıracaq? Bütün xəbərlər
Ən çox oxunanlar