07 in 19:09yigma

0:4-dən yada düşən xatirələr…

0:4-dən yada düşən xatirələr…
Prosineçki həmin səhvləri təkrarlamamalıdı!

Millinin taleyüklü matçına cəmi 4 gün qalır. Robert Prosineçkinin rəhbərlik etdiyi komanda iyunun 10-da Tofiq Bəhramov adına Respublika stadionunda Şimali İrlandiyanı qəbul edəcək. Yığma üçün beynəlxalq arenalarda çıxış etdiyi 25 ildə hansısa oyunun yekun nəticəsi bu dərəcədə önəmli olmayıb. DÇ-2018-in seçmə mərhələsində C qrupunda yer alan təmsilçimiz 5 oyundan sonar topladığı 7 xalla 3-cü pillədə qərarlaşıb ki, bizdən iki pillə öndə olan britaniyalıların hesabında 10 xal var. Yəni yığma şənbə günü rəqibini məğlub edəcəyi halda xallar bərabərləşəcək. Bu da payızda baş tutacaq 4 qarşılaşmadan öncə işimizə yaraya bilər. Həm psixoloji cəhətdən, həm də turnir cədvəlindəki mövqe baxımından. Bir sözlə, seçmə mərhələni 2-ci yerdə başa vurub Rusiyada təşkil olunacaq mundialda iştirak etməyi arzulayan futbolçular irlandları nəyin bahasına olur-olsun, məğlub etməlidi. Əks halda, hədəf arzu olaraq qalacaq.

Hər hissədə 2 qol
Bunun öhdəsindən gəlmək isə yazdığımız qədər asan deyil. Təkcə bir faktı – Şimali İrlandiyanın ötən yay AÇ-2016-nın final mərhələsində iştirak etdiyini xatırlatmaq rəqibin hansı gücə sahib olmasından xəbər verir. Maykl O‘Nilin yetirmələrinin nəyə qadir olduğunu noyabrın 11-də, yığma “Vindzor Park”da Şimali İrlandiyanın qonağı olanda gördük. Buna qədər qrupda keçirdiyi 4 oyunun heç birində məğlub olmayan təmsilçimiz Belfasta böyük ümidlə yollanmışdı. Ən pis halda heç-heçə gözləyirdik ki, meydan sahibləri hələ ilk 45 dəqiqədə reallığın nə olduğunu azərbaycanlı futbolsevərlərə göstərdi. Hər hissəyə təsadüf edən 2 qol yekunda britaniyalıların 4:0-lıq qələbəsini şərtləndirdi. 7 ay əvvəlki qarşılaşmanı göz önünə gətirib vacib məqamları diqqətə çatdıracağıq.

Rəşad Sadıqovun yoxluğu
Səs-küyə səbəb olan yığmanın uduzması yox, qapısında 4 cavabsız top görməsiydi. Yəni kiçik hesabla məğlub olsaydılar belə, heç kim futbolçuları və məşqçilər heyətini qınamayacaqdı. Amma təkqapı oynayan rəqibin meydanda istədiyini etməsi və rahat qollara imza atması ictimaiyyətdə qıcıq yaratmışdı. Bu da təsadüfi deyil. Millinin, həm də müdafiənin dayağı sayılan Rəşad Sadıqovun zədə üzündən oynaya bilməməsi Prosineçkinin işini çətinə salmışdı. Kapitanın yoxluğunda təkcə müdafiənin mərkəzi laxlamamışdı. Sadıqovun boşluğunu doldurmalı olan Maksim Medvedevin mərkəzə çəkilməsi faktiki sağ cinahı da pis vəziyyətdə qoymuşdu. Arif Daşdəmirov fiziki cəhətdən hazırlıqlı və sürətli britaniyalıların qarşısında tab gətirə bilmirdi. Elə əks cinahda qərarlaşan başqa bir “milliləşdirilmiş” Məhəmməd Mirzəbəyov da eyni durumdaydı. Qısası, Rəşadın yoxluğu baha başa gəlmişdi.

Nazarovla Ramazanov ehtiyatda qalmışdı
Başqa bir təəccüb doğuran məqam Prosineçkinin start “11-liy”i idi. Hələ matçdan bir gün əvvəl heyəti açıqlayan xorvat mütəxəssis ciddi qınağa tuş gəlmişdi. Uşaqdan böyüyə hər kəs narazılıq edir, rotasiyanın fayda verməyəcəyini iddia edirdi. Müdafiə xəttindəkilərin seçimi öz yerində. Söhbət yığmanın aparıcı fiqurlarından sayılan Dmitri Nazarovun ehtiyatda qalmasından, “Boavişta”da oynamaq imkanı qazanmayan Emin Mahmudovun ilk dəqiqələrdən meydana ayaq basmasından gedirdi. Halbuki bu oyunda top saxlamağı, vacib anda həlledici zərbə vurmağı bacaran, rəqibi qayda pozmağa məcbur edən Nazarov meydanda olmalıydı. Noyabrda “İnter”in heyətində özünü yaxşı tərəfdən göstərən, Norveçlə Bakıdakı qarşılaşmada meydanda can qoyan Ağabala Ramazanovun əvəzində meydana ayaq sürüyən Əfran İsmayılovun çıxması da böyük narazılıq doğurmuşdu. Bir sözlə, 0:4-ün qeydə alınmasının əsas səbəbkarı Prosineçki idi.

“Duran toplar” yığmanın “evini yıxmışdı”
Oyunun axarı, matçda yaşanan təhlükəli vəziyyətlər – bunlar çoxdan unudulub. Tarixdə qalan nəticə və vurulan qollardı. Çünki hesabı yada salanda, vurulan qollar da göz önünə gəlir. Meydan sahibləri 18 min azarkeşin gözü qarşısında, loru dildə desək, basketbol oynamışdı. Rəqibin 4 qoldan üçünə standart vəziyyətdən imza atması əvvəldən düşünülən planın tərkib hissəsiydi. 27-ci dəqiqədə autdan cərimə meydançasına havalandırılan topu Ruslan Qurbanovla mübarizədən qalib ayrılan Conni Evans başla arxaya atmış, Bədavi Hüseynovla Maksim Medvedevin yanında olan Kayl Lafferti “mərmi”ni bir toxunuşla qapıdan keçirmişdi. 40-cı dəqiqədə “duran top”dan sonra britaniyalılar növbəti qolu özlərinə xas üslubda vurmuşdular. Kris Brantın cərimə meydançasının sol küncündən qapı qarşısına havalandırdığı topu Qaret Makoli Əfranla Ruslanın diqqətindən yayınıb başla qapıdan keçirmişdi. Fasilədən sonra təşəbbüsü ələ alan, lakin qol vurmaq tapşırığının öhdəsindən gələ bilməyən yığmamız 66-cı dəqiqədə 3-cü dəfə mərkəzə dəvət olunmuşdu. Oliver Norvudun künc zərbəsindən göndərdiyi topu Konor Maklaflin bəstəboy Rahid Əmirquliyevdən hündürə tullanıb başla yaxın “9-luğ”a sancmışdı. Prosineçkinin Dəniz Yılmaz, Ağabala Ramazanov, Dmitri Nazarov kimi aparıcı futbolçuları meydana buraxmasından sonra təsəlli qolunu vuracağımızı düşünmüşdük ki, meydan sahibləri matçın sonlarına yaxın daha bir qol vurmağa nail olmuşdu. Oyunun ən yaxşılarından olan Brantın 83-cü dəqiqədə adi vəziyyətlərin birində sol cinahdan qapı qarşısına etdiyi zərbəyəbənzər ötürməyə Stiven Deyvislə Maksim Medvedevdən heç biri toxuna bilməyincə, top Kamranın nəzərləri altında tora qovuşmuşdu.

Qələbəyə ümid var
Göründüyü kimi, rəqib istəyinə məhz standart vəziyyətlər hesabına çatmışdı. Laffertinin sinəsindən olan Ariflə Məhəmmədin heç nə edə bilməyəcəyi gözlənilən idi. Elə müdafiənin mərkəzində yer alan Maksimdən də ciddi heç nə gözlənilmirdi. Üstəlik, ilk yarıda başı partlamış, oyunu sarğıda davam etdirmişdi. Orta sahədə yer alanların işinin öhdəsindən gələ bilməməsi isə müdafiəçilərin yükünü bir az da artırmışdı. 0:4-də rəqibin “ikinci mərtəbə”də fəal olması hər nə qədər vacib rol oynamışdısa, Rəşadla Nazarovun start heyətində yer almaması, şiddətli yağışın durmadan yağması da bir o qədər sözünü demişdi. Ümid edək ki, iyunun 10-da nə yağış olacaq, nə də itkilərimiz. Rəşad da hazırdı, Nazarov da, Bədavi də, Ramil Şeydayev də. Üstəlik, Riçard Almeyda kimi vacib fiqur da “11-lik”də yer ala bilər. Bu isə o deməkdi ki, 0:4-ü yada salıb rəqibin adından çəkinməyə dəyməz. Milli doğma azarkeşlərin qarşısında, britaniyalıların sevmədiyi isti hava şəraitində oynayacaq. Heyətdə itki yoxdu, motivasiya isə ən yüksək həddədi. Bircə qalır meydanda can qoymaq. Hə, bir də rəqibin qapı önünə asma etməsinə imkan verməmək. Standart vəziyyətlərin qarşısını ala bilsələr, yekunda 3 xal Azərbaycanın olacaq. Eynilə 4 il əvvəl “Bakcell Arena”da olduğu kimi…
HƏBİB
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 17:14 Gülağa Cabbarov Stuxlikə məktub yazdı Dünən, 17:13 Riad Rəfiyev əvvəlcə sponsorla, sonra baş məşqçi ilə görüşəcək Dünən, 17:11 “Qəbələ”də qeyri-müəyyənlik davam edir Dünən, 17:09 Renat Dadaşov U-21-dən imtina etməyib Dünən, 17:07 Qara Qarayev daha iki il “Qarabağ”da Dünən, 17:06 Azərbaycanlı futbolçular Mxitaryanı “qorxaq” adlandırdı Dünən, 17:04 Avroliqanın kuboku Cocuq Mərcanlıda Dünən, 15:28 Yığma 17 nəfərlə hazırlaşır Dünən, 15:25 Yurçeviç “çərçivə”ni Səlahət Ağayevə tapşıracaq Dünən, 15:22 "Ayntraxt"ın azarkeşləri azərbaycanlı cocuqları sevindirdilər Dünən, 15:17 UEFA İcraiyyə Komitəsi Bakıda yığışacaq Dünən, 15:14 Çempion üç günə iki qələbə qazandı Dünən, 15:12 “Araz”ın ÇL-dəki rəqibləri nə vaxt məlum olacaq? Dünən, 15:10 Joze Alesio limitin tərəfdarıdı Dünən, 15:08 Hər iki finalçı cəzalandırıldı Dünən, 14:03 “Dəyişikliklər vacibdi, amma belə yox” Dünən, 14:01 “Keşlə” Salahlı ilə anlaşdı, hədəfdə Əfrandı Dünən, 13:59 U-21 xorvatlarla “sülh bağladı” Dünən, 13:54 Səfir jurnalistlər önünə çıxacaq Dünən, 13:53 Nə tez ayıldın, Özil?! Dünən, 13:51 Naxçıvan turniri: xəbəri kimdən alaq? Dünən, 13:47 Kamal Bayramov “Səbail”də Dünən, 13:44 Emil Balayevli "Tobol"dan önəmli qələbə Dünən, 13:40 “Neftçi”nin Mirabdullanı satmaq fikri yoxdu Dünən, 13:25 Ayxan Abbasov Riad Rəfiyevlə son görüşü gözləyir Dünən, 13:20 AZAL “Qəbələ” və “Sumqayıt”ın futbolçularına zülm etdi Dünən, 13:18 “Topaz” mayın 28-də festivala başlayır Dünən, 11:21 Futbolumuzdakı ingilislər həmyerlilərini Bakıya səsləyir 23-05-2019, 20:32 Finalın meydanda görünməyən tərəfləri 23-05-2019, 20:21 Naxçıvanda üç gün 23-05-2019, 20:19 Premyer-liqanın ən yaxşısı Dani Kintanadı! 23-05-2019, 20:16 “Zirə”nin kapitanlarına qapını göstərirlər 23-05-2019, 20:13 AFFA “Xəzər Cənub”a cəza yağdırdı 23-05-2019, 20:11 "Ekol" “Neftçi”ni asanlıqla üstələdi 23-05-2019, 20:03 Xətai Bağırov Taylandda oteldə qalır 23-05-2019, 19:24 Davud Kərimi 13 futbolçunun göndərilməsini normal sayır 23-05-2019, 19:19 Renat Dadaşov Portuqaliyada medal qazandı 23-05-2019, 19:17 Azərbaycan səfirindən sərt sual 23-05-2019, 19:15 Gürcü Azərbaycanı bəyənmir... 23-05-2019, 19:13 “Qarabağ”ın 16 mümkün rəqibindən 13-ü bəllidi 23-05-2019, 19:11 Rəhimin “Sabah”, Əliyarın “Qarabağ” “sevgisi” 23-05-2019, 19:04 Bakıda əfsanələrin paradı 21-05-2019, 15:14 Həftənin idman proqramı 21-05-2019, 15:08 Medianın finala biganəliyinin arxasında nə dayanır? 21-05-2019, 15:05 “Çelsi” fanklubunun Bakıdakı üzvləri hava limanına getməyəcək 21-05-2019, 15:03 Ayxan Abbasov “Sumqayıt”dan gedir 21-05-2019, 15:01 Rauf Əliyev: “Top qəbul etmək, düzgün ötürmək vermək çətin idi” 21-05-2019, 14:54 Cavid Hüseynov rəhbərliklə görüşəcək 21-05-2019, 14:52 İnqilab Məmmədov protokolda çoxlu səhv buraxdı 21-05-2019, 14:50 "Qəbələ": final lənətinə son və ilk titul! 21-05-2019, 14:46 "Səbail" bir ucdan yola salır 21-05-2019, 14:40 Alla Həsənova çempion oldu 21-05-2019, 14:38 Fərid Kərimzadə yersiz xal itkilərini səbəb göstərdi 21-05-2019, 14:35 Elçin Səmədli UEFA-da Murad Məmmədovu əvəzlədi 21-05-2019, 14:32 “Xəzər Cənub” dağıldı! 21-05-2019, 14:28 “Baku Fire” yüksək liqaya iddialıdı 21-05-2019, 14:27 ADBTİA “gümüş”ü “Standard”dan “oğurladı” Bütün xəbərlər
Ən çox oxunanlar