18 may 18:18yigma

Final yolunda Əlcəzair səddi

Final yolunda Əlcəzair səddi
Yaşar Vahabzadə: “Qazanacağımız medalın əyarı nə qədər yüksək olsa, bir o qədər yaxşı olar”

Bu gün İslam Həmrəyliyi Oyunları çərçivəsində yarımfinal görüşləri baş tutacaq. A qrupunu lider kimi başa vuran Kamerun B qrupunun ikincisi Omanla üz-üzə gələcək. A qrupunda 2-ci olan U-23 isə B qrupunun lideri Əlcəzairlə qarşılaşacaq. Yarımfinalın hər iki oyunu “Dalğa Arena”da gerçəkləşəcək. Yaşar Vahabzadənin yetirmələrinin Əlcəzairlə dueli saat 12.30-da başlayacaq. Kamerun – Oman matçı isə 18.30-da start götürəcək. Hər iki qarşılaşma “İdman Azərbaycan” vasitəsilə canlı yayınlanacaq.
İndi isə həm Əlcəzairin, həm də yığmamızın “23-lüy”ünü diqqətinizə çatdıraq.
Azərbaycan: 1. Şahruddin Məhəmmədliyev, 2. Tərlan Əhmədli, 3. Emil Balayev, 4. Rahil Məmmədov, 5. Coşqun Diniyev, 6. Sadiq Quliyev, 7. Rəşad Sadiqov, 8. Adil Nağıyev, 9. Elşən Abdullayev, 10. Ağabala Ramazanov, 11. Mahir Mədətov, 12. Orxan Əliyev, 13. Ruslan Abışov, 14. Məqsəd İsayev, 15. Azər Salahlı, 16. Vüqar Mustafayev, 17. Azad Kərimov, 18. Elnur Cəfərov, 19. Yusif Nəbiyev, 20. Elvin Camalov, 21. Mirabdulla Abbasov, 22. Tellur Mütəllimov, 23. Fəhmin Muradbəyli.
Əlcəzair: 1. Şəmsəddin Rəhmani, 2. Zəkəriyə Buhalfaya, 3. Əbdülmömin Sifur, 4. Abdulcani Buzudi, 5. Məhəmməd Nofəl Hacəf, 6. Əhməd Qaqaa, 7. Yusif Duar, 8. Əbdürrəhim Hamra, 9. Məhəmməd Meruani, 10. Zəkəriyə Naici, 11. İsmayıl Saadi, 12. Yusif Beşu, 13. Tayib Mezani, 14. Aymen Attu, 15. Hamza Muali, 16. Mahir Əzziz, 17. Əbdülcəlil Semmani, 18. Kamal Belarbi, 19. İlyas Yaçe, 20. Farid Əl-Melali, 21. Eddin Diya Qudcil, 22. Lamus Mayhe, 23. Leyd Uaci.
U-23-ün oyununu Ukraynadan ola hakimlər briqadası idarə edəcək. Oyunda əsas söz sahibi Nikolay Balakin, laysmanlar isə Vladimir Vısotski və Viktor Matyaş olacaq. Dördüncü hakim funksiyasını Vitali Romanov yerinə yetirəcək. Maraq üçün bildirək ki, yarımfinalın digər oyunu azərbaycanlı hakimlərə həvalə olunub. Belə ki, Kamerun – Oman matçının baş hakimi Rəhim Həsənov olacaqsa, ona Namiq Hüseynov və Yaşar Abbasov kömək edəcək. Qarşılaşmanın 4-cü hakimi isə Ömər Paşayevdi.
Yaşar Vahabzadənin yetirmələrinin yarımfinalda işi heç də asan görünmür. Ən azı ona görə ki, rəqib B qrupunun lideridi. Əlcəzair ilk oyunda Türkiyə üzərində əzmkar qələbə (2:1) qazanmışdı. Ardınca Fələstini 1 cavabsız qolla məğlub edən afrikalılar son oyunda Omanla heç-heçəyə razılaşdı (1:1). Yığma isə İslamiadada hələ də qapısını toxunulmaz saxlayan yeganə komandadı. U-23 bu uğurun davamını gətirməyə çalışacaq. Bundan başqa, meydan sahibləri kimi hədəf final olmalıdı.
Qeyd edək ki, “Dalğa Arena”da keçiriləcək oyunları izləmək istəyən tamaşaçıların, könüllülərin, texniki personalın və digər şəxslərin rahat daşınması Bakı Nəqliyyat Agentliyi tərəfindən ekspress xətt avtobusları ilə həyata keçiriləcək. Bu gün Bakı Nəqliyyat Agentliyinin ayırdığı 15 nəqliyyat vasitəsi müntəzəm olaraq metronun “Koroğlu” stansiyasının qarşısından “Dalğa Arena”ya, eləcə də əks istiqamətdə hərəkət edəcək. Həmçinin “Neftçilər” stansiyasından “Dalğa Arena” (dəniz yolu) istiqamətində hərəkət edən “141” saylı marşrut xəttindəki avtobusların sayı tamaşaçı, sərnişin axınına uyğun artırılacaq.
Reaksiya
Yaşar Vahabzadə: “Bu gün məşq etdik. Hamı hazırlığa qatıldı. Mərakeşlə oyunda bəzi zədəlilərimiz oldu. Onların da vəziyyəti normaldı, məşq etdilər. Komanda yarımfinal matçına qaydasında hazırlaşır. Axşam kollektivlə birgə Əlcəzairin əvvəlki oyunlarını izləyəcəyik, təhlil edəcəyik. Rəqib qrupunda ilk yeri tutubsa, deməli, pis komanda deyil. Qarşılaşdığımız istənilən komandaya hörmətlə yanaşırıq. O cümlədən də Əlcəzairə. Plana uyğun hazırlaşmışıq. Mərakeşlə oyunda zədələnib əvəzlənən Rəşad Sadiqovla Məqsəd İsayev komanda ilə məşq etdilər, hər şey normaldı. Sabahkı (bugünkü) görüşdə də oynaya biləcəklər. İlkin hədəfimiz qrupdan çıxmaq idi. Bunu bacardıq və indi mübarizə medallar uğrunda gedir. Biz də bu cəhətdən vuruşacağıq. Qazanacağımız medalın əyarı nə qədər yüksək olsa, bir o qədər yaxşı olar. Yarımfinalda uğurlu nəticə qazanmaq üçün əlimizdən gələni edəcəyik. Özüm Əlcəzairin oyunlarına baxmışam. Rəqibin bir neçə futbolçusu fərdi ustalığı hesabına bizə başağrı ola bilər. İstəyirəm ki, uşaqlar da onların oyununu görsünlər. Top rəqibdə olanda, qarşı tərəf hücum edəndə həmin oyunçuları diqqətdə saxlayaq. Ancaq oyunda hansısa dəyişikliklərin olması da mümkündü. Bu artıq rəqib baş məşqçinin qərarından asılı olacaq. Qrup mərhələsində qapımızı toxunulmaz saxladıq. Bu onu göstərir ki, komanda şəklində müdafiə olunanda qol buraxmırıq. Ancaq hücumda bir qədər dəqiqlik çatmır. Mərakeşlə matçda da gördüz ki, iki dəfə yüzfaizlik qol imkanından yararlana bilmədik. Bu baxımdan daha soyuqqanlı davranmalıyıq. Hakim simpatiyasına gəlincə, bir şeyi deyim ki, heç vaxt hakimlikdən danışmamışam. Bu futboldu. Rəqiblə Şahruddinin epizodunu qeyd edirlər, məncə, həmin anda mərakeşli futbolçu ayağını çox qaldırmışdı, təhlükəli oynamışdı. Biz də rəqib meydanlarında oynamışıq, hakimlər sıxıb, ancaq heç vaxt şikayətlənməmişəm. Hakimin işinə hakimlər daha yaxşı qiymət verə bilər”.
FARİZ
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 19:46 Yığma üzvü zədələnib Dünən, 19:44 Yığmanın baş məşqçisi mətbuat konfransı keçirəcək Dünən, 19:41 “Xəzər Lənkəran” mərkəzi stadionu “Masallı”ya verildi Dünən, 19:39 Yığmamız mövqeyini qorudu Dünən, 19:36 Federasiya klublarla çempionatı müzakirə etdi Dünən, 19:32 “Qarabağ” rəsmisi qazondakı problemləri problem saymır Dünən, 19:30 “Qarabağ” rəhbərliyi ilə AFFA prezidenti arxa qapıdan yararlanıb Dünən, 19:27 AFFA-nın gözü yol çəkir, Prosineçki vətənindən əl çəkmir Dünən, 19:25 Yol polisi Rəşadın maşınını əlindən alıb Dünən, 19:22 “Qəbələ” “Qalatasaray”la oynayacaq? Dünən, 19:16 “Mil-Muğan”da köhnə-yeni baş məşqçi Dünən, 19:13 Elmar Vəliyev stadiona görə Yevlaxın icra başçısına zəng vurub Dünən, 19:11 Yeni yaradılan “Xəzər” birinci divizionda çıxış edəcək Dünən, 19:07 “Qarabağ” “Parken”də dəstəksiz qalmayacaq Dünən, 19:02 Şehiç yığmaya dəvət aldı Dünən, 18:56 “Qarabağ” səfərdə nə etməlidi? Dünən, 18:52 “Qarabağ” iki gün əvvəl gedir Dünən, 16:41 Əsasnamənin havadan asılı qalan müddəaları Dünən, 16:39 “Fikrimcə, ikili müqavilələr tək “İnter”də yox, başqa klublarda da var” Dünən, 16:32 Ramil yenə meydana çıxmadı Dünən, 16:29 Kəmaləddin Heydərov postunda qaldı Dünən, 16:25 AQF saxta konfrans keçirib, Yaşar Məmmədovu neytrallaşdırdı Dünən, 16:22 Dünya mətbuatı Ramil Quliyevdən yazır Dünən, 16:14 UEFA “Kopenhagen”in Maksimlə bağlı şikayətini rədd etdi 17-08-2017, 20:09 Sloveniyanı udduq 17-08-2017, 20:08 Daha bir əcnəbi məşqçi ölkəmizi tərk etdi 17-08-2017, 20:06 Anastasiya dopinqli çıxdı, Tofiq Heydərov istefa verdi 17-08-2017, 20:05 AMKF bəyanat yaysa da... 17-08-2017, 20:04 Çingiz Hüseynzadə “Futbol+”in üzə çıxardığı faktları təsdiqlədi 17-08-2017, 20:01 “İnter” rəhbərliyi bəyanat yaydı 17-08-2017, 19:57 “Həmin pisniyyət adamlara görə hələ də transfer vərəqim “Kukesi”yə göndərilməyib” 17-08-2017, 19:54 “Qəbələ” akademiyasında yeni məşqçilər 17-08-2017, 19:52 Məhsuldar başlanğıc 17-08-2017, 19:51 “Kəpəz” “Zirə”ni Yevlaxda qəbul edə bilər 17-08-2017, 19:50 Reaksiyalar 17-08-2017, 19:48 Danimarkalı həmkarlarımız 0:1-ə görə sevinir 17-08-2017, 19:47 Tanınmışlar da uğura biganə qalmadı 17-08-2017, 19:46 Azarkeşlər bu dəfə sona qədər tribunaları boşaltmadı 17-08-2017, 19:44 Hakimlər “Qarabağ”ın tarixi qələbəsinə kölgə salmadı 17-08-2017, 15:21 “Kopenhagen”in məşqçisi “Qarabağ”ı favorit göstərdi 17-08-2017, 15:11 “Qarabağ” Danimarkaya çarterlə gedir 17-08-2017, 15:07 Bilet satışındakı çatışmazlıqları aradan qaldırmağın vaxtıdı 17-08-2017, 15:06 “Qarabağ”dan gözəl oyun və tarixi qələbə 17-08-2017, 15:04 Debütdə 1700 manat 17-08-2017, 15:02 Əzimov istefa verdi, Ağacanov “Binə”yə keçdi 16-08-2017, 23:38 Turun oyunçusu 16-08-2017, 23:35 Müşahidə Şurasının hakimi vuran üzvü “Futbol+”ə danışdı 16-08-2017, 23:29 HAKİMLƏRİN MÜHAKİMƏSİ 16-08-2017, 16:02 Rauf müqavilə bağladı, “İnter”in icraçı direktoru coşdu 16-08-2017, 15:59 “Mehdi Hüseynzadə”yə arxa çevirib, “kibrit qutusuna sığınan” şəhər... 16-08-2017, 15:55 Rüstəm Orucov mövqeyini qorudu 16-08-2017, 15:54 Rəsul Çunayev liderliyini davam etdirir 16-08-2017, 15:53 Karateçilər Urmiyada medal qoymadı 16-08-2017, 15:51 Millət vəkili də legionerləşmənin əleyhinədi 16-08-2017, 15:49 “Kukesi” Rauf Əliyevi publikaya təqdim etdi 15-08-2017, 12:05 Sumqayıt startda Gəncəni cəzalandırdı 15-08-2017, 12:00 “Qarabağ”ın oyunu italiyalılara tapşırıldı Bütün xəbərlər
Ən çox oxunanlar