18 okt 12:44yigma

U-21 yaxşı oynasa da, uduzdu


U-21-lər arasında Avropa çempionatı
2-ci qrup
Azərbaycan – İsveçrə 0:1 (0:1)

12. Kamran İbrahimov
2. Amin Seydiyev
3. Turan Manafov
5. Nihad Tamazov
6. Hacıağa Hacıyev (k)
7. Fərid Nəbiyev
(14. Elvin Cəfərquliyev, 61)
10. İsmayıl İbrahimli
(11. Şakir Seyidov, 61)
17. Doğukan Öksüz
(16. Süleyman Əhmədov, 61)
18. Anton Krivotsyuk
21. Barış Əkinciər
(9. Rövlan Muradov, 77)
23. Ozancan Kökcü
(4. Səbuhi Abdullazadə, 90+3)
Ehtiyat oyunçular
22. Nicat Mehbalıyev
8. Rafael Məhərrəmli
13. Murad Qayalı
15. Hüseyn Seyliğli
Baş məşqçi: Milan Obradoviç

21. Antoni Raçoppi
2. Jordan Lotomba
(13. Leo Sedu, 86)
4. Yan Bamert
24. Silvan Zidler
5. Yasper van der Verff
6. Toni Domgeni
7. Dan Ndoy
(17. Kevin Rüeqq, 67)
8. Bastyen Toma (k)
9. Jeremi Qiymeno
(20. Filip Stoilkovic, 46)
10. Nedim Bayrami
(16. Petar Puşic, 71)
11. Ruben Varqas
(19. Filip Uqriniç, 86)
Ehtiyat oyunçular
1. Filip Kenn
14. Sedrik Tseziger
15. İv Kayzer
18. Miro Muhaym
Baş məşqçi: Mauro Lustrinelli
Qol: N.Bayrami, 33.
Vərəqələr: S.Zidler, 12. A.Seydiyev, 13. B.Əkinciər, 24. H.Hacıyev, 68. R.Varqas, 83. R.Muradov, 90+1. B.Toma, 90+4 – sarı.
Hakimlər: NİKO SİMOVİÇ, Svetozar Zvin, Nikolo Coroviç, Miloş Milanoviç (hamısı Serbiya).
Hakim-inspektor: Orxan Ərdəmir (Türkiyə).
UEFA nümyəndəsi: Yariv Tepper (İsrail).
15 oktyabr. Sumqayıt. Kapital Bank Arena. 1326 tamaşaçı.
Oktyabrın 10-da Fransada ağır məğlubiyyətə üzülən U-21-in əvvəlki iki matçda yüzfaizlik nəticə göstərən İsveçrəyə də uduzacağı gözlənilirdi. Ancaq bəribaşdan qeyd edək ki, Milan Obradoviçin yetirmələri Sumqayıtda sərgilədikləri oyunla minimum heç-heçəyə layiq idilər. Təsadüfi deyil ki, oyundan sonra qonaqların çalışdırıcısı da “Kapital Bank Arena”da heç-heçə qeyd alınacağı təqdirdə hesabdan narazı qalmayacağını vurğuladı. İlk yarıda qonaqlar daha yaxşı təsir bağışladılar. 7-ci dəqiqədə müdafiəçilərin səhvindən sonra topa sahib çıxan Varqas təxminən 20 metrdən “çərçivə”ni nişan alsa da, top qapıdan az fərqlə aralı keçdi. 15-ci dəqiqə “saatlar ölkəsi”nin yığması növbəti dəfə Obradoviçin yetirmələrini əks-hücumda yaxaladı. Bu dəfə Ndoye zərbə mövqeyinə çıxsa da, Anton vaxtında ayaq qoyaraq topun qapıya getməsinin qarşısını aldı. U-21-in rəqib qapısına ilk zərbəsi isə 18-ci dəqiqəyə təsadüf etdi. Kökçünün adını tabloya yazdırması üçün azca dəqiqlik çatmadı. Onun vuruşundan sonra “mərmi” tiri yalayıb çölə çıxdı. Yarım saatın tamamına 2 dəqiqə qalmış isə gənclər millimiz 30 saniyə ərzində iki dəfə qol vurmağa yaxın oldu. Əvvəlcə Antonun yaxın məsafədən baş zərbəsini qolkper çətinliklə də olsa, qapı xəttinin üstündən geri qaytardı, geri dönən top Nəbiyevin qarşısına düşdü. Fəridin təxminən 25 metrdən qüvvətli zərbəsi qapı çatına dəyib çölə çıxdı. 33-cü dəqiqədə isə isvəçrəlilər hesabı açmağa müvəffəq oldular. Ndoye cərimə meydançasının yaxınlığından zərbə vurmaq istəsə də, top ayağına yaxşı oturmadı və özü də bilmədən Bayramiyə ötürmə etmiş oldu. “10 nömrə” isə fürsətdən maksimum yararlandı.
Fasilədən sonra üstünlüyə yiyələnən meydan sahibləri çox çalışsalar da, Raçoppini məyus edə bilmədilər. Xüsusilə son 10-12 dəqiqə U-21-in aşkar üstünlüyü şəraitində keçdi. Ardıcıl hücumlar quran bizimkilər rəqibi öz qapısına doğru sıxıb, müdafiəçilərinə göz açmağa imkan vermirdilər. Ancaq son nöqtəni qoya bilmirdilər. Əslində İsveçrə yığması Sumqayıtdan 3 xalla geri döndüyünə görə öz qapıçısına təşəkkür etməlidi. Raçoppi bir neçə dəfə komandasını real qoldan xilas etdi. Düzdü, son saniyələrdə komandamız qol vurmağı bacardı. Ancaq Elvin Cəfərquliyevin oyundankənar vəziyyətdə olması səbəbindən baş hakim haqlı olaraq meydanın mərkəzini göstərmədi və matç qonaqların minimal hesablı qələbəsi ilə başa çatdı.
Bu qrupun dünən keçirilən digər oyununda Slovakiya dogma meydanda Fransaya 3:5 hesabı ilə uduzub.
1. İsveçrə 3 3 0 0 8-1 9
2. Fransa 2 2 0 0 10-3 6
3. Gürcüstan 3 2 0 1 8-2 6
4. Slovakiya 3 1 0 2 8-9 3
5. AZƏRBAYCAN 5 1 0 4 2-11 3
6. Lixtenşteyn 4 1 0 3 3-13 3
Bu qrupda noyabrda keçiriləcək oyunların təqvimi: 14 noyabr – Azərbaycan – Lixtenşteyn, 16 noyabr – Fransa – Gürcüstan, 18 noyabr – Slovakiya – Gürcüstan, 19 noyabr – İsveçrə - Fransa.
RƏŞAD

Gözdən qaçmadı
* Premyer-liqanın ilk dövrəsində, “Bakcell Arena”da keçirilən “Neftçi” – Sumqayıt” matçında Anton Krivotsyukun etdiklərini sumqayıtlılar unutmayıb. Bu üzdən yerli azarkeşlər ilk yarıda “ağ-qaralar”ın müdafiəçisini bir neçə dəfə fitə basmaqla yadda qaldılar.
* İkinci yarının ortalarında “Kapital Bank Arena”ın yardımçı otaqlarının birində tüstülənmə başladı. Yanğınsöndürənlərin, stadion rəhbərliyinin və texniki heyətin müdaxiləsindən sonra problem aradan qaldırıldı. Tüstülənmənin nədən baş verdiyini öyrəndikdə məlum oldu ki, arenanın projektorlarının birinin qoruyucusu gərginlik səbəbindən əriməyə başlayıb və həmin ərinti də yüksək gərginlikli kabelin üzərinə düşüb. Bu isə tüstülənməyə səbəb olub.
* Minimal hesabla qalib gələn qonaqların matçdan sonrakı sevincini görməyə dəyərdi. İsveçrəli futbolçular paltardəyişmə otağında musiqiyə yüksək səs verib, rəqs edir, bir-biri ilə danışıb gülürdülər.
* Mauro Lustrinelli konfrans salonuna daxil olarkən bir-bir bütün jurnalistlərə əl verib görüşdü.

Reaksiyalar
Ozancan Kökcü: “Hər iki hissədə yaxşı oynadığımızı düşünürəm. Rəqibə ciddi qol şansı vermədik. Bizdə isə 4-5 real epizod oldu. Rəqibin vurduğu qol sırf bəxtlə bağlı idi. İsveçrədən daha yaxşı oynadıq. Qismət deyilmiş. Bəlkə də adamlar bu qədər yaxşı oynayacağımızı gözləmirdi. Üç ildi U-21-də oynayıram. Millidə inkişaf hiss olunur. Futbolda azarkeş amili çox böyük önəm daşıyır. Açığı, ilk dəfə oyunumuzda bu qədər fanat var idi. Öz adıma deyə bilərəm ki, mənim üçün əlavə motivasiya oldu. Qeydə alınmayan qolla bağlı nə deyə bilərəm? Epizodu tam görə bilmədim. Təkrara baxmamışam. Təəssüflənirəm. A millinin oyununda da Bəhlulun qolunu saymadılar. Hakimlərə hörmət edirəm. Təkrarı izləməmiş nəsə demək düz çıxmaz. Lixtenşteynlə ilk oyunda oynamamışdım. Zədəm var idi. Meydanda olmasam da, matçı izləmişdim. Bugünkü kimi oynasaq, hər rəqiblə bacara bilərik. Heç kim bizdən bu cür oyun gözləmirdi. Fransa ilə matçda 0:5 uduzsaq da, üstünlük bizdə idi. Sübut etdik ki, Azərbaycan futbolu inkişaf edir”.
Fərid Nəbiyev: "Ümumilikdə biz rəqibdən daha yaxşı oynadıq. Sadəcə, bəzi epizodlarda bəxtimiz gətirmədi. Dirəkdən qayıdan, boş qapıdan çıxarılan toplar oldu. Fərqləndiyimiz epizoda baxmamışıq. Ofsayd olub-olmadığını bilmirik. Hakim matçdan sonra dedi ki, ofsayd olmasaydı, 100 faiz penalti təyin edəcəkdim. Bu gün daha güclü İsveçrə gözləyirdik. Ancaq bizim üçün rəqibin fərqi yoxdu. Biz də futbol oynamağı bacarırıq. İnanıram ki, gələcək matçlarda nəticə də olacaq. Bu gün son nöqtəni dəqiq qoya bilmədik. Şanssızlıq çox oldu. Fransa qrupun favoritidi. Futbolçuları top-komandalarda oynayır. Onlara qarşı mübarizə aparmaq çox çətindi. Amma İsveçrə elə də güclü deyil. Fransadan başqa, digər komandalarla başabaş oynamaq olardı. Bu gün bəxtimiz gətirmədiyi üçün uduzduq. Növbəti turda qarşılaşacağımız Lixtenşteyni məğlub etməliyik ki, xal ehtiyatımızı artıraq. Bu, bizim üçün də yaxşı motivasiya ola bilər. Evdə oynayacağıq. Bu gün azarkeşlərimiz də möhtəşəm idi. Bizə əsl futbol həyəcanı yaşatdılar. Onlara təşəkkür edirəm. Ümid edirəm ki, qarşıdakı oyunlarda da belə olar. Lixtenşteynlə matça boş çıxmamalıyıq. Ciddi yanaşmaq lazımdı ki, ordakı məğlubiyyət təkrarlanmasın. "Slaviya"da işlərim yaxşı gedir. Sadəcə, yeni direktor çex futbolçulara daha çox önəm verir. A komandaya öz oyunçuları gedir. Dekabra kimi müqaviləm qalıb. Ondan sonra orda davam edib-etməyəcəyim bilinəcək. Yəqin ki, Azərbaycana qayıtmayacam. Karyeramı ölkə xaricində davam etdirmək istəyirəm".
Hacıağa Hacıyev: “Meydana xal qazanmaq üçün çıxmışdıq. Rəqibin də böyük üstünlüyü olmadı. Bir şans yarandı, ondan da istifadə etdilər. Bizdə isə xeyli imkan oldu. Bir neçə topumuz dirəkdən qayıtdı, qapıçıları yaxşı oynadı deyə qol vura bilmədik. Qələbə bizi sevindirərdi. Amma heç-heçə də yaxşı olardı. Məncə, şanssızlıq oldu. Bunun ustalıq səviyyəsi ilə əlaqəsi yoxdu. Top dirəyə dəyirsə, burda ustalıq səviyyəsi nəyə lazımdı? Tribunaları dolduran tamaşaçılar bizə motivasiya verdi. Azarkeşlərin qarşısında daha yaxşısını etməyə çalışırsan. Bu gün də bunu gördük. Fransa ilə görüşdə də pis oynamamışdıq. Sadəcə, onlar bizdən qat-qat güclüdü. Yalnız Gürcüstanla oyuna üzülə bilərəm. Çünki onda çox pis oynamışdıq. Rəqibin oyundan sonra çılğınlıqla sevinməsi kapitan kimi mənə pis təsir etdi. Əslində biz də Slovakiyanı udanda sevinirdik. İsveçrə bu gün bizi çətinliklə məğlub etdi. Sevinmək haqlarıdı. Bu gün qələbə qazana bilsəydik, 2-ci yerə qalxa bilərdik. Əlimizdən gələni etdik. Şans rəqibin tərəfindəydi. Yenə də hər oyuna qələbə üçün çıxacağıq. Bəzilərində alınır, bəzilərində alınmır. Hər şeyi zaman göstərəcək”.
RƏŞAD
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
15-11-2019, 13:09 AFFA gecikdi, “Albasete” Eddini buraxmadı 15-11-2019, 13:08 Dadaşlinski Elxan Məmmədova görə ya AFFA-ya, ya da özünə müraciət etməlidi 15-11-2019, 13:07 Samir Abasov İspaniyaya gedir 15-11-2019, 13:03 Giqqz Yurçeviçi qabaqlayacaq, Uelsin itkiləri artır 15-11-2019, 13:02 Emil Balayev mövsümün rəmzi komandasında yer aldı 15-11-2019, 13:00 Bizimkilər yatır, lüksemburqlular axtarır 15-11-2019, 12:59 Ölkə kubokunun yeni mövsümünün püşkü atıldı 15-11-2019, 12:55 “Neftçi” İK də “Araz”ın seriyasını qıra bilmədi 15-11-2019, 12:53 Bir oyunda 18 qol vuruldu 15-11-2019, 12:50 “Mil”in stadion problemi yoluna qoyuldu 15-11-2019, 12:48 Elxan Məmmədovla Firuz Abdulla AFFA-nı gülüş hədəfinə çevirib! 13-11-2019, 11:36 Pedro Enrike “Qarabağ”a qayıda bilər 13-11-2019, 11:34 “İmarət” yubileyini Ağdamda qeyd edəcək 13-11-2019, 11:30 Bordin komandasının məğlubiyyətə layiq olduğunu söylədi 13-11-2019, 11:27 “Keşlə” “Neftçi” ilə yerini dəyişdi 13-11-2019, 11:25 “Qarabağ”: son 4 oyunda 3-cü heç-heçə 13-11-2019, 11:22 “Səbail”i Qəbələdə əzdilər 13-11-2019, 11:18 Emil Balayev əla başladı, pis bitirdi 13-11-2019, 11:16 “Qəbələ” jurnalistləri bir araya gətirdi 13-11-2019, 11:13 Sürprizlər turu 13-11-2019, 11:11 Moldovanın qapıçısı yığmamızı iki dəfə məyus etdi 13-11-2019, 11:07 "6 xallıq oyun”da sumqayıtlılar sevindi 13-11-2019, 11:04 Çempionluq Zaur Axundovun ağlından keçmir 12-11-2019, 14:13 Elnur Şıxəliyev AGİN və AMADA-nın dəstəyinə arxalanır 11-11-2019, 13:35 Zirvə iki gün ərzində ikinci dəfə "əl dəyişdirdi" 11-11-2019, 13:34 Təmkinin xanımı “Neftçi”nin azarkeşidi 11-11-2019, 11:06 “Qarabağ”da heç kim yaxasını kənara çəkməsin! 11-11-2019, 11:05 Emil Balayev Qazaxıstanda əlçatmazdı 11-11-2019, 11:04 Şəhriyar Məmmədyarov “Qarabağ” üçün hər şeyin bitdiyini düşünür 11-11-2019, 11:02 APOEL qələbəni öz ad gününə hədiyyə edib 11-11-2019, 10:59 “Qarabağ”dan izah gəldi 11-11-2019, 10:58 Yurçeviçin siyahısı sual doğurdu 11-11-2019, 10:56 Mütəxəssislər Qurbanovun taktikada Dolla uduzduğunu düşünmürlər 11-11-2019, 10:55 Bizimkilər susur, onlar danışır 11-11-2019, 10:52 Siyasət Əsgərov təcrübəsizliyi və səviyyə fərqini qabartdı 11-11-2019, 10:50 “Ən pis halda pley-offda oynamaqla vəsiqəni qazanmalıyıq” 11-11-2019, 10:48 Kiprin ən böyük idman qəzeti də Geyeni “seçdi” 11-11-2019, 10:47 Dadaşlinski hələ də Elxan Məmmədovu axtarır 8-11-2019, 20:07 Şəhriyarın şok açıqlamasına zəruri sözardı 8-11-2019, 20:06 BBBB… 8-11-2019, 12:41 “Keşlə” 13-cü turda “ASK Arena”ya qayıdacaq 8-11-2019, 12:40 Quba “Şahdağ”ı dağılmaq təhlükəsiylə üz-üzədi 8-11-2019, 12:37 Emil Balayev rəmzi komandada 8-11-2019, 12:35 Rəvan Həmzəzadə “Səbail”in qolunu “yedi” 8-11-2019, 12:32 “Maxi.az” “Sabah”ın akademiyasının sponsoru oldu 8-11-2019, 12:29 İntizam Komitəsi sərt üzünü göstərdi 6-11-2019, 12:25 Yığmamız erməniləri üstələyib “bürünc” qazandı 6-11-2019, 12:22 Mahir Şükürov iş üçün Elxan Məmmədova minnətçi düşüb 6-11-2019, 12:20 Güclü külək “Kapital Bank Arena”ya ziyan vurub 6-11-2019, 12:18 “Sumqayıt” itirdi, “Zirə” qazandı 6-11-2019, 12:15 Çempionatımızda yeni bəhanə: hava şəraiti futbol oynamağa qoymur! 6-11-2019, 12:08 “Sabah” əzmkar qələbə ilə uzun seriyaya son qoydu 6-11-2019, 12:05 İddialılar yola itkisiz davam edirlər 6-11-2019, 12:03 Heç-heçələr turu 6-11-2019, 12:01 “Əlincə”nin cəmi bir komandası qalıb… 6-11-2019, 11:58 APOEL heç-heçə, “F91 Düdelanj” darmadağın etdi 6-11-2019, 11:56 APOEL-də gərginlik davam edir Bütün xəbərlər
Ən çox oxunanlar