12 okt 11:59yigma

Macarlarla oyunların acı statistikası


Rəqəmlər və mövcud durum növbəti məğlubiyyətdən xəbər verir
Bazar günü yığma AÇ-2020-nin seçmə mərhələ oyunu çərçivəsində Macarıstanın qonağı olacaq. İki gün öncə Bəhreyndə yerli milli ilə qarşılaşan və 3:2 hesablı qələbə qazanan ölkənin bir nömrəli futbol komandasının hansı nəticəyə imza atacağı maraqla gözlənilir. Buna səbəb isə sentyabrda baş tutan son iki matçda oyunların və nəticələrin verdiyi ümiddi. Kardiffdə Uelsə qarşı baş tutan görüşdə 84-cü dəqiqəyə qədər uduzmayan, yalnız həmin dəqiqədə Qaret Beylin vurduğu qol hesabına yenik duruma düşən Nikola Yurçeviçin yetirmələri üç gün sonra son dünya çempionatının finalçısı olan Xorvatiya ilə bərabərə qalmaqla (1:1) azarkeşləri sevindirməyi bacarmışdı. Odu ki, futbolsevərlərdə az da olsa, ümid yaranıb. Lakin Macarıstan səfərindən azı 1 xalla qayıtmağın özü belə çətin görünür. Buna səbəb isə bu rəqiblə indiyəqədərki oyunlarda qeydə alınan nəticələrdi. Elə isə nəzər salaq.
Azərbaycan – Macarıstan 0:3
Bu komandalar arasında ilk belə oyun DÇ-1998-in seçmə mərhələsinə təsadüf edib. İlk oyun 1996-cı il noyabrın 10-da Bakıda baş tutub. Buna qədər Norveçə 0:5 uduzub, İsveçrəni 1:0 hesabı ilə məğlub edən millinin macarlarla oyunda sürprizə imza atacağı gözlənilirdi. Lakin xoş ehtimal həyata keçmədi. Rəqib futbolçular Tofiq Bəhramov adına Respublika stadionunda 42, 67 və 77-ci dəqiqədə vurulan qollar hesabına parlaq qələbəyə sevinmişdi.
Macarıstan – Azərbaycan 3:1
Qrupdakı ikinci oyun bir il sonraya, sentyabrın 10-na təsadüf etmişdi. Budapeştdə keçirilən qarşılaşmada meydan sahibləri qalib gəlsələr də, heç də Bakıdakı qədər asan olmamışdı. Rəqib ilk hissəyə hesabda 2:0 üstün yollansa da, 71-ci dəqiqədə Vyaçeslav Lıçkinin vurduğu qol bizimkiləri xeyli ümidləndirmişdi. Lakin bərabərlik topunu vurmaq mümkün olmadığından, İlyeşin 89-cu dəqiqədə qapımıza yol tapması ilə yekun nəticə müəyyənləşmişdi. Maraq üçün qeyd edək ki, macarlar qrupu 12 xalla 2-ci pillədə başa vurmağa nail olmuşdu ki, həmin xallardan tən yarısı Azərbaycanla oyunlarda qazanılmışdı.
Azərbaycan – Macarıstan 0:4
1998-ci il oktyabrın 10-u, yenə Tofiq Bəhramov adına Respublika stadionu. Püşk ardıcıl ikinci dəfə Macarıstanı bizimkilərə rəqib etmişdi. Millinin durumu əvvəlki seçmə mərhələdəkindən kəskin mənada fərqlənmirdi. Üstəgəl, oktyabrın 10-dakı oyundan bir ay əvvəl yığmamız səfərdə Slovakiyaya 0:3 hesabı ilə məğlub olmuşdu. Rəqib hər nə qədər tanış olsa da, Azərbaycan yığması növbəti darmadağından qaça bilməmişdi. Halbuki ilk hissə qolsuz bərabərliklə başa çatmışdı deyə, azarkeşlər fasilədən sonra yaxşı mənada nəyinsə dəyişəcəyinə ümid etmişdi. 57-ci dəqiqədə hesab açılmış, son 5 dəqiqədə isə macarlar daha 3 dəfə fərqlənməyə imkan tapmışdı.
Macarıstan – Azərbaycan 3:0
1999-cu il, sentyabrın 8-i. İndiyə qədər məğlub edə bilmədiyi rəqiblə oyunda üz güldürən nəticənin qeydə alınacağını şərtləndirən tək səbəb dörd gün öncəki oyunda qeydə alınan hesab idi. Yığma Əhməd Ələsgərovun rəhbərliyi altında Portuqaliya kimi güclü rəqiblə Bakıda heç-heçə edib (1:1), Macarıstana kefi kök yola düşmüşdü. Sən demə, Puşkaşın həmvətənləri bizimkilərin “xoruzunu qoltuğuna verib” yola salacaqmış. Rəqib futbolçular 54 dəqiqə ərzində vurulan 3 qolla növbəti böyükhesablı qələbənin rəsmiləşməsinə səbəbkar olmuşdular.
Azərbaycan – Macarıstan 0:2
2011-ci il fevralın 9-na təsadüf edən bu oyun sıradan yoldaşlıq görüşü xarakteri daşıyırdı. Artıq “peraşki” dönəmi geridə qalmış, millinin macarlar önündə darmadağın olduğu vaxtdan 12-15 il keçmişdi. Ölkə futbolunda “baltanın pulu kəsmədiyi” dövrlər idi. Milliyə Berti Foqts rəhbərlik edir, komandada Rəşad Sadıqov, Kamran Ağayev, Mahir Şükürov, Vaqif Cavadov kimi formada olan futbolçular oynayırdı. Həmin yığma idi ki, cəmi dörd ay əvvəl Türkiyə millisini Bakıda məğlub etmişdi, məhz bu oyundan bir neçə ay sonra Qazaxıstanı udub, Belçika ilə heç-heçə edəcəkdi. Bütün bunlara baxmayaraq, Macarıstanı udmaq yenə mümkünsüz oldu. Dubaydakı hazırlıq mərhələsində, “Əl-Maktum”da baş tutan oyunda rəqib hər hissədə vurulan bir qol hesabına bizimkilər üzərində növbəti qələbəsini qazanmışdı.
Azərbaycan – Macarıstan 1:3
Bu oyunu yada salmaq üçün tarixə varmağa ehtiyac yoxdu. Tarix “ağzımızın içindədi”, bu il iyunun 8-i. Yurçeviçin rəhbərliyi altında AÇ-2020-yə Xorvatiya məğlubiyyəti ilə başlayan millinin Macarıstanla oyundan azı 1 xalla ayrılacağına hədsiz ümid yaranmışdı. Rəqibin heyətindəki itkilər, “doğma divarlar” amili xeyrimizə işləməliydi. Lakin arzular növbəti dəfə “suya düşdü”. Qonaqlar hesabda 2:0 önə keçəndən sonra Mahir Əmrəlinin fərqi azaltması işə yaramamışdı. Bundan cəmi 2 dəqiqə sonra vurulan qol isə yekun nəticəni müəyyənləşdirmişdi.
Çətin görünür
Statistikadan da göründüyü kimi, indiyə qədər 6 dəfə üz-üzə gəldiyimiz macarları məğlub etmək mümkün olmayıb. Və ən maraqlısı, rəqibin bütün hallarda qələbəyə sevinməsidi. İstər aclıq dövründə olsun, istərsə də pulların havada “rəqs etdiyi” vaxtlarda. Halbuki milli indiyə qədər Macarıstandan üstün Xorvatiya, Rusiya, Türkiyə, Belçika, Portuqaliya, İsveçrə kimi rəqiblərinə badalaq vurmağı bacarıb. Macarlar bizimkilərin qapısına 6 oyunda 18 dəfə yol tapdıqları halda, Azərbaycan yığmasının bu rəqibin qapısından keçirdiyi top sayı cəmi 2-yə bərabərdi.
Bazar günü yaxşı mənada nəyəsə ümid etmək də mümkünsüzə oxşayır. Əvvəla, zədəlilərlə cəzalıların sayı yetərincə çoxdu. Digər tərəfdən macarların qrupdakı vəziyyəti və iddiası... Marko Rossinin yetirmələri 5 oyundan sonra hesabına Slovakiya ilə eyni sayda – 9 xal yazmaqla lider Xorvatiyadan cəmi 1 xal geri qalır. Deməli, qrupun autsayderi ilə oyunda xal itkisini qətiyyən təsəvvür etmirlər və növbəti 3 xal üçün əllərindən gələni də, gəlməyəni də edəcəklər.
HƏBİB
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Dünən, 13:56 “Dauqavpils” Tural Bayramlıya görə AFFA-dan üzr istədi Dünən, 13:50 “Uğur”un rəhbərindən gözlənilməz açıqlama Dünən, 13:44 “1/8 finalda Şəhriyarla Teymur qarşılaşanda ürəyim parçalandı” Dünən, 13:39 Qadze “Zirə”ni tərk etdiyinə görə peşman olub Dünən, 13:27 Bəhruz Zeynalovun “Mübarizlər”i starta hazırdı Dünən, 13:25 Püşkatma mərasimi keçirildi 12-10-2019, 13:48 “Nə qədər ki azərbaycanlı futbolçular legioner həyatı yaşamayacaq, yığmadan ancaq sensasiya gözləməyə məcburuq” 12-10-2019, 13:43 U-21-in üzvü 72 saat hava limanının təcridxanasında qaldı 12-10-2019, 12:26 Zaur Həşimov Sənan Qurbanovu özünə köməkçi görmür 12-10-2019, 12:21 Zaur Həşimov “Qəbələ”ni çətinə salıb 12-10-2019, 12:18 Şaban Donat istefaya göndərildi 12-10-2019, 12:02 “Baş məşqçinin qış fasiləsində gətiriləcəyi ehtimal olunur” 12-10-2019, 11:59 Macarlarla oyunların acı statistikası 12-10-2019, 11:56 Mütəxəssislər Budapeştdə xal qazanacağımıza inanırlar 12-10-2019, 11:53 Macarlarla oyunu “Neftçi”nin qələbəsini qeydə alan hakim idarə edəcək 12-10-2019, 11:32 Qurban Qurbanovun oğlu 5 oyuna 6 qol vurub 12-10-2019, 11:30 Qadzenin keçidi rəsmiləşdi 12-10-2019, 11:28 Basketbolu diriltmək istəyənlərdən “Sektor 11”ə əcaib təklif 12-10-2019, 11:26 Fransızlar U-21-i 5 qolla yola saldı 12-10-2019, 11:22 “Benfika” da çempionumuzu darmadağın etdi 11-10-2019, 13:09 Macarların “iştah”ı qaydasındadı 11-10-2019, 13:06 “Lüksemburqda bununla bağlı araşdırmalar davam edir” 11-10-2019, 13:02 Samir Abasovun istefası futbolçular üçün gözlənilməz olub 11-10-2019, 13:01 Veteranlar Oqtay Abdullayevə görə yığışdı 11-10-2019, 12:59 “Zirə” Zaur Həşimova tapşırıldı 11-10-2019, 12:57 “Araz”ın iranlı legionerlərinə viza verilmədi 11-10-2019, 12:55 Boş tribunalar önündə əzmkar qələbə 11-10-2019, 12:52 Hakimlərin mühakiməsi 11-10-2019, 12:49 3120 manatlıq iclas 11-10-2019, 12:45 “CBC Sport”un baş redaktoru suallardan yayındı 11-10-2019, 12:44 “Bu yolda əməyimizi, köməyimizi göstərməyə hər zaman hazırıq” 11-10-2019, 12:43 APOEL-in hücumçusu ikinci yerə layiq olduqlarını düşünür 11-10-2019, 12:39 “Araz” meydan sahibləri ilə bacarmadı 9-10-2019, 12:00 Dron qalmaqalının təşkilatçısı Mxitaryanla telefonla danışıb 9-10-2019, 11:57 “Zirə” Buma görə 100 min dollar tələb edib 9-10-2019, 11:55 Jezniçak Bakıya gəldi 9-10-2019, 11:54 Aftandil Hacıyev ilk dövrəni qənaətbəxş sayır 9-10-2019, 11:50 “Neftçi” böhrandan çıxır, “Səbail”də böhran başlayıb 9-10-2019, 11:45 "Qarabağ" “Sabah”la oyunda da büdrəmədi 9-10-2019, 11:38 Zirədən qonaqlar razı getdi 9-10-2019, 11:30 “Araz” ÇL-də mübarizəyə başlayır 9-10-2019, 11:27 “Kapital Bank Arena”da səssiz gecə 9-10-2019, 11:25 Rüfət “Proyssen”i məğlubiyyətdən xilas etdi 9-10-2019, 11:23 Dron qaldırdı, indi də təhdid yağdırır! 9-10-2019, 11:16 Hardasan, Azərbaycan dövləti? 9-10-2019, 11:14 Dövrə yekunu: "Qarabağ" ən yaxın izləyicisindən 10 xal öndə! 4-10-2019, 12:46 “UltrAslan Azərbaycan”ın 7 min manat xərci çıxıb 4-10-2019, 12:44 Verniduba vasitəçilik edən Səbuhi Səfiyarlı deyil 4-10-2019, 12:42 Yurçeviç Eddini yığmaya qaytardı 4-10-2019, 12:39 Alesio ÇL üçün 12 futzalçı sifariş etdi 4-10-2019, 12:34 Musa Qurbanlı sabiq komandasını cəzalandırdı 4-10-2019, 12:33 Emil yenə ən yaxşılar arasında 4-10-2019, 12:31 Özat “Sabah”la danışıq apardığını təsdiqlədi 4-10-2019, 12:29 Sumqayıtda danışılmış oyunlarla bağlı seminar 4-10-2019, 12:13 Riad Rəfiyev: “Bizim günahımız nədi ki, Nazim Süleymanov məndən, klubdan narazılıq edir?” 4-10-2019, 12:06 “Qəbələ” Nikosiyadan yaxşı nəticə ilə qayıdır 4-10-2019, 12:04 "Qarabağ"ın baş meneceri yenidən seçildi Bütün xəbərlər
Ən çox oxunanlar