11 sen 15:18yigma

Tribunalar dolmasa da, azarkeş dəstəyi gözləniləndən qat-qat yaxşı idi


Yığmanın Uelsə son dəqiqələrdə buraxılan qolla məğlub olması hər nə qədər azarkeşlərin kefinə “soğan doğrasa” da, səfərdə intizamlı oyun futbolsevərlərdə müəyyən ümid yaratmışdı. Odu ki, “Bakcell Arena”dakı ab-havanın necə olacağı həvəslə gözlənilirdi.
* Giriş qapıları önündə əvvəlki kimi qələbəliyin müşahidə olunmamasının səbəbi var idi. Belə ki, AFFA rəsmiləri UEFA-nın təlimatına uyğun olaraq, qapılar önündə xüsusi məhəccərlər yerləşdirmişdi ki, hava limanında görməyə alışdığımız həmin “cığır”la keçib stadiona rahat daxil olmaq mümkün idi.
* Xorvatiya yığmasının geyimində olan bir qrup hələ oyundan bir saat əvvəl metronun “Xalqlar Dostluğu” stansiyasından arenaya doğru hərəkət edirdi. Cəm halda gəzən qonaqlar yaşayış binalarının ətrafından keçərkən müxtəlif şüarlar səsləndirsələr də, onlara “gözün üstə qaşın var” deyən olmurdu. Aralarında bir neçə nəfərin gəzə-gəzə boğazını pivə ilə yaşlaması oyunöncəsi əhval-ruhiyyənin yaxşılaşdırılmasına hesablanmışdı.
* Media sektorunun giriş qapısının önündə üz-üzə gəldiyim ötənlərin üç məşhur futbolçusunu tanımamaq mümkün deyildi. Sabir “Xəzər Lənkəran”lılar Emin Quliyev, Zaur Ramazanov və Alim Qurbanov oyunu stadionda birgə izləmək qərarı vermişdilər. AFFA-nın Mətbuat və İctimaiyyətlə Əlaqələr Departamentinin rəhbəri Firuz Abdulla ilə nəyisə müzakirə edirdilər. Görünür, niyyətləri futbola media sektorundan baxmaq idi. Yeri gəlmişkən, “Qarabağ”lı Aylton Silvanın da dostu ilə “Bakcell Arena”ya təşrif buyurduğunu görmək mümkün idi. Əlindəki biletə uyğun sektorun girişini axtarırdılar.
* Qonaq azarkeşlər demişkən, onlara Xorvatiya Futbol Federasiyasının AFFA-ya müraciəti əsasında müəyyən sayda bilet və xüsusi sektor ayrılmışdı. Lakin digər sektorlarda da 5-5, 10-10 əyləşən xorvat futbolsevərlər var idi. Onlar biletləri Bakıdakı kassalardan almışdılar.
* Oyunun başlamasından bir neçə dəqiqə əvvəl stadionun diktoru Sənan Şəfizadə satışa çıxarılan bütün biletlərin satıldığını bildirib, az sonra stadionun dolacağını deyəndə, açığı, eşitdiklərimizi arzu kimi qəbul etmişdik. Hakimin start fitini gözlədik və ...11 min yerlik arenadakıların ümumi sayı 8 mini ötməzdi. 10-cu dəqiqədə isə stadiondakı boş yerlərin hamısı dolmuşdu.
* Hər iki yığma üzvləri ənənəyə uyğun olaraq, meydana azyaşlılarla çıxmışdı. Himnlər çalınarkən həmin uşaqlardan biri hər kəsin diqqətini çəkdi. Səs-küylə qəti arası olmayan cocuq öncə qulaqlarını tutdu, daha sonra sağa-sola var-gəl etməklə vəziyyətdən razı olmadığını göstərdi. Hətta Dmitri Nazarovun azyaşlını sakit dayanmağa səsləməsi də, sona qədər fayda vermədi.
* İlk hissədə fantastik çıxışla yadda qalan Emil Balayev təkcə yerli azarkeşlərin alqışını qazanmadı. Belə ki, Emilin qoruduğu “çərçivə”nin arxasında yer alaj xorvat fanatlar da keçilməz qapıçını epizodların birində alqışladılar.
* Yığmanın qrupda məğlubiyyətləri sıralamasına baxmayaraq, arenaya toplaşanların dəstəyini görməyə dəyərdi. Oyunun müxtəlif hissələrində komanda üzvlərini ruhlandıran futbolsevərlər bəzən ayrı-ayrı futbolçuların adlarını səsləndirirdilər. Hakimin şübhəli qərarları zamanı etiraz edir, xorvat azarkeşlərin səsi çıxan kimi onları fitə basırdılar. Bir sözlə, azarkeş dəstəyi gözləniləndən qat-qat yaxşı idi.
* İsveçrəli hakimlər briqadasının işinə hakim-inspektorun hansı qiymət verəcəyi ilə işimiz yoxdu. Fakt budu ki, Sandro idarəçiliyi ilə azarkeşlərin qəzəbini qazandı. Xüsusən Mahirin vurduğu qolu qeydə almaması tribunaları coşdurdu. Gurultulu fit səsləri eşidildi, meydana plastik su qabları atıldı.
* Hakimin final fitindən sonra yığma üzvlərinin sevincini görməyə dəyərdi. Sanki mötəbər turnirin qalibi olubmuş kimi sevinir, özlərinə yer tapmırdılar. Həmin an meydana azarkeş daxil olub Xorvatiya yığmasının aparıcı simaları ilə şəkil çəkdirmək şansını əldən vermədi. Çox keçmədən onu meydandan uzaqlaşdırmaq mümkün olsa da, daha bir fanat qazonda göründü. İki polis qaçan azarkeşi saxlaya bilməsə də, Cavid Hüseynovla Qara Qarayev tutdu. Qara həmin uşağı polislərə təslim etməmək üçün bağrına basdı, “poqonlu”dan heç nə etməmək üçün xahiş etdi. Sonda paltardəyişmə otağına polis, azarkeş və Qara “üçlüy”ü birgə yollandılar.
HƏBİB
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
17-09-2019, 14:42 “Klassiklər”dən fiasko: cəmi 2 medal 17-09-2019, 14:31 Anşlaq olacaq: dünən axşama 25 min bilet satılmışdı! 17-09-2019, 14:29 UEFA “Qarabağ”a 8 milyon göndərdi 17-09-2019, 14:27 Etibar Tarıverdiyevin cəzası və cəriməsi azaldıldı 17-09-2019, 14:22 Cavid Hüseynov jurnalistləri qınadı 17-09-2019, 14:17 “Sumqayıt” hakim səhvinin qurbanı oldu 17-09-2019, 14:13 "Qəbələ" qol, xal və qələbə sindromunu qırdı 17-09-2019, 14:12 "Turan Tovuz" zirvədən möhkəm yapışıb 17-09-2019, 14:10 Yalnız sonuncu oyunda "sülh" oldu 17-09-2019, 14:08 “Sabah”ı “zirzəmi”yə göndərən tur 17-09-2019, 14:07 “Keşlə”ni rəqibi yox, özü yıxdı 17-09-2019, 14:01 Həftənin idman proqramı 17-09-2019, 13:58 Elşad Əhmədov istefa verib, müşavir oldu 17-09-2019, 13:56 Çempionat təxirəsalma ilə başladı 17-09-2019, 13:54 AFFA-nın əməkdaşı müşahidəçi qismində iştirak edib 17-09-2019, 13:51 Favoritlər itkisiz irəliləyir 17-09-2019, 13:49 Emildən növbəti “quru” oyun 17-09-2019, 13:42 Bordin mübarizədən qopmadıqlarını düşünür 17-09-2019, 13:37 Çempion flaqmana “dərs keçdi” 13-09-2019, 13:10 Voleybol Federasiyası Kaprara ilə müqaviləni yeniləmədi 13-09-2019, 13:08 “Qarabağ” “Neftçi”ni necə “vuracaq”? 13-09-2019, 13:07 “Trabzonspor”un skautları Mahiri bəyəniblər 13-09-2019, 13:05 Nazim Süleymanov adını dəyişən qurumun sədri oldu 13-09-2019, 13:00 Biliç heç-heçəyə görə Yurçeviçi təbrik edib 13-09-2019, 12:58 Bir daha yığma haqda... 13-09-2019, 12:57 Prezidentin nəvəsi Modriçlə görüşüb 13-09-2019, 12:53 “Bakıda meydana özündənrazı, rəqibə hörmət etməyi bacarmayan futbolçular çıxmışdı” 13-09-2019, 12:46 U-21 “Dalğa”da boğuldu 13-09-2019, 12:42 Şabanoğlu sual verdi, yığma üzvü özündən çıxdı 13-09-2019, 12:40 Beqoviç seçimini əsaslandırdı 13-09-2019, 12:37 Emil Balayevin atası Tahir Süleymanova təşəkkür etdi 13-09-2019, 12:35 Millinin oyunlarının təqvimi açıqlandı 13-09-2019, 12:33 İcra başçısından “Şahdağ”a dəstək 13-09-2019, 12:32 Çempionların duelini “Araz” qazandı 13-09-2019, 12:10 Samir Əliyev U-19-un potensialına inanır 13-09-2019, 12:08 “Araz Naxçıvan” sənədləri AFFA-ya göndərib 13-09-2019, 12:06 Futbolçuların mükafat həvəsi aranı qatdı 13-09-2019, 12:04 1 xal bizə nə qazandırdı? 11-09-2019, 15:26 Vüqar Məmməd Ukraynadakı uğursuzluğa səbəb tapıb 11-09-2019, 15:24 PFL hələ ki yeni sponsorla anlaşa bilməyib 11-09-2019, 15:20 “Feysbuk”da nə danışırlar? 11-09-2019, 15:19 Tortdan yedi, qol vurdu, amma... 11-09-2019, 15:18 Tribunalar dolmasa da, azarkeş dəstəyi gözləniləndən qat-qat yaxşı idi 11-09-2019, 15:16 Yığma ilk xalını və …Balayevi qazandı 11-09-2019, 15:06 Daliç də Emil Balayevi təriflədi 11-09-2019, 15:00 Ruslanla Aylton Xorvatiya yığmasına baş çəkdi 11-09-2019, 14:59 Nazarov Beyllə dialoquna aydınlıq gətirdi 11-09-2019, 14:57 “Keşlə” divizion təmsilçisinə acımadı 11-09-2019, 14:53 İtalyan turistlər mundial ərəfəsində güləşçilərimizlə görüşüblər 11-09-2019, 14:50 Mütəxəssislər Səlahəti qınadılar 11-09-2019, 14:49 Departament rəhbəri fit çaldı, Baxşıyev ilk qələbəsini qazandı 11-09-2019, 14:47 “Sabah” – “Zirə”: legionerlərin şousu 7-09-2019, 02:38 Güləşçilərimiz Nur-Sultanda dəstəksiz qalmayacaq 7-09-2019, 02:35 “Forza Neftçi”nin “Qarabağ”la oyunda iştirakı sual altındadı 7-09-2019, 02:32 “Qəbələ”nin prezidenti və baş meneceri Avropaya yollanıb 7-09-2019, 02:28 Divizion premyer-liqadan üstündü! 7-09-2019, 02:25 “Qarabağ” 23 nəfər sifariş etdi Bütün xəbərlər
Ən çox oxunanlar