07 sen 02:14yigma

“Sadəcə, onu arzulayıram ki, heç olmasa, böyük hesabla uduzmasınlar”


Mahir Şükürov yığmanın xal qazanacağına inanmır
Azərbaycan yığması yaxın günlərdə Avropa çempionatının seçmə mərhələsi çərçivəsində daha iki oyun keçirəcək. Millimiz bu gün Uels millisi ilə səfərdə, sentyabrın 9-da isə güclü Xorvatiya yığması ilə Bakıda qarşılaşacaq. Geridə qalan 3 oyundan sonra xalsız olan komandamızın qarşıdakı iki oyunundan ümidverici nəsə gözləmək çətindi. Macarıstan və Slovakiya ilə Bakıda keçirilən görüşlərdə darmadağın olmağımız bir yana, yığma heç mübarizə də apara bilməmişdi. Son Slovakiya biabırçılığından sonra hətta azarkeşlərin də əsəblər dözməmiş, AFFA rəhbərliyini istefaya çağırmışdılar. Ümumiyyətlə, mövzü nə vaxt mili komanda olubsa, Azərbaycan azarkeşi həmişə ümidsiz və bədbin libasa bürünür. Ölkə futbolunda o qədər ədalətsiz, iyrənc prosseslər baş verir ki, azarkeşlər nəinki millinin oyunundan nəsə gözləyirlər, artıq oyunların başlama vaxtından belə xəbərsiz olurlar. Ancaq hər şeyə rəğmən, mövzü milli komanda olanda adam istər-istəməz ümidlənir, qələbə görmək istəyir. Bəs görəsən, ölkədəki indiki sönük futbol ab-havasının fonunda milli qarşıdakı iki çətin oyunda nəsə edə biləcəkmi? Ümumiyyətlə, millidən nəsə gözləməyə dəyərmi? Həmsöhbətlərimizə bu sualları ünvanladıq. Həmkarımız Kənan Məstəliyev qarşıdakı iki oyunda bir xal qazanmağın belə möcüzə olacağını deyir: “Açığı, mövzü milli komanda olduqda nikbin fikir səsləndirmək çətinləşir. Çünki əldə olan heyət çox da böyük hədəflər üçün mübarizə aparmağa imkan vermir. Bundan başqa, milli komanda ətrafındakı durum, milli komandaya münasibət - istər kənardan, istər daxildən - çox da ürəkaçan vəziyyətdə deyil. Demək olar ki, bu komanda artıq millilikdən çıxıb. Dünyanın hər ölkəsində milli komanda duyğu, emosiya üzərində qurulan bir kollektiv olur. Və oyunçular bu hisslərdən əlavə güc alırlar. Ancaq bizdə belə şeylər yoxdu. Heç olmasa, heyət güclü olsaydı, futbolçularımız Avropanın tanınmış komandalarında mübarizə aparsaydılar, onda bəlkə hisslər arxa plana keçər, güc hesabına nəyəsə nail olmağı düşünərdik. Ancaq bizdə nə ondandı, nə də bundan. Əvvəlcə Uels səfərinə gedəcəyik. Nəzərə alaq ki, rəqibin heyətindəki bir oyunçunu - Beyli satsaq, bütün Azərbaycan futbolunu 3-5 dəfə satın almaq olar. Bakıdakı oyunda isə rəqib dünya çempionatının finalçısıdı. Bu oyun haqda nikbin mülahizə yürütmək üçün heç bir əsas, səbəb yoxdu. Mümkün xoş nəticə, sadəcə, təsadüf və möcüzə əsasında ola bilər. Şəxsən mən bu möcüzəyə və təsadüfə inanmıram. Hazırda komandamızın başında bunu edə biləcək bir mütəxəssis də yoxdu. Nikola Yurçeviç bu nəticəni əldə edəcək potensiyala sahib bir adam deyil. Bu adam, sadəcə, məşqçidi, bizə isə baş məşqçi lazımdı. O, komandanın düzülüşündən başqa heç bir şeyə qadir deyil. Təbii ki, özünə görə müəyyən futbol biliyi var. Ancaq qısaca onu deyim ki, bu məşqçi, bu oyunçular və bu ab-hava ilə qarşıdakı iki oyundan bir xal belə götürməyimiz möcüzə olar”.
Yığmanın sabiq oyunçusu Mahir Şükürov da xal qazanacağımıza inanmır: “Milli haqda nə demək olar ki? İnanmıram ki, qarşıdakı iki oyunda xal qazana bilək. Azərbaycan milli komandası bu seçmə mərhələdə çox zəif çıxış elədi. Artıq qrupdakı bütün rəqiblər bizə üç xal gözü ilə baxır. Düşünürlər ki, Azərbaycana rahatlıqla qalib gələcəyik. Sadəcə, onu arzulayıram ki, heç olmasa, böyük hesabla uduzmasınlar. Təbii ki, millinin bu vəziyyətdə olmasında bir çox problemlər var. Hazırda heyətdə futbolçu qıtlığını buna misal göstərmək olar. Eyni zamanda bu gün milli komandamızda lider problemi hiss olunur. Bizim vaxtımızda hamı bir-birimizə güvənirdi. Məsələn, ani epizodlar olurdu ki, mən ötürmə edirdim, ya Vaqif, ya da Rauf başla fərqlənə bilirdi. Ancaq indi belə epizodlar olur? Oyunlara baxın görək, cinah oyunçuları oyunboyu neçə ötürmə edə bilirlər? Mən millidən gedəndən sonra cinah oyunçuları neçə dəfə hücuma çıxıb, təhlükəli ötürmə edə biliblər? Ümid elə ancaq mərkəz oyunçularınadı. Nə vaxt baxsan, Nazarov topu alıb, irəli gedir, qapıya zərbə vurur. O da bəxtəxuda qapıya girər, ya girməz. Bu üzdən millinin qarşıdakı iki oyunundan nəsə gözləmirəm”.
“Neftçi”nin sabiq baş məşqçisi Elxan Abdullayev isə qarşıdakı iki oyuna görə ümidli olduğu qeyd etdi: “Açığı, bu suallara necə cavab verəcəyimi bilmirəm. Hər şeyə rəğmən, milli komandanın yaxşı çıxış edə biləcəyini düşünürəm. Doğrudu, ötən oyunlarda çox da yaxşı nəticələr olmadı. Geridə qalan üç oyunda yığma komandamız azarkeşləri sevindirə bilmədi. Qarşıdakı iki oyundan neçə xal qazana biləcəyimizi deyə bilmərəm, ancaq düşünürəm ki, milli komandamız xal qazana bilər. Məncə, ümid həmişə var. Macarıstan və Slovakiya ilə oyunlarda xal qazana bilmədik deyə, Uelsə, Xorvatiyaya da uduzacağımızı demək olmaz. Bu futboldu. Burda axıra kimi oynamaq və inanmaq laızmdı. İnam olmasa, heç nə etmək olmaz. Futbolçular ilk növbədə özlərinə inanmalıdırlar. Bu inam olsa, Xorvatiyadan da, Uelsdən də xal ala bilərik”.
Sözsüz, hamımız yığmanın qarşıdakı iki oyunda xal və ya xallar qazanmasını çox istəyirik. Ancaq bunun nə qədər real olduğunu demək mümkün deyil. Əslində məsələ millinin qarşıdakı iki oyunda nəsə edib-etməyəcəyi deyil. Məsələ Azərbaycan futbolsevərlərinin nə vaxt öz doğma millisinin oyununda qələbə qazanacağına düşünüb, o həvəslə TV önündə oturacağıdı. Hələlik isə ümidlə yaşamalıyıq. Necə deyərlər, ümid kasıbın çörəyidi. O çörəyi bir gün yeyə biləcəyimiz ümidi ilə...
HƏSƏN QULUZADƏ
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
17-09-2019, 14:42 “Klassiklər”dən fiasko: cəmi 2 medal 17-09-2019, 14:31 Anşlaq olacaq: dünən axşama 25 min bilet satılmışdı! 17-09-2019, 14:29 UEFA “Qarabağ”a 8 milyon göndərdi 17-09-2019, 14:27 Etibar Tarıverdiyevin cəzası və cəriməsi azaldıldı 17-09-2019, 14:22 Cavid Hüseynov jurnalistləri qınadı 17-09-2019, 14:17 “Sumqayıt” hakim səhvinin qurbanı oldu 17-09-2019, 14:13 "Qəbələ" qol, xal və qələbə sindromunu qırdı 17-09-2019, 14:12 "Turan Tovuz" zirvədən möhkəm yapışıb 17-09-2019, 14:10 Yalnız sonuncu oyunda "sülh" oldu 17-09-2019, 14:08 “Sabah”ı “zirzəmi”yə göndərən tur 17-09-2019, 14:07 “Keşlə”ni rəqibi yox, özü yıxdı 17-09-2019, 14:01 Həftənin idman proqramı 17-09-2019, 13:58 Elşad Əhmədov istefa verib, müşavir oldu 17-09-2019, 13:56 Çempionat təxirəsalma ilə başladı 17-09-2019, 13:54 AFFA-nın əməkdaşı müşahidəçi qismində iştirak edib 17-09-2019, 13:51 Favoritlər itkisiz irəliləyir 17-09-2019, 13:49 Emildən növbəti “quru” oyun 17-09-2019, 13:42 Bordin mübarizədən qopmadıqlarını düşünür 17-09-2019, 13:37 Çempion flaqmana “dərs keçdi” 13-09-2019, 13:10 Voleybol Federasiyası Kaprara ilə müqaviləni yeniləmədi 13-09-2019, 13:08 “Qarabağ” “Neftçi”ni necə “vuracaq”? 13-09-2019, 13:07 “Trabzonspor”un skautları Mahiri bəyəniblər 13-09-2019, 13:05 Nazim Süleymanov adını dəyişən qurumun sədri oldu 13-09-2019, 13:00 Biliç heç-heçəyə görə Yurçeviçi təbrik edib 13-09-2019, 12:58 Bir daha yığma haqda... 13-09-2019, 12:57 Prezidentin nəvəsi Modriçlə görüşüb 13-09-2019, 12:53 “Bakıda meydana özündənrazı, rəqibə hörmət etməyi bacarmayan futbolçular çıxmışdı” 13-09-2019, 12:46 U-21 “Dalğa”da boğuldu 13-09-2019, 12:42 Şabanoğlu sual verdi, yığma üzvü özündən çıxdı 13-09-2019, 12:40 Beqoviç seçimini əsaslandırdı 13-09-2019, 12:37 Emil Balayevin atası Tahir Süleymanova təşəkkür etdi 13-09-2019, 12:35 Millinin oyunlarının təqvimi açıqlandı 13-09-2019, 12:33 İcra başçısından “Şahdağ”a dəstək 13-09-2019, 12:32 Çempionların duelini “Araz” qazandı 13-09-2019, 12:10 Samir Əliyev U-19-un potensialına inanır 13-09-2019, 12:08 “Araz Naxçıvan” sənədləri AFFA-ya göndərib 13-09-2019, 12:06 Futbolçuların mükafat həvəsi aranı qatdı 13-09-2019, 12:04 1 xal bizə nə qazandırdı? 11-09-2019, 15:26 Vüqar Məmməd Ukraynadakı uğursuzluğa səbəb tapıb 11-09-2019, 15:24 PFL hələ ki yeni sponsorla anlaşa bilməyib 11-09-2019, 15:20 “Feysbuk”da nə danışırlar? 11-09-2019, 15:19 Tortdan yedi, qol vurdu, amma... 11-09-2019, 15:18 Tribunalar dolmasa da, azarkeş dəstəyi gözləniləndən qat-qat yaxşı idi 11-09-2019, 15:16 Yığma ilk xalını və …Balayevi qazandı 11-09-2019, 15:06 Daliç də Emil Balayevi təriflədi 11-09-2019, 15:00 Ruslanla Aylton Xorvatiya yığmasına baş çəkdi 11-09-2019, 14:59 Nazarov Beyllə dialoquna aydınlıq gətirdi 11-09-2019, 14:57 “Keşlə” divizion təmsilçisinə acımadı 11-09-2019, 14:53 İtalyan turistlər mundial ərəfəsində güləşçilərimizlə görüşüblər 11-09-2019, 14:50 Mütəxəssislər Səlahəti qınadılar 11-09-2019, 14:49 Departament rəhbəri fit çaldı, Baxşıyev ilk qələbəsini qazandı 11-09-2019, 14:47 “Sabah” – “Zirə”: legionerlərin şousu 7-09-2019, 02:38 Güləşçilərimiz Nur-Sultanda dəstəksiz qalmayacaq 7-09-2019, 02:35 “Forza Neftçi”nin “Qarabağ”la oyunda iştirakı sual altındadı 7-09-2019, 02:32 “Qəbələ”nin prezidenti və baş meneceri Avropaya yollanıb 7-09-2019, 02:28 Divizion premyer-liqadan üstündü! 7-09-2019, 02:25 “Qarabağ” 23 nəfər sifariş etdi Bütün xəbərlər
Ən çox oxunanlar