Çimərlik futbolu yığmamız Bakıda seleksiya xarakterli təlim-məşq toplanışını davam etdirir. Yığma hazırlıq çərçivəsində srağagün yoxlama oyununda qüvvəsini sınayıb. Rəqib, daha öncə xəbər verdiyimiz kimi, Ukrayna millisi olub. Görüş qonaqların 4:3 hesablı qələbəsi ilə nəticələnib. Bizimkilərdən Asif Zeynalov, Sabir Allahquliyev və Comərd Baxşəliyev fərqlənib. Tərəflər arasında növbəti sınaq görüşü bu gün baş tutacaq.