30 mar 01:26yigma

U-19 ikinci oyunda da darmadağın oldu

U-19 ikinci oyunda da darmadağın oldu
Ağatahir Əzimov yenə yetirmələrini qınayır
Avropa çempionatı

Əsas mərhələ, 2-ci qrup
Hollandiya (U-19) - Azərbaycan (U-19) 6:1 (2:0)
Hollandiya: 1. Yusif Ben Salam, 3. Fabyan Hendriks, 6. Sabri Haruna Kabamba, 10. Məhəmməd Sabir Ben Xaloy, 11. Faykal Amheye; 12. Tom Sterkenburq, 2. Adnan Əl Terrahi, 4. Tim Taylor, 5. Kevin Van Londen, 7. Kolin Kamp (k), 8. Nabil Azzanaquy, 9. Həmzə Benali.
Baş məşqçi: Hyalmar Hoyekema.
Azərbaycan: 1. Vladislav Reznov, 2. İqbal Pənahov (k), 3. Tofiq Hüseynov, 7. Nurlan Mehdizadə, 10. Kənan Əsədli; 12. Niyaz Əhmədov, 4. Turan Əhmədov, 5. Rauf Rüstəmov, 6. Sabir Həsənov, 8. Hüseyn Qarayev, 9. Rafael Mütəllimov, 17. Nicat Quluzadə.
Baş məşqçi: Ağatahir Əzimov.
Qollar: K.Van Londen, 6 (1:0). K.Van Londen, 11 (2:0). F.Amheye, 22 (3:0). K.Əsədli, 23 (3:1). M.S.Ben Xoloy, 24 (4:1). N. Azzanaquy, 31 (5:1). F.Henrdiks, 40 (6:1).
Vərəqələr: N.Quluzadə, 28. T.Taylor, 36. N.Mehdizadə, 38 - sarı.
Hakimlər: DAMYAN YARUŞEVİÇ (Polşa), Marko Rothenfluh (İsveçrə), Yuri Neverov (Rusiya).
Hakim-inspektor: Antonio Xose Fernandes Kardoso (Portuqaliya).
UEFA nümayəndəsi: Sean Dipple (İngiltərə).
28 mart. Sloveniya. Podçetrtek İdman Zalı.
Avropa çempionatına bərbad start verən U-19 dünən ikinci oyununu keçirdi. Hollandiya ilə qarşılaşmanın reportajına keçməzdən öncə yığmanın baş məşqçisi Ağatahir Əzimovun Cənubi Kiprə biabırçı yenilgi ilə bağlı fikirlərini nəzərinizə çatdıraq. Çalışdırıcı ilk görüşdəki mübarizədən narazılığını dilə gətirib: "İnandığım, güvəndiyim oyunçular özlərinə bənzəmədilər. Bilmirəm, həyəcanlıydılar, ya rəqibdən qorxdular. Təsəvvür edin, zədəli olduğuna görə kənarda oturan futzalçım axsaya-axsaya daha yaxşı oynadı, gözlədiklərimdən üstün çıxış etdi. Burda bizdən başqa üç komanda var. Kənardan baxanda hamısı fiziki göstəricilərinə görə bizdən çox üstün görünürlər. Sanki onların yanında balaca uşaqlara bənzəyirik.
Cənubi Kipr yığması ilk mərhələdən vəsiqə qazansa da, güclü və təşkilatlanmış komandadı. Hiss olunur ki, çox çalışıblar. Boy-buxunlarına, fiziki göstəricilərinə görə də çox seçilirdilər. Meydanda nə etdiklərini bilirdilər. Bizim uşaqlar da mübarizə apardılar. Ancaq onlar güc baxımından o qədər fərqlənirdilər ki, hətta gövdələri ilə toxunmaqla bizim oyunçunu mübarizədən kənarlaşdırırdılar. Hollandiyanın Sloveniya ilə oyununu izlədim. Meydan sahibi komandanı məğlub ediblər. Yaxşı "stolba”ları, müdafiəçiləri var. Düzdü, onlar Cənubi Kipr qədər sürətli oynamırlar. Daha çox fərdi oyuna üstünlük verirlər. "Stolba”ları topla yaxşı oynayır, epizodlar yaradır. Yəni fərqli oyun üslubuna malik komandadılar. Məncə, biz bu gün daha yaxşı çıxış edəcəyik. Dünən oyunumuz alınmadı. Uşaqlar can yandırdılar, güclərini sərf etdilər, amma oyunumuz sanki getmədi. Topla biz daha yaxşı idik. Fərqimiz onda idi ki, biz epizodları boşa verirdik, onlar realizə edirdilər. Qolların da çoxunu öz səhvlərimizdən buraxdıq. Ya oyunçunu boş buraxırdıq və çata bilmirdik, ya da təkətək mübarizələri uduzurduq”.
Hollandlara qarşı daha yaxşı oyun sərgiləyib uğurlu nəticə əldə edəcəklərinə söz verən Əzimovun yetirmələri bu dəfə də yarıtmadı. Artıq 6-cı dəqiqədə qapısında qol görən U-19-u Van Londen məyus etdi ki, bu futzalçı 11-ci dəqiqədə dublunu gerçəkləşdirdi. Fasiləyə qədər başqa qol olmadı və beləliklə, rəqib ilk yarını 2:0 öndə bitirdi. İkinci yarının əvvəlində Amheye fərqi 3 topa çatdırdı. Düzdü, bir dəqiqə sonra Kənan Əsədli qollardan birinin əvəzini çıxdı. Ancaq Cənubi Kiprlə oyunda olduğu kimi, bu qol da "gözmuncuğu"ndan başqa işə yaramadı. Əvəzində əksər hallarda üstələdiyimiz Hollandiyanın yeniyetmələri Ağatahir Əzizovun komandasına futzal dərsi keçməkdə davam edirdi. Qalan dəqiqələrdə rəqib bizimkiləri daha üç dəfə meydanın mərkəzinə dəvət etdi. 24-cü dəqiqədə Ben Xoloy, 31-də Azzanaquy, sonuncu dəqiqədə isə Henrdiks adını tabloya yazdırdı. Beləliklə, U-19 bu dəfə 6:1 hesabıyla məğlub oldu. Bununla da bizimkilər final mərhələsinə yüksəlmək şansını itirdi. Qrupun digər qarşılaşmasında Sloveniya Cənubi Kipri üstələdi - 6:0. U-19 turnirdə son oyununu sabah saat 21.00-da meydan sahibi Sloveniyaya qarşı keçirəcək. Turnirdən əvvəl son oyunun finala vəsiqə baxımından həlledici olacağı proqnozlaşdırılsa da, təəssüf ki, hazırda formal matçdan danışırıq. Vaxtilə Alesionu bəyənməyən, hər fürsətdə braziliyalının “bostanına daş atan” Ağatahir Əzimovun yəqin bundan sonra deməyə sözü olmaz. U-19 onun karyerasında "qara ləkə" kimi qalacaq. Bundan sonra hansısa mütəxəssisin işini müzakirə edib tənqid hədəfinə çevirsə, bu günləri, ilkin mərhələdən gələn və futzal reytinqi Azərbaycandan qat-qat aşağı olan ölkə təmsilçilərinə böyük hesabla uduzmasını onun başına qaxınc edəcəklər. Haqlı deyillər? Bir başqa maraqlı sual da var: görəsən, bizimkilər sloveniyalılardan neçə qol buraxacaqlar?
1. Hollandiya 2 2 0 0 11-5 6
2. Sloveniya 2 1 0 1 10-5 3
3. Cənubi Kipr 2 1 0 1 7-7 3
4. AZƏRBAYCAN 2 0 0 2 2-13 0
MİRAĞA
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Bu gün, 14:42 “Şüvəlan” FK bəyanat yaydı Dünən, 17:16 Qol vura bilməməsi Raufu narahat edir Dünən, 17:14 İsgəndər Cavadov “Kəpəz”in prezidenti, Yaşar Vahabzadə baş məşqçisi təyin olundu Dünən, 17:11 “Sumqayıt” yeni loqoya görə xərcə düşməyib Dünən, 17:05 “Səbail”in debüt səhvləri Dünən, 17:02 Əmsalımız artsa da, mövqeyimiz dəyişmədi Dünən, 16:54 Sənan Qurbanov “Dinamo” ilə bağlı ətraflı məlumat toplayıb Dünən, 16:51 “Qarabağ”lılar diqqətli olmalıdı! Dünən, 16:49 “Dandolk”un məşqçisi təmsilçimizi təriflədi Dünən, 16:44 “Qəbələ” “Dinamo” ilə oyun ərəfəsində daha bir legionerlə anlaşdı Dünən, 16:42 Moldovalı azarkeşlərin Efrosa demədikləri qalmadı Dünən, 16:24 Transfer dosyesi Dünən, 16:21 Yaşar Vahabzadə AFFA-dan başqa hamını qınadı Dünən, 16:09 Gerye: qovulub, yoxsa qaçıb? Dünən, 16:07 “Sabah”da yeni qapıçı Dünən, 16:06 Rüfətin komandası heç-heçə ilə başladı Dünən, 15:58 Tuladakı oyunun saatı bilindi, biletlər satışa çıxarıldı 19-07-2019, 13:46 10 idman növündə 122 idmançı 19-07-2019, 13:43 Kənan Hənifəyev bu dəfə Tulaya səfərin anonsunu verdi 19-07-2019, 13:39 Nazim Süleymanov və tərəfdarları deputatlarla görüşdü 19-07-2019, 13:37 Sabiq “Everton”lu “Qarabağ”ın qol ümidi oldu 19-07-2019, 13:34 Stuxlik “Olimpiakos”un oyununa təyinat aldı 19-07-2019, 13:29 Gerye növbəti dəfə diqqəti çəkdi 19-07-2019, 13:19 “Partizani” getdi, “Dandolk” gəlsin! 19-07-2019, 13:16 Qurban Qurbanov Ayltonla Geryeni müqayisə etmək istəmədi 18-07-2019, 17:41 "Sperantsa" mətbuat katibini Bakıya gətirməyib 18-07-2019, 17:39 “Biz axmaq deyilik ki, meydanı sulayaq” 18-07-2019, 17:37 Bordini istənilən hesablı qələbə qane edəcək 18-07-2019, 17:33 “Qəbələ” vətənə qələbə ilə dönür 18-07-2019, 17:30 “Qəbələ”nin futbolçusu Çexiya klubunda 18-07-2019, 17:28 Sezar “Keşlə”də icarə əsasında oynayacaq 18-07-2019, 17:26 “Sumqayıt”a Türkiyədə Ukrayna və Rusiyadan futbolçular qoşulacaq 18-07-2019, 17:22 Yurçeviç hesabat verib? 18-07-2019, 17:19 Papure: “Sabah sizə göstərəcəm!” 18-07-2019, 17:13 “Səbail” möcüzə axtarışında, “Neftçi” üçün formal oyun 17-07-2019, 15:43 Mirabdulla səfərdə qələbə qazanacaqlarına inanır 17-07-2019, 15:40 “Səbail” bu gün yola düşür 17-07-2019, 15:35 Azər Bağırov “Turan Tovuz”u çalışdıracaq 17-07-2019, 15:33 Gerye “Qarabağ”ı aldatdı 17-07-2019, 15:30 “İmarət”lə “Qarabağ Ordu”nun hərəsində 500 nəfər olacaq 17-07-2019, 15:29 “Qarabağ” “Partizani”ni “Dalğa”da boğa biləcəkmi? 17-07-2019, 15:27 Albaniyadan nə azarkeş gəlir, nə də jurnalist 17-07-2019, 15:25 Lerda “Qarabağ”ın büdcəsini açıqladı 17-07-2019, 15:20 “Qarabağ”da mərakeşli müdafiəçi 17-07-2019, 15:18 “Zirə”nin həkimi Samir Abasova görə istefa verdi 17-07-2019, 15:16 Bezotosnı Ukrayna mətbuatına danışdı 17-07-2019, 15:14 “Zirə”dən növbəti transferlər 17-07-2019, 15:07 Pərdisin keçidi yubanır, Sezar da gəlir 17-07-2019, 15:02 “Sabah” Sumqayıtdan qalib döndü 17-07-2019, 10:06 Həftənin idman proqramı 17-07-2019, 10:01 “Sumqayıt 70”dən yubiley hədiyyəsi 17-07-2019, 09:59 “Neftçi” – “Sperantsa”: hakimlər açıqlandı, biletlər satışa çıxarıldı 17-07-2019, 09:56 "Forza Neftçi" bu gün Bakıya çatacaq 17-07-2019, 09:54 Emil Balayev qol buraxmadı, rəmzi komandaya düşdü 17-07-2019, 09:52 “Dauqavpils” Əli Şirinovu rənglərinə bağladı 17-07-2019, 09:47 Stankoviç Kişinyovda oynamadığına görə üzgündü 17-07-2019, 09:43 Yığmanın heyəti açıqlandı Bütün xəbərlər
Ən çox oxunanlar