19 mar 15:11Yazar

Cəzasız qalan killerlər və sosial şəbəkədəki azarkeş ordusu

AFFA-nın martın 15-də baş tutan Hesabat Konfransında oyun alğı-satqısı ilə bağlı səslənən fikirlər, ertəsi İntizam Komitəsinin “Şərurspor”la “Rəvan”ı çempionatdan uzaqlaşdırması, 9 futbolçunun mövsümün sonuna kimi yaşıl meydanlara çıxmasına qadağa qoyması hələ uzun müddət müzakirə mövzusu olacaq. Çünki nəticəsi əvvəlcədən razılaşdırlmış oyunlarda ittiham olunanların heç biri özünü günahkar saymır, hər kəlmədə and-aman edirlər ki, söylənilənlər böhtandı, qarayaxmadı, iftiradı. Bir sözlə, onlar xəstəxanaların və yas mərasimlərinin vazkeçilməz siması, İntizam Komitəsinin kağız üzərində rəhbəri olan Tofiq Fətullayevin və silahdaşlarının qəbul etdikləri qərarlarla barışmırlar. İndi bilmirsən bu məsələdə kimə inansan. Tərəzinin bir gözündə 81 yaşlı ağsaqqalın rəhbərlik etdiyi qurum, bir tərəfində isə vaxtının çoxunu məşq meydançasında keçirmək əvəzinə, ibadətə həsr edən, Axundovdan, Mizə Cəlildən, Sabirdən xəbərsiz olub oturduqları məclislərdə hədislərdən sitat gətirən futbolçular var.
Qarapapaqlı kişilərimizin sözlərinə görə, Allahsız yerdə otur, ağsaqqalsız yerdə oturma. Bu nə deməkdi? Yəni ki, ağsaqqal olan yerdə heç vaxt ədələtsizlik olmaz, qoluzorlu özündən zəifin haqqını yeməz, qara ağa qalib gələ bilməz. Odu ki, uzaqgörən, yaxşını pisdən ayırd edən kişilərimizin sözlərinə güvənərək düşünürsən ki, Tofiq babanın rəhbərlik etdiyi qurum düzgün addım ataraq, oyunu Çində qumara qoyulan komandanı çempionatdan uzaqlaşdırıb. Ancaq gündə 5 dəfə dəstəmaz alan, namaz qılıb, oruc tutan futbolçulara da inanmaq məcburiyyətindəsən. Ən azı ibadət əhli olduqlarına görə. Bəs bu məsələdə kim haqlı, kim haqsızdı? Bu sual məni o qədər narahat edir ki, nə süfrə arxasına otura bilirəm, nə dost-tanışla danışıram. Beynimdə ancaq bir fikir dolaşır: kimə inanasan? Və çox fikirləşəndən sonra belə qənaətə gəlmişəm ki, bu məsələnin düyünə düşməsinin səbəbkarı Tofiq babanın rəhbərlik etdiyi, futbol ictimaiyyətinin çox çəkindiyi, adı səslənəndə tir-tir əsdiyi İntizam Komitəsidi. Niyə? Tələsməyin, indi izah edəcəm.
Çempionatdan uzqaqlaşdırlan, adı oyun alğı-satqısında ən çox hallanan klub hansıdı? Bilirəm ki, çox düşünmədən hamı birağızdan “Şərurspor”un adını çəkəcək. Bu klub yarandığı ilk gündən ictimaiyyət arasında özü barədə mənfi fikir formalaşdırıb. Ancaq İK komandanı çempionatdan uzaqlaşdırsa da, “ağ-yaşıllar”ın heç bir futbolçusunu cəzalandırmayıb. Hələ üstəlik, həmin oyunçulara azad agent statusu verərək, qalan turlarda istənilən klubla müqavilə bağlamalarına şərait yaradıb. Bu nə deməkdi? Bu nə məntiqdi?
Belə çıxır ki, bütün günahlar yenicə həbsdən çıxan klub prezidenti Sərdar Bağırovda və onun Çində olan qıyıqgöz dostlarındadı. Məhz onlar “Göyəzən”lə oyunda rəqib hücumçuların çox asanlıqla fərqlənməsinə şərait yaradıblar. Məhz Bağırov Kürdəxanıda ola-ola penaltini qapıçının üstünə vurub. Ola bilsin, düşünürsüz ki, futbolçu kimdi, ağa deyir sür dərəyə, o da sürür. Bu üzdən onlara cəza verilməyib. Bəs onda niyə məhkəmə kiminsə ölümünü sifariş verən şəxslə yanaşı, sifarişi yerinə yetirən killerə də cəza verir? Killer də işinə görə pul alır, futbolçu da. Kim zəmanət verə bilər ki, “Şərurspor”da sifariş yerinə yetirən oyunçu sabah azad agent statusu ilə yollanacağı başqa klubda eyni addımı atmayacaq? Bəlkə Elxan Məmmədovun seçki platformasında qeyd etdiyi şəffaflıq budu?
Bir halda ki, söz baş katibin UEFA İcraiyyə Komitəsinə seçilmək üçün hazırladığı seçki platformasından düşdü, bir neçə kəlmə də o barədə fikir bildirmək istəyirəm. Nəhayət, çox xahiş-minnətdən, yalvar-yaxardan sonra Avropanın 28 ölkəsini gəzən, 42 federasiya başqanının stolüstü kitabına çevrilən, çox nəfis şəkildə bəzədilmiş platforma ilə tanış olmaq xoşbəxtliyi bizə də qismət oldu. 28 yaşında AFFA-nın baş katibi postuna gətirilən Elxan bəy böyük seçicilərinə böyük bəh-bəhlə bildirib ki, onun və komandasının gördüyü işlər sayəsində “feysbuk”da 70, “instaqram”da isə 21 mindən çox gənc futbolsevərlə əlaqə yaradılıb. AFFA prezidenti də narazılıq edir ki, bizdə tribunalar boş qalır. Rövnəq bəy, nədən narazısız? Niyə azarkeşləri qınayırsız? Onların stadionlara gəlməməsinin səbəbi baş katib və komandasıdı. Məhz onların sayəsində gənclər futbolu viziual aləmdə izləməyə üstünlük verirlər. Elxan bəy və ətrafındakılar bu illər ərzində sosial şəbəkədəki 91 min izləyicinin heç olmasa, 10 faizini stadiona gətirmək yönündə nəsə əməli iş görsəydi, indi azarkeş qıtlığından söhbət belə gedə bilməzdi. Heç kim deməsin ki, bu mümkünsüzdü. Tribuna sevgisi ürəkdən gəlməlidi. Fikrimcə, Məmmədov istəsəydi, bu çatışmazlığı da aradan qaldıra bilərdi. Necə ki Azərbaycanda 10 min qadını futbola cəlb edib. Bunu özümdən yox, seçki platformasında yazılan rəqəmlərə istinadla deyirəm. Odu ki, necə deyərlər, çobanın könlü olsa, təkədən də pendir tutar.
P.S. Sonuncu rəqəm mənə çox maraqlı gəldi. Azərbaycanda Respublika tabeliyində 11 şəhər, 66 rayon var. Sadə hesablamadan sonra belə aydın olur ki, hər şəhər və rayonda ortalama 129 qadın və qız futbolla məşğul olur. Sonra da deyirik ki, biz Avropadan çox geri qalırıq...
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
19-07-2017, 16:56 Tahir Baxşıyev yorğunluqdan gileyləndi 19-07-2017, 16:53 Nazim Babayev yenə Avropa çempionu oldu 19-07-2017, 16:51 Qadınlar Astarada toplanış keçir 19-07-2017, 16:48 Ölkə kubokunun qalibləri müəyyənləşdi 19-07-2017, 16:42 Dünya çempionu xanıma əl qaldırıb? 19-07-2017, 16:42 Eltac Səfərli dünya ulduzları arasında 19-07-2017, 16:35 Yığmada dağıstanlı futzalçı 19-07-2017, 16:33 AFFA hakimlərin Bolqarıstan toplanışını ləğv etdi 19-07-2017, 16:32 “Fola” – “İnter” matçı 29 yaşlı hakimə tapşırıldı 19-07-2017, 16:31 “Qarabağ” Nikaraqua millisinin üzvünə 400 min təklif edib 19-07-2017, 16:26 “Qəbələ” Polşada dəstəksiz qalmayacaq 19-07-2017, 16:24 Yığma üzvü “Zirə”nin potensial rəqibini seçdi 19-07-2017, 16:23 Dəniz Yılmaz “Bursaspor”da qaldı 19-07-2017, 16:21 Yordanesku Abbasovu qabaqlayacaq 19-07-2017, 16:14 Şəfizadə Braziliyada gördüklərini “Futbol+”lə bölüşdü 19-07-2017, 16:11 “Sumqayıt” Bolu toplanışına məğlubiyyətlə başladı 19-07-2017, 16:06 Orxan Hüseynzadə “Neftçi” haqda gizli heç nə saxlamadı 19-07-2017, 16:02 “Kəpəz”in legionerləri gəldi 19-07-2017, 16:00 Göyçə mahalı divizionda təmsil olunacaq 19-07-2017, 15:59 “Forza Neftçi” rəhbərliyi və məşqçilər korpusunu istefaya səslədi 17-07-2017, 23:43 Rəsul Çunayev yenidən dünya lideridi 17-07-2017, 23:42 BŞH beş könüllünü İtaliyaya göndərəcək 17-07-2017, 23:40 Teymur Rəcəbov Cenevrədə “partladı” 17-07-2017, 23:38 Millimizdə yeni braziliyalı 17-07-2017, 23:37 “Kəpəz” Türkiyədədi, yeni transferi Bakıda 17-07-2017, 23:29 Finalın hakimi “Qarabağ”ın oyununda 17-07-2017, 23:27 Tərlan Əhmədov diviziondan aldığı üç təklifi geri çevirib 17-07-2017, 23:25 Tiflisdə “Qarabağ”ın oyununa maraq azdı 17-07-2017, 23:24 “Sumqayıt” superliqa təmsilçisinə qarşı 17-07-2017, 23:22 “Qəbələ” artıq Polşadadı 17-07-2017, 23:21 Fanatları “Qarabağ”a Tiflisdə möhtəşəm dəstək vəd etdi 17-07-2017, 23:19 “Zirə” – “Astra” matçı üçün 6400 bilet 17-07-2017, 23:17 “Qarabağ” kubokla erkən vidalaşdı 17-07-2017, 22:31 “Səbail” meydana çıxa bilmədi 17-07-2017, 22:30 “Qarabağ”lılar “Ayaks”da və “Qalatasaray”da 17-07-2017, 22:28 TRANSFER DOSYESİ 17-07-2017, 22:26 Oqtay Dərəlioglu “qızıl oyun”u yada saldı 17-07-2017, 22:25 Vüqar Latviyada dubl etdi, Renat isə ABŞ-da fərqləndi 17-07-2017, 22:23 “Qaradağ Lökbatan” beş yoxlama oyunu keçirəcək 17-07-2017, 22:22 Antonov “Çernomorets”ə qayıtdı 17-07-2017, 22:20 “Ölkəmdən imtina edənlərdən ikisi də biz olduq” 17-07-2017, 22:16 “Neftçi” “Binə”yə bir qol vurdu 16-07-2017, 16:56 Elməddin Məmmədov Qırğızıstandan “Səbail”ə baxışa gəlməyə razı olmayıb 16-07-2017, 16:53 Gürcüstan mətbuatı: “Kalkulyatorun hesablaya bilmədiyi nəticə - 0:5” 16-07-2017, 16:51 Təmsilçilərimiz növbəti mərhələdəki rəqiblərini tanıyır 16-07-2017, 16:49 BFL-in təsisçisi həyəcan vəd edir 16-07-2017, 16:48 “İnter”dən yubiley qələbəsi və rekord 16-07-2017, 16:38 Heç-heçə Fariz Nəcəfovu təəccübləndirməyib 16-07-2017, 16:36 Teymur yenidən vahid lider oldu 16-07-2017, 16:35 “Zirə” ikinci yarıda çökdü 16-07-2017, 16:32 “Bakcell Arena”da “Neftçi”nin loqosu örtüldü 16-07-2017, 16:30 Reynaldo Türkiyəni İsveçrəyə dəyişir 16-07-2017, 16:28 Reaksiyalar 16-07-2017, 16:25 “Qəbələ”dən təhlükəli start 16-07-2017, 16:23 Qriqorçuk cavab görüşündə yaxşı oynayacaqlarına ümid edir 16-07-2017, 16:20 Mamrot şansları bərabər sayır 16-07-2017, 15:20 “Kəpəz”ə məğlubiyyət Elxan Abdullayevi narahat etməyib Bütün xəbərlər
Ən çox oxunanlar