18 mar 11:35Yazar

Ağlamalı riyaziyyat

Vacib giriş: “Qadın futbolçuların sayının artırılması – 2010-11-ci illərlə müqayisədə 445 faiz artım” - Elxan Məmmədovun UEFA İcraiyyə Komitəsinin üzvlüyünə namizədlik broşürünün NƏTİCƏ bölümündən seçmə.
Müəllifin etirafı: Bu yazını qələmə almağıma AFFA-nın baş katibinin məlum broşüründən həmin hissə səbəb oldu. Oxudum və valeh oldum. Qərara gəldim ki, “445 faizlik artım”ın şərəfinə mütləq bir yazı həsr etməliyəm.
Və başlayırıq: Mən özüm kənddə böyümüşəm, dostlar. Xüsusilə sovetlər birliyinin süquta uğramağa, kənd təsərrüfatının tənəzzülə getməyə başladığı, kolxozların formal və statistik quruma çevrildiyi dövrdə bizim kəndimizə Bakıdan tez-tez çəkiliş qrupları gəlirdi. Dərhal da bütün kəndə səs yayılardı, bizim real həyatda hər gün gördüyümüz briqadirlərin, kolxoz sədrinin, aqronomun, ferma müdirlərinin kamera qarşısına keçməsini, kolxozumuzun inkişafından danışmasını maraqla və fəxrlə seyr edirdik. Çəkiliş bitəndən sonra dərhal da elan olunurdu ki, kəndimizi filan axşam “Kənd saatı” verlişində, yaxud da “Torpaq” proqramında göstərəcəklər. Bu elandan sonra ürəyimiz rahatlayardı. Biz pambığın alağını təmizləməyə gedərdik, onlar isə Bakı – Astara magistralının kənarındakı kabab iyi gələn restoranların birinə. Bəs necə? Gərgin keçən çəkiliş prosesindən sonra toqqanın altını yaxşıca bərkitmək, adama əlli-əlli vurub, kolxozumuzun şəninə sağlıqlar demək vacib idi axı...
Ömründə bir kitabın üzünü açmayan, iki cümləni düzüb-qoşa bilməyən adamlar həmin qara rəngli kameranın önündə elə qırmızı-qırmızı yalanlar danışardılar ki. Kolxozumuzun pambıq planını artıqlaması ilə yerinə yetirməsindən, taxıl istehsalının ildən ilə artmasından, fermanın inəklərindən sağılan südün vedrələrə sığmamasından, hər qoyundan 3-4 baş bala almalarından həvəslə bəhs edərdilər. Onların danışdıqlarının yalan olduğunu biz yaxşı bilirdik. Elə əllərində kamera və mikrofon tutub Bakıdan gələm əmilər də bilirdilər. Amma kim idi bu qara kamera qarşısında deyilən qırmızı yalanları ifşa edən, yalançıların üzünü qızardan? Ən acınacaqlısı odu ki, biz bildiyimiz həmin yalanları daha sonra evimizdəki televizorlardan çox maraqla, sehirli sözlərdən məsti-xumar olurmuş kimi dinləyərdik. Elxan Məmmədovun “445 faizlik artım” iddiasını oxuyan kimi mən keçmişə qayıtdım, tozlu-torpaqlı kolxozlu günlərimi yenidən xatırladım. Bizim tanıdığımız, həsədlə baxdığımız Avropanı bu cür yalanlarla aldatmaq mümkündümü? Bizim baş katibin bu gülünc yalanını oxuyan ispaniyalı gözəlçə Patrisiya Qonsales uzaq İspaniyada əlini əlinə vurub, gülməkdən qəşş eləməzmi? Yeri gəlmişkən, məlum broşürün dizaynında Patrisiya xanımın gülümsəyən surətinə də yer verilib. Heç də təsadüfi deyil.
Özünü mütərəqqi insan sayan, xaricdə təhsil almasıyla öyünən intelligent Elxan Məmmədov niyə bu cür gülünc yalanlarla insanları aldatmağa çalışır, anlamıram. Azərbaycanda futbolla maraqlanan istənilən şəxs cənab Məmmədovun adından yazılmış həmin broşürün həqiqəti əks etdirməyən rəngli kitabça olduğunu yaxşı anlayır. Bütün bu yalanlar bizim gözümüzün önündə baş vermirmi? Riyaziyyatdan ibtidai səviyyədə anlayan istənilən şəxs “445 faizlik artım” sözünə gülər. Bu eynilə bizim kolxozun çobanlarının bir qoyundan üç baş bala almasıyla öyünməsinə bənzəyir. Kimdi o 445 faizə daxil olanlar? Adları yadımda qalanları sadalayım, siz də əlavə edin: Kristina Bakaranadze, Lusiya Suarez, Yaiza Relea, Samara və Malena Ortizlər, Alina Mixaelis, Mərvə Özdəmir, Vesela Borukova, Natalya Rodelqo, Gizəm Tənəkəçi. Bu siyahıya Almaniyada terrorçuların təşilatını dəstəkləyən, onların bayraqları və liderlərinin portreti ilə nümayişə çıxan Melisa Sarıaltını da mütləq əlavə etməliyik. İndi görürsüzmü Elxan Məmmədov kimlərin adını öz hesabatına salır, UEFA-nın və Avropanın Futbol Federasiyalarında səsvermə hüququ olanların gözünə kül üfürməyə çalışır?
AFFA-nın Hesabat Konfransından və İcraiyyə Komitəsinin iclasından çəkilən fotoları maraqla izlədim. Yüksək zövqlə tikilmiş kostyumla və ütülü qalstukla süstlənmiş futbol funksionerlərinin sayı Azərbaycanda yetərincə çox imiş. Hətta o qədər çoxdular ki, funksionerlərin sayı premyer-liqada yarışan klubların, millimizin heyətindəki həqiqi azərbaycanlıların sayını bir neçə dəfə üstələyir. Bunu bilmək üçün xüsusi riyazi hesablamalar aparmağa da ehtiyac yoxdu. Gözümüzlə gördüyümüz şeyləri təmiz başla və vicdanla müqayisə etməyimiz yetərlidi. Bu, sadə riyaziyyatdı, həm də ağlamalı.
Nəticə: Premyer-liqasında cəmi 8 klub yarışan, birinci divizionu “açıq bazar” olan, milli komandaları aşağı yaş qruplarından üzü yuxarı ucdantutma “milliləşdirilmişlər”in oylağına çevrilən ölkənin futbol funskionerlərinin inkişafdan danışmağa, qürrələnməyə mənəvi haqqı yoxdu. Elə bizim də bu faciəvi duruma seyrçi qalmağımız bir ayrı faciədi!
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
19-07-2017, 16:56 Tahir Baxşıyev yorğunluqdan gileyləndi 19-07-2017, 16:53 Nazim Babayev yenə Avropa çempionu oldu 19-07-2017, 16:51 Qadınlar Astarada toplanış keçir 19-07-2017, 16:48 Ölkə kubokunun qalibləri müəyyənləşdi 19-07-2017, 16:42 Dünya çempionu xanıma əl qaldırıb? 19-07-2017, 16:42 Eltac Səfərli dünya ulduzları arasında 19-07-2017, 16:35 Yığmada dağıstanlı futzalçı 19-07-2017, 16:33 AFFA hakimlərin Bolqarıstan toplanışını ləğv etdi 19-07-2017, 16:32 “Fola” – “İnter” matçı 29 yaşlı hakimə tapşırıldı 19-07-2017, 16:31 “Qarabağ” Nikaraqua millisinin üzvünə 400 min təklif edib 19-07-2017, 16:26 “Qəbələ” Polşada dəstəksiz qalmayacaq 19-07-2017, 16:24 Yığma üzvü “Zirə”nin potensial rəqibini seçdi 19-07-2017, 16:23 Dəniz Yılmaz “Bursaspor”da qaldı 19-07-2017, 16:21 Yordanesku Abbasovu qabaqlayacaq 19-07-2017, 16:14 Şəfizadə Braziliyada gördüklərini “Futbol+”lə bölüşdü 19-07-2017, 16:11 “Sumqayıt” Bolu toplanışına məğlubiyyətlə başladı 19-07-2017, 16:06 Orxan Hüseynzadə “Neftçi” haqda gizli heç nə saxlamadı 19-07-2017, 16:02 “Kəpəz”in legionerləri gəldi 19-07-2017, 16:00 Göyçə mahalı divizionda təmsil olunacaq 19-07-2017, 15:59 “Forza Neftçi” rəhbərliyi və məşqçilər korpusunu istefaya səslədi 17-07-2017, 23:43 Rəsul Çunayev yenidən dünya lideridi 17-07-2017, 23:42 BŞH beş könüllünü İtaliyaya göndərəcək 17-07-2017, 23:40 Teymur Rəcəbov Cenevrədə “partladı” 17-07-2017, 23:38 Millimizdə yeni braziliyalı 17-07-2017, 23:37 “Kəpəz” Türkiyədədi, yeni transferi Bakıda 17-07-2017, 23:29 Finalın hakimi “Qarabağ”ın oyununda 17-07-2017, 23:27 Tərlan Əhmədov diviziondan aldığı üç təklifi geri çevirib 17-07-2017, 23:25 Tiflisdə “Qarabağ”ın oyununa maraq azdı 17-07-2017, 23:24 “Sumqayıt” superliqa təmsilçisinə qarşı 17-07-2017, 23:22 “Qəbələ” artıq Polşadadı 17-07-2017, 23:21 Fanatları “Qarabağ”a Tiflisdə möhtəşəm dəstək vəd etdi 17-07-2017, 23:19 “Zirə” – “Astra” matçı üçün 6400 bilet 17-07-2017, 23:17 “Qarabağ” kubokla erkən vidalaşdı 17-07-2017, 22:31 “Səbail” meydana çıxa bilmədi 17-07-2017, 22:30 “Qarabağ”lılar “Ayaks”da və “Qalatasaray”da 17-07-2017, 22:28 TRANSFER DOSYESİ 17-07-2017, 22:26 Oqtay Dərəlioglu “qızıl oyun”u yada saldı 17-07-2017, 22:25 Vüqar Latviyada dubl etdi, Renat isə ABŞ-da fərqləndi 17-07-2017, 22:23 “Qaradağ Lökbatan” beş yoxlama oyunu keçirəcək 17-07-2017, 22:22 Antonov “Çernomorets”ə qayıtdı 17-07-2017, 22:20 “Ölkəmdən imtina edənlərdən ikisi də biz olduq” 17-07-2017, 22:16 “Neftçi” “Binə”yə bir qol vurdu 16-07-2017, 16:56 Elməddin Məmmədov Qırğızıstandan “Səbail”ə baxışa gəlməyə razı olmayıb 16-07-2017, 16:53 Gürcüstan mətbuatı: “Kalkulyatorun hesablaya bilmədiyi nəticə - 0:5” 16-07-2017, 16:51 Təmsilçilərimiz növbəti mərhələdəki rəqiblərini tanıyır 16-07-2017, 16:49 BFL-in təsisçisi həyəcan vəd edir 16-07-2017, 16:48 “İnter”dən yubiley qələbəsi və rekord 16-07-2017, 16:38 Heç-heçə Fariz Nəcəfovu təəccübləndirməyib 16-07-2017, 16:36 Teymur yenidən vahid lider oldu 16-07-2017, 16:35 “Zirə” ikinci yarıda çökdü 16-07-2017, 16:32 “Bakcell Arena”da “Neftçi”nin loqosu örtüldü 16-07-2017, 16:30 Reynaldo Türkiyəni İsveçrəyə dəyişir 16-07-2017, 16:28 Reaksiyalar 16-07-2017, 16:25 “Qəbələ”dən təhlükəli start 16-07-2017, 16:23 Qriqorçuk cavab görüşündə yaxşı oynayacaqlarına ümid edir 16-07-2017, 16:20 Mamrot şansları bərabər sayır 16-07-2017, 15:20 “Kəpəz”ə məğlubiyyət Elxan Abdullayevi narahat etməyib Bütün xəbərlər
Ən çox oxunanlar