10 mar 19:56Yazar

Arazı ayırdılar...

Araz Abdullayev yeni ilin ilk günündə futbol azarkeşlərinin və idman jurnalistlərinin rahatlığını sözün yaxşı mənasında pozdu. Son illərdə yetişən ən istedadlı futbolçuların sırasında öncüllərdən olan Abdullayevin “Neftçi”ni “Qəbələ”yə dəyişməsi sıradan bir xəbər deyildi. Bu xəbəri alan hər kəsin beynindən min cür suallar keçdi: “Neftçi” onu nə üçün əldən buraxdı?”, “Qəbələ” Araza görə nə qədər xərcə düşdü?”, “yeni klubunda istedadını aça biləcəkmi?”, “ağ-qara rənglərə könül verən fanatlar bu gedişə necə münasibət göstərəcəklər, kapitanın yerinə kim gələcək?”... Saysız-hesabsız cavabını gözləyən suallar var idi. İdman jurnalistləri də elə yeni ilin ilk günündə istirahətdən, yeyib-içməkdən başlarını ayırmağa məcbur qalıb, bu suallara cavab axtarmağa başladılar. Nikbin olanların sayı yetərincə idi. Söhbət Arazdan gedirsə, onun istedadına kimsə şübhə edə bilməzdi. Optimist olanlar həm Arazın istedadına, həm də Roman Qriqorçukun bacarığına və təcrübəsinə güvənirdilər. Onlar əmin idilər ki, ukraynalı mütəxəssis Arazın transferinə elə-belə razılıq verməz. Deməli, Roman İosifoviç də fərqindədi ki, “Neftçi” azarkeşləri ilə münasibəti pozulan kapitan psixoloji gərginlikdən əziyyət çəkir. Mühiti dəyişsə, bacarığını daha yaxşı sərgiləyər, özünə olan sarsılmış inamı bərpa edər, karyerasında dönüş yaranar. Əminəm ki, sizin də aranızda bu düşüncədə olanların sayı yetərincədi. Elə mən də belə düşünürdüm, “Qəbələ”yə keçidi Araz üçün tarixi şans kimi qiymətləndirirdim. Fikirləşirdim ki, 25 yaş bir futbolçu üçün elə də az deyil. Bu yaşda istənilən şəxs özü üçün müəyyən dərslər çıxarmış, kamilləşmiş olur. Başa düşür ki, həyatda özünə yer tutmaq istəyirsə, daha ciddi olmalı, üzərinə düşən işin öhdəsindən daha yaxşı gəlmək üçün səylə çalışmalıdı. Ələxsüs də idmanda və futbolda.
Maddi baxımdan Arazın hansısa problemlər yaşadığı inandırıcı deyil. “Neftçi”nin ən yaxşı vaxtlarında oynayıb, klubun sabiq prezidenti Sadıq Sadıqovun ən sevimli futbolçularından olub. İndiyə qədər pis qazanmayıb, bundan sonra da belə olsun. “Qəbələ”yə yaxşı məbləğə, yetərincə ciddi ödəniş qarşılığında keçdiyindən də xəbərdarıq. Amma Arazın bilməli və nəticə çıxarmalı olduğu bir həqiqət var. Son dövrlərdə onun “Neftçi”də özünü göstərə bilməməsinə bəraət qazandırmaq mümkün idi. Bu bəraət bəhanəyə çevrilmişdi, onu tənqidlərdən qoruyurdu, mətbuat Arazın sönük oyununun üzərinə çox da getmirdi. Azarkeşlərin bitməyən təzyiq və təhqirlərinin altında 90 dəqiqə meydanda tab gətirmək elə də asan deyil. Bundan başqa, Arazın ulduzunun Vəli Qasımovla, Elxan Abdullayevlə, elə “Neftçi”nin yeni rəhbərliyi ilə barışmadığı da ehtimal olunurdu. Deyilənə görə, rəhbərlik Abdullayevə Sadıq Sadıqovun dövründənqalma kadr olduğu üçün o qədər də isti münasibət bəsləmirmiş, onun meydanda qəsdən can qoymadığından şübhələnirmişlər. Bu səbəbdən də ilk imkandaca Arazdan qurtulmağa, onu “Neftçi”dən göndərməyə ikiəlli razı oldular, elə fon yaratdılar ki, guya bu keçiddən kluba böyük məbləğdə gəlir gətirdilər. “Qəbələ”də isə hər şey fərqlidi. Əyalət klubunun azarkeşləri və rəhbərliyi ona böyük ümidlər bəsləyir. Komandanın başında Roman Qriqorçuk kimi bacarıqlı mütəxəssis dayanır. Həmin Qriqorçuk ki, Cavid Hüseynovu iki dəfə Azərbaycan futboluna qazandırıb. “Qırmızı-qaralar”ın heyəti də kifayət qədər səviyyəli futbolçulardan qurulub. Bu isə hər mənada Arazın xeyrinədi. Həm ciddi rəqabətdən qalib çıxmaq üçün çalışmalı, inkişaf etməlisən. Həm də bu cür səviyyəli futbolçularla eyni kollektivdə oynamaqla qalib psixologiyasına yiyələnmək, daim yüksək hədəflər uğrunda mübarizə aparmaq, göz önündə olmaq mümkündü. Yetər ki, Araz bütün bu nüansları öz xeyrinə çevirə, əlinə düşmüş fürsətdən yararlana bilə. Əks halda, həm öz nüfuzunu, həm də bəslənən ümidləri xeyli zəiflətmiş olacaq. Artıq kimsə inanmayacaq ki, yarımmüdafiəçi ona ilahi qüvvə tərəfindən verilmiş istedaddan yararlana, səviyyəli futbolçuya çevrilməklə həm özünə, həm də ölkə futboluna böyük fayda verə biləcək.
“Qəbələ”də olduğu zaman ərzində 7 oyunun heç birində Qriqorçuk Arazı 90 dəqiqə meydanda saxlamayıb. AZAL-la qarşılaşmanı ehtiyat oyunçular skamyasından izləyən Araz dörd matçda start heyətinə düşsə də, 2-ci hissədə əvəzlənib. “Zirə” və “Sumqayıt”la oyunlarda isə son 10-15 dəqiqədə meydana çıxıb. “Qarabağ”la Qəbələdəki qarşılaşmadan sonra Arazın gözlənilən qayıdışı barədə verdiyim suala Qriqorçukdan istədiyim cavabı ala bilmədim. Məlum məsələdi ki, ukraynalı mütəxəssis vacib qələbədən sonra nə özünün, nə də futbolçusunun qanını qaraldacaq ifadələr işlətmək istəmədi. Amma onun Arazdan razı qalmadığı statistikadan da bəllidi. “Qəbələ” bir ətək pulu Arazın yolunda ona görə xərcləməyib ki, yarımmüdafiəçi bir dəfə belə 90 dəqiqə meydanda olacaq oyun sərgiləməsin, əvəzində başına sığal çəksinlər. Abdullayevi “Neftçi”dən böyük ümidlərlə ayırıblar. O da bunun qarşılığını meydandakı oyunu ilə verməlidi. Ondan gözlənilən, hələlik göstərə bilmədiyi oyunu ilə!
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
19-07-2017, 16:56 Tahir Baxşıyev yorğunluqdan gileyləndi 19-07-2017, 16:53 Nazim Babayev yenə Avropa çempionu oldu 19-07-2017, 16:51 Qadınlar Astarada toplanış keçir 19-07-2017, 16:48 Ölkə kubokunun qalibləri müəyyənləşdi 19-07-2017, 16:42 Dünya çempionu xanıma əl qaldırıb? 19-07-2017, 16:42 Eltac Səfərli dünya ulduzları arasında 19-07-2017, 16:35 Yığmada dağıstanlı futzalçı 19-07-2017, 16:33 AFFA hakimlərin Bolqarıstan toplanışını ləğv etdi 19-07-2017, 16:32 “Fola” – “İnter” matçı 29 yaşlı hakimə tapşırıldı 19-07-2017, 16:31 “Qarabağ” Nikaraqua millisinin üzvünə 400 min təklif edib 19-07-2017, 16:26 “Qəbələ” Polşada dəstəksiz qalmayacaq 19-07-2017, 16:24 Yığma üzvü “Zirə”nin potensial rəqibini seçdi 19-07-2017, 16:23 Dəniz Yılmaz “Bursaspor”da qaldı 19-07-2017, 16:21 Yordanesku Abbasovu qabaqlayacaq 19-07-2017, 16:14 Şəfizadə Braziliyada gördüklərini “Futbol+”lə bölüşdü 19-07-2017, 16:11 “Sumqayıt” Bolu toplanışına məğlubiyyətlə başladı 19-07-2017, 16:06 Orxan Hüseynzadə “Neftçi” haqda gizli heç nə saxlamadı 19-07-2017, 16:02 “Kəpəz”in legionerləri gəldi 19-07-2017, 16:00 Göyçə mahalı divizionda təmsil olunacaq 19-07-2017, 15:59 “Forza Neftçi” rəhbərliyi və məşqçilər korpusunu istefaya səslədi 17-07-2017, 23:43 Rəsul Çunayev yenidən dünya lideridi 17-07-2017, 23:42 BŞH beş könüllünü İtaliyaya göndərəcək 17-07-2017, 23:40 Teymur Rəcəbov Cenevrədə “partladı” 17-07-2017, 23:38 Millimizdə yeni braziliyalı 17-07-2017, 23:37 “Kəpəz” Türkiyədədi, yeni transferi Bakıda 17-07-2017, 23:29 Finalın hakimi “Qarabağ”ın oyununda 17-07-2017, 23:27 Tərlan Əhmədov diviziondan aldığı üç təklifi geri çevirib 17-07-2017, 23:25 Tiflisdə “Qarabağ”ın oyununa maraq azdı 17-07-2017, 23:24 “Sumqayıt” superliqa təmsilçisinə qarşı 17-07-2017, 23:22 “Qəbələ” artıq Polşadadı 17-07-2017, 23:21 Fanatları “Qarabağ”a Tiflisdə möhtəşəm dəstək vəd etdi 17-07-2017, 23:19 “Zirə” – “Astra” matçı üçün 6400 bilet 17-07-2017, 23:17 “Qarabağ” kubokla erkən vidalaşdı 17-07-2017, 22:31 “Səbail” meydana çıxa bilmədi 17-07-2017, 22:30 “Qarabağ”lılar “Ayaks”da və “Qalatasaray”da 17-07-2017, 22:28 TRANSFER DOSYESİ 17-07-2017, 22:26 Oqtay Dərəlioglu “qızıl oyun”u yada saldı 17-07-2017, 22:25 Vüqar Latviyada dubl etdi, Renat isə ABŞ-da fərqləndi 17-07-2017, 22:23 “Qaradağ Lökbatan” beş yoxlama oyunu keçirəcək 17-07-2017, 22:22 Antonov “Çernomorets”ə qayıtdı 17-07-2017, 22:20 “Ölkəmdən imtina edənlərdən ikisi də biz olduq” 17-07-2017, 22:16 “Neftçi” “Binə”yə bir qol vurdu 16-07-2017, 16:56 Elməddin Məmmədov Qırğızıstandan “Səbail”ə baxışa gəlməyə razı olmayıb 16-07-2017, 16:53 Gürcüstan mətbuatı: “Kalkulyatorun hesablaya bilmədiyi nəticə - 0:5” 16-07-2017, 16:51 Təmsilçilərimiz növbəti mərhələdəki rəqiblərini tanıyır 16-07-2017, 16:49 BFL-in təsisçisi həyəcan vəd edir 16-07-2017, 16:48 “İnter”dən yubiley qələbəsi və rekord 16-07-2017, 16:38 Heç-heçə Fariz Nəcəfovu təəccübləndirməyib 16-07-2017, 16:36 Teymur yenidən vahid lider oldu 16-07-2017, 16:35 “Zirə” ikinci yarıda çökdü 16-07-2017, 16:32 “Bakcell Arena”da “Neftçi”nin loqosu örtüldü 16-07-2017, 16:30 Reynaldo Türkiyəni İsveçrəyə dəyişir 16-07-2017, 16:28 Reaksiyalar 16-07-2017, 16:25 “Qəbələ”dən təhlükəli start 16-07-2017, 16:23 Qriqorçuk cavab görüşündə yaxşı oynayacaqlarına ümid edir 16-07-2017, 16:20 Mamrot şansları bərabər sayır 16-07-2017, 15:20 “Kəpəz”ə məğlubiyyət Elxan Abdullayevi narahat etməyib Bütün xəbərlər
Ən çox oxunanlar