10 mar 19:46Yazar

Yalanla dolu cavab...

...və ya Tuyqun Nadirov niyə belədi?
Bildiyiniz kimi, qəzetimizin çərşənbə axşamı sayında “Xəzər Lənkəran”ın fəxri prezidenti Mübariz Mənsimova ünvanladığım açıq məktub dərc olunmuşdu. Söhbət klubun “Futbol+”ə ödəməli olduğu 9 min manatdan gedir ki, sırf vitse-prezident Tuyqun Nadirovun yersiz tərsliyi üzündən iş dalana dirənib. Açıq məktuba yer verən saytlara, eləcə də ictimai-siyasi xarakterli mediaya təşəkkürümü bildirirəm, onların dəstəyini yüksək qiymətləndirirəm.
İş ondadı ki, artıq həyatda olmayan klubun yaşayıb-yaradan rəhbərliyi, nə bilim, bəlkə də sözçüsü açıq məktubu işıqlandıran virtualaz.orq saytına cavab göndərib. Bu cavab deyil, fiasko və məsuliyyətdən qaçmaq cəhdidi ki, indi konkret detallar əsasında fikrimi izah edəcəm. Tuyqun bəyin məsləhəti əsasında hazırlanan və çox güman, Hüseyn Cəbrayıloğlunun yazdığı cavab belə başlayır: “Xəzər Lənkəran” futbol klubu yarandığı ilk günlərdən öz təşəbbüsü ilə Azərbaycanda idman mediasının dəstəklənməsi məqsədilə saytlar və qəzetlərlə əməkdaşlıq edib və bu günə qədər də müqavilələr üzrə öhdəliklərinin yerinə yetirib. Qeyd etməyə dəyər ki, klubumuzun heç zaman reklama ehtiyacı olmayıb və biz KİV-lə yalnız onların inkişafı naminə əməkdaşlıq etmişik”. Elə burdaca dayanaq. İdman mediası ilə reklam əməkdaşlığına görə sağ olun, amma öhdəlikləri yerinə yetirməmisiz axı. Onlarla saytın üzərinizdə yığılıb qalan borcunu ötən ilin sonunda, özü də ən azı yarıbayarı azaltmaqla vermisiz. Sadəcə, həmkarlarımız illərdi formalaşan münasibətlərə hörmət qoyaraq, susub. İkinci məqam: “klubumuzun heç zaman reklama ehtiyacı olmayıb”. Həmişə olub, özünüz də çox yaxşı bilirsiz. Abunə kartlarını satmaq lazım gələndə, hakim haqsızlığı ilə üzləşəndə, başqa klublar oyunçularınızı transfer edəndə jurnalistlərdən dəstək istəmisiz, Mais Mənsimovun adından müsahibələr hazırlayıb, qəzetlərə, saytlara ötürmüsüz. Ümumiyyətlə, biznesdən, ticarətdən (Tuyqun bəy hansı sözü istəyirsə, onu da seçə bilər) baş çıxaran, müasir futbol dünyasının qanunauyğunluqlarını bilən adamın “klubumuzun heç zaman reklama ehtiyacı olmayıb” kimi yekəxana, özündənrazı cümlə yazması heç cür anlaşılmır. Məhz elə belə-belə jestlərə görə də bu gün “Xəzər Lənkəran” tarixə qovuşub.
Cavabda daha sonra deyilir: “O ki qaldı “Futbol+”in müraciətinə, müqavilənin 6.1-ci bəndinə əsasən, klub birtərəfli qaydada sazişi poza bilər və bu da edilib. Beləliklə, “Xəzər Lənkəran” futbol klubunun qəzetə heç bir borcu yoxdu”. 2015-ci il iyulun 1-də imzalanan, biz tərəfdən qəzetin direktoru Cəsur Məmmədovun, klubdan isə vitse-prezident Tuyqun Nadirovun imza atdığı müqavilənin 6.1 maddəsi belədi: “Sifarişçi tərəfindən birtərəfli qaydada, xitam haqqında bildirişin verildiyi günə qədər müddətə olan ödənişi həyata keçirməklə”. İndi Tuyqun Nadirov cənabları buyurub izahat versin ki, xitam haqqında bildirişi kimə göndərib, həmin mücərrəd xitama qədər olan dövrün pulunu hara ödəyib və s. və i.a. Burdaca oxucu haqlı olaraq sual edə bilər ki, klubu qəzəbləndirən, qəzeti xəbərdar etmədən, bildiriş göndərmədən müqaviləni birtərəfli pozmağa vadar edən yazı hansıdı? Söhbət “Futbol+”in ötən il fevralın 1-i sayında dərc edilən “Tural Əsgərov “Xəzər Lənkəran”ın gizlinlərini açdı” sərlövhəli müsahibədən gedir. Həmin müsahibədə klubun, Tuyqun Nadirovun imicinə zərbə vurmağa yönələn bircə dənə də cümlə yoxdu, bəli, tənqid var və kimsə tənqidi qəbul edə bilmirsə, bu artıq bizim problemimiz deyil. Əslində burda, necə deyərlər, xoruzun quyruğu görünür. Belə çıxır ki, saytlar və qəzetlər ilə reklam müqaviləsi bağlamaqda gerçək məqsədiniz klub ətrafında yaşanan neqativ proseslərin, ümumiyyətlə, tənqidin mediaya sışramaması olub, yəni müqavilədən idman jurnalistlərinə təsir vasitəsi kimi yararlanmaq niyyəti güdübsüz.
Nəhayət, cavabın son cümləsi belədi: “Digər ittihamlara gəlincə, qəzetin sahibi ilə klubumuzun nümayəndəsi arasında telefon danışığı baş tutub və bütün məsələlər nəşrin sahibinin nəzərinə çatdırılıb. Zərurət yaranarsa, danışığın məzmunu və digər təfərrüatları barədə ictimaiyyətə məlumat veriləcək”.
Bu çoxmənalı cümlədən belə anlaşılır ki, bəlkə bizi Nadirovun qarşısında gözükölgəli edən hansısa məqamlar var ki, o da qəzetin sahibi Vüqar Məmmədovla söhbətdə bunlardan bəhs edib. Yox, əsla, hər şey 2+2 qədər sadədi: vitse-prezident Vüqar bəyə məsələni müzakirə etmək üçün görüşəcəyini deyib və təxminən bir ay ərzində söhbətdən qaçıb. Buyursun, ictimaiyyətə nə demək istəyirsə, desin. Amma ictimaiyyət ona inanacaqmı? Vaxtilə “Xəzər Lənkəran”dan FİFA və UEFA-ya şikayətlər ünvanlananda, “Neftçi” Vobayı əlinizdən alanda da haqlı olduğunu, klubun heç kimə borclu qalmadığını deyirdiz. Bəs axırı nə oldu, Tuyqun bəy? Doğrudanmı, “Xəzər Lənkəran”ın indiki durumuna, daha doğrusu, yoxluğuna görə vicdanınız zərrəcə sızlamır? Və doğrudan elə düşünürsüz ki, bəlalarınızın səbəbkarı “Futbol+”di? Və doğrudan elə düşünürsüz ki, qəzetin 9000 manatının üstündən su içəcəksiz, biz də quzu kimi durub baxacağıq?
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Bu gün, 13:12 Könül Nurullayevanın təklifi qəbul olundu Bu gün, 13:09 Manolova da himnimizi səsləndirə bilmədi Bu gün, 13:06 Kosovoyla xalımız eyni olsa, pley-offa kim yüksələcək? Bu gün, 13:06 “Standard” xal itirdi Bu gün, 13:02 Vüqar Məmməd İsrailə yenilgini unutduqlarını deyir Bu gün, 13:00 UEFA-dan müjdə: klublarımızın büdcəsi zənginləşdi Bu gün, 12:41 Foqts UEFA-nın layihəsinə qarşı çıxdı Bu gün, 12:40 Yığma üzvlərinin son oyunlarının xarakteristikası Bu gün, 12:38 Bakıda “çörəyinə yağ sürtdüyümüz” “cırtdanlar” Bu gün, 12:36 4-cü səbət əldən çıxdı Bu gün, 12:27 Rövlanın “Slaviya”da qalmasına limit mane olub Bu gün, 12:22 Mehman Yunusov yığmanın iki oyunda 6 xal qazanacağına inanır Bu gün, 12:21 Kosovo biletləri satışa çıxardı Bu gün, 12:08 Bir oyun təxirə salındı, məkan dəyişdi Bu gün, 12:07 “Sulduz” yarışdan çəkildi 16-11-2018, 15:46 “Bakı”nın bazasına nəzarət Vaqif Heydərliyə tapşırılıb 16-11-2018, 15:42 Ölkə kubokunda yenilik olacaq 16-11-2018, 15:34 Adalılarla görüşdə xeyrimizə olan məqamlar 16-11-2018, 15:26 Farer adaları erkən və itki ilə gəldi 16-11-2018, 15:22 Foqts Rüfəti təriflədi 16-11-2018, 15:21 Orxan Sadıqlı: “Kim edibsə, Allah bəlasını versin” 16-11-2018, 15:19 Nə Maksimov, nə də Çixradze: “Sumqayıt” Ayxan Abbasova tapşırıldı 16-11-2018, 15:17 Media nümayəndələri üçün “İntellektual kubok” keçiriləcək 16-11-2018, 15:12 U-19 ilk oyunda darmadağın oldu 16-11-2018, 15:09 “Zirə” apellyasiya şikayəti verəcək 16-11-2018, 15:02 U-19: Gürcüstandan sonra şərikli lider 16-11-2018, 15:00 Bakı İdman Sarayında dramatik sonluq 16-11-2018, 14:58 Dedov hücum haqda düşünür 16-11-2018, 14:57 Stuxlik “Zenit”in oyununda 16-11-2018, 14:55 “Sabah” MOİK-i sınağa çəkəcək 16-11-2018, 14:54 UEFA “Vorskla”nın işinə dekabrın 13-də baxacaq 16-11-2018, 14:52 “Qəbələ” rəsmiləri UEFA-nın tədbirinə qatıldı 13-11-2018, 18:49 Azər Mirzəyev məktubla “Futbol+”ə müraciət etdi 13-11-2018, 18:48 Namiq Əliyev DÇ-də fərqlənənləri mükafatlandırdı 13-11-2018, 18:46 Qurban Qurbanovdan ideal seçim 13-11-2018, 18:45 Nazim Süleymanov getdi, yerinə iki yerli, iki əcnəbi namizəd var 13-11-2018, 18:43 İddialıların duelində qalib müəyyənləşmədi 13-11-2018, 18:41 Sabah kubokun püşkü atılacaq 13-11-2018, 18:37 “Lex” Qriqorçukla maraqlanır 13-11-2018, 18:36 Tovuz futbolunun 100 illiyi ilə bağlı kitab nəşr olundu 13-11-2018, 18:29 Rəşad Sadıqov “Beşiktaş”ın futbolçularını U-21-ə cəlb etdi 13-11-2018, 18:27 Riçard “Qarabağ”a qayıtmaq haqda düşünmür 13-11-2018, 18:25 “İmarət”in uşaqları pirotexniki vasitələri Kiyevdən 160 manata alıb 13-11-2018, 18:21 Qonaqlar özünü ev sahibi kimi apardı, bombardir dəyişdi 13-11-2018, 18:19 Turun oyunçusu 13-11-2018, 18:19 Turun sitatı 13-11-2018, 18:18 Turdan məqamlar 13-11-2018, 18:16 “Rəvan”ın rəqibi oyuna gəlmədi, “pərdə enmədi” 13-11-2018, 18:14 Lider başlayacaq, çempion bitirəcək 13-11-2018, 18:13 Vüqar bombardir oldu, komandası elitaya yüksəldi 13-11-2018, 18:11 Yığma AÇ-də mübarizəyə başlayır 11-11-2018, 15:01 Qurban Qurbanov yeni ofisin faydasından danışıb 11-11-2018, 14:59 Ölkə kuboku biabırçı vəziyyətə salınıb 11-11-2018, 14:40 Elnar Kərimov Türkiyədən qayıdıb “od püskürdü” 11-11-2018, 14:37 Yığma “Keşlə”ni darmadağın etdi 11-11-2018, 14:35 “Qarabağ”dan ilk qələbə və bayram hədiyyəsi 11-11-2018, 14:27 “Yadımdadı, konyak içməkdən ayıq vaxtımız olmadı” Bütün xəbərlər
Ən çox oxunanlar