08 mar 14:04Yazar

Səni kimlər məhv etdi, “Xəzər Lənkəran”?

Premyer-liqada mübarizə öz axarı ilə davam etməkdədi. Düzdü, əvvəlki illərlə müqayisədə komandaların, həm də çempionluğa iddialıların sayında kəskin azalma müşahidə olunmaqdadı. Mövsümün bitməsinə 7 tur qalıb və artıq indidən “qızıl” uğrunda yalnız iki komandanın - “Qəbələ” ilə “Qarabağ”ın mübarizə aparacağı dəqiqləşib. Bölgə təmsilçisinə məğlubiyyətdən sonra “İnter” 3-cü pillədəki mövqeyini qorumaq barədə fikirləşir. AZAL isə bundan sonra nə etsə də, çətin ki, sonuncu yerdən qurtula bilsin. Yəni hələ 4-cü dövrə başlamamış intriqa öldü.
Hakim səhvləri sıralanır, narazılıqların sayı durmadan artır. Şükür, hesabat turu bu baxımdan ön planda olmadı. Amma ortada “Qəbələ” rəsmilərinin Gəncədə fəryad qoparması faktı var. Adamlar dözüb-dözüb, Nizaminin yurdunda “partladı”. Açığı, o məşhur tuneldə yaşananlar və İntizam Komitəsinin hadisə ilə bağlı çıxardığı qərarlar məni illər öncəyə qaytardı. “Neftçi”ylə “Xəzər Lənkəran” arasındakı duellər yadıma düşdü. 2010-cu ildə Əfqan Həmzəyevin azarkeşlərin təzyiqinə görə oyunu məcburən 89-cu dəqiqədə başa vurması, hakimlər briqadasının onlar üçün ayrılan otaqda pəncərədən atılan daşlardan qorunmaq üçün yerə uzanması, iki il sonra Rəşad Abdullayevin rəhmətlik Şəhriyar Xəlilova sillə vurması, 2013-ün mayında Respublika stadionunda “Neftçi” rəsmisi Güloğlan Cabbarovun “Xəzər Lənkəran”ın futbolçularıyla əlbəyaxa savaşa çıxması, isti avqust aylarının birində əsəblərinə hakim ola bilməyən bir neçə cənublu fanatın həbs olunub sonradan azadlıqdan məhrum edilməsi – bütün bunlar canlı bir səhnədi gözlərimizin qarşısında. “Böyük oyun” adını vermişdik bu komandalar arasındakı görüşlərə. İndi nə “Xəzər” var, nə o qalmaqallar, nə də iki gözümüzü dörd edən lənkəranlı fanatlar. Lənkəranda futbolu məhv etdilər, yaralayıb sonra da yerə gömdülər. İndi üstündən su içirlər.
Yaşananlar yada düşəndə, adamın başından alov çıxır. Mübariz Mənsimovun milyonları hesabına yaradılan klub cəmi 12 il yaşadı. Səxavətli sponsor daha nələr etmədi ki?! Düzgün siyasət yürüdərək öncə stadion tikintisinin başlanılmasına göstəriş verdi, daha sonra azarkeşlərdə maraq yaratmaq üçün üzdə olan milli üzvləri ilə türk futbolunun ulduzlarını Lənkərana dəvət etdi. Bununla da hər kəsin qibtə edə biləcəyi kollektiv yarandı. Kubok da gəldi, çempionluq da. Dalınca da “Birlik kuboku” ilə superkubok. Hər şey Mübariz bəyin istədiyi və tələb etdiyi kimi olsaydı, bundan da artığına nail olacaqdılar. Və bu gün burnumuzun ucu “Xəzər Lənkəran” üçün göynəməyəcəkdi. Adam dünyaya səs salan “Palmali” boyda şirkəti brendə çevirə bilibsə, klubun uğur qazanmasına nail olmaq onun üçün nədi ki? Köynəyinin bir qolunu yarıya kimi çırmalasaydı, istəyinə çatacaqdı. Nə olsun ki, futbol adamı deyildi, bu oyunla yatıb-durmurdu. Madam ki, milyonlar xərcləyirdi, Lənkəranda futbolun yaşamasını istəyirdi, deməli, bildiyi və görmək istədiyi nələrsə vardı. İnandığı, güvəndiyi, ürəyinin içi bildiklərinə həvalə etdi mal-mülkünü. Məşqçilərin ürəyi istəyən “mahnıları çaldırdı” onlar üçün. Evlər, maşınlar bağışladı uğur qazanan heyətə. İştahı artdıqca, Türkiyədən Azərbaycana göndərdiyi “paçkalar”ın sayı da artırdı. Ən böyük səhvini inanmaqda, nəzarətsiz buraxmaqda etdi. Məsələn, hansısa futbolçunun real qiyməti ilə maraqlanmadı. Göndərilən legionerin yola salınmasının səbəbini araşdırmadı. Bundan duyuq düşən daxili qüvvələrin istəyinə çatmaq, yəni büdcəsini artırmaq üçün əməli hərəkətə keçməsi başadüşülən idi. Ortada yiyəsi məlum olmayan pul varsa, kimdi onun sahibini axtaran. Sən deyəcəksən mənimdi, mən də özümünkü olduğunu iddia edəcəm. Çəkişmələr, badalaqlar, bir-birinin arxasınca danışmaqlar davam edə-edə bir də gördülər ki, “Xəzər” can verir, vəziyyəti ağırdı. Həkimə aparmaq nədi, adi bir dərman almağa da pul qalmayıb. Futbolçulara verilməli olan pulların mənimsənilməsi, legionerlərə “get, kimə nə istəyirsən de” şəklindəki hədə mesajları vəziyyəti bu həddə gətirib çıxardı. Ayılanda gec idi, “cənub mirvarisi” birinci diviziona yuvarlanmışdı.
Durumun bu həddə çatmasında hakim səhvləri də az rol oynamadı. Bir çox hallarda komandanın haqqı yeyildi, avrokuboklara gedən yolu bağlandı. Amma bu, sadəcə, kiçik bir detal idi. Klubun “ölməsinə” səbəb olmayacaq qədər kiçik. Çempionatdakı uğursuzluğun səbəbi hakim səhvləri, başqa cür desək, AFFA-nın “Xəzər Lənkəran”ı gözü götürməmək idisə, məntiqlə, bacarıqlı komanda avrokuboklarda fırtına qoparmalıydı. Məşqçi eyni, futbolçular eyni. Bəs nə oldu? “Olimpiya” səddini keçə bilməyən cənubluların “Makkabi”dən 8 top buraxması artıq bir çox sualların cavabı idi. Klubda işlər düzgün qurulmamışdı, nəzarət mexanizmi işləmirdi.
Bütün bunlar geridə qalıb. Amma səhvdən qayıtmaq, səhvləri “yumaq” üçün hələ də gec deyil. Yazıda sıralanan cümlələr, sadəcə, bir mesaj, kimlərisə “ayıltmaq” cəhdidi. Klubun dağılması ilə bağlı əlimizdə yetərincə tutarlı məlumatlar, rəsmi sənədlərə söykənən faktlar var. İctimaiyyətin olanlardan xəbər tutmaması üçün “Xəzər Lənkəran”ın qayıtması vacibdi. Əks halda, özünüz də klubun indi olduğu yerə gedəcəksiz. Odu ki, baxın da...
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Bu gün, 01:16 Ayxan Abbasov ehtiyatlı danışdı Dünən, 14:11 Şəhriyar Parisdə beşinci oldu Dünən, 14:09 Kamran “gümüş”lə kifayətləndi Dünən, 14:08 Məğlubiyyət və “sülh” Dünən, 14:06 Voleybol millimiz qələbəyə həsrət qaldı Dünən, 14:05 Nəfəskəsən mübarizədən Rikkyardo qalib ayrıldı Dünən, 14:02 Yığmada ikinci Alesio dönəmi başlayır Dünən, 14:01 Fanklublar “Zirə” ilə “İnter”i dəstəkləməyəcək Dünən, 13:59 Vaqif Sadıqov Məşqçilər Komitəsinin planlarını açıqladı Dünən, 13:58 “Neftçi” bu gün başlayır Dünən, 13:57 “İnter”də nə müqavilələr yenilənib, nə də maaşlar verilib Dünən, 13:54 “Milli Dəstə” iş başında olmayacaq Dünən, 13:52 “Qarabağ” ÇSKA-dan 5 qol “yedi” Dünən, 13:49 Şeydayev darmadağına sevindi Dünən, 13:22 David Manqa “Zirə”ni və Bakını təriflədi Dünən, 13:19 “Zirə” rumın müdafiəçi ilə münasibətləri rəsmiləşdirdi Dünən, 13:18 “Ayntraxt”ın məşqçisi Renatın üstün cəhətlərindən danışdı Dünən, 13:16 AFFA-dan maliyyələşən klublara mayın maaşı verilməyib Dünən, 13:14 “Ölüm sükutu var idi, heç kim ürək edib nəsə demək istəmirdi” Dünən, 13:11 “Qəbələ”dən növbəti transfer Dünən, 13:09 “İstəyirik ki, cəlb edəcəyimiz hücumçu nəinki “Qəbələ”nin, həm də çempionatımızın siması olsun” 25-06-2017, 23:16 AÇ üçün heyət açıqlandı 25-06-2017, 23:15 Ölkə çempionatı başa çatdı 25-06-2017, 23:14 Ukrayna ilə bacarmadıq 25-06-2017, 23:13 Nağı Səfərova yenə etimad göstərildi 25-06-2017, 23:12 Bakıda “Red Bull”dan əzələ nümayişi 25-06-2017, 23:10 Kamran Şahsuvarlı finalda 25-06-2017, 23:08 Əliyar Ağayev “Rusenborq”un oyununa təyinat aldı 25-06-2017, 23:07 UEFA-nın MDB üzrə əlaqələndiricisi “Futbol+”ə danışdı 25-06-2017, 23:05 “Zirə”nin oyununda təcrübəsiz qazax 25-06-2017, 22:56 “Qarabağ” oyuna çıxır, “Samtredia” hücumçuyla gücləndi 25-06-2017, 22:55 “Neftçi” rəsmisi gördüyü işdən danışmaq istəmədi 25-06-2017, 22:44 “Zirə”də yayın məsələsində qeyri-müəyyənlikdi 25-06-2017, 22:43 “Dalğa Arena” avrokubok oyunlarına hazırdı 25-06-2017, 22:42 Patrik Klyuvert “Vətən”ə təşəkkür edib 25-06-2017, 22:37 Sloveniyada AÇ-yə gerisayım başlayır 25-06-2017, 22:36 Fransa millisinin sabiq yarımmüdafiəçisi “Qəbələ”də 25-06-2017, 22:34 Futzal millimiz yenə braziliyalıya tapşırılacaq 25-06-2017, 22:33 Yığmamız qrupda qaldı 25-06-2017, 22:31 BOK prezidenti MOK-a məktub göndərdi 25-06-2017, 22:30 Ayxan Abbasov “Zirə”ni Avroliqaya hazır sayır 25-06-2017, 22:27 "Zirə" rumın müdafiəçi transfer etdi 25-06-2017, 22:09 TRANSFER DOSYESİ 25-06-2017, 22:07 Zirə azarkeşləri oyunun Mərdəkanda keçirilməsindən razıdı 25-06-2017, 22:06 “Sumqayıt” jurnalistlər üçün iftar süfrəsi açdı 25-06-2017, 22:03 “Zirə”nin legionerləri Türkiyədə ləngidi 23-06-2017, 20:23 Avropa Yay Olimpiya Festivalına lisenziya qazandılar 23-06-2017, 20:22 Otellərin sayı artsa, Bakıya daha çox “Formula-1” azarkeşi gələcək 23-06-2017, 20:20 Ronaldoya millinin forması hədiyyə olundu 23-06-2017, 20:17 Emil Balayev “Səbail”ə keçərkən Qurban Qurbanovla danışmayıb 23-06-2017, 20:14 “Zirə” biletlərin qiymətini açıqladı 23-06-2017, 20:12 Əliyar FİFA karyerasına sıfırdan başlayır... 23-06-2017, 20:09 “Samtredia” ilə ilk oyunun başlama vaxtı dəqiqləşdi 23-06-2017, 20:08 “İnter”in rəqibi son çempionu məğlub etdi 23-06-2017, 20:06 Avroliqanın debütantı mübarizəyə hazırdı 23-06-2017, 20:00 Sumqayıtda mükafatlandırma 23-06-2017, 19:56 Yığmanın baş məşqçisi Ermənistanla oyundan danışdı Bütün xəbərlər
Ən çox oxunanlar