14 sen 22:48Yazar

BOS haqda boş-boş yalanlar

Azərbaycan futbolu xirtdəyəcən problem içindədi. Bu problemlər onu boğur, əzir, yavaş-yavaş məhv edir. Bəli, biz SSRİ dövründə belə futbolumuzun böyük uğurları ilə öyünə bilməmişik, ortabablar arasında günümüzü keçirmişik. Amma indiki qədər acınacaqlı vəziyyət onda olmayıb. SSRİ çempionatının ikinci dəstəsində mübarizə aparan “Neftçi” indinin Kosovo, Malta kimi yığmalarını asanlıqla məğlub edərdi, bu cür “dişsiz” və mənasız oyun sərgiləməzdi.
Son bir həftədə əsas millimiz və U-21 hərəyə iki oyun keçirdi. Bu görüşlərin heç birində qələbəyə sevinə bilmədik. 4 matçın üçündə meydandan heç-heçə ilə ayrıldıq, birində isə U-21 Norveçdən olan həmyaşıdlarına 1:3 hesabıyla uduzdu. Hər tərəfdən tənqid sədaları eşidilir. Bilən də, bilməyən də yazır. Yavaş-yavaş Qurban Qurbanovla Rəşad Sadıqov da hədəfə gəlir və prosesin bu şəkildə getməsi kimlərəsə sərf edir. Sanki Qurbanovla Sadıqov iş başında olmayanda önümüzə keçənə 3-4 top vururduq, qələbələri sıralayırdıq. İllərlə Nikolay Adama, Bernard Lippertə, Berti Foqtsa, Robert Prosineçkiyə dözən millətim indi səsini çıxarmağa başlayıb. Vay-vay, siz əsl inqilabçılar imişsiz, futboldan da gözəl baş çıxarırmışsız. Bir şeyə təəccüb edirəm ki, AFFA-dakı işbazlar əcnəbi mütəxəssislərlə əlbir olub, başımıza oyun açanda, bir onlara verib, beş öz ciblərinə qoyanda, gəlmə məşqçilərin “istəyi” ilə dağıstanlını, almaniyalını “milliləşdirəndə” siz harda idiz?! Nə üçün onda Azərbaycan futbolunun təəssübünü çəkmirdiz?!
İndi dəstək zamanıdı. Özümüzkülərə sahib çıxmaq, onları yolun yarısında tək buraxmamaq, Azərbaycan futbolunun mafiyanın əlindən xilas edilməsi, inkişaf yoluna qədəm qoyması üçün birlik vacibdi. Tənqid etmək, hətta bunu istehzaya çevirmək çox asandı. Heç şübhəniz olmasın, bunu mən də yaxşı bacarıram. Amma indiki anda vicdanım, ürəyimin və beynimin hökmü bunu etməyə imkan verməz. Çünki futbolumuzun, böyük etimadla milli komandaların “sükanı arxasına” gətirilən Qurban Qurbanovla Rəşad Sadıqovun hansı sınaqlardan keçdiyini yaxşı görürəm, hadisələri soyuq başla təhlil etmək qabiliyyətimi hisslərə, qəzəbə qurban verməmişəm. Bəli, mən də millimizin Maltanı, Kosovonu məğlub etməsini, indi hesabımızda 2 yox, 6 xalın olmasını arzulayırdım. Di gəl ki, bu nəticələr də bizim üçün faciə deyil. Mən Berti Foqtsun çalışdırdığı millimizin Lixtenşteynlə, Lüksemburqla Bakıda heç-heçə etməsini, Prosineçkili yığmamızın səfərdə Malta və Andorrayla “sülh”ə razılaşmasını görmüş adamam. Məni bundan sonra belə şeylərlə təəccübləndirə bilməzlər. Nəticələri, cansıxıcı oyunu bir kənara qoymaq, daha ciddi məsələlər üzərində düşünmək lazımdı. Milli komanda hər bir ölkənin futbolunun tavanı, səviyyənin göstəricisidi. Bu gün bizim futbolumuz acınacaqlı vəziyyətdədi. Və bu səviyyəyə bir günün içində enməmişik. İllərdi aparılan uğursiz siyasətin, şəxsi mənafeyin milli futbolumuzdan üstün tutulmasının, uşaq akademiyalarının yoxluğunun acı nəticəsi məhz belə olmalıydı. Artıq bundan o tərəfə yolumuz yoxdu. Vəziyyəti birlikdə dəyişməliyik.
Təkrar etməkdən yorulmuram ki, ən üst səviyyədə futbol idarəçilərinin və futbola baxışın dəyişdirilməsindən başlamalıyıq. Növbəti addım isə akademiyaların bərpası, azarkeşlərin tribunaya qaytarılması üçün tədbirlərdi. Son illərdə bizim futbolumuzu “öldürən” səbəblərdən biri də azarkeşlərin istər milli komandalardan, istərsə də premyer-liqa oyunlarından qaçaq salınması, tribunaların sürətlə boşalmasıdı. Azarkeş dəstəyini hiss etməyən, doğma tribunalardan güc almayan futbolçu meydanda necə əzmkar ola bilər? Tribunalardakı sükunətin nəticəsidi ki, millimizin futbolçuları evdə belə səfərdəki kimi oynayır, inamsız və ruhsuz görünürlər. Yığmalarla bağlı aparılan siyasətin qurbanına “Qarabağ” da çevrilib, Bakı Olimpiya Stadionunu boş qoymaq istəməyən başbilənlərin avantürası “köhlən atlar”ı Avropa Liqasının çətin oyunlarında dəstəksiz qoyacaq.
Baş katib Elxan Məmmədov son müsahibələrinin birində BOS-un tribunalarının boş qalmasına görə azarkeşləri günahlandırıb, onları rəqibin adına görə stadiona gəlməkdə ittiham edib. Ola bilsin ki, bu da səbəblərdən biridi. Amma həqiqət olsa belə, bu səbəbin arxasında gizlənməməli, AFFA azarkeşləri geri qaytarmalıdı. Bilə-bilə ki, U-21 Mərdəkanda, əsas milli BOS-da boş tribunalar önündə oynayacaq, əlverişli məkandakı Respublika stadionundan niyə yararlanmırıq? Cənab Məmmədov son müsahibəsində bu işdə UEFA-nı günahlandırıb. Sitat: “Millətlər Liqasının qaydalarına əsasən, UEFA bir stadiona üstünlük verir. Biz də eyni stadionda oynayacağıq”.
Elxan bəyin UEFA-nın qaydalarıyla bağlı dediklərinin ağ yalan olduğunu isbatlamaq çox asandı. Bunun üçün çox da uzağa getmədən, elə qonşu Türkiyə və Rusiyaya baxaq. Türklər rusları Trabzonda, Şenol Günəşin adını daşıyan stadionda qəbul etmişdilər. İsveçlə oyun isə Əskişəhərdə keçiriləcək. Elə Rusiya da stadion bolluğundan yararlanır, fərqli şəhərlərdə yaşayan azarkeşlərin millini görməsinə şərait yaradır. Belə ki, Türkiyəni Soçidə qonaq edəcək şimal qonşularımızın İsveçlə oyunu Kalininqraddakı stadiona təyin olunub. Həm Türkiyə, həm də Rusiya nəinki iki fərqli stadiondan, həm də iki fərqli şəhərdən yararlanır. Buna UEFA heç nə demir? Deməli, baş katibin BOS israrı və UEFA-nı hədəf göstərməsi onun öz şəxsi istəyi, təxəyyülünün məhsuludu. Azarkeşlərin mənafeyini ayaq altına salan belə zərərli siyasətə ad qoymaqda da çətinlik çəkirəm.
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 23:17 Tomaş Ayan EOC-dan narazıdı Dünən, 23:14 "Arsenal"la oyuna maraq böyükdü Dünən, 23:13 U-17 yenə darmadağın oldu Dünən, 23:10 Stadiona 9-cu mərtəbədən baxış, portəgiz jurnalistin təəccübü və 27 azarkeş... Dünən, 23:07 Yenilgidə hakim izi olmadı Dünən, 23:06 Üzücü başlanğıc Dünən, 23:04 Vitali Borisovun imtinası absurd faktı üzə çıxardı: liqa peşəkardı, futzalçılar yox! Dünən, 23:02 Baba Rzayev Mingəçeviri futbolsuz qoydu Dünən, 23:01 AFFA 10 min manata görə özünü hörmətdən salır Dünən, 22:52 Sabiqlər yerli sədrin tərafdarıdı Dünən, 22:50 Babək Quliyev Vüsal Əliyevi nişan verdi Dünən, 22:48 “Sumqayıt-2” zirvəyə darmadağınla yüksəldi Dünən, 22:46 “Turan” adının yaradıcısı dünyasını dəyişdi Dünən, 22:44 Dünya çempionatına yaxşı başlamadıq Dünən, 22:42 “Sumqayıt”ın “qırmızı” problemi Dünən, 22:39 Adil Məmmədov 60-ı geridə qoydu Dünən, 22:24 İsgəndər Cavadov doğum günündə tarixi vərəqlədi Dünən, 22:23 İkinci tur 2 günə sığacaq Dünən, 22:21 Mik Benet təqdim olundu Dünən, 22:20 Qurban Qurbanov gözləmədiyi sualı eşitdi 20-09-2018, 22:07 “Bayıl Arena”da Əliyar Ağayevin də səhvi olub 20-09-2018, 22:05 Stuxlik Xaqani Məmmədovun otağında oturur 20-09-2018, 22:04 Emin Ağayev yığmada potensial görür 20-09-2018, 22:02 “CBC Sport” DÇ-ni yayınlamaq istəyir 20-09-2018, 22:01 Cüdo yığmamızda məcburi dəyişiklik 20-09-2018, 22:00 Dünya çempionatının püşkü atıldı 20-09-2018, 21:56 “1982-ci il” ilə Lissabona 7 saatlıq səfər 20-09-2018, 21:54 Uğurun bünövrəsi Lissabonda qoyulsun! 20-09-2018, 21:52 "Arsenal"la oyunun biletləri satışda 20-09-2018, 21:24 Vaqner "Qarabağ"ı portəgizlərə təriflədi 20-09-2018, 21:22 Qurban Qurbanov: “Rəşad oynamayacaq, Miçelin meydana çıxıb-çıxmayacağı sabah bilinəcək” 20-09-2018, 21:04 Alesio yığmanın heyətini açıqladı 20-09-2018, 21:03 “Xəzər Cənub” qalmaqal yaratdı, klubun rəhbəri Zaur Axundovdan üzr istədi 20-09-2018, 21:00 Mundialda üzümüzü kim(lər) güldürəcək? 20-09-2018, 20:58 Məmmədyarova “qaralar”la xal qazana bilmir 20-09-2018, 20:55 Sənan Qurbanov “Qəbələ”nin problemlərini açıqladı 20-09-2018, 20:53 “Kəpəz” ilk qol və ilk xal axtarışında 20-09-2018, 20:52 Anar Salmanovun reaksiyası gecikmədi 20-09-2018, 20:51 Azarkeşlər ÇL oyunları zamanı çətinliklə üzləşir 20-09-2018, 00:29 Almaniyada Ömər Paşayevin səhhətində ciddi problem aşkarlanmayıb 20-09-2018, 00:27 Heç bir klub mətbuat katibinə protokol doldurmağı tapşırmır 20-09-2018, 00:26 Xaqani Məmmədovun düşmənləri sosial şəbəkədə “at oynadır” 20-09-2018, 00:23 Voleybolçular dünya çempionatına inamlı yollanır 20-09-2018, 00:21 Alesio yığmanın heyətini bu gün açıqlayacaq 20-09-2018, 00:19 “Sportinq” qrup mübarizəsinə uğursuz başlayır 20-09-2018, 00:05 Turun oyunçusu 20-09-2018, 00:04 TURUN SİTATI 20-09-2018, 00:02 Məhsuldarlıq rekord vurdu 20-09-2018, 00:01 Turun statistikası 19-09-2018, 23:59 TURUN MƏŞQÇİSİ 19-09-2018, 23:58 Turdan məqamlar 19-09-2018, 23:56 16 medalın izi ilə... 19-09-2018, 23:54 Xala və qola həsrət “Kəpəz”in baş məşqçisi məmnundu 19-09-2018, 23:53 İntizam Komitəsi “Zirə”yə texniki məğlubiyyət verdi 19-09-2018, 23:51 HAKİMLƏRİN MÜHAKİMƏSİ 18-09-2018, 22:14 Stuxlik qovulanları başına topladı 18-09-2018, 22:13 Sabiqlər Stuxliklə görüşə dəvət olundu, Tahir Süleymanov AFFA-nın təklifini geri çevirdi Bütün xəbərlər
Ən çox oxunanlar