31 avq 16:46Yazar

Abbasovların yeri dəyişəndə...

Mövsümün ilk məşqçi istefasını gözləmək üçün cəmi üç tur gözləmək lazım gəldi. Bəli, cəmi üç oyun. Mən düşünürdüm ki, “Keşlə” zirək tərpənəcək və Zaur Axundov bu məsələdə də öncüllüyü heç kimə verməyəcək. Serbiyalı çalışdırıcı Mladen Milinkoviçin bəxti bu dəfə gətirdi, hələlik işini davam etdirir. Amma çox güman ki, özü də Bakıdan tezliklə ayrılacağını, Axundov kimi klub rəhbəri ilə işbirliyinin uzun sürməyəcəyini hiss edir. “Keşlə”nin bundan sonra ardıcıl iki oyunda uduzması bəs edəcək ki, Zaur bəyin “səbr kasası daşsın” və əcnəbi mütəxəssisi başını götürüb qaçmağa vadar etsin. Bu sahədə xeyli təcrübəlidi. Mənim Zaur bəyə bir təklifim var. Belə başa düşürəm ki, futboldan yaxşı anlayışı var və tez-tez çalışdırıcılara irad tutmağı, onların səhvlərini göstərməyi sevir. Onda nəyinə lazımdı hansısa baş məşqçiyə boş yerə maaş vermək? “Keşlə”nin Müşahidə Şurasının sədridi. Qoy bundan sonra baş məşqçi də özü olsun. Kimdi onun bu qərarına qarşı çıxan? Belədə həm klubun məhdud büdcəsinə qənaət olunar, həm də daha sərbəst çalışar və fikirlərini futbolçulara çox rahat şəkildə çatdırar. Oyun ərzində də kiməsə zəng vurmağa, təlimat verməyə ehtiyac qalmaz. Elə ehtiyat oyunçular skamyasında əyləşər, futbolçularına sözünü tez çatdırar, əvəzetmələri də vaxtında edər.
Ümid edirəm ki, cənab Axundov mənim bu yazımı oxuyacaq və təkliflərimi nəzərə alacaq. Lazım gəlsə, səmərəli təkliflərimi davam etdirə, bəzi nüansları detallı şəkildə açıqlaya bilərəm. Bizim borcumuz Azərbaycan futbolunun inkişafı üçün görülən işlərə dəstək verməkdi. Öhdəmizə düşən işi sevə-sevə görməkdən qürur hissi keçiririk. Bilirəm ki, Zaur Axundovun da qəlbi Azərbaycan futboluna və futzalına sevgi hissiylə döyünür, gecə-gündüz bu sahələrin problemlərini həll etmək və inkişaf prosesini sürətləndirmək barədə düşünür. Belədə biz də ona dost əlimizi uzatmalı, bəzən belə faydalı təkliflərlə onun işini yüngülləşdirməliyik. “Keşlə” və şəxsən Zaur Axundov barədə fikirlərimi növbəti yazılarımda da yazmağa davam edərəm. Bilirəm ki, orda da tezliklə baş məşqçi yola salınacaq. Və həmin vaxt bu təkliflər daha da aktuallaşacaq. Zamanı qabaqlamağa çalışmadan onu gözləməyimizdə olaq. Hara getsə də, axırda gələcək. Azərbaycan futbolunda bir çox prosesləri proqnozlaşdırmaq elə də çətin deyil. Sadəcə, səbirli olmaq və zamanı gözləmək lazımdı. Rəhmətlik Elçibəy demişkən, hər şeyin zamana ehtiyacı var. İndilik isə bu mövsüm baş məşqçisini dəyişən ilk klub olan “Zirə”dən danışaq.
Daha “Zirə”ni Ayxan Abbasov çalışdırmır. Aylardan bəri davam edən nigaranlığa son qoyuldu və ötən mövsüm “Sumqayıt”da məşqçilik məharətini göstərməyi bacaran Samir Abasov yeni işinə başladı. Sözsüz ki, mən bundan sonrakı fəaliyyətində və şəxsi həyatında həm Ayxan Abbasova, həm də Samir Abasova uğurlar diləmək istəyirəm. İkisi də öz azərbaycanlımız, futbolumuzun yetirməsidi. Üstəlik, yeni məşqçi nəslinin nümayəndələridi. Onların uğur qazanması elə Azərbaycan futbolunun yüksəlişi, inkişafı deməkdi. Həmişə çalışmışam ki, yerli mütəxəssislərə diqqətlə yanaşım, onlara dəstək olum. Amma futbolumuzun reallıqlarını da yaxşı bilirik. Başa düşürük ki, işsiz mütəxəssis çox, iş yeri isə azdı. Cəmi 8 klubun yarışdığı çempionatımız var. Azərbaycandan kənarda isə bizim məşqçiləri tanıyan, onlara etimad göstərməyə hazır olan nə klub var, nə də onun rəhbəri. Belədə işsiz qalan mütəxəssislərin ümidi də öz çempionatımız, yerli klublarımızdı. Kim harda təklif alsa, onu dəyərləndirməyə, işsiz günlərinə ən qısa zamanda son qoymağa çalışır. Çünki hamımız yaxşı bilirik ki, Azərbaycanda nəinki aylarla, hətta illərlə işə həsrət qalan çalışdırıcılar var. Gündüzlər evdə, axşamlar da çayxanada oturub, göz-qulaqlarını telefona dikirlər ki, birdən kimsə onlara zəng edər və işləməyə çağırar. Dövrümüzün acı gerçəklərindəndi.
Bu mənada Samir Abasovun istisna olması heç də gözlənilməz deyil. Çünki “Sumqayıt”ın sabiq baş məşqçisi ötən mövsüm adından söz etdirmişdi. Belə bir çalışdırıcının uzun müddət işsiz qalmamasını elə hamımız arzulayırdıq. Samir bəy öz xarakteri, açıqsözlülüyü ilə premyer-liqaya rəng qatır, tez-tez diqqət mərkəzinə düşürdü. Deməli, onun qayıdışı həm də bu məqama görə bizi sevindirməlidi. Amma bir məsələ də var ki, “Zirə” ilə “Sumqayıt” fərqli ab-havaya malik klublardı. Köhnə iş yerində Samir bəy səviyyəli futbolçu qıtlığından, legioner ala bilməməsindən, əlinin altındakı futbolçuların fikirlərinin başqa klublardan gələcək təkliflərdə olduğundan gileylənirdi. “Zirə”də isə bu giley-güzar üçün əlyeri yoxdu. Qəsəbə komandasını iddialı görməyə alışmışıq. Rəhbərlik də əcnəbi futbolçu almaqdan çəkinmir, hər transfer dövründə bazarın fəallarından olur. Artıq Abasov da bunun fərqində olmalı, öz işinə daha ciddi yanaşmalıdı. O yeni iş yerində özünü isbatlamağa çalışarkən, Ayxan Abbasovun da dincəlmək, olanları götür-qoy etmək, səhvlərini görmək üzün zamanı olacaq. Gənc mütəxəssis üçün vacib məqamdı. Arzu edərdim ki, Ayxan bəyin də işsiz günləri uzun çəkməsin.
Riyaziyyatda “toplananların yerini dəyişəndə cəm dəyişmir” adlanan bir qayda var. Onun pozulması heç cür mümkün deyil. “Zirə”də Abbasov getdi, Abasov gəldi. Bu dəyişikliyin “qartallar”a nə qazandıracağını, nəticələrin yaxşılığa doğru dəyişib-dəyişməyəcəyini tezliklə biləcəyik.
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Bu gün, 13:43 Tarixi uğurun memarı hədəfini açıqladı Bu gün, 13:40 “Neftçi”lilər “Səbail” azarkeşlərinə “erməni” deyib Bu gün, 13:38 Nizami “Çərkəzköy 1911”dən ayrıldı Bu gün, 13:36 Xanım referi bu dəfə Heydər Əliyev Fonduna müracət edib Bu gün, 13:28 “Qarabağ”ın işçisi klubdan ayrıldı Bu gün, 13:24 Tahir Süleymanov İK-nın qərarını gülünc sayır Bu gün, 13:23 “Qəbələ”nin meneceri inzibatçını günahsız saydı Bu gün, 13:21 Obradoviç təklifini bəzi klublar dəstəkləmədi Bu gün, 13:20 “Arsenal” finala çıxsa, UEFA Mxitaryana görə ingilislərə dəstək verəcək Bu gün, 12:58 Baş katib qayıtdı, “Kəpəz”in rəisi klubdan ayrıldı Bu gün, 12:56 MOİK darmadağın oldu, "Sumqayıt-2" fərqi azaltdı Bu gün, 12:50 Tahir Süleymanov “Ayaks”dan və “Futbol+”dən yazdı Bu gün, 12:49 Alesio toplanışı dəyərləndirdi Bu gün, 12:47 İkinci oyunda uduzdular Bu gün, 12:43 İntizam Komitəsi Jozef-Monrozu bağışladı, Rıbkaya güzəşt etdi Bu gün, 12:39 Essyen yenidən “Stemford Bric”də görünəcək Bu gün, 12:36 “Qəbələ” üçün yarımfinal ərəfəsində üçüncülük şansı Bu gün, 12:34 “Tobol”un səhifəsi Emili maraqlı paylaşımla təbrik etdi Bu gün, 12:33 “Hələlik Aynur Sofiyeva 2-ci yerdədi” Bu gün, 12:30 Mirabdulla Abbasov hərəkətinə aydınlıq gətirdi Bu gün, 12:21 Yığma Ukraynaya uduzdu Bu gün, 12:18 Projektor olmasa da, final istənilən halda Naxçıvanda keçiriləcək 17-04-2019, 16:52 Turun statistikası 17-04-2019, 16:50 Turun məşqçisi 17-04-2019, 16:49 Turdan məqamlar 17-04-2019, 16:46 “Neftçi”nin çempionluq şansını itirmədiyini düşünürlər... 17-04-2019, 16:44 “Səbail”in vaxtla bağlı etirazı gülməlidi 17-04-2019, 16:42 Turun oyunçusu 17-04-2019, 16:41 Turun sitatı 17-04-2019, 16:40 "Keşlə”yə baxışa fransız oyunçu gəlib 17-04-2019, 16:36 “Neftçi” üstünlüyü bu cür əldən verdi… 17-04-2019, 16:33 Fariz Nəcəfov Tale Heydərovla görüşmək üçün ölkəni tərk etdi 17-04-2019, 16:32 Fariz Nəcəfov “Zirə”ylə oyundan sonranı nişan verdi 17-04-2019, 16:28 Jozef-Monroz Azərbaycan xalqından üzr istədi 17-04-2019, 16:27 Erkin İbrahimov “Neftçi”nin maraqlandığı argentinalını bəyənməyib 17-04-2019, 16:25 Ötən həftə premyer-liqaya vəsiqə qazandı, sabah çempion ola bilər 17-04-2019, 16:24 Yığma bu gün Ukrayna ilə qarşılaşacaq 17-04-2019, 16:22 Hakimlərin mühakiməsi 17-04-2019, 16:21 İlham Allahverdiyev Türkiyəni Qusara dəyişdi 17-04-2019, 16:19 Eddidən məhsuldar ötürmə və "sarı" 17-04-2019, 16:17 Yığma serblərə qalib gəldi 17-04-2019, 16:14 Azər Bağırov AFFA-nın tələblərini yerinə yetirməkdə problem görmür 17-04-2019, 16:14 “Kəpəz”in icraçı direktoru postuna namizəd ittihamlara cavab verdi 17-04-2019, 16:12 “Neftçi”nin gələn mövsüm 1-5-ci yerlərdən birini tutacağına inanıram” 16-04-2019, 16:16 Kubok proqramı açıqlandı 16-04-2019, 16:15 “Qəbələ” bacıoğlunun, SOCAR-ın, yoxsa ərəblərin olacaq? 16-04-2019, 16:13 Niyazi Bayramovla görüşə bilməyən Elxan Məmmədov Tovuza baş çəkdi 16-04-2019, 16:11 Emil oynayır, “Tobol” qələbələri sıralayır 16-04-2019, 16:06 “Qarabağ”dan Qurbanova 3 xallı, 3 qollu təbrik 16-04-2019, 16:02 Vitali Borisov 2 metrin söhbətini edir... 16-04-2019, 16:00 Autsayder ADBTİA-nın önünə çıxmadı 16-04-2019, 15:59 Samir Abasov həmşəhərlilərini əliboş yola saldı 16-04-2019, 15:56 “Qəbələ” qələbəni Tale Heydərova həsr etdi 16-04-2019, 15:52 “Keşlə”dən ardıcıl 4-cü məğlubiyyət 16-04-2019, 15:49 Aftandil Hacıyev hakimliyə üsyan etdi 16-04-2019, 15:46 “Səbail” flaqmanı “taxtdan saldı” 16-04-2019, 15:43 Həftənin idman proqramı Bütün xəbərlər
Ən çox oxunanlar