06 iy 00:33Yazar

Şehiçdən daha yaxşısı

Nə gizlədim, İbrahim Şehiçin Robert Prosineçkiylə birlikdə “Qarabağ”ın düşərgəsində peyda olmasından, ardınca isə Anton Kanibolotskinin komandanı tərk etməsindən şübhələnmişdim. Bu iki hadisə arasında hansısa gizli əlaqə tapmağa çalışır, bosniyalının “Qarabağ”dan yaxşı klub tapa bilməyəcəyini anlayıb, yenidən Qurban Qurbanovun rəhbərliyi altında oynamaq istədiyini düşünürdüm. Prosineçkinin Enur Cəfərovla Ruslan Qurbanovun Xorvatiya klublarında çıxış etməsinə vasitəçilik etməsi hamımıza məlumdu. Millimizin sabiq baş məşqçisinin bu qabiliyyətinə bələdik. Düşünürdüm ki, bu dəfə Prosineçki İbrahimin işini həll etmək üçün qollarını çırmalayıb, onu “Qarabağ”dan ayrıldığına görə danlayıb. Təxminlərimin davamı o yöndə idi ki, Kanibolotski də Şehiçin geri qayıdacağını görüb və əsas heyət üzünə yenidən həsrət qalacağını fikirləşərək, müqaviləsinin pozulmasını istəyib.
Beynimi məşğul edən ssenari reallaşmadı. Düzdü, Qurban Qurbanovun xarakterinə də az-çox bələdik. Bilirik ki, gedənlərin arxasınca çox da boylanmır, dərhal onların “kitabını bağlayır”. Amma bəzən istisnalar da olub. “Qarabağ”ın maraqları, komandanın güclənməsi, çətin avrokubok sınağı ərəfəsində prinsipləri bir kənara qoymaq olardı. Necə ki əvvəllər bəzi yerli futbolçuların “Qarabağ”a qayıtmasına Qurbanovun etiraz etmədiyini görmüşdük. Bəli, “Qarabağ”ın qapıçı problemi ilə bağlı yazdığım son yazıda səsləndirdiyim çağırış artıq eşidilib, istəyimiz yerinə yetirilib. Şehiçi geri qaytarmaq mümkün olmasa belə, “çərçivə”yə təcrübəli qolkiperin gətirilməsinin vacibliyini, Şahruddinin etibarlı qapıçı olmadığını yazmışdım. İslandiya millisinin qapıçısı Hannes Halldorsson artıq “Qarabağ”ın qapıçısıdı.
Şehiçə üzümüz-gözümüz öyrəşmişdi. Hətta necə səhvlər buraxacağını belə ehtimal etməyə, zəif tərəflərinə bələd olmağa başlamışdıq. O da, Riçard Almeyda da “Qarabağ”ın əsas fiqurlarından, mətbuatın daim diqqət ayırdığı, azarkeşlərin sevimlisinə çevrilmiş futbolçularından idi. İkisi də çox həssas məqamda klubdan ayrılmağa qərar verdilər. Məqamı ona görə həssas sayıram ki, Çempionlar Liqasının qrupunda iştirak həm “Qarabağ”ın, həm də onun futbolçularının marka dəyərini artırdı. Hansısa zirvəyə yüksəlməklə yanaşı, orda bir müddət qalmağı, zirvələrə layiq olduğunu isbatlamağı da bacarmalısan. UEFA-nın məlum reqlament dəyişikliyi isə Azərbaycan çempionun işini xeyli çətinləşdirib. “Qarabağ” ötən mövsüm qazanılan möhtəşəm uğurun təsadüf olmadığını sübut etmək üçün bu yay çox əziyyətə qatlaşacaq. Həmin əziyyətin çəkilməsində, maneələrin aşılmasında isə Almeyda ilə Şehiçin köməyinə ehtiyac var idi. Hələ mayda məlum oldu ki, onlar bu köməyi “Qarabağ”dan əsirgəyəcəklər.
Şəxsən mənə elə gəlir ki, onların gedişinə Dino Ndlovunun qışda Çinə yollanması təkan verdi. Düşündülər ki, Azərbaycanda gün keçirdikləri yetər, Çempionlar Liqasının qrupunda çıxış edən komandanın əsas heyət üzvü olmaqla marka dəyərlərini yüksəldiblər. Artıq daha yaxşı pullar qazanmaq zamanıdı. Onlara elə gəlirdi ki, azad agent olan kimi qarşılarına milyonluq müqavilələr qoyulacaq. Amma olmadı. Nəinki Avropanın ortababları, “Parma”, yaxud da “Ərzurumspor” səviyyəli klublar, heç ərəblərlə çinlilər belə Şehiçin və Almeydanın arzularını gerçəkləşdirməyə həvəs göstərmədilər. Almeyda səviyyəsi və maliyyə imkanları aşağı-yuxarı elə “Qarabağ”la eyni olan “Astana” ilə müqavilə imzalayıb. Şehiç isə hələ də axtarışdadı. Bəli, Qazaxıstan futbolu, oranın klubları, xüsusən də “Astana”nın imkanları ilə yaxşı tanışam. Müəyyən mənada həm çempionatın səviyyəsinə, həm də maddi şərtlərə görə bizi qabaqlayırlar. Qazaxıstan paytaxtının öldürücü soyuğu, qandonduran şaxtası, çempionatın Avropadan fərqli sistemlə keçirilməsi Almeyda üçün ciddi problemə çevriləcək. Bu çətinlikləri aşmağa, uyğunlaşma prosesinə azı bir mövsümlük zaman tələb olunacaq ki, Almeyda yaşında olan futbolçu üçün bunlar ciddi məqam sayılmalıdı. İstənilən halda, mən Riçarda da, İbrahimə də uğurlar arzulayıram. Tezliklə Şehiç də özünə klub tapsın və biz də Almeyda kimi ona da azarkeşlik edək, uğurlarına sevinək.
Sözsüz ki, bizim üçün daha vacib olan “Qarabağ”ın uğurları, bu yay Çempionar Liqasında necə çıxış edəcəyidi. Mövsümün sonunda yaşanan təlatümlər, azarkeşləri narahat edən ayrılıqlar artıq geridə qalır, yavaş-yavaş “köhlən atlar” itirdiyi gücü bərpa edir. Başqa cür ola da bilməzdi. Hamımıza məlumdu ki, bu klubda çiyinlərində illərin təcrübəsini daşıyan, öz işini yaxşı bilən məşqçilər, menecerlər, futbol mütəxəssisləri çalışır. Onlar üçün gedənlərin yerini doldurmaq heç də mümkünsüz tapşırıq deyildi. Artıq komandanın Avstriyadakı düşərgəsindən sevindirici xəbərlər gəlməkdədi. Hamımıza yaxşı tanış olan Filip Ozobiç və Fransa klublarında çıxış etmiş Abdulla Zubirdən sonra üçüncü legioner transferi reallaşdırılıb. Budəfəki tapıntı daha adlı-sanlı, tanınmışdı. Cəmi 5-10 gün əvvəl onu dünya çempionatının iştirakçısı kimi izləyirdik. Messinin penalti zərbəsini dəf etməklə bütün planetin nəzərlərini öz üzərinə çəkmişdi. Artıq “Qarabağ” ailəsinin üzvü, Azərbaycan klubunun futbolçusudu. Halldorssonun Şehiçdən daha etibarlı qapıçı olduğuna şübhəm yoxdu. Təcrübəsiylə də, soyuqqanlılığı ilə də “Qarabağ”a xeyir verəcək gücdədi. 34 yaşının olmasından isə qorxmağa dəyməz. Fiziki göstəriciləri yerində olan qapıçısı üçün qorxulu yaş deyil. Çempionumuza xeyirli-uğurlu olsun!
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
17-02-2019, 16:02 Yığma üzvləri darmadağından danışdı 17-02-2019, 16:00 Fərid Nəbiyevə Slovakiya və Sloveniyadan təkliflər olub 17-02-2019, 15:59 “Qarabağ” Dedanı “Karpatı”ya satmağa hazırlaşır 17-02-2019, 15:58 PFL divizionun oyunlarını canlı yayınlayır 17-02-2019, 15:56 Moldova yığmasının üzvü "Neftçi"də 17-02-2019, 15:55 "Bayıl Arena"da 10 qol vurulsa da... 17-02-2019, 15:53 “Qarabağ”dan qorxmuruq, çəkinmirik” 17-02-2019, 15:52 Cavid Hüseynov “Qarabağ”la oyunda 1 xala razıdı 17-02-2019, 15:50 "Qəbələ" həvəslə hazırlaşır 17-02-2019, 15:42 Yurçeviçli millinin nağıl arzuları bəllidi 17-02-2019, 15:40 10 saatlıq tur 17-02-2019, 15:38 “Keşlə” yığmanın marağını klub marağından üstün tutub 17-02-2019, 15:37 Sürprizsiz tur 17-02-2019, 15:35 “Qaranın yerini silkələmək üçün çox çalışdım, alınmadı” 17-02-2019, 12:54 BMM “Futbol+”ə yer verməkdən çəkindi 17-02-2019, 12:53 Azərbaycanın idman ictimaiyyətinə müraciət 17-02-2019, 12:51 “Sumqayıt” “Keşlə”nin aqibətini yaşadı 17-02-2019, 12:48 Türkiyənin heyəti və yoldaşlıq görüşlərinə təyinatlar açıqlandı 17-02-2019, 12:47 Miloş Velebit kimdi? 17-02-2019, 12:45 “Yumşaq” Yurçeviç xaricdə fiasko vəd edir 17-02-2019, 12:44 Musa Qurbanlıdan poker, U-19-dan darmadağın 17-02-2019, 12:40 Sansone “Neftçi”də 600 min manat qazanacaq 17-02-2019, 12:39 Stuxlikin yeniliyinə fərqli münasibət 17-02-2019, 12:37 Klublar Komitəsinin rəhbərsiz qalması AFFA-nın ürəyincə deyil 17-02-2019, 12:36 “Səbail”də argentinalı forvard: 13 ildə 13 (?!) klub dəyişib 17-02-2019, 12:27 Qış fasiləsinin diqqəti çəkən 5 olayı 17-02-2019, 12:25 Stuxlik Xorvatiyaya gedəcək 17-02-2019, 12:23 “Red Black Army” narahatdı 17-02-2019, 12:22 Prinsipial rəqiblərin 50-ci dueli 17-02-2019, 12:18 “Çempionatda limiti ləğv etmişdilər, hamı legioner gətirib, pul “yeyirdi” 17-02-2019, 12:13 Amit Quluzadə “Çelik”də 22 gün qalıb və geri qayıdıb 14-02-2019, 23:21 “Karlsen, demək olar ki, səhv etmir” 14-02-2019, 23:18 Günay Məmmədzadə - 9 oyuna 8,5 xal toplayan çempion! 14-02-2019, 23:07 Denis “Sumqayıt”la oyuna dönüş nöqtəsi kimi baxır 14-02-2019, 23:05 Stuxlikin “islahatı” liqalarda narazılıq doğurub 14-02-2019, 23:03 U-21 martda 10 günlük toplanış keçəcək 14-02-2019, 22:54 Yığma penaltini qaçırdı və İspaniyaya uduzdu 14-02-2019, 22:51 “Avropa çempionatında iştirak etmək üçün vuruşacağıq” 14-02-2019, 22:41 Yurçeviçin təyinatına premyer-liqadan baxış 14-02-2019, 22:39 Xorvatlar Yurçeviçin 300 min avro qazanacağını iddia edir 14-02-2019, 22:37 Üç il əvvəlki duelə damğa vuran FİFA referisi 14-02-2019, 22:36 “Tofiq Bəhramov”da növbəti “döyüş” 14-02-2019, 22:34 Divizionda təcrübəli adlar: İmanxan Sultani, Ramil Diniyev, Əliyar Ağayev, İnqilab Məmmədov… 14-02-2019, 22:32 “Xəzər Lənkəran” yenə məhkəməyə gəlmədi 14-02-2019, 22:30 “Səbail” Antalyaya yollanıb 14-02-2019, 22:29 Asif Əsgərov ECA-nın toplantısının detallarını açıqladı 14-02-2019, 22:27 Kluba kəsilən cəriməni “Ağsu”nun futbolçuları ödəyəcək 14-02-2019, 22:26 İntizam Komitəsi daha iki komandaya texniki məğlubiyyət verdi 14-02-2019, 22:25 “Qəbələ”nin sabiq məşqçisi və idman direktoru uğursuzlar arasında 14-02-2019, 22:23 Baş katib BOS-da qonaqlarla görüşdü 13-02-2019, 13:35 Hacı Əliyev: "Hələ optimal formada deyiləm" 13-02-2019, 13:33 AFFA yığmanı Nikola Yurçeviçə tapşırdı 13-02-2019, 13:30 Yığmanın yeni çalışdırıcısını Məşqçilər Komitəsinin üzvlərindən uzaq tutublar 13-02-2019, 13:29 UEFA nümayəndələrinin Bakıya son səfəri 13-02-2019, 13:28 Səyavuş Əliyev “İdman Azərbaycan”ın direktoru olacaq 13-02-2019, 13:22 U-21-in heyəti ilə bağlı növbəti narazılıq dalğası 13-02-2019, 13:21 Aqil Məmmədov zədələnib Bütün xəbərlər
Ən çox oxunanlar