10 in 12:50Yazar

Çətinliyi sevən adam

Nazim Süleymanovu hamımız yaxşı tanıyırıq. Onun haqqında əlavə nəsə deməyə, fərqli təqdimat üsulu tapmağa çətinlik çəkirəm. Azərbaycan millisinin ilk kapitanı, millimizin həm rəsmi, həm də qeyri-rəsmi oyunlarda vurduğu ilk qolun müəllifidi. Ölkəmizdən kənarda əsas heyət üzvü kimi oynayaraq, komandasının aparıcı üzvlərindən biri olaraq qızıl medal qazanan yeganə futbolçudu. Onun 50 illik yubileyi şərəfinə Şimali Osetiyanın paytaxtı Vladiqafqazda keçirilən qarşılaşmanı da canlı izləmişəm. Oyundan bir gün əvvəl, oyun zamanı və ondan sonra görmüşəm ki, Süleymanovu osetinlər necə çox sevirlər, ona necə hörmət edirlər. Nazim Süleymanovun adı təkcə dükan və mağazalarda, kafelərdə bizə olan münasibəti dəyişmirdi. Sərhəd-keçid məntəqəsindən üzü Vladiqafqaza qədər bütün postlarda qapıların üzümüzə taybatay açılmasına səbəb olur, zəhmli polis və əsgərlərin üz ifadəsini dəyişirdi. Həmin tarixi səfərdən sonra Nazim Süleymanov mənim gözümdə daha da böyüdü.
Düzdü, onun Azərbaycandan xaricdə necə sevildiyini hələ 2007-ci ildə Almatıda görmək mənə qismət olmuşdu. Millimizin seleksiyaçı-məşqçisi kimi Almatıya gəlmişdi və qazaxların bədnam qonşularımızla oyununu izləyirdi. Bakıdan mühüm tapşırıq almışdım, çox hörmətli Mahir Rüstəmli günorta saatlarında zəng vurub “Süleymanovu mütləq tapmalısan, axşam gözdə-qulaqda ol” demişdi. Tapşırığına əməl etdim və nəticəsini də gördüm. Ayaqüstü söhbətləşmiş, Nazim bəyin yerləşdiyi “Ayser” otelində yenidən görüşmək üçün vədələşmişdik. Təyin olunan vaxtda “Ayser”ə qədəm basıb, otel əməkdaşlarına yaxınlaşıb, gəlişimin məqsədini deyəndə onlardan maraqlı cavam eşitmişdim: “Siz də azərbaycanlı çempionu görməyə gəlmisiz? Dünəndən “Kayrat”ın bütün veteranları otelimizə gəlirlər, Süleymanovu görmək istəyən çoxdu”. Nazim Süleymanovu Almatıda da tanıyırdılar və sevirdilər. Həmin vaxt qürbətdə yaşayan bir azərbaycanlı üçün bunu bilmək böyük xoşbəxtlik, qürur mənbəyi idi.
Keçmişlə bağlı çox danışmayım, girişdə qeyd etdiyim kimi hamı onu yaxşı tanıyır. Artıq Nazim Süleymanov yeni işinə başlayıb, çiyinlərini ağır yükün altına verib. Bu da onun futbola, top oyununa olan sevgisinin, Azərbaycan futboluna xidmət etmək həvəsinin göstəricisidi. İşdən, zəhmətdən, çətinlikdən qorxan adam deyil. Əksinə, çətinliyin öhdəsindən gəlməyi, maneələri aşmağı sevir. Hələ 90-cı illərin əvvəllərində “Neftçi”dəki təzyiqlərdən bezib, başını götürüb Rusiyaya gedəndə də beləydi. Süleymanovun həyat yolundan bəhs edən “Bitməyən matç” kitabından oxuduğum bir abzası yaxşı xatırlayıram. Moskvaya yollanmasından, orda “Spartak”ın baş məşqçisi Oleq Romantsevlə gerçəkləşən ilk görüşündən danışarkən Nazim bəy bunları deyir: “Romantsev məndən şərtlərimi, istəyimi soruşdu. Mən də dedim ki, nə şərtim olacaq? Heç nə istəmirəm, mənə bazada qalmağa yer, bir də çarpayı verin. Kifayətdi. Yetər ki, mənə futbol oynamağa şərait yaradın. Mən bura futbol oynamağa gəlmişəm, futbol oynamaq istəyirəm”.
Əminəm ki, ona “Sumqayıt”da çalışmaq təklif olunarkən və şərtləri soruşularkən də cavabı təxminən elə o cür olub. Moskvadakı kimi. Nazim Süleymanova işləmək, məşqçilik bacarığını göstərmək və Azərbaycan futboluna xidmət etmək üçün komanda lazım idi. Taleyin qismətidi ki, həmin komandanı da “Sumqayıt”ın timsalında tapdı. Özünə doğma olan şəhərin komandasının timsalında. Futbolçu kimi orda püxtələşib. Heç kimdən xüsusi nə iləsə fərqlənməyən qarayanız “Sumqayıt uşağı” o şəhərin asfalt küçələrində, toz-torpaqlı meydanlarında, həyətlərində topun arxasınca qaça-qaça böyüyüb, hamının tanıdığı Nazim Süleymanova çevrilib. Azərbaycanı onun hüdudlarından kənarda uğurla təmsil edib, layiq olduğu milli formanı geyinib, onun kapitan sarğısını qoluna taxıb. Həmin sarğı və vurduğu o ilk qol futbol tanrısının onun əzmkarlığına, istedadına görə verdiyi hədiyyə idi. Qəbul etdi, sevə-sevə dəyərləndirdi.
Taleyin qisməti, ya da futbol tanrısının ona növbəti hədiyyəsidi ki, Sumqayıt futbolunun ağır günündə yenidən çiyinlərinə böyük məsuliyyət götürdü. Mövsümün gedişində 3-cü pilləyə qədər yüksələn, Avropa Liqasında iştirak şanslarını yaxşılaşdıran “Sumqayıt” azarkeşlərini həvəsləndirib. Onlar yeni mövsümdə daha böyük uğurlar və avrokuboklara vəsiqə arzusundadılar. Futbol fanatları elə bu cür də olur. Fanatları klubun büdcəsi, futbolçuların səviyyəsi, onu idarə edənlərin qarşıya qoyduqları hədəflər və daha nələr-nələr maraqlandırmaz. Nəticə yoxdusa, ilk yada düşən, hədəfə çevrilən də məşqçi olur.
Bu gün “Sumqayıt” batan gəmiyə bənzəyir. Aparıcı futbolçular bir-bir komandanı tərk edir, daha yaxşı maaş və şərait qarşılığında oynaya biləcəkləri komanda axtarırlar. Artıq ötənilki heyətdən yeddi futbolçunun bu mövsüm “Sumqayıt”da forma geyməyəcəyi məlumdu. Təcrübəli qapıçı Fərhad Vəliyev karyerasını bitirib, Azər Salahlı “Keşlə”ylə anlaşıb, Bəhlul Mustafazadə ona doğma olan “Qəbələ”yə dönüb, Amil Yunanov da təklifləri götür-qoy edir, daha çox qazanmaq arzusunu gizlətmir, “ikinci gəncliyini yaşayan” Tural Axundov da yoxdu. Bununla belə, nə dünyanın sonudu, nə də “Sumqayıt”ın.
“Sulya” çətinliklərdən qorxan adam deyil. O, hara getdiyinin fərqindədi və doğma şəhərin komandasına kömək etmək üçün əlindən gələni edəcək. Uğurlar, çempion!
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
9-12-2018, 14:15 Katiblik sistemi ilə bağlı təklifi “Qarabağ” rəsmisi irəli sürüb 9-12-2018, 14:14 Klublar maliyyə hesabatını açıqlamaqda problem görmür 9-12-2018, 14:12 Yığma üçün yoxlama oyunları planlaşdırılmayıb 9-12-2018, 14:10 “Neftçi” üç yoxlama oyunu planlaşdırıb 9-12-2018, 13:55 Mikayıl Nərimanoğlu yeni işdə 9-12-2018, 13:54 Ölkə xaricində çıxış edənlər Vüqar Məmmədin dəvətini qəbul etmir 9-12-2018, 13:42 Lider autsayderlərə rəhm etmədi, "Şərq" oyuna gəlmədi 9-12-2018, 13:40 İlk dueli “Xəzər Cənub” qazandı 9-12-2018, 13:38 2018-in son turunda “qütblərarası savaş” 9-12-2018, 13:32 Baş məşqçilər uçurumun səbəblərini açıqladı 9-12-2018, 13:30 “Birincilər” bu dəfə də 1/8-dən “sağ çıxmadı” 9-12-2018, 13:19 Limit dəyişdirilsə, Rəhman bombardir olacaq 9-12-2018, 13:13 “Qəbələ”nin iki rəqibi məlumdu 9-12-2018, 13:12 “Qarabağ” oteli dəyişdi 9-12-2018, 13:10 “Frans Futbol”un seçiminə fərqli yanaşma 9-12-2018, 13:06 İki klubumuz eyni oteldə qalacaq 8-12-2018, 01:42 Ağır Atletika Akademiyasında üç saat 8-12-2018, 01:33 U-19 üç gündə iki oyuna çıxacaq 8-12-2018, 01:32 Derbini "Araz" qazandı, "Neftçi" üçüncü pilləyə gerilədi 8-12-2018, 01:31 “Sumqayıt” məşqçilərini “Altınordu”ya göndərir 7-12-2018, 22:45 Avropa Liqasında noyabr ayının qalibi açıqlandı 7-12-2018, 17:21 Ozobiç yığmamızı xorvatlar üçün incələdi 5-12-2018, 13:22 “Red Black Army” 3 yaşını qeyd etdi 5-12-2018, 13:21 Bakı İdman Sarayında zirvə savaşı 5-12-2018, 13:18 “Alyans” zirvədə möhkəmləndi 5-12-2018, 13:15 UEFA zəiflər üçün yeni turnir yaradır 5-12-2018, 13:12 "Atletiko Baku" "Ajara Cup 2018"də qalib oldu 5-12-2018, 13:05 Yığmanı gözləyən 8 ay 5-12-2018, 13:02 Slovakiyalılar iddalı və ehtiyatlıdı 5-12-2018, 12:59 Tounkara: “İnanıram ki, layiq olduğumuz yeri tutacağıq” 5-12-2018, 12:56 Sənan Qurbanov Adeniyinin yoxluğunu qabartdı 5-12-2018, 12:53 Qəbələdə iki günə qol vurulmadı 5-12-2018, 12:51 Tərlan Əhmədov hamıdan narazı qalıb 5-12-2018, 12:49 “Qarabağ” “Sportinq”in acığını “Keşlə”dən çıxdı 5-12-2018, 12:47 “Olimpik Star”da başladı, Bakı İdman Sarayında bitəcək 5-12-2018, 12:45 Qurban Qurbanovun oğlu növbəti qolunu sabiq komandasına vurdu 5-12-2018, 12:44 Gələcəyə hesablanmış layihə 5-12-2018, 12:42 “Zirə”nin şikayəti rədd olundu 5-12-2018, 12:41 Olaylar və qollar ilə zəngin nəhs tur 3-12-2018, 22:17 Yığmamız 5 komandalı, DÇ-nin finalçısının yer aldığı qrupda! 3-12-2018, 22:11 Dabo simulyasiya etmədiyini deyir 3-12-2018, 22:07 “Əlincə savaşı”nı “Neftçi” qazandı 3-12-2018, 22:04 U-19 – 9:1! 3-12-2018, 21:54 “Neftçi” hakimdən şikayət etdi 3-12-2018, 21:53 “Əlincə Arena”da 150-yə yaxın oturacaq sındırılıb 3-12-2018, 21:51 "Neftçi" bəyanat yaydı, azarkeşlərinə səsləndi 3-12-2018, 21:49 PFL-dən yeni dəb: çempionat xeyir-şər liqasına çevrilir! 3-12-2018, 21:48 “Sumqayıt” “yuva”ya dönüşünü qələbə ilə “yudu” 3-12-2018, 21:32 Həftənin idman proqramı 3-12-2018, 21:31 “Sumqayıt” ölkə xaricində çıxış edən üç azərbaycanlı ilə maraqlanır 3-12-2018, 21:29 Şəhriyar mövqeyini qorudu 3-12-2018, 21:28 AMADA-dan növbəti cəzalar 3-12-2018, 21:26 Yığma 8-ci, Eltac birinci oldu 3-12-2018, 21:25 Qəbələ dumana “təslim oldu” 3-12-2018, 21:22 BKFF payız-yaz birinciliyinə start verir 3-12-2018, 21:21 “Qarabağ” 10 milyona yaxın qazanıb 3-12-2018, 21:18 Dəniz Yılmaz coşdu Bütün xəbərlər
Ən çox oxunanlar