12 fev 16:10Yazar

Tərlan Əhmədovun motivasiyası

Son günlər AZAL-ın adı gündəmdən düşmür. “Təyyarəçilər” gah stadionunun yararsız süni örtüyü, gah da hakimlərin onlara qarşı verdiyi yanlış qərarlar ilə diqqət mərkəzindədi. İşləri həqiqətən də çətindi. Hər şeydən əvvəl işin psixoloji tərəfi var. Onsuz da yaxşı vəziyyətdə olmayan AZAL üçün mövsüm gözləniləndən də pis başladı. İlk turda “Neftçi”yə qarşı əzmkar oyunu, ən azı bir xal qazanmaq istəyini hakimlər “təyyarəçilər”in gözündə qoydu. Baş rolda isə Ramil Diniyev idi. Həmin Diniyev ki, ötən “futbol ili”ni onun yanlış qərarıyla başa vurmuşduq. Diniyevin Şüvəlandakı oyunun həlledici məqamında baş hakim Rəhim Həsənova kömək etməməsi bir çox qaranlıq məqamlardan xəbər verirdi. Bu “incə mesaj” o demək idi ki, il AZAL üçün çox ağır keçəcək. Bunun fonunda dirçəlmək, həm yoxsulluqla, həm hakimlərin və “qara qüvvələr”in təzyiqi ilə, həm də qat-qat zəngin və güclü rəqiblərlə mübarizə aparmaq çətin məsələ idi. Təsəvvür edin, uzun və yorucu bir marafona çıxmısız. Rəqiblərin hamısının sizdən daha yaxşı şəraitə malik olduğunu, vitamin qəbul edib qidalandığını, kənardan da dəstəkləndiyini bilirsiz. Elə startdaca sizə badalaq vururlar və bütün rəqiblərdən geri düşürsüz. Bundan sonra onları haqlamaq, kimisə ötməyi bacarmaq heç də asan deyil. Tərlan Əhmədov və onun komandası hazırda belə vəziyyətdədi.
Başqa bir problem isə komandanın doğma evinə çevrilən Şüvəlandakı stadiondu. Yararsız meydança ilk baxışdan üstünlük kimi görünür, rəqiblər AZAL-la oyun gələndə keyfiyətini itirmiş örtükdə zədələnməkdən ehtiyatlanırlar, maksimum özlərini qorumağa çalışırlar. Biranlıq harda oynadığını unudanın, ayağını yerə bərk basanın aqibəti isə Dani Kintana kimi olur. Amma unutmaq lazım deyil ki, eyni çətinlik AZAL-ın futbolçuları üçün də var. Üstəlik, onlar bu “dəmir örtüyün” üzərində təkcə 90 dəqiqə ərzində qaçmırlar, həftə ərzində məşqlərini də orda keçirlər. “Təyyarəçilər” də zədələnmək qorxusu yaşayır, onların da əzələləri elastikliyini itirmiş, betona bənzəyən bu süni örtüyün üzərində gücə düşür, ayaqları yorulur. Digər yandan da AZAL meydanın ortasında tək buraxılmış, sahibsiz uşaq təsiri bağışlayır. İş o yerə çatıb ki, açıq-aşkar haqsızlığa uğradıqları oyunlarda belə komandanın baş məşqçisi Tərlan Əhmədov ağzına su alıb susur, üsyan etməyin, narazılıq bildirməyin faydasız məşğuliyət olduğuyla razılaşmış kimi görünür. Çünki AZAL-ın sahibinin kim olduğu, rəhbərliyin məsələlərə hansısa formada təsir etmək həvəsi hiss edilmir. Əhmədov da başından aşan problemlərin içində bir də AFFA və PFL ilə üz-göz olmaq, hakimlərə savaş elan etmək, başını bir də belə işlərlə ağrıtmaq istəmir. Bax, məsələnin maraqlı tərəfi də budu.
AZAL Peşəkar Futbol Klubu eyniadlı Səhmdar Cəmiyyətə lazım deyilmi? Təyyarələri dünyanın dörd bir yanına uçan, Azərbaycanda özünə rəqib tanımayan, xarici şirkətləri də ölkə bazarına buraxmayan Cahangir Əsgərov niyə “təyyarəçilərini” taleyin ümidinə buraxıb, onların dərd-səriylə, problemləriylə maraqlanmaq istəmir? Tutaq ki, İslam Həmrəyliyi Oyunlarının hesabına “AZAL Arena” təmir olundu, klubun problemlərindən biri azı 2-3 il müddətinə öz həllini tapdı. Sonra necə olacaq? Bu sualın cavabını kimdən öyrənə bilərik? Axı təkcə süni örtüyün dəyişdirilməsiylə AZAL-ın problemləri bitməyəcək. Zaman sübut edir ki, yarımcan heyətlə, təcrübəsiz gənclərlə, xaricdə heç kimə lazım olmayan, vaxtı keçmiş legionerlərlə uzağa getmək mümkün olmur. Lap epizodik hallarda uğura yaxın olsan, xallar qazansan belə, bunu davamlı etmək, komandanı ortababa çevirmək mümkün deyil. Mükafatçılar sırasına düşmək bir yana, autsayderlərin sıralarında olmamaq üçün komanda normal hazırlıq keçməli, ondan da əvvəl təcrübəlilərlə gənclərin sintezindən yaxşı heyət formalaşdırılmalıdı. AZAL-ın son iki-üç mövsümdə ən parlaq futbolçusu Rail Məlikov olub, onu da “Sumqayıt” çox asanlıqla Şüvəlandan “oğurlaya” bildi.
Həqiqətən də Tərlan Əhmədovun işi çox ağırdı. Əlinin altında nə düz-əməlli heyət var, nə də arxasında duran rəhbərlik. Bir çalışdırıcı üçün bundan ağır, arzuolunmaz nə ola bilər? Sanki futbolçu vaxtlarında olduğu kimi bəxtsizlik onu qarabara izləyir. O vaxtlar qapıya gedən toplar son anda onun ayağına dəyir, Əhmədovun adı protokola avtoqol müəllifi kimi yazılırdı. İndi də bəxtinə AZAL-ın ən ağır vaxtları düşüb. Durumun yaxşılığa doğru dəyişəcəyinə zərrə qədər də inam yoxdu. Belə olan halda Tərlan bəyin özünə necə təskinlik verməsi, işinə can yandırmaq üçün özünü necə motivasiya etməsi mənə çox maraqlıdı. Ən azı bu mübarizə əzminə, ruhdan düşməməsinə görə onu alqışlayıram. Allah sizə səbr versin, Tərlan bəy!
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 17:14 Gülağa Cabbarov Stuxlikə məktub yazdı Dünən, 17:13 Riad Rəfiyev əvvəlcə sponsorla, sonra baş məşqçi ilə görüşəcək Dünən, 17:11 “Qəbələ”də qeyri-müəyyənlik davam edir Dünən, 17:09 Renat Dadaşov U-21-dən imtina etməyib Dünən, 17:07 Qara Qarayev daha iki il “Qarabağ”da Dünən, 17:06 Azərbaycanlı futbolçular Mxitaryanı “qorxaq” adlandırdı Dünən, 17:04 Avroliqanın kuboku Cocuq Mərcanlıda Dünən, 15:28 Yığma 17 nəfərlə hazırlaşır Dünən, 15:25 Yurçeviç “çərçivə”ni Səlahət Ağayevə tapşıracaq Dünən, 15:22 "Ayntraxt"ın azarkeşləri azərbaycanlı cocuqları sevindirdilər Dünən, 15:17 UEFA İcraiyyə Komitəsi Bakıda yığışacaq Dünən, 15:14 Çempion üç günə iki qələbə qazandı Dünən, 15:12 “Araz”ın ÇL-dəki rəqibləri nə vaxt məlum olacaq? Dünən, 15:10 Joze Alesio limitin tərəfdarıdı Dünən, 15:08 Hər iki finalçı cəzalandırıldı Dünən, 14:03 “Dəyişikliklər vacibdi, amma belə yox” Dünən, 14:01 “Keşlə” Salahlı ilə anlaşdı, hədəfdə Əfrandı Dünən, 13:59 U-21 xorvatlarla “sülh bağladı” Dünən, 13:54 Səfir jurnalistlər önünə çıxacaq Dünən, 13:53 Nə tez ayıldın, Özil?! Dünən, 13:51 Naxçıvan turniri: xəbəri kimdən alaq? Dünən, 13:47 Kamal Bayramov “Səbail”də Dünən, 13:44 Emil Balayevli "Tobol"dan önəmli qələbə Dünən, 13:40 “Neftçi”nin Mirabdullanı satmaq fikri yoxdu Dünən, 13:25 Ayxan Abbasov Riad Rəfiyevlə son görüşü gözləyir Dünən, 13:20 AZAL “Qəbələ” və “Sumqayıt”ın futbolçularına zülm etdi Dünən, 13:18 “Topaz” mayın 28-də festivala başlayır Dünən, 11:21 Futbolumuzdakı ingilislər həmyerlilərini Bakıya səsləyir 23-05-2019, 20:32 Finalın meydanda görünməyən tərəfləri 23-05-2019, 20:21 Naxçıvanda üç gün 23-05-2019, 20:19 Premyer-liqanın ən yaxşısı Dani Kintanadı! 23-05-2019, 20:16 “Zirə”nin kapitanlarına qapını göstərirlər 23-05-2019, 20:13 AFFA “Xəzər Cənub”a cəza yağdırdı 23-05-2019, 20:11 "Ekol" “Neftçi”ni asanlıqla üstələdi 23-05-2019, 20:03 Xətai Bağırov Taylandda oteldə qalır 23-05-2019, 19:24 Davud Kərimi 13 futbolçunun göndərilməsini normal sayır 23-05-2019, 19:19 Renat Dadaşov Portuqaliyada medal qazandı 23-05-2019, 19:17 Azərbaycan səfirindən sərt sual 23-05-2019, 19:15 Gürcü Azərbaycanı bəyənmir... 23-05-2019, 19:13 “Qarabağ”ın 16 mümkün rəqibindən 13-ü bəllidi 23-05-2019, 19:11 Rəhimin “Sabah”, Əliyarın “Qarabağ” “sevgisi” 23-05-2019, 19:04 Bakıda əfsanələrin paradı 21-05-2019, 15:14 Həftənin idman proqramı 21-05-2019, 15:08 Medianın finala biganəliyinin arxasında nə dayanır? 21-05-2019, 15:05 “Çelsi” fanklubunun Bakıdakı üzvləri hava limanına getməyəcək 21-05-2019, 15:03 Ayxan Abbasov “Sumqayıt”dan gedir 21-05-2019, 15:01 Rauf Əliyev: “Top qəbul etmək, düzgün ötürmək vermək çətin idi” 21-05-2019, 14:54 Cavid Hüseynov rəhbərliklə görüşəcək 21-05-2019, 14:52 İnqilab Məmmədov protokolda çoxlu səhv buraxdı 21-05-2019, 14:50 "Qəbələ": final lənətinə son və ilk titul! 21-05-2019, 14:46 "Səbail" bir ucdan yola salır 21-05-2019, 14:40 Alla Həsənova çempion oldu 21-05-2019, 14:38 Fərid Kərimzadə yersiz xal itkilərini səbəb göstərdi 21-05-2019, 14:35 Elçin Səmədli UEFA-da Murad Məmmədovu əvəzlədi 21-05-2019, 14:32 “Xəzər Cənub” dağıldı! 21-05-2019, 14:28 “Baku Fire” yüksək liqaya iddialıdı 21-05-2019, 14:27 ADBTİA “gümüş”ü “Standard”dan “oğurladı” Bütün xəbərlər
Ən çox oxunanlar