08 fev 19:43Yazar

Futbolumuzun sonuncu dərdi

Hərə öz dərdindədi və hər kəs də öz aləmində haqlıdı. Ötən həftənin son günləri hakimlərimizin idarəçiliyi ilə bağlı qızğın müzakirələrlə keçdi. Fariz Yusifovla Orxan Məmmədov ictimaiyyətin qınağını, azarkeşlərin narazılığını, idman mətbuatının haqlı suallarını bir az soyuqqanlı, bir az rişxəndli əhvalla qarşılamağa çalışdılar. Xaqani Məmmədov isə konkret olaraq usandığını, yorulduğunu ortaya qoydu. İşi ən çətin olan da elə odu. Orta hesabla hər tur azı 16 nəfərin işinə cavabdehlik daşımalı, yeri gələndə sinəsini irəli verib həmin o 16 nəfərin xətasını ört-basdır etməyə çalışmalıdı. Mən hələ birinci divizionun oyunlarını, yaxud da 6 hakimin iştirakıyla keçən qarşılaşmaları nəzərə almıram. Filan laysman hansısa oyunda bayrağını vaxtında qaldırmadı, yaxud da mərkəzdəki hakim epizodu düzgün qiymətləndirmədisə, yada dərhal Xaqani Məmmədov düşür. Buyur, gəl, cavab ver. Elə bu səbəbdən də deyirəm ki, heç kimə onun yerində olmağı arzulamıram.
İş o yerə çatıb ki, cənab Məmmədov göydəki Allahı şahid gətirir, o müqəddəsə and içir ki, nə ona hansısa komandanı “dartmaq” və ya “vurmaqla” bağlı sifariş verən olub, nə də o özü təyinat verdiyi hakimlərdən belə bir ricada bulunur. İnansaq da, inanmasaq da, reallıq budu. Ardıcıl iki turda hakimlərin səhv qərarlarının “qurbanına” çevrilən “Neftçi” elə eyni “səhvlərlə” avrokuboklara vəsiqə qazansa, necə olacaq?! Bir az ora-bura çəkəndə, özümüzü yoranda da, İspaniyadan, İtaliyadan, elə qonşu Türkiyədən gətirməyə o qədər dəlillər var ki. Qoyacaqlar qarşımıza, deyəcəklər ki, onlar da insandı, bizimkilər də. Hələ onların yaşayış tərzi, futbolçularının peşəkarlığı, futbollarının səviyyəsi, qazancları bizdən qat-qat yüksəkdədi. “Barselona” 100 milyonluq futbolçulardan qurulmuş heyətlə xal itirir, iddialarına zərbə dəyir, amma qapının içindən çıxarılan topu qol saymadığına görə hakimi ayağından üzüaşağı heç kim asmır. “Beşiktaş” əzəli və əbədi rəqibi “Fənərbaxça”ya evində uduzur, Türkiyə kuboku, deməli, həm də yaxşı para qazanmaq imkanı ilə vidalaşır, heç kim demir ki, gedək Əli Payabıyıkın “bıyıklarını” yoluşduraq.
Dünya futbolu xeyli dəyişib, əzizlərim. Görürsüz ki, UEFA və FİFA belə hakimlərin səhvlərinin əlində aciz qalıb. Ədalət keçikçilərinin sayını artırdılar, qapıların arxasında dayanmağa iki hakim təhkim etdilər. Daha sonra “qol cizgisi texnologiyası”nı icad etdilər. İllərdi imtina olunan, heç müzakirə obyektinə belə çevrilməyən videotəkrara baxmaq təklifinə də baş vurulub, bu gün–sabah həmin metoddan da geniş istifadəyə başlayacaqlar. Məlum məsələdi ki, qitənin və dünyanın ali futbol qurumları hər dəfə geriyə doğru bir addım atdıqlarının fərqindədilər. Hər dəfə “son söz hakimindi, onun meydanda verdiyi qərar müzakirə oluna bilməz” deyərək, fit sahiblərinə dəstək və inamlarını sözün əsl mənasında nümayiş etdirsələr belə, geri çəkilməyə məcburdular. Çünki təbii və ya qeyri-təbii hakim səhvləri artmaqda, bu səhvlər sehirli top oyununun təmizliyinə, baxımlılığına kölgə salmaqdadı. Bunun qarşısı alınmasa, futbolun nüfuzuna ciddi zərbə dəyə, yeni nəsil azarkeşlər “idmanın şahı”ndan üz çevirə bilərlər. Belədə FİFA-nın və UEFA-nın ciddi itkilərə məruz qalması da qaçılmaz olar. Məcburiyyətdən futbolun başbilənləri pambıqla baş kəsirlər. Onlar bir tərəfdən hakimləri qorumağa çalışır, digər tərəfdən də köməkçi vasitələrin futbola müdaxiləsinə imkan verməyə başlayırlar. Geriyə yol yoxdu. Elə bu səbəbdən də yazının əvvəlində qeyd etdim ki, hərə öz dərdindədi və hər kəs də özünə görə haqlıdı. Hakim səhvinin qurbanına çevrilən də, bu səhvin sayəsində xal qazanan da belə səhvlərin arzuolunmazlığını deyir, ədalətli idarəçilik arzulayır, kimsənin köməyinə ehtiyac duymadığını söyləyir. Eyni zamanda da hamının başı öz dərdinə qarışıb. Çünki həmin səhvlərin “qurbanı” belə təminat verə bilməz ki, gələn turda onun xeyrinə yanlış penalti təyin olunmayacaq, yaxud da hücumçusunun oyundankənar vəziyyətdən qol vurmasına göz yumulmayacaq. Ha çalışsaq da, ölkə futbolunu hakim səhvlərindən tam qorumağımız da mümkün deyil. Nə qədər cəza verirsən-ver, göz ağart, üstünə qışqır, pulunu kəs, əksinə, vəziyyət daha da qəlizləşəcək. Bütün bunları görə-görə gəlmişik axı.
Gözümüzü Avropaya dikdiyimiz, FİFA referilərimizə mötəbər oyunlara təyinat gözləməkdəykən xaricdən hakim dəvət etməyimiz də mümkün deyil. Adamlar bizə gülər, “özünüzə umac ova bilməyən referilərinizi hansı üzlə bizə əriştə kəsməyə göndərirsiz” deməzlərmi? 2-3 səviyyəli legionerimiz var, onlar da yararsız süni örtüyün xəsarətləri sayəsində bizdən üz döndərəcək. Uşaqlarımızın gələcəyi də həmin o geydirmə meydanlarda məhv olur. Milli komandamız dünyanın ən “beynəlmiləl” yığmasıdı. Əmin olun ki, bizim futbolumuzun daha ciddi problemləri var, onların həlli ilə daha ciddi məşğul olmalıyıq. Hakim səhvləri onların ən sonuncusudu.
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
“80 yox, 100 yaşı da olsa, mənim gözümdə uşaq kimi qalacaq” 14:54“Zirə”lilər “Qarabağ”la oyuna adi yanaşır 14:50“Kəpəz” azarkeşlərə Novruz hədiyyəsi etmək istəyir 14:48Superkubok da “Şəfəq”in oldu 14:46“Xəmsə” yeni loqosunu təqdim etdi 14:40“Zirə”dən İslam Həmrəyliyi Oyunlarına dəstək 14:39Kamerun vətəndaşlarının meyidləri ölkələrinə göndərildi 14:37“Futbolda mümkünsüz heç nə yoxdu” 15:05Azərbaycanlı qapıçı Qırğızıstan klubunda 15:02“Zaqatala” iki qolla ikinci yerə qalxdı 14:59Almanlarla oyuna 19 min bilet satılıb 14:47“Sektor 11” ilə “Milli dəstə” ayrı-ayrı sektorlarda olacaq 14:44Avropanın nəhəng klublarının üzvləri ölkəmizə səfər edəcək 14:41Robert Prosineçkinin 26 nəfərlik fəlsəfəsi 14:38Almaniya: son 10 ildə iki dəfə 14:34Azadlığa çıxan Sərdar Bağırov Rövnəq Abdullayevin ətrafını “topa tutdu” 14:18Olimpiya stadionu UEFA-nın qərarını gözləyir 14:12“Lokomotiv”in borclarını AVF ödədi 14:07Hakim haqsızlığı “klassiklər”i kubokdan məhrum etdi 14:02Sumqayıtda voleybol klubu yaradıla bilər 13:55Baraban çalmaqdan vitse-prezidentliyə gedən yol 11:51"Səbail" büdrədi, Kvaratsxeliya üzüldü 11:43AFFA-nın Konfransından geriyə qalanlar... 11:32“Neftçi” mühafizə məsələsində rəqiblərlə razılığa gəlir 11:24UEFA İcraiyyə Komitəsinə can atan Elxan Məmmədovun seçki platforması 11:20AFFA “Şərurspor”la “Rəvan”ın “başını kəsdi” 11:12Futbolçular İK-nın qərarını ədalətsiz sayır 11:09“Rəvan”la “Şərurspor” AFFA-nın qərarı ilə barışmır 11:05“Böyük Dəbilqə”nin qəhrəmanı uğurunu davam etdirmək əzmindədi 11:00“Klassiklər”dən Dünya Kubokuna uğurlu start 10:55Oleq Stepko da Azərbaycanı tərk etdi 10:49“Zirə” Zirədə məktəblilərlə görüşdü 10:35Sərdar Bağırov azadlığa çıxan kimi "Futbol+"ə danışdı 00:50“Turan Tovuz” bəyanat yaydı 13:35Atletlər “Fəcr kuboku”na üç “bürünc”lə başladı 13:33Yığmamız “Böyük Dəbilqə”də ikinci oldu 13:32Üçhakimiyyətlilik davam edir 13:29Rüfət Dadaşov 8-ci qolunu vurdu 13:27Divizionun iddialıları, demək olar, hazırdı 13:24Mübariz Mənsimovun milyonlarını “yeyən” əcnəbi məşqçilər 13:21Mikayıl Nərimanoğlu jurnalistləri günahkar çıxardı 13:17“Əl-Sadd” stadionuna buraxılmayanlar “Futbol+”ə danışdı 13:16“Təyyarəçilər” intizamsız futbolçu ilə yolları ayırdı 13:13Maşallah Əhmədovun şikayətinə baxılacaq 13:10AVF reqlamenti niyə dəyişib? 13:09Kamil Nurəhmədov İmişlidə darıxır 11:46Şirdanov komandasını AZAL və “Kəpəz” səviyyəsində görür 11:44Mahmud Qurbanov yığmanın çıxışını dəyərləndirdi 11:37Elçin Məmmədov ad çəkmədi 11:36Mikayıl Nərimanoğlu doğum gününü yığmanın düşərgəsində qeyd edib 11:34Lənkəranlıları ölkə futboluna bəxş edə bilməyən “Xəzər Lənkəran” 11:31Kvekveskiri Apellyasiya Arbitraj Tribunalına təşəkkür etdi 11:29Rafael Ağayev uğurunun sirrini açıqladı 11:28“Azərreyl” sindromu qırsa da... 11:26Çempionatda mübarizə qızışır 11:24İlk gündə qazancımız bir “bürünc” oldu 11:23“Atam həmişə mənə deyirdi ki, kişi olmalısan, mavi yox” 20:23 Bütün xəbərlər
Ən çox oxunanlar