13 apr 23:17Yazar

VAR hansı gününüzə yaraşır?

Ölkə kubokunun yarımfinalçısı olan klubların nümayəndələrinin VAR sistemi ilə bağlı dediklərini heyrətlə oxudum. Söhbətin nədən getdiyini siz də bilirsiz. VAR dünyanın inkişaf etmiş futbol ölkələrində tətbiq olunan videotəkrar sistemidi. Stadiona xüsusi kameralar quraşdırılır və təcrübəli hakimlər həmin kameralardan görüntü alan monitorların qarşısında əyləşir. Mübahisəli epizodlar izlənilir və oyunun baş hakiminə çətin işin içindən çıxmaq üçün məsləhət verilir. Millimizin Makedoniya ilə oyununda bu sistemlə yaxından tanış olduq. Halis Özkahya qapımıza cərimə zərbəsi təyin etmişdi. Epizoda monitordan baxan Cüneyt Çakır isə onun səhvini düzəltdi və makedoniyalılar penalti vurmaq şansı qazandı. Sınaq mərhələsində olan bu sistemin tərəfdarları da var, əleyhdarları da. İstənilən halda, sonuncu qərarı verən yenə də insandı. İnsan amili olan yerdə isə səhvlərin, subyektiv yanaşmanın olması qaçılmazdı. Futbol dinamikanı sevən oyundu və hakim səhvləri də onun bir hissəsidi.
Sözümün canı VAR-ın mənfi və müsbət tərəflərini qabartmaq, müzakirə açmaq deyil. Məni təəccübləndirən Kamran Quliyevlə Zaur Axundovun bu sistemlə bağlı dedikləridi. Yaxşı ki, bizim premyer-liqada 12-16 komanda iştirak etmir. Yoxsa yarımfinalçıların nazını çəkmək, onların istəklərini yerinə yetirmək əməlli-başlı problemə çevrilərdi. Bir oyunda həvəskar səviyyəli divizion təmsilçisinə qalib gəliblər, o birisində də özləri kimi 8 komandalı premyer-liqanın iştirakçısına. Bunlar “Vardar”ın, “Şerif”in yerinə olsalar, nə edərlər? Kamran Quliyev “Neftçi”ylə, Zaur Axundov “Keşlə”ylə Avropa Liqasında iki mərhələ keçsə, Azərbaycanda heç kimi bəyənməzlər.
“Keşlə”, “Neftçi” və “Sumqayıt”ın VAR sisteminin Azərbaycanda tətbiq edilməsi ilə bağlı vahid mövqe sərgiləməsi də özlüyündə xeyli şübhəlidi. Bu klubların eyni mərkəzdən idarə olunması ölkə futbolu ilə maraqlananların heç birinə sirr deyil. Hər üç kluba rəhbər şəxsdən tutmuş, məşqçiyə qədər AFFA-nın, daha doğrusu, baş katib Elxan Məmmədovun diqtə və xeyir-duası ilə təyin olunur. Deməli, VAR-la bağlı bu cür müzakirələrin açılması, məsələnin gündəmə gətirilməsi də onun işarəsi ilə başladılmış, süni surətdə şişirdilən prosesdi. Hamımızın yadındadı ki, bir müddət əvvəl VAR Klublar Komitəsinin iclasında müzakirə olunmuşdu. Həmin iclasdan sonra Kamran Quliyev özü təxminən belə bir fikir səsləndirmişdi ki, Azərbaycandakı maddi-texniki baza, stadionların vəziyyəti, eləcə də maliyyə durumu texnoloji yeniliyin premyer-liqamıza tətbiqini mümkünsüz edir. Mən də o fikirdəyəm. Bəlkə də nə vaxtsa buna ehtiyac yaranacaq, imkan olacaq. Amma bu gün nə ehtiyac var, nə də imkan. Bunu birmənalı olaraq qəbul etmək lazımdı.
Əvvəlcə məsələnin maddi və texniki tərəflərindən danışaq. VAR texnologiyasının tətbiq edilməsi üçün təxminən 1,5-2 milyon avroya ehtiyac var. Yetərincə ciddi məbləğdi. Biz dəfələrlə eşitmişik ki, AFFA hakimlərin 500-600 manat qonorarını aylarla gecikdirir, onların ezamiyyət pullarını vermir. Qanunla hakimlər təlim-məşq toplanışına yollanarkən də işdə sayılmalıdılar. Axı, onlar 15 gün işindən, ailəsindən uzaq qalır. Faktiki başqa nə iləsə məşğul olmaq, həmin müddətdə ailəsinə çörəkpulu qazanmaq imkanından da məhrumdular. Buna baxmayaraq, AFFA hakimlərə nə yay, nə də qış toplanışı zamanı ezamiyyət pulu ödəyir. Elə bu səbəbdəndi ki, ikinci işi olan ədalət təmsilçilərinin toplanışlardan kənar qalmasına tez-tez rast gəlirik. Hakimlər ezamiyyət pulu almadıqlarına görə əsas iş yerlərindən əvəzi ödənilməyən məzuniyyətə çıxa bilmirlər. Bilirlər ki, yarım ayın maaşından məhrum olacaqlar. AFFA-nın təyinata görə ödəyəcəyi, onların kartına azı iki aydan sonra keçəcək qonorara görə bu addımı atmağa isə dəyməz. Bəlkə də xırda, məişət səviyyəli problem kimi görünür. Amma yetərincə ciddi məqamdı. Eyni zamanda çoxdandı ki, AFFA aşağı yaş qruplarının bölgələrdə keçirilən oyunlarına Bakıdan hakim göndərmir. Bu da qənaət məqsədi ilə edilir. Əvəzində eyni bölgədə yaşayan, hazırlıq səviyyəsi elə də yüksək olmayan hakimin idarə etdiyi oyunda tez-tez xoşagəlməz olaylar yaşanır, kobud səhvlərə, qalmaqallara meydan verilir. Hakimlərin pulundan kəsmək, onların hesabına qənaət etmək bir tərəfə, UEFA-dan onların təminatı və təlimi üçün ayrılan pullar da təyinatı üzrə xərclənmir. İllərdi ki, azərbaycanlı hakimlər yeni geyimlərə həsrətdi. Səhv etmirəmsə, uzun müddətdi davam edən müzakirələrdən və şikayətlərdən sonra hakimlərimizə yeni geyim dəsti yalnız bir neçə gün əvvəl verilib.
Bu boyda problemlərimiz ola-ola, bizim haramıza VAR sisteminə iki milyon avro pul xərcləmək yaraşır? Olmaya AFFA-dakı işbazlar indi də bu işdən faiz tutmağa çalışır, ciblərini doldurmaq üçün gəlir yeri axtarırlar? Kamran Quliyevlə Zaur Axundov bekar qalıb, futbolumuza yenilik tətbiq emək fikrinə düşüblərsə, onlara təklifim var. Əvvəlcə “Neftçi”nin, “Keşlə”nin oyunları zamanı boş tribunalara baxın. Fikirləşin, görək azarkeşləri qaçaq düşdükləri tribunalara necə qaytarmaq olar? Ondan sonra VAR-ı arzulayarsız. Boş tribunalar önündə futbol oynayan klublarınızın hansı gününə VAR arzulayırsız?
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Bu gün, 00:35 “Klassiklər”in heyətində legioner yoxdu Bu gün, 00:33 “Formula-1” ulduzları Bakıdadı Dünən, 23:42 PFL öz rahatlığı üçün “Qəbələ”ni Bakıya dartmaq istəyir Dünən, 23:41 “Beerbaşa” “İdman Azərbaycan”ın çempionluğunu şübhə altına aldı Dünən, 23:39 “Beşiktaş”la oyunun vaxtı açıqlansa da... Dünən, 23:38 “Zirə” “Qarabağ”a “zəfər dəhlizi” açmayacaq Dünən, 23:37 Avroliqaya iddialılar sual dənizində üzür Dünən, 23:35 Ceyhun Sultanov Niassenin dalınca gedib? Dünən, 23:34 Muxtar Babayev “Sumqayıt”ın Müşahidə Şurasında qalacaq Dünən, 23:19 Maksimova 4 oyun cəza, Abasova xəbərdarlıq Dünən, 23:18 “Xəzər” elitaya çıxsa, Qubanı təmsil edəcək Dünən, 23:16 Yığma uduzdu, Azər Məmmədov təcrübəsizliyi qabartdı Dünən, 23:15 Məsafə qısalır, şanslar dəyişir Dünən, 23:13 “Şüvəlan” autsayderin qonağıdı Dünən, 23:12 Akif Əliyev 60-ı qeyd etdi Dünən, 22:38 AÇ-də rəqiblər müəyyənləşdi Dünən, 22:37 "Futbol+" əzmkar qələbə ilə yarımfinalda! Dünən, 22:36 “Kəpəz”lilər “Xəmsə”nin rəhbərinə baş çəkdi Dünən, 22:34 Karlsen 6 qol vurdu, komandası çempion oldu Dünən, 22:32 Avrokubokun finalı hakimlərimizə tapşırıldı Dünən, 22:31 Rəşad Sadıqov “Qarabağ”ın seriyasını davam etdirə bilmədi Dünən, 22:29 Kubok sürprizlə başladı Dünən, 22:27 “Ələt” mövsümü üç kubokla bitirdi Dünən, 22:26 İnfantino “Qarabağ”ı təbrik etdi Dünən, 22:24 İkisi də finalda Dünən, 22:23 Kramarenkonun qızı Bakıda Rusiya üçün “qızıl” qazandı Dünən, 01:22 Mircavadovdan Qurban Qurbanovun ona çatmasına reaksiya Dünən, 01:20 “Qarabağ” Avropada tək deyil Dünən, 01:19 PFL medalçıları bir gündə mükafatlandıracaq Dünən, 01:18 “Qəbələ” Qəbələdə “qonaq olacaq” Dünən, 01:16 Azərbaycan “Qran-pri”sində anşlaq gözlənilir Dünən, 01:14 NTD: ardıcıl ikinci dəfə Dünən, 01:13 İki boksçumuz yarımfinalda Dünən, 01:12 Liderdən ağır məğlubiyyət Dünən, 01:11 Natalya finalda çökdü Dünən, 01:10 Şahmatçılarımız fasiləyə qələbəsiz yollandı Dünən, 01:08 “Neftçi” Mahmudova görə apellyasiya şikayəti verdi Dünən, 01:07 “Füzuli” və “Alyans” növbəti mərhələyə yüksəldi Dünən, 01:06 “Qarabağ”ın çempionluqlarını incələyərkən… Dünən, 01:04 “Zirə”nin legioneri Duayt Yorkla tanışlığından danışdı Dünən, 01:00 Elçin Rəhmanov “Qarabağ”ın maraqlandığı futbolçuları izləyib Dünən, 00:18 Turun statistikası Dünən, 00:15 Turun məşqçisi Dünən, 00:13 Hakimlərin mühakiməsi Dünən, 00:12 Turun oyunçusu Dünən, 00:10 Turun sitatı Dünən, 00:09 Turdan məqamlar Dünən, 00:06 Debütant zirvəni fəth etdi Dünən, 00:04 “Xəzər” bu həftə zirvəyə yüksələ bilər Dünən, 00:02 Rüfət yoxdusa, qələbə də yoxdu Dünən, 00:01 “Sülh”lə başladılar 25-04-2018, 23:59 “Qəbələ” ilk titulunu qazandı 25-04-2018, 13:18 “Lokomotiv” məğlubiyyətsiz çempion oldu 25-04-2018, 13:16 “Kobra”dan növbəti qələbə 25-04-2018, 13:10 Dmitri Nazarov səkkiz aydan sonra qol vurdu 25-04-2018, 13:09 Kamran Ağayev finalın Qəbələdə keçiriləcəyindən xəbərsizdi 25-04-2018, 13:07 Fikrət Orman sentyabrda “Beşiktaş”ı ölkəmizə gətirəcək Bütün xəbərlər
Ən çox oxunanlar