03 fev 18:59Yazar

Sıradakı kimdi?

AFFA-nın fəaliyyəti Azərbaycan cəmiyyətinin güzgüsüdü. İllərdi biz neftdən gələn milyonların sayəsində sinəmizi irəli vermişdik, “yeyib-içmək istəyən Azərbaycana gəlsin” yazılan dəvətnaməni respublikanın devizinə çevirmişdik. Avropanın sabiq hökumət və dövlət başçılarından tutmuş, 5-ci dərəcəli idmançılarına kimi hamısını Bakıya çağırıb, yağ-bal içində üzdürürdük, qonaq edirdik. Ürəyimiz soyumurdu, yol xərclərini də özümüz ödəyirdik. AFFA da eyni yolu seçmişdi. Almaniyanın ən yaşlı kişi məşqçisini, İspaniyanın ən gözəl xanım mütəxəssisini uzun müddət Bakıda bəslədik. Əvəzində futbolumuz bir iynənin ucu boyda belə inkişaf etmədi. Ölkədə yaşananları “analoqu olmayan” təyini ilə tərifləyirdik, bundan bəhrələnən AFFA-nın qalstuklu idarəçiləri futbolumuzun da başına nəinki Avropada, heç Afrikanın “banan respublikalarında” belə rastlanmayacaq oyunlar açmaq üçün hərəkətə keçdilər. “Analoqu olmayan” fəaliyyətin nəticələri isə göz qabağındadı. Beş-altı il əvvəl Azərbaycan çempionatında 14 klub yarışırdı, sonra sayı 12-yə endirdilər. Dedilər ki, “6-lıq” sistemi bizə ən yaraşanıdı, bununla böyük inkişafa nail olacağıq. Bir də gördük ki, həmin 12 komandadan ikisi də sıradan çıxdı, 10 qaldı. AFFA-nın baş katibi “əmi canı, qəti qorxusu yoxdu” dedi. Faciənin ayaq səslərini belə batırdılar: “çempionatda 12 iştirakçı olanda iki aşkar zəif klub oyunları alıb-satırdı, alverin qarşısını ala bilmirdik. Çünki həmin autsayderlərin heç bir iddiası olmurdu. İndi 10 komanda arasında güzəştsiz mübarizə gedəcək”. Onlar dedilər, biz inandıq və alqışladıq. Bir də onda ayıldıq ki, adına premyer-liqa deyilən Azərbaycan çempionatında vur-tut 8 komanda qalıb. AFFA sözə baxmayan Hafiz Məmmədovu, Mübariz Mənsimovu və Nuru Əliyevi futboldan qaçaq salanda, onların klublarını sıradan çıxaranda da faciənin miqyasını anlamaq istəmirdik. Azərbaycan futbolunun başına salınan torba buzlu okenda üzən aysberq parçası kimidi. Görünən tərəfi görünməyən hissə ilə müqayisədə xeyli kiçikdi.
Qafqazın lider dövləti olduğunu iddia edən Azərbaycanın premyer-liqasında yarışan 8 klubdan 3-ü “ipi” bilavasitə AFFA-nın barmaqlarına dolanmış oyuncaq rolundadı. “Sumqayıt” bu dünyaya futbol qurumunun övladı kimi göz açıb. “Kəpəz”in adı Gəncənin, dadı AFFA-nındı. “Neftçi” isə məharətlə həyata keçirilən “Müşahidə Şurası” ssenarisindən sonra “Sumqayıt” və “Kəpəz”in “böyük qardaş”ına çevrilib. Hər kəsi öz adıyla çağırmaq, oynanan iyrənc oyunları anlamaq üçün elə də dahiyanə təfəkkürə, geniş mühakimə qabiliyyətinə sahib olmaq vacib deyil. Bir az cəsarətli, bir az da gözüaçıq olmaq yetərlidi. Xeyli müddət idi ki, “İnter”in başı üzərindən qara buludlar o tərəf-bu tərəfə keçirdi. Cahangir Hacıyevin “vurulmasından” sonra dəli dalğalar qoynunda sahibsiz qalmış gəmiyə çevrilən “ağ-göylər”i dişlərinə batırmaq üçün çoxdan həvəslənmişdilər. Birvaxtlar “su qiymətinə” satılmış “Şəfa” stadionu da xeyli dəyişikliyə məruz qalmış, simasını gözəlləşdirmiş, ərazisində inşa olunmuş otellə birlikdə daha cəlbedici olmuşdu. Plan baş tutdu. Ölkənin ən iri banklarından biri heç mövsümün sonunu belə gözləmədən futboldan çəkildiyini, “İnter”i göydə Allaha, yerdə AFFA-ya tapşırdığını elan etdi.
Nə idi bu qaçışın səbəbi? “Kapitalbank” “Beynəlxalq Bank”dan belə zəngin, belə imkanlıdı ki, “Zirə” ilə “Sumqayıt”a dəstək olmağa özündə güc tapır, amma “Beynəlxalq Bank” o qədər də böyük məsrəfləri olmayan “İnter”in “yük”ünü çox yox, mövsümün sonuna qədər cəmi 2-3 ay çəkmək istəmir?! Müəmmalar, cavabsız suallar, natamam açıqlamalar girdabında özümüzü yormayaq. Səbəb nə olur-olsun. Azərbaycan futbolunun, futbolda yürüdülən siyasətin iflasa uğradığını isbat etmək üçün əlavə sübuta ehtiyac yoxdu. Ölkə futbolu elə bir bataqlığa sürüklənib ki, artıq bu sahəyə qəpik-quruş xərcləmək “Beynəlxalq Bank” boyda iri banka belə sərf etmir, cəlbedici görünmür. Maraqlısı odu ki, öz hüquqşünasını “İnter”ə rəhbər təyin edən AFFA bundan sonra kluba sponsor axtaracağını da açıqlayıb. Gülməlidi, özü də çox. “Beynəlxalq Bank”dan daha zəngini kim var bu ölkədə? Onların davam gətirmədikləri, başlarını götürüb qaçdıqları futbola bundan sonra kim yatırım etmək, pul xərcləmək həvəsinə düşər? Yavaş-yavaş Elxan Məmmədovun “uzaqgörən” siyasətinin nailiyyətlərini hiss etməkdəyik. Bu gedişlə Azərbayca premyer-liqası AFFA-nın arxasındakı mini-futbol meydançasında, qurumun öz işçiləri arasında keçiriləcək. “İnter”i də öz nəzarətinə keçirən AFFA-nı bu münasibətlə təbrik etmək olar. Sıradakı kimdi, görəsən?
That's really thnkiing of the highest order

Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
“80 yox, 100 yaşı da olsa, mənim gözümdə uşaq kimi qalacaq” 14:54“Zirə”lilər “Qarabağ”la oyuna adi yanaşır 14:50“Kəpəz” azarkeşlərə Novruz hədiyyəsi etmək istəyir 14:48Superkubok da “Şəfəq”in oldu 14:46“Xəmsə” yeni loqosunu təqdim etdi 14:40“Zirə”dən İslam Həmrəyliyi Oyunlarına dəstək 14:39Kamerun vətəndaşlarının meyidləri ölkələrinə göndərildi 14:37“Futbolda mümkünsüz heç nə yoxdu” 15:05Azərbaycanlı qapıçı Qırğızıstan klubunda 15:02“Zaqatala” iki qolla ikinci yerə qalxdı 14:59Almanlarla oyuna 19 min bilet satılıb 14:47“Sektor 11” ilə “Milli dəstə” ayrı-ayrı sektorlarda olacaq 14:44Avropanın nəhəng klublarının üzvləri ölkəmizə səfər edəcək 14:41Robert Prosineçkinin 26 nəfərlik fəlsəfəsi 14:38Almaniya: son 10 ildə iki dəfə 14:34Azadlığa çıxan Sərdar Bağırov Rövnəq Abdullayevin ətrafını “topa tutdu” 14:18Olimpiya stadionu UEFA-nın qərarını gözləyir 14:12“Lokomotiv”in borclarını AVF ödədi 14:07Hakim haqsızlığı “klassiklər”i kubokdan məhrum etdi 14:02Sumqayıtda voleybol klubu yaradıla bilər 13:55Baraban çalmaqdan vitse-prezidentliyə gedən yol 11:51"Səbail" büdrədi, Kvaratsxeliya üzüldü 11:43AFFA-nın Konfransından geriyə qalanlar... 11:32“Neftçi” mühafizə məsələsində rəqiblərlə razılığa gəlir 11:24UEFA İcraiyyə Komitəsinə can atan Elxan Məmmədovun seçki platforması 11:20AFFA “Şərurspor”la “Rəvan”ın “başını kəsdi” 11:12Futbolçular İK-nın qərarını ədalətsiz sayır 11:09“Rəvan”la “Şərurspor” AFFA-nın qərarı ilə barışmır 11:05“Böyük Dəbilqə”nin qəhrəmanı uğurunu davam etdirmək əzmindədi 11:00“Klassiklər”dən Dünya Kubokuna uğurlu start 10:55Oleq Stepko da Azərbaycanı tərk etdi 10:49“Zirə” Zirədə məktəblilərlə görüşdü 10:35Sərdar Bağırov azadlığa çıxan kimi "Futbol+"ə danışdı 00:50“Turan Tovuz” bəyanat yaydı 13:35Atletlər “Fəcr kuboku”na üç “bürünc”lə başladı 13:33Yığmamız “Böyük Dəbilqə”də ikinci oldu 13:32Üçhakimiyyətlilik davam edir 13:29Rüfət Dadaşov 8-ci qolunu vurdu 13:27Divizionun iddialıları, demək olar, hazırdı 13:24Mübariz Mənsimovun milyonlarını “yeyən” əcnəbi məşqçilər 13:21Mikayıl Nərimanoğlu jurnalistləri günahkar çıxardı 13:17“Əl-Sadd” stadionuna buraxılmayanlar “Futbol+”ə danışdı 13:16“Təyyarəçilər” intizamsız futbolçu ilə yolları ayırdı 13:13Maşallah Əhmədovun şikayətinə baxılacaq 13:10AVF reqlamenti niyə dəyişib? 13:09Kamil Nurəhmədov İmişlidə darıxır 11:46Şirdanov komandasını AZAL və “Kəpəz” səviyyəsində görür 11:44Mahmud Qurbanov yığmanın çıxışını dəyərləndirdi 11:37Elçin Məmmədov ad çəkmədi 11:36Mikayıl Nərimanoğlu doğum gününü yığmanın düşərgəsində qeyd edib 11:34Lənkəranlıları ölkə futboluna bəxş edə bilməyən “Xəzər Lənkəran” 11:31Kvekveskiri Apellyasiya Arbitraj Tribunalına təşəkkür etdi 11:29Rafael Ağayev uğurunun sirrini açıqladı 11:28“Azərreyl” sindromu qırsa da... 11:26Çempionatda mübarizə qızışır 11:24İlk gündə qazancımız bir “bürünc” oldu 11:23“Atam həmişə mənə deyirdi ki, kişi olmalısan, mavi yox” 20:23 Bütün xəbərlər
Ən çox oxunanlar