14 fev 00:56Yazar

Düzəldi hər yarağımız, qaldı ...“Bakcell Arena”!

Atalarımızın məşhur sözlərindən biridi. Günümüzlə, futbolumuzun gündəmi ilə də çox gözəl səsləşir. AFFA başbilənləri futbolumuzun analoqu olmayan inkişafı haqda danışanda infrastrukturu xüsusilə vurğulayırlar. Onlar bildirirlər ki, əvvəllər Bakıda standartlara cavab verən futbol meydanı tapmaq olmurdu, indi isə onların apardığı uğurlu siyasətin nəticəsi kimi hər klubun özünün stadionu var. Belə stadionlardan biri də 8-ci kilometr qəsəbəsində yerləşən, daha sonra isə AFFA-nın məşhur mobil operatorların biriylə işbirliyi sayəsində adını dəyişən “Bakcell Arena”dı.
11 min azarkeş tutumu olan bu stadionun açılışı yeniyetmə qızların Bakıda keçirilən dünya çempionatı ərəfəsində, yəni 2012-ci ildə baş tutub. SOCAR-ın pula pul demədiyi vaxtlarda inşa edilib. Açılış ərəfəsində və istifadəyə verildiyi ilk günlərdə AFFA-ya məxsus olduğu qeyd olunurdu. İnsafən, xarici görünüşü və akustikası ürəyəyatandı. Gediş-gəliş üçün əlverişsiz yerdə olsa da, “Dalğa Arena” kimi ucqarda, Bayıldakı stadion kimi dalana dirənən yerdə deyil. Sonradan nə baş verdisə, hansısa gizlin prosedurlar həyata keçirildisə, AFFA səxavat göstərdi, “Neftçi” stadionun sahibinə çevrildi. Paytaxt klubu yoğurmadan-yapmadan kökə tapıb, özünü əsl stadion sahibi kimi aparır. Artıq hamımıza məlumdu ki, “Qəbələ” də “Bakcell Arena”da avrokubok oyunları keçiriləndə “Neftçi” rəhbərliyi ilə danışıqlar aparır, onlarla müqavilə bağlayır. O da məlumdu ki, ötən yay icarə qiymətini birdən-birə xeyli yüksəltmişdilər. “Qəbələ”nin buna cavabı o olmuşdu ki, stadionun mərkəzindəki “Neftçi” loqosunun üzərini avrokubok oyunları zamanı qapatmışdılar.
Sözüm onda deyil. “Bakcell Arena” barədə yazmağa “Neftçi”nin “Kəpəz”lə oyunundan sonra qərar verdim. Sizin də yadınızda olar. 2014-cü il noyabrın 16-da millimiz həmin arenada Norveçlə münasibətləri aydınlaşdırmışdı. Həmin qarşılaşmaya ağ rəngli formada çıxan qonaq komanda 90 dəqiqənin sonunda meydanı yaşıla boyanmış halda tərk etmişdi. İlk dəqiqələrdə biz də təəccüblənirdik. Sonra başa düşdük ki, bizim ağıllılar arenanın saralmış qazonunu yaşıl rəngə boyayıblar, bununla da öz ayıblarını ört-basdır etmək fikrinə düşüblər. Əvəzində Azərbaycanı bütün Avropada gülüş hədəfinə çevirmiş, norveçli qonaqları bu hiylələri ilə şoka salmışdılar. Norveç millisinin meneceri oyundan sonra bildirmişdi ki, fasilədə futbolçular formalarını dəyişməyə məcbur olublar və uzun müddət nəyin baş verdiyini anlamayıblar. UEFA nümayəndəsi isə qonaqları sakitləşdirib, rənglənmənin səbəbi kimi televiziyada stadionun yaxşı görünməsini göstərib.
O zamandan bəri dəfələrlə “Bakcell Arena”nın qazonunda problemlər yaşanıb. Yayda istidən, qışda isə soyuqdan bu stadionun ot örtüyü yanır. Özü də hər il “Neftçi”nin büdcəsindən ot örtüyünə qulluq adıyla bir ətək pul silinir və AFFA-nın tərəfdaşı olduğu deyilən, baş katib Elxan Məmmədovla əlaqələri indiyə qədər təkzib olunmayan şirkətin hesabına ötürülür. Həmin pulların ordan da kimlərin cibinə axıdıldığını bilməsək də, dəqiq olan odu ki, “Bakcell Arena”nın qazonundakı xəstəliyə əlac tapılmır. Yenə yaddaşımızı vərəqləyək. Böyükağa Hacıyevin çalışdırdığı “Neftçi” Avropa Liqasının qrup mərhələsinin biraddımlığında idi. “Partizan”la səfər görüşündə “ağ-qaralar” yaxşı təsir bağışlamış, Belqradda iki qol vurmağı bacarmışdı. Doğma meydanda 1:0 hesablı qələbə yetəcəkdi ki, paytaxt təmsilçisi ardıcıl ikinci dəfə avrokubokların qrup mərhələsində iştirak etsin. Amma qəfildən “Neftçi”ni qum üzərinə, qazonu yanmış “Tofiq Bəhramov”da oynamağa göndərdilər, vərdiş etdiyi doğma meydandan qovdular. Adını da qoydular ki, arenanı millinin oyunu üçün hazırlayırlar. 2015-ci ildə də “Neftçi” uzun müddət “Bakcell Arena”nın xidmətindən istifadə edə bilmədi, Masazırdakı “Əlincə” stadionuna sığındı. Həmin vaxt da stadionu U-17 komandalarının Avropa çempionatına hazırlayırdılar. Hər dəfə də qazona nə qədər xərc çəkirlər, amma onu qorumaq qeyri-müəyyən səbəblər üzündən mümkün olmur.
“Kəpəz”lə oyunda həmin ala-bula, yanmış-saralmış yerləri bir daha aşkar gördük. Sanki 90-cı illərin əvvəllərindəki Respublika stadionudu və bu qazonun saxlanmasına hər ay bir ətək pul xərclənmir. Bunun cavabdehi, məsuliyyətini daşıyan kimdi, görəsən? Ümid edirəm ki, “Neftçi” rəhbərliyini və ya Elxan Məmmədovu görmək imkanım olacaq, onlardan bu barədə soruşacam.
AFFA prezidenti İcraiyyə Komitəsinin iclasından sonra keçirilən mətbuat konfransında Bakıdakı stadionların birinə əfsanəvi futbolçu Anatoli Banişevskinin adının verilməsi barədə belə demişdi: “Sponsor axtarırıq. Pulunu versin, stadiona lap atasının adını versin”. Cənab Abdullayev, “Bakcell”in sponsorluq etdiyi stadion nə üçün ağ günə çıxmır, onların ödədiyi pul, üstəlik, “Neftçi”nin büdcəsindən ayrılan vəsait hara gedir ki, qazonun xəstəliyinə əlac edə bilmirlər? İmkan olanda mütləq maraqlanın.
Məşhur müğənnilərdən biri bəzənib toya gəlibmiş. Kefinin yaxşı vaxtında olan qonaqlardan biri qalxıb və müğənniyə deyib ki, ay filankəs, bəzənmisən bu gündəsən, bəzənməsən, nə gündə olardın? Onun diliylə desək, “Bakcell Arena”nın hələ sponsoru var bu gündədi, olmasaydı, indi orda yaşıl ot tapa bilməzdik.
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Bu gün, 00:17 25 saniyəlik Olimpiada... Bu gün, 00:09 Saşa Yunisoğlu futbol məktəbi açıb Bu gün, 00:07 Mundiala Fəridlə Fəridə gedəcək Bu gün, 00:06 “Futbol+” finalçılarla eyni qrupda Bu gün, 00:04 Klub rəsmilərinin “Neftçi”yə keçidi futbolçuları təəccüblədirib Bu gün, 00:02 “Sumqayıt” Nicatı bayıra atdı, “Zaqatala” sahib çıxdı Bu gün, 00:01 Koçuku Azərbaycana Ramil Şeydayev səsləyib Dünən, 23:58 AFFA-nın muzeyinin formatı dəyişdirilib Dünən, 23:56 Rəşad Sadıqov mayda “Qarabağ”dan ayrılacaq Dünən, 23:55 “Keşlə” – “sülhsevər” komanda! Dünən, 23:53 Ağatahir Əzimov FK.İD-in zəif yerini göstərdi Dünən, 23:51 “Olimpik Star”da başlayıb BİS-də bitəcək Dünən, 23:49 “Sonuncu dəfə “Əlifba” kitabını əlinə götürən futbolçudan artıq nəsə ummaq yersizdi” Dünən, 23:37 "Zaqatala" ikinci qələbəsini qazandı Dünən, 23:36 İkisi sevindirdi, biri üzdü Dünən, 23:35 Balacayeva vahid lider oldu Dünən, 23:33 Ölkə çempionatı başa çatdı Dünən, 23:32 Ayxan Abbasov “Neftçi” ilə oyundan sonra danışacaq Dünən, 23:30 Çempionatımızda 11 qol vuran futbolçunun “kitabı bağlandı” Dünən, 23:29 “Bakcell Arena”da prinsipial duel Dünən, 11:53 Rafael Ağayev yapondan əvəz çıxmaq istəyir 22-02-2018, 23:44 Azərbaycan DÇ-də üç jurnalistlə təmsil olunacaq 22-02-2018, 23:41 PFL kubokun finalıyla bağlı “Kəpəz”ə müraciət etməyib 22-02-2018, 23:38 PFL yığmaya görə təqvimi dəyişdi 22-02-2018, 23:29 “Neftçi”nin bazası 2019-un sonunda hazır olacaq 22-02-2018, 23:24 Ceyhun Sultanov da “Sumqayıt”ı “Neftçi”yə dəyişdi 22-02-2018, 23:17 Vaqif Ömərov “Sumqayıt”a müvəqqəti prezident təyin olundu 22-02-2018, 23:14 “Neftçi” Mujekdən də qurtuldu 22-02-2018, 23:11 Fanklublar da Qəbələ variantına etiraz etmir 22-02-2018, 23:02 “Darmadağınçı” qonaqlar 22-02-2018, 22:59 İntizam Komitəsi “Qəbələ” ilə “Zirə”ni 16 min cərimələdi 22-02-2018, 22:56 “Qəbələ” apellyasiya şikayəti verməyəcək 22-02-2018, 22:48 Natalya Məmmədova rəqabətsizlikdən narazıdı 22-02-2018, 22:45 Ən güclü yeniyetmə “klassiklər” müəyyənləşdi 22-02-2018, 22:42 Ölkə çempionatı başladı 22-02-2018, 22:39 Rauf Məmmədovdan uğursuz başlanğıc 22-02-2018, 22:37 Cənubi Kipr mətbuatından Araza yüksək qiymət 22-02-2018, 22:30 Meydanda huşunu itirən iranlı yenidən qayıtdı 22-02-2018, 22:23 “Ekol” 8 dəqiqəyə çökdü 22-02-2018, 22:18 “Traktorsazi” ərəblərlə bacarmır 22-02-2018, 22:16 Bədavi Almaniyada müalicə alır 21-02-2018, 15:00 Şəhriyar xatirə turnirində iştirak edəcək 21-02-2018, 14:58 Milli Belarusa yollandı 21-02-2018, 14:57 Braxner diqqətini slaloma ayırıbmış... 21-02-2018, 14:56 Soydaşımızın şərəfinə Rusiyada yarış keçirilib 21-02-2018, 14:54 Yığmanın baş məşqçisi tennisin problemlərindən danışdı 21-02-2018, 14:52 “Forza Neftçi”nin Kamran Quliyevdən bir istəyi var 21-02-2018, 14:51 Ramil Şeydayevin ehtiyatda “çürüməsi” futbolumuza ziyandı 21-02-2018, 14:50 Klublar Komitəsi “Sumqayıt”ın prezidentini gözləyir 21-02-2018, 14:49 Yarımfinalçılar Qəbələ variantına etiraz etmir 21-02-2018, 14:48 PFL Gəncədən imtina etdi 21-02-2018, 14:47 AFFA-da Region Liqası klublarının nümayəndələri ilə görüş 21-02-2018, 14:45 Namiq Ələsgərov futbolçu xanımla ailə qurdu 21-02-2018, 14:43 Araz Abdullayev dirəyi nişan almaqda Messi ilə yarışa bilər 21-02-2018, 14:41 Ağabala ötən tur lideri, bu dəfə izləyicisini çökdürdü 21-02-2018, 14:40 Hallidey “Qəbələ”yə görə hələ də özünü qınayır 21-02-2018, 14:39 “Hakimlər axırda məni dəli edib, çöllərə salacaqlar” Bütün xəbərlər
Ən çox oxunanlar