27 yan 21:33Yazar

“Auf Wiedersehen“ deyin, getsin

Dünyada bəlkə də yeganə millətik ki, əlimizin duzu yoxdu. Kimə əl tutub yaxşılıq ediriksə, əvəzində başımızda qapaz görürük. “Niyə”nin cavabını tapmaq üçün ölkəmizə gəlib-getmiş xarici futbolçu və məşqçiləri az sorğu-suala çəkməmişəm. Yekun nəticə: günahkar özümüzük, onlar yox. Əcnəbini görən kimi bağrımıza basıb evin yuxarı başında yer göstərən bizik. Əcnəbini görən kimi ona yazığı gələn bizik. Əcnəbini görən kimi yaxınlarımıza demədiyimiz dərd-səri, sirri onlarla bölüşən bizik. Özümüzü əcnəbinin yanında aşağılayan da bizik. Sən, mən, o, ya da İsgəndər – fərq etməz. Bu bizim qanımızdadı, belə yoğrulub xəmirimiz. Böyüklərdən gördüyümüz bu hörmət əlamətlərini gələcək nəsillər üçün qoruyub saxlamağı özümüzə borc bilirik. Çox nahaq!
Yeddi ilə yaxın müddətdə çörəyimizi yeyib suyumuzu içən, neftin milyonlarını Almaniyaya daşıyan, neçə-neçə azərbaycanlı futbolçunun “belini qıran”, dəfələrlə jurnalistlərə hörmətsizlik edən Berti Foqts yadınızdan çıxmayıb ki? Həyatında görmədiyi diqqət və qayğı ilə Azərbaycanda rastlaşan qoca alman millimizə heç nə qazandırmadan getdi. Məntiqlə, vətəninə çatan kimi, bu diyardan, bizlərdən ağızdolusu danışmalı, almanlarda ölkəmizə və xalqımıza rəğbət qazandırmalıydı. Azyaşlı uşaq belə Foqtsun açıqlamalarını oxuyanda Azərbaycana səfər etməyin xəyallarını qurmalıydı. İkinci dərəcəli alman futbolçular ölkəmizdə top qovmaq üçün alışıb-yanmalıydı. Etmədi, danışmadı. Şahmatla sosiskanı təbliğ etməkdən başqa bir işə yaramadı.
Robert Prosineçkinin üzünü gördüyüm ilk günü yaxşı xatırlayıram. 2014-ün payızında “Dalğa”da “Neftçi”ylə “Xəzər Lənkəran” qarşılaşırdı. Hələ oyunun gedişində xorvatın “skay-boks”da olduğunu eşidəndə az həvəslənməmişdik. İçimdə “Robi”dən müsahibə almaq istəyi “böyük oyun”un yekun nəticəsini o dərəcədə arxa plana keçirmişdi ki, 90 dəqiqə 90 ilə bərabər olacaq qədər çox gəlmişdi. Oyun başa çatan kimi verdiyimiz sualların tərcüməsini həvəslə dinləyir, elə həmin həvəslə də cavablayırdı. Nə suala limit vardı, nə vaxta. Gülər üzünü, səmimiyyətini görəndən sonra Foqtsa lənət yağdırırdıq. “Əsl məşqçi belə olar” deyib, xorvatın dalınca düz avtomobilinə əyləşənə qədər baxdıq.
Çox keçmədən rəsmi müqaviləyə imza atdı və beləcə yığmadakı işinə start verdi. O səmimiyyəti, münasibəti qoruyub saxlamaqdaydı. Az qala bütün oyunları canlı izləyir, qarşısına çıxan jurnalistin müsahibə almaq istəyinə “baş üstə” deyirdi. Mətbuat konfranslarındakı təmkinli davranışları da öz yerində. Həm ayrı-ayrılıqda, həm də kollektiv şəkildə klub məşqçiləri ilə görüşdüyü günlər yaddaşlardan silinməyib. Elə ötən ilin yanvarında Antalyaya səfər edib, bir-bir premyer-liqa təmsilçilərinə baş çəkməsi da danılmaz faktdı. Qısası, başına and içdiyimiz günlər vardı.
Ta ki, ölkəmizlə, insanlarımızla lap yaxından tanış olana, millidə nəticə verənə qədər. Zaman və mühit digərləri kimi, “Robi”ni də dəyişməyə məcbur etdi. Öncə qələm əhlinə olan səmimiyyətini itirdi, daha sonra premyer-liqa oyunları zamanı stadionlara olan marağı. Xorvatiya ilə matçdan öncəki mətbuat konfransında azərbaycanlı jurnalistin sualına ağzını əyərək cavab verən baş məşqçi bir neçə dəqiqə sonra xorvat həmkarımızın sualını gülərək cavablamasından sonra hər şey gün kimi aydın idi. Həmin aydınlıq özünü bu ayın ortalarında – Prosineçki Bakıda qalmağı Antalyaya yollanmaqdan üstün tutanda göstərdi. Qara qızın dərdi var imiş, sən demə. Türkiyədən gələcək xüsusi qonaqlarının yolunu gözləyirmiş başımızın üstünə qaldırdığımız məşqçi. Antalyaya getmək ona sərf etmirdi. “Bursaspor” rəsmiləri Bakıya yox, ora gedəcəkdi ki, bu da heç bir halda xorvata sərf etmirdi.
Türklər onun dalınca paytaxtımıza gəldi. Gözləmək olardı ki, Prosineçki razılıq vermək nədi, qonaqlara heç çay süfrəsi arxasında oturmadan “çox sağ ol” deyib geri çəkiləcək. Sən saydığını say... “Bursaspor”la anlaşıb karyerasını yenidən Türkiyədə davam etdirmək kişinin lap ürəyindən imiş. Belə olmasaydı, özü və meneceri bursalılara sevgi mesajları göndərməz, hansısa biri “bizim Azərbaycanda görmək istədiyimiz böyük işlər var, millini yarıyolda qoyub getmək adımıza yaraşmaz” sözlərini dilə gətirərdi. Onun Türkiyəyə meyil salması Azərbaycanda yaşamaq istəmədiyinə, başını götürüb burdan qaçmağa hazır olduğuna işarə idi. Sözü atmışdı ki, Rövnəq Abdullayev də olmasa, Elxan Məmmədov tutsun. Tutdular, amma davamını bizə yox, özlərinə layiq şəkildə gətirdilər. Nəticəni, reklamı, şəxsi nüfuzu mənəvi dəyərlərdən üstün tutdular.
Evimə bir həftəlik qalmaq adıyla gəlib, üç gün yatandan sonra dördüncü gün başqa bir qohumun bahalı yatağında gecələmək üçün mənə “getmək istəyirəm” deyən adamı zorla saxlamaram. Dalına bir təpik də vuraram ki, pilləkənləri tez düşsün. AFFA rəhbərliyi Prosineçkiyə bu cür davranmalıydı. Adam düz bir ay öncə qəzetimizə verdiyi müsahibədə pulla bağlı bütün suallarda mənəvi dəyərləri qabartmışdı. Pulun onun üçün həlledici amil olmadığını dilinə gətirmişdi. Deməli, xorvatın Bursada işləmək istəyinin arxasında maliyyə şərtləri dayanmır. Sadəcə, ya burdakı mühitdən, gördüyü insanlardan, futbola yanaşmadan bezib, ya da adam aktiv fəaliyyətlə məşğul olmaq istəyir. Yəni hər gün meydana ayaq basıb, hər həftəsonu texniki zonada durmaq sevdası var. Belə adama görə 2 milyon təzminat haqqı tələb edib millidə qalmasına nail olmaq dizləri yerə atıb yalvarmaqdan betərdi. “Heç yerə getmə, sənsiz ölərik” – budu mənası. Əcnəbi məşqçinin qalması kimlərəsə sərf edir çünki.
Halbuki təzminat haqqını razılaşdırıb “Robi”yə qapını göstərmək ən sərfəli üsul idi. “Sükan”ı da verirdin Qurban Qurbanovun əlinə, yığma ilə “Qarabağ”da paralel çalışırdı. Ürəyi Türkiyədə olan Prosineçki bu addımı ilə millimizə olan “sədaqətini”, bizə olan “hörmətini” göstərdi. Beləsinə isə aramızda yer olmamalıdı. Gətirin Qurban Qurbanovu, xorvata da “Auf Wiedersehen“ deyin, getsin!
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
19-07-2017, 16:56 Tahir Baxşıyev yorğunluqdan gileyləndi 19-07-2017, 16:53 Nazim Babayev yenə Avropa çempionu oldu 19-07-2017, 16:51 Qadınlar Astarada toplanış keçir 19-07-2017, 16:48 Ölkə kubokunun qalibləri müəyyənləşdi 19-07-2017, 16:42 Dünya çempionu xanıma əl qaldırıb? 19-07-2017, 16:42 Eltac Səfərli dünya ulduzları arasında 19-07-2017, 16:35 Yığmada dağıstanlı futzalçı 19-07-2017, 16:33 AFFA hakimlərin Bolqarıstan toplanışını ləğv etdi 19-07-2017, 16:32 “Fola” – “İnter” matçı 29 yaşlı hakimə tapşırıldı 19-07-2017, 16:31 “Qarabağ” Nikaraqua millisinin üzvünə 400 min təklif edib 19-07-2017, 16:26 “Qəbələ” Polşada dəstəksiz qalmayacaq 19-07-2017, 16:24 Yığma üzvü “Zirə”nin potensial rəqibini seçdi 19-07-2017, 16:23 Dəniz Yılmaz “Bursaspor”da qaldı 19-07-2017, 16:21 Yordanesku Abbasovu qabaqlayacaq 19-07-2017, 16:14 Şəfizadə Braziliyada gördüklərini “Futbol+”lə bölüşdü 19-07-2017, 16:11 “Sumqayıt” Bolu toplanışına məğlubiyyətlə başladı 19-07-2017, 16:06 Orxan Hüseynzadə “Neftçi” haqda gizli heç nə saxlamadı 19-07-2017, 16:02 “Kəpəz”in legionerləri gəldi 19-07-2017, 16:00 Göyçə mahalı divizionda təmsil olunacaq 19-07-2017, 15:59 “Forza Neftçi” rəhbərliyi və məşqçilər korpusunu istefaya səslədi 17-07-2017, 23:43 Rəsul Çunayev yenidən dünya lideridi 17-07-2017, 23:42 BŞH beş könüllünü İtaliyaya göndərəcək 17-07-2017, 23:40 Teymur Rəcəbov Cenevrədə “partladı” 17-07-2017, 23:38 Millimizdə yeni braziliyalı 17-07-2017, 23:37 “Kəpəz” Türkiyədədi, yeni transferi Bakıda 17-07-2017, 23:29 Finalın hakimi “Qarabağ”ın oyununda 17-07-2017, 23:27 Tərlan Əhmədov diviziondan aldığı üç təklifi geri çevirib 17-07-2017, 23:25 Tiflisdə “Qarabağ”ın oyununa maraq azdı 17-07-2017, 23:24 “Sumqayıt” superliqa təmsilçisinə qarşı 17-07-2017, 23:22 “Qəbələ” artıq Polşadadı 17-07-2017, 23:21 Fanatları “Qarabağ”a Tiflisdə möhtəşəm dəstək vəd etdi 17-07-2017, 23:19 “Zirə” – “Astra” matçı üçün 6400 bilet 17-07-2017, 23:17 “Qarabağ” kubokla erkən vidalaşdı 17-07-2017, 22:31 “Səbail” meydana çıxa bilmədi 17-07-2017, 22:30 “Qarabağ”lılar “Ayaks”da və “Qalatasaray”da 17-07-2017, 22:28 TRANSFER DOSYESİ 17-07-2017, 22:26 Oqtay Dərəlioglu “qızıl oyun”u yada saldı 17-07-2017, 22:25 Vüqar Latviyada dubl etdi, Renat isə ABŞ-da fərqləndi 17-07-2017, 22:23 “Qaradağ Lökbatan” beş yoxlama oyunu keçirəcək 17-07-2017, 22:22 Antonov “Çernomorets”ə qayıtdı 17-07-2017, 22:20 “Ölkəmdən imtina edənlərdən ikisi də biz olduq” 17-07-2017, 22:16 “Neftçi” “Binə”yə bir qol vurdu 16-07-2017, 16:56 Elməddin Məmmədov Qırğızıstandan “Səbail”ə baxışa gəlməyə razı olmayıb 16-07-2017, 16:53 Gürcüstan mətbuatı: “Kalkulyatorun hesablaya bilmədiyi nəticə - 0:5” 16-07-2017, 16:51 Təmsilçilərimiz növbəti mərhələdəki rəqiblərini tanıyır 16-07-2017, 16:49 BFL-in təsisçisi həyəcan vəd edir 16-07-2017, 16:48 “İnter”dən yubiley qələbəsi və rekord 16-07-2017, 16:38 Heç-heçə Fariz Nəcəfovu təəccübləndirməyib 16-07-2017, 16:36 Teymur yenidən vahid lider oldu 16-07-2017, 16:35 “Zirə” ikinci yarıda çökdü 16-07-2017, 16:32 “Bakcell Arena”da “Neftçi”nin loqosu örtüldü 16-07-2017, 16:30 Reynaldo Türkiyəni İsveçrəyə dəyişir 16-07-2017, 16:28 Reaksiyalar 16-07-2017, 16:25 “Qəbələ”dən təhlükəli start 16-07-2017, 16:23 Qriqorçuk cavab görüşündə yaxşı oynayacaqlarına ümid edir 16-07-2017, 16:20 Mamrot şansları bərabər sayır 16-07-2017, 15:20 “Kəpəz”ə məğlubiyyət Elxan Abdullayevi narahat etməyib Bütün xəbərlər
Ən çox oxunanlar