22 yan 23:43Yazar

Uçub gedən “uğurlar”

Dostlardan biri telefonuma SMS göndərib. Deyir ki, Elxan Məmmədovun “ağır ayağı” “Bursaspor”u “xoşbəxt” etməkdə davam edir. “Yaşıl timsahlar” superliqada olduğu kimi, Türkiyə kubokunda da məğlubiyyətləri sıralayır. Sonuncu turda Həmzə Həmzəoğlunun komandası öz meydanında güclü rəqib sayılmayan “Akhısar Bələdiyyəsispor”a uduzub. Özü də böyük hesabla – 1:4. Əlbəttə ki, bütün bu nümunələr işin zarafat tərəfidi. Türkiyə çempionatında yarışan bir komandanın, yaxud da İngiltərə premyer-liqası təmsilçisinin uğursuzluğunda Elxan Məmmədovun heç bir rolu ola bilməz. Sadəcə, çox hörmətli baş katib əksər hallarda özü-özünü gülünc vəziyyətə salır. Azərbaycan futbolunun yalançı inkişaf nəğmələrini oxuyarkən elə ucuz arqumentlərdən yapışır ki, sonradan onun həmin sözlərini, davranışlarını gülüş hədəfinə çevirməmək olmur.
Ötən yazımda sadaladıqlarım adət-ənənələrlə, sınaqlarla bağlı olanlar idi. Bu dəfə isə başqa nümunələrə diqqət edək. Görəcəyik ki, Elxan Məmmədovun əvvəl bəh-bəhlə təriflədiyi, uğur kimi təqdim etdiyi nüanslar sonradan necə üz qızardır. Bir az uzaq keçmişə boylanan kimi klublarda Müşahidə Şurasının yaradılmasını xatırlayırıq. Birvaxtlar cənab Məmmədov bu şuraların uğura gedən yolun açarı olduğunu deyirdi, “şuralaşmayan” klubların cəzalanmasından belə söz açırdı. Elə ki gördü o oxuyan nəğmələri vecinə alan yoxdu, bir az yumşaldı. Başladı özündən yeni Amerika kəşf etməyə, İcraiyyə Komitəsinin hüququ qüvvəsi olan qərarına tövsiyyə donu geyindirməyə. Sən demə, biz başa düşməmişik. İK klublara tapşırıq yox, tövsiyyə veribmiş ki, istəsəz, özünüz üçün Müşahidə Şurası yarada bilərsiz. Sonrası isə daha gülməli oldu. Çingiz Abdullayevin rəhbərlik etdiyi Müşahidə Şurası elə baş katibin özünə sərf edən formada “Neftçi”ni uçurumun kənarına gətirdi. Elə həmin məqamda da cənab Məmmədov illərlə fırlanan valı geri oxutdurmağa başladı. Bu dəfə də dedi ki, “ay yoldaşlar, bizim təklif etdiyimiz Müşahidə Şurası bu deyil. Biz demişdik ki, Müşahidə Şuraları yaradılsın, amma idarəetməyə, transferlərə müdaxilə etməsin. Eləcə stadiona yığışıb, futbola baxa-baxa çaydan-kofedən, ürəkləri istəyəndə şərab və viskidən içsinlər, dağılışsınlar”.
Göründüyü kimi, bizim baş katib valları dəyişdirməkdə, öz ağzından çıxan sözləri cürbəcür mənalar yozmaqda ustaddı. Bəlkə də elə bu məharətinə görə onu UEFA-nın baş ofisinə aparmaq, Avropa futbolunun “fırladılması” istiqamətində daha yaxşı faydalanmaq fikrinə düşüblər. Həmkarlarım ötən ilin son günlərində Elxan bəydən müsahibə götürmüş, ondan 2016-cı ilin uğurlu məqamları barədə soruşmuşdular. Cavabı birlikdə xatırlayaq: “Əsas sevindirici hal futzal yığmamızın dünya çempionatının final mərhələsinə vəsiqə qazanması oldu. Məncə, bu, bizim üçün böyük nailiyyətdi. Hər halda, mundialda 5-ci yer çox yaxşı nəticədi. Çimərlik futbolu da bizi çox sevindirdi. 2008-ci ildə Çimərlik Futbol Federasiyasını yaradanda millimizin B divizionundan A divizionuna vəsiqə qazanması arzusu ilə yaşayırdıq”. Baş katibin sözünə “qüvvət” futzal yığmamızın baş məşqçisi Miltinyodan gəldi. Yeni il ərəfəsində Braziliyaya yollanan mütəxəssis Azərbaycana qayıtmaqdan imtina edib. Hamımız bilirik ki, onun gedişi son dövrlərdə millinin baş məşqçilərinin 3-cü müəmmalı qaçışıdı. Bir ətək pul tökürük, amma əcnəbi mütəxəssislər Azərbaycanda çalışmaq istəmirlər. Hamı Berti Foqtsla Robert Prosineçki ağılda, rahat pul qazanmaq həvəsində deyil axı. Həmkarım Mirağa sağ olsun, çox maraqlı yazıyla bizi futzalımızın acınacaqlı durumu ilə tanış edib. Özünə hörmət edən əcnəbi çalışdırıcılar Azərbaycanda futzalın heç bir perspektivinin, marağının olmadığını, çempionatın rəqabətsizliyini, yerli futzalçıların yetişməsi üçün şəraitin yoxluğunu anlayan kimi dabanlarına tüpürürlər. Futzal Federasiyasının rəhbərliyi isə onlardan yalançı inkişafın parçasına çevrilməyi, axına qoşulub üzməyi tələb edirlər. Zorla deyil ki, adamlar istəmir də. Dünya çempionatına yüksəlməyimizin eyforiyasından “Araz”ın UEFA kubokundakı fiaskosundan sonra yaxşıca ayıldıq. Təəccüblü deyil ki, ötən ilin uğurlarından danışan baş katib futzalımızın inkişafından bəhs edərkən ona “Araz”ı xatırlatmayıblar.
Elxan bəyin çimərlik futbolu ilə bağlı dedikləri də xeyli məzəli alınıb. Olmaya yaşıl otun üstündə oynadığımız futbolla uzağa gedə bilmədiyimizi anlayıb, gücü qumsallıqdakı “top-topa” verəcəyik. Biabırçı nəticələr olanda da Zaur Ramazanovun dediyi kimi, başımızı quma soxub, gizlənməyə çalışarıq. Təəssüf ki, çimərlik futbolunun “inkişaf”a qədəm qoyduğu bir vaxtda Zeynal Zeynalov “başqa işə keçdi”, baş məşqçi postundan ayrıldı. Heyf, olduqca maraqlı fiqur idi. Dünyanın işi belədi, cənab Məmmədov. İl dəyişən kimi yalançı uğurlar da uçub getdi.
А мне этот автомобиль понравился большле всех
-----

рихтовка авто

Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 17:52 İslamiada xəbərləri Dünən, 17:51 Şəhriyar liderliyini davam etdirir Dünən, 17:49 Yaşar Vahabzadə yekun qərarını 29-dan sonraya saxladı Dünən, 17:48 Misir Əbilovun komandası Mingəçevirdə qoçuluq edib Dünən, 17:47 Şimali İrlandiya ilə “Tofiq Bəhramov”da qarşılaşacağıq Dünən, 17:38 PFL “İnter”ə “Qarabağ” və “Qəbələ”dən az medal verdi Dünən, 17:35 Premyer-liqanın bombardiri kim olacaq? Dünən, 15:59 İlk oyunda məğlubiyyət Dünən, 15:58 Mövsümün ən az qol vurulan turu Dünən, 15:49 İlk altı çempionatla bağlı əcaib mənzərə Dünən, 15:47 “Qəbələ” Tiflisdə 6-cı oldu Dünən, 15:45 FİFA referiləri İslamiadada! Dünən, 15:39 “Gümüş”lə “bürünc”ün taleyi qərbdə həll olunur Dünən, 15:38 İntizam Komitəsi “Neftçi”nin məğlubiyyətini rəsmiləşdirdi Dünən, 15:36 TURUN MƏŞQÇİSİ Dünən, 15:35 TURUN SİTATI Dünən, 15:33 TURUN OYUNÇUSU Dünən, 15:32 HAKİMLƏRİN MÜHAKİMƏSİ Dünən, 15:31 Xaqani Məmmədovun köməkçisi qovuldu Dünən, 15:29 Maşallah Əhmədovla bağlı DGK-ya sorğu göndərilib Dünən, 15:28 “İnter”lilər mayın 10-na qədər gözləyəcək Dünən, 15:27 “Neftçi”yə yeni rəis gəlir Dünən, 15:25 “Neftçi” rəhbərliyi məşqçilər korpusunu cərimələdi Dünən, 15:23 “Forza Neftçi” qərarını verdi Dünən, 15:20 Teymur Rəcəbov Olimpiadadakı uğursuzluqdan danışdı Dünən, 15:18 Şəhriyar Məmmədyarov Rusiya klubuna keçib Dünən, 15:16 Yunanıstana geniş heyətlə Dünən, 15:12 Pevtsov iki pillə irəlilədi Dünən, 15:11 Ən güclü boksçular müəyyənləşdi Dünən, 15:10 Tokioda medala yaxın düşmədilər 26-04-2017, 20:32 Türk oğlu türkəm, kürd oğlü kürdəm, ləzgi oğlu ləzgiyəm, talış oğlu talışam! 26-04-2017, 20:31 BƏM-dəki ziyafətə 100 mindən artıq xərc çəkilib? 26-04-2017, 20:29 Məşqçilər qədər Abışovla Barqas da günahkardı 26-04-2017, 20:27 “Bakılı” “Səbail”i yenməyə köklənib 26-04-2017, 20:26 “Energetik” həkimin ümidinə qalıb 26-04-2017, 20:23 Svanadze: "Məni yox, amma uşaqları istəyən komandalar var" 26-04-2017, 20:18 “Qol yağışı” "gümüş" və "bürünc" medalçıları müəyyənləşdirdi 26-04-2017, 20:09 İslamiada xəbərləri 26-04-2017, 20:07 Azərbaycan derbisində yenə “sülh” 26-04-2017, 20:05 Kseniya “Beşiktaş”la sevindi 26-04-2017, 20:04 Dadaşov məyus oldu 26-04-2017, 20:02 Lider büdrədi, ancaq yıxılmadı 26-04-2017, 20:00 Qapıçılar üçün A kateqoriyalı kurs 26-04-2017, 19:50 Ağdamın tanınmışları Gözəllə razılaşmadı 26-04-2017, 19:49 Nadir Qasımov “Bakılı”dan ayrılıb 26-04-2017, 19:47 Elxan Məmmədov çempionu mükafatlandırdı 26-04-2017, 19:43 AZAL “Zirə”yə təslim olacaq? 26-04-2017, 19:42 Qızlar qayıtdı, oğlanlar getdi 26-04-2017, 19:40 “Forza Neftçi” “Qarabağ”la oyuna getməyəcək 26-04-2017, 19:38 Rekordla uzlaşmayan biabırçı səhv 26-04-2017, 19:35 Gümüş “Qəbələ”nin, bürünc “İnter”in oldu 25-04-2017, 01:08 “Neftçi”nin dünənki və 8 il sonrakı biabırçılığı 25-04-2017, 01:03 Abdulbari Gözəl: “Bizi artıq ölkə daxilindəki qələbələr qane etmir” 25-04-2017, 01:01 Çempion “Sumqayıt”ın arzusunu puç etdi 25-04-2017, 00:57 Qurban Qurbanov mükafatlandırmaya çıxmadı 25-04-2017, 00:55 "Kəpəz" şansını son tura saxladı 25-04-2017, 00:52 “Gümüş” üçün məğlubiyyət də yetər, təki... Bütün xəbərlər
Ən çox oxunanlar