04 yan 11:58Yazar

Kəsilməyən hind quşunun nağılı...

- 2017-nin yaddaqalan hadisələri ilə bağlı yazı hazırlayın!
- Elə bir hadisə olmayıb axı. Olanlar da şəxsi həyatla bağlıdı ki, onları qəzet səhifəsinə çıxara bilmərəm.
- Deməli, bu il ərzində redaksiyada heç bir olay yadında qalmayıb?
- (fikirləşirəm) Redaksiya ilə bağlıdısa, xüsusi olaraq “hinduşka” (hind quşu) əhvalatını” xatırlayıram. Onu yazım?
- Problem deyil, yaz.
Dekabrın 27-də “Futbol+”in ilin sonuncu nömrəsi ilə bağlı planlaşdırmasında baş redaktor Mahir Rüstəmli ilə aramızda yaşanan dialoqu diqqətinizə çatdırdım. Bəli, məhz “hinduşka əhvalatı”. Məzəli olay haqda bir qədər haşiyə çıxandan sonra.
Bu günə qədər Mahir müəllim yetirmələri haqda danışıb, verdiyi müsahibələrdə biz və bizə qədər çalışanların xüsusiyyətlərindən, iş bacarığından söz açıb, oxucuların bilmədiklərini diqqətə çatdırıb. Bu günün özündə də idman jurnalistikasına möhürünü vurmuş Rüstəmli haqda nəsə yazmaq, onun xarakterindən bəhs etmək bəlkə də düzgün deyil. Amma xeyir-duanı özü veribsə, həyata öz baxış bucaqları olan jurnalistikadakı müəllimim barədə cızma-qara etməklə səhvə yol vermiş olmaram.
Mahir müəllim sözün əsl mənasında unikal biridi. Kiminsə cırıq şalvar geyməsini qəbul etmədiyi halda, özü “Tommy Hilfiger”dən qırmızı köynəkdə gəzməyi normal sayır. Ya da birinin “sükan” arxasında telefonla danışmasını yanlış qiymətləndirir, halbuki şəxsi avtomobilinin istismar müddəti çoxdan bitib. 5 ildə nə qədər üstünə düşsək də, maşını yenisi ilə əvəzləmək istəmir ki istəmir. Dədə-babalardan qalmış adət-ənənələrin tərəfdarıdı deyə bəzən mübahisələrimiz futbol mövzusunda olan müzakirələrdən daha çox vaxt aparır. Təxminən 15-20 gün əvvəl isə redaksiyanın Yeni il tədbiri ilə bağlı təklifini eşidəndə başımdan tüstü çıxdı. İndinin özündə də yadıma düşəndə alovlanıram.
Deməli, baş redaktorumuzun fikrincə, “hinduşka” məclislərdə elit təam sayılır, bu heyvanın ətindən hazırlanan kabab yeməklərin şahıdı. Ona görə də budəfəki məclisdə mütləq “hinduşka” kəsilməliydi. “Hinduşka”ya sözüm yoxdu, amma siz ətin masaya gələn vaxta qədərki prosesə baxın. Rüstəmli bir-iki nəfəri də götürüb gedir “hinduşka” almağa. Alırlar, kəsdirirlər, atırlar maşının baqajına. Gətirirlər şəhərin mərkəzinə - redaksiyanın yerləşdiyi Ələşrəf Əlizadə, 31-ə. Lap dəqiq deyəcəm, Azərin kafesinə. Çiy əti verirlər kababçıya, o da ən qısa müddətdə əti şişə düzüb istədiyimizi əmələ gətirir. Əla, bundan yaxşısı ola bilməz.
- Mahir müəllim, bəs harda otururuq?
- Redaksiyada, lap elə sizin otaqda.
- 20 nəfərə yaxın adam balaca otağa yığışaq?
- Heç bir problem yoxdu.
- Mahir müəllim, kababla iş bitmir axı. Bunun salatı, qəlyanaltısı, turşusu var axı. Üstəgəl, Yeni il şənliyi adlandırdığımız məclisdən sonra qabları da özümüz yumalıyıq? Yazı masalarının üstünə qəzet sərib, onun üstündə yeyib-içək?
- Heç bir problem yoxdu. Elə ən ləzzətlisi budu da. Turşuya görə narahat olma, 3 kiloluq şüşədə turşunu mən gətirəcəm. Qalanlarına bir şey fikirləşərik.
- Bəs oynamaq?
- Dəhlizdə yerimiz var, o da problem deyil.
Və beləcə, başda şöbə redaktoru Kənan Həsənov olmaqla uşaqlar baş redaktorun təklifini dəstəkləyir. Təxminən 17 nəfərlik siyahı hazırlanır, adambaşı 15 manatdan toplamağa hamı razılıq verir. Dekabrın 30-da redaksiyada yığışıb “hinduşka” kababı yeyəcəkdilər. Elit yeməkdi.
Həmin məclisdə iştirak edəcəyimə qərar vermədiyim günün axşamı yolum təsadüfən şəhərin mərkəzinə - “Port Baku”nın düz yanında yerləşən restoranlardan birinə düşür. Obyektin inzibatçısına “bu cür yerdə qiymətləriniz əladı” demişdim ki... Sən demə, restoranın banket zalı və ayrıca otaqları da var. Keçib baxırıq, bəyənirəm. Və ən vacibi, orda olduğumuz müddətdə karaoke aparatı pulsuz xidmətimizdə olacaq. Hansı mahnını istəyirsən oxu, istəyirsən oyna. Masanın üzərinə qəzet səhifələri yox, süfrə səriləcək. Masanı özümüz yox, ofisiantlar bəzəyəcək. Sonda da qabları yudurtmaq üçün adam axtarmayacayıq, mətbəxlərində qadın var. Əsl bəy balası kimi, ye, iç, oxu, oyna, əylən. Bundan gözəl şənlik? Qiyməti adambaşına 25 manat. “Hinduşka” süfrəsindən cəmi 10 manat artıq. Menyunu qatlayıb cibimə qoyuram, səhər gəlirəm işə.
Yenə iclas, yenə planlaşdırma, iradlar və təkliflər. Cibimdəki vərəqi Mahir müəllimə təqdim edirəm. Baxır, fikirləşir, “hinduşka”sından əl çəkmir ki çəkmir. Səsverməyə qoyuruq, uşaqlar sağ olsunlar, tədbiri restoranda qeyd etməyə qərar verirlər. İnsaf naminə, istəyin reallaşmasında qəzetin sahibi Vüqar Məmmədovun da xüsusi payı olur. Daim işçilərinin arxasında duran, bacardığı dəstəyi verən Vüqar bəy əlini cibinin dərinliyinə salandan sonra bu gün Yeni il şənliyini istədiyimiz məkanda qeyd etməkdə problem qalmır.
Bu dəqiqə “hinduşka”nın harda olduğunu bilmirəm. Amma biz – “Futbol+” kollektivi saat 14.30-da restoranda yığışacağıq. Mahir müəllim şəxsən orda olacaq. Sevdiyi heyvanın sağlığına da bir badə qaldırarıq ki, “hinduşka olayı” 2017-də qalsın.
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
16-10-2018, 18:25 “Araz”ın uğursuzluğu Zaur Axundovu qəzəbləndirməyib 16-10-2018, 18:22 U-13 liqasında “Laçın”ın baş məşqçisi hakimin burnunu qırdı 16-10-2018, 18:21 Stuxlik Xaqani Məmmədovu “kəsib”? 16-10-2018, 18:19 Ramil Şeydayev topdaşıyan rolunda 16-10-2018, 18:18 Malta ayağımızın altını qazdı 16-10-2018, 18:15 Haşımov Bebeki bəyənib 16-10-2018, 18:14 “Mahir oyundan sonra paltardəyişmə otağında ağlayırdı” 16-10-2018, 18:11 AFFA üçün sponsorluq müqaviləsi 16-10-2018, 18:09 "Neftçi" “parçalandı”, “ağlar” qalib gəldi 16-10-2018, 18:08 Kvaratsxeliya konfransı açıq elan etmək hüququna malikdi 16-10-2018, 18:07 Yığma üzvlərinin qiymətləndirməsi 16-10-2018, 18:04 Həftənin idman proqramı 16-10-2018, 18:03 Xal itirməyən iki komanda qaldı 16-10-2018, 18:01 “Keşlə” divizionun liderini darmadağın etdi 16-10-2018, 18:00 Yaxşı ki “Səbail” var… 16-10-2018, 17:59 Dadaşovlu “Eştoril” son anda xilas oldu 16-10-2018, 17:57 “Xəzər Lənkəran”a uduzduq… 16-10-2018, 17:56 “Sumqayıt”da Diaçenkonu həmyerlisi əvəzləyəcək 16-10-2018, 17:54 Samir Abasov sabiq komandasını üstələdi 16-10-2018, 17:52 “Xilə”yə “Royal Holding” sponsorluq edir 15-10-2018, 14:02 Sabah “Futbol+”də 14-10-2018, 16:36 Firdovsi Umudov proqnoz verməkdən çəkindi 14-10-2018, 16:33 Vüqar Nadirov “Baku City”ni atıb premyer-liqaya getməyəcək 14-10-2018, 16:31 Federasiya rəsmisi legionerlərsiz nəticə qazanmağın çətin olduğunu etiraf etdi 14-10-2018, 16:30 “Sumqayıt” 8 min manat cərimələnən məşqçisiylə yolları ayırdı 14-10-2018, 16:26 Yenilmək növbəsi Maltanındı! 14-10-2018, 16:24 “Milli dəstə” tarixinin ən bahalı səfərini gerçəkləşdirib 14-10-2018, 16:22 Olsen komandasının bəxtinin gətirmədiyini düşünür 14-10-2018, 16:07 Rəşad Sadıqov Renatı maya qədər yığmaya dəvət etməyəcək 14-10-2018, 16:04 Stuxlik hakimlərdən test götürdü 14-10-2018, 16:02 Vaqif Sadıqovla Şakir Qəribov U-21-i tək qoymadı 14-10-2018, 16:00 “Araz” “Liman”a “bərk çırpıldı” 14-10-2018, 15:57 “Həmişə milliyə dəvət alıb, oynamağı düşünürdüm” 14-10-2018, 15:54 Üçgünlük səfər, hər gün üçün bir qol 14-10-2018, 15:51 Mütəxəssislər oyunu yox, nəticəni qabartdı 14-10-2018, 15:47 Kiril Petrov ilk dövrədən razıdı 12-10-2018, 22:56 Vüqar Əsgərli U-19-un çıxışını dəyərləndirdi 12-10-2018, 22:54 “Uğur” Region Kubokunda zəif heyətlə oynayıb 12-10-2018, 22:53 Atilla Türkiyədə keçirdiyi 7 mövsümü itirilmiş sayır 12-10-2018, 22:51 “Sumqayıt” Orxan Əliyevlə gücləndi 12-10-2018, 22:50 Kobaxidze bərpa dövrü keçir, Vasin isə meydana çıxmağa can atır 12-10-2018, 22:48 Çəlikəl akademiyanın məşqçiləri ilə nələri müzakirə edib? 12-10-2018, 22:27 Rusiyalı hakimlər obyektivlikdən kənara çıxmadı 12-10-2018, 22:25 Bebek 5-ci dəfə Bakıya gəlir 12-10-2018, 22:25 Maltanın baş məşqçisi və qapıçısı nikbindi 12-10-2018, 21:51 Yığma üzvlərinin qiymətləndirməsi 12-10-2018, 21:48 “Rüfəti əsas heyətdə buraxmaqla bir qədər risk etdim” 12-10-2018, 21:47 Üç azarkeş üçün üç qol 12-10-2018, 21:44 İnamlı və önəmli qələbə 12-10-2018, 21:43 Yerli mütəxəssislər Adil Mahmudovun cavabını verdi 12-10-2018, 21:41 Roberto Bordin yeni imicdə 12-10-2018, 21:40 Arif Əsədov yeni komitədə təmsil olunacaq 12-10-2018, 21:38 Qadın voleybolçularımız antirekordu təkrarladı 12-10-2018, 21:35 Faiq Qarayev məşqçi karyerasını başa vurdu 11-10-2018, 19:02 Yenə məğlubiyyət və qrupu sonuncu yerdə bitirmək ehtimalı 11-10-2018, 18:59 Reynaldo Qazaxıstanda Almeyda ilə görüşə bilmir 11-10-2018, 18:57 Sənan Qurbanov “Qəbələ”ni “tərlətdi” Bütün xəbərlər
Ən çox oxunanlar