08 noy 17:22Yazar

Xoş gəlmisən, Kamran!

Kamran Ağayevin personası Azərbaycan futbolu ilə maraqlanan hər kəs üçün cəlbedici olub. Müəyyən zaman kəsimlərində artıb-azalsa da, prinsipcə böyük bir dəyişiklik baş verməyib. Qapıçı kimi yetərincə istedadlı olan Ağayev mətbuatın və azarkeşlərin daim diqqət mərkəzində saxladığı iki-üç futbolçudan biridi. “Çərçivə”də etibarlı dayanmaqla yanaşı, meyxana demək bacarığıyla da tanınıb. Bir dəfə onun polis əməkdaşları ilə necə burun-buruna dayandığını, onlarla əlbəyaxa davaya hazır olduğunu da görmüşəm. Azərbaycan çempionatının həyəcanlı, 5-6 komandanın çempionluq uğrunda yarışdığı vaxtlar idi. Ölkə kubokunun həlledici oyunlarından birində “Bakı” ilə “Xəzər Lənkəran” Respublika stadionunda qarşılaşırdı. Karyerasını bitirməyə hazırlaşan veteran hakim Rövşən Əhmədovun idarəçiliyi əsəbləri tarıma çəkmiş, həm meydanda, həm də ordan kənarda aləmi bir-birinə qatmışdı. Hakimin final fitindən sonra paltardəyişmə otağına gedən yolda iki klubun rəsmiləri, onların cangüdənləri və polis əməkdaşları bir-birinə qarışdı. İlkin müşahidələrə əsasən hakimdən narazı qalan “Xəzər Lənkəran” tərəfinin ona hücuma keçdiyi, meydan sahibi rolunda çıxış edən “Bakı”nın polislərlə birlikdə Əhmədovu qorumağa çalışdığı görünürdü. Davanın qızğın anında gördük ki, Kamran bir polis zabitiylə tutuşub. Çıxış etdiyi klubun rəsmilərinə asayış keşikçilərinin zor tətbiq etməsi, onlardan kiminsə həbs olunması Kamrana xoş getməmişdi. İnandırım sizi, Ağayevin sərt müdaxiləsindən sonra polislər sakitləşdi, dava-dalaş cəhdləri də dayandı. Orda başa düşdüm ki, “Xəzər Lənkəran”ın qapıçısı paytaxt polisinin yanında xüsusi çəkiyə malikdi. “Poqonlular” Kamrana cənub klubunun rəsmilərindən daha çox hörmət edirlər, ondan çəkinirlər.
Bu hadisədən bir müddət sonra Kamranla polislərin mövzusu yenidən gündəmə gəlmişdi. “İdman Azərbaycan” telekanalıyla yayınlanan “Favorit” verlişində Kamran yol polislərinin ona necə hörmətlə yanaşdığından danışmışdı. Xüsusilə vurğulamışdı ki, DYP sıralarında Ağayevin cəriməsini öz cibindən ödəməyə hazır olan, bunu əməldə isbatlayan neçə-neçə əməkdaş var. Heç şübhə etmirəm ki, onun danışdıqları hamısı real idi. Mən stadionda asayişi qorumağa cavabdeh olan polis əməkdaşlarının Kamrandan çəkindiyinə gözümlə şahid olmuş adamam. Belə birinə yol polisləri niyə hörmət etməsinlər, onun cəriməsini nə üçün ciblərindən ödəməsinlər?!
Kamran yeganə futbolçudu ki, onun oynadılması üçün AFFA rəhbərliyi “Xəzər Lənkəran”a ağız açıb, klub rəhbərliyinə minnətçi düşüb. Çempionatımızın indiki vaxtında belə bir şeyi təsəvvürə gətirə bilərsizmi? İndi premyer-liqadakı 8 klubdan beşi AFFA-ya tabedi, onlara ağız açmağa ehtiyac yoxdu, barmaq işarəsi kifayətdi. Qalan üçü də AFFA-nın bir sözünü iki etməz, məsələni böyütməzlər. İkincisi, Azərbaycan çempionatında belə bir futbolçu yoxdu ki, klub rəhbərliyi onu cəzalandırsın, heyətdən kənarlaşdırsın. AFFA da məcbur qalıb həmin futbolçuya görə kiməsə ağız açsın. Rumın Mirça Rednikin Azərbaycandan başıaşağı yola salınması prosesindən sonra Kamran heyətdən kənarlaşdırılmışdı. AFFA milli komandanın qapıçısının meydana buraxılması üçün “Xəzər Lənkəran” rəhbərliyinə minnətçi düşmüşdü.
Ötən ilin yanvarında “Boavişta”nın heyətində çıxardığı hoqqadan sonra meydan üzünə həsrət qalan Kamran apreldə Portuqaliyanın ortababından rəsmən ayrıldı. Bundan üç ay sonra isə Çexiya “Mlada Boleslav”ı ilə anlaşan həmyerlimiz hələ də komandasının əsas qapıçısına çevrilməyib. Məsələ ondadı ki, belə yerdə AFFA-nın sözü keçərli deyil. “Boavişta”da onun səhvlərini və meydanda dava salmasını bağışlamadılar. Çexlər də formadan düşən, xarakterində problemlər olan “çərçivə qoruyucusu”na o qədər də ürək qızdırmırlar. İş elə gətirdi ki, Kamran uzun müddətdən sonra əlinə düşən fürsəti də dəyərləndirə bilmədi. Onun “Banik”lə oyunda meydandan qovulma prosesini diqqətlə izlədim. Komandası hesabda irəlidə olan, özü də uzun müddətdən sonra start heyətində meydana çıxmaq şansı qazanan bir qapıçının bu cür davranmağa ixtiyarı yoxdu. Elə təəssürat yaranır ki, Kamran Azərbaycanda əzizlənib, hakimlər tərəfindən o qədər güzəşt görüb ki, şıltaqlaşıb, dəcəl uşağa çevrilib. Bir ölkədə polislərin xüsusi hörmət bəslədiyi qapıçı hakimlərdən niyə güzəşt görməsin?! İndi də bu güzəştlərin altını çəkir. Portuqaliyada və Çexiyada Kamranın ad-sanına, yaxşı meyxana deməsinə və başqa keyfiyyətlərinə məhəl qoyan yoxdu. “Çərçivə”ni qoruyursansa, öz bacarığını orda göstərməlisən. Özü də 90 dəqiqə. 70-75 dəqiqə qapını toxunulmaz saxlamısansa, qalan dəqiqələrdə komandanı azlıqda buraxmağa ixtiyarın yoxdu.
Bunları Kamran da bilir, amma əməl etmir. Bir az biz, bir az da özü günahkardı. Başına sığal çəkə-çəkə, tərifləyə-tərifləyə bura gətirib çıxarmışıq. Onun Türkiyədə “Kayserispor”dan, “Karşıyaka”dan ayrıldığı günləri də xatırlayırıq. Həmişə klub rəhbərləri günahkar olur, özü isə “aydan arı, sudan duru”du. Dünən eşitdim ki, Kamran Bakıya gəlib. Vətən üçün darıxıbmış. Çox da üzərinə getməyək. Onsuz da bundan sonra nəsə dəyişməz. “Xoş gəlmisən, Kamran” deyək.
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 00:02 “FC Baku” qoldan doymur 12-12-2018, 23:59 Səfirlik “İmarət”in dörd üzvünə viza verməyib 12-12-2018, 23:58 Reynaldo “Qarabağ”a qayıdır 12-12-2018, 23:56 "Keşlə" "Mirakl"a getmir 12-12-2018, 23:54 Ruslan şirniyyat həvəsinə qurban gedib 12-12-2018, 23:49 “Qurbanov azı üç tsikl millinin başında olacaq” 12-12-2018, 23:45 Elman Himayətoğlu da vəzifəsindən ayrıldı 12-12-2018, 23:43 Turun statistikası 12-12-2018, 23:41 Turun məşqçisi 12-12-2018, 23:40 Turun oyunçusu 12-12-2018, 23:39 Turun sitatı 12-12-2018, 23:38 Hakimlərin mühakiməsi 12-12-2018, 23:36 BKFF dünən püşk atdı, həftəsonu başlayır 12-12-2018, 23:34 Turdan məqamlar 12-12-2018, 23:26 Ölkə kubokunun püşkü atılacaq 12-12-2018, 23:19 “Bədr Xocalı”ya texniki məğlubiyyət veriləcək 12-12-2018, 23:17 MOİK uduzdu, "Sumqayıt-2" "qış çempionu" oldu 12-12-2018, 23:15 "Neftçi" Ömər Buludovla müqavilə müddətini uzatdı 12-12-2018, 23:13 Adil Nağıyev etdiyi səhvlərin səbəbini tapa bilmir 11-12-2018, 17:05 Həftənin idman proqramı 11-12-2018, 17:03 Nazarov darmadağını izlədi, Şeydayev cəzalandı 11-12-2018, 17:02 Hakimlər qış toplanışını Mingəçevirdə keçirəcək 11-12-2018, 16:58 Qurban Qurbanov yığmadan getdi 11-12-2018, 16:56 Qurban Qurbanov İK-dan da gedəcək 11-12-2018, 16:54 Yığmanın yeni baş məşqçisi əcnəbi olacaq! 11-12-2018, 16:52 İstefaya göndərilən məşqçilər susmağı üstün tutur 11-12-2018, 16:51 Yeni departament rəhbəri AFFA-nın əməkdaşıdı 11-12-2018, 16:48 Əhmədovların duelini "Keşlə"li qazandı 11-12-2018, 16:45 “Qış çempionu” bu gün bəlli olacaq 11-12-2018, 16:43 “Qurban Qurbanovu itirməmək üçün bu addımı atdıq” 11-12-2018, 16:41 Dabosuz “Neftçi” ili qolsuz bitirdi 11-12-2018, 16:37 U-19 növbəti darmadağınla 100-ü ötdü 11-12-2018, 16:35 Sənan Qurbanov fasilədən sonranı nişan verdi 11-12-2018, 16:33 Bayılda səssizlik... 11-12-2018, 16:30 Rəşad Sadıqova yığmadan ayrılacağını iki gün əvvəldən deyiblərmiş 11-12-2018, 16:27 Çempion “Zirə”nin “6”nı üstünə çevirdi 11-12-2018, 16:20 “Neftçi” müdafiəçi transfer etdi 11-12-2018, 16:18 "Neftçi" büdrədi, "Qarabağ" yaxınlaşdı 9-12-2018, 14:15 Katiblik sistemi ilə bağlı təklifi “Qarabağ” rəsmisi irəli sürüb 9-12-2018, 14:14 Klublar maliyyə hesabatını açıqlamaqda problem görmür 9-12-2018, 14:12 Yığma üçün yoxlama oyunları planlaşdırılmayıb 9-12-2018, 14:10 “Neftçi” üç yoxlama oyunu planlaşdırıb 9-12-2018, 13:55 Mikayıl Nərimanoğlu yeni işdə 9-12-2018, 13:54 Ölkə xaricində çıxış edənlər Vüqar Məmmədin dəvətini qəbul etmir 9-12-2018, 13:42 Lider autsayderlərə rəhm etmədi, "Şərq" oyuna gəlmədi 9-12-2018, 13:40 İlk dueli “Xəzər Cənub” qazandı 9-12-2018, 13:38 2018-in son turunda “qütblərarası savaş” 9-12-2018, 13:32 Baş məşqçilər uçurumun səbəblərini açıqladı 9-12-2018, 13:30 “Birincilər” bu dəfə də 1/8-dən “sağ çıxmadı” 9-12-2018, 13:19 Limit dəyişdirilsə, Rəhman bombardir olacaq 9-12-2018, 13:13 “Qəbələ”nin iki rəqibi məlumdu 9-12-2018, 13:12 “Qarabağ” oteli dəyişdi 9-12-2018, 13:10 “Frans Futbol”un seçiminə fərqli yanaşma 9-12-2018, 13:06 İki klubumuz eyni oteldə qalacaq 8-12-2018, 01:42 Ağır Atletika Akademiyasında üç saat 8-12-2018, 01:33 U-19 üç gündə iki oyuna çıxacaq 8-12-2018, 01:32 Derbini "Araz" qazandı, "Neftçi" üçüncü pilləyə gerilədi Bütün xəbərlər
Ən çox oxunanlar