04 okt 19:25Yazar

“Qəbələ”nin xilası üçün

“Meydan düz, top yumrudu” - bu ifadəni çox eşitmişik. Çətin keçəcəyi gözlənilən, autsayderlə aşkar favoritin qarşılaşmasından öncə mütləq xatırlanır. Amma heç də həmişə bu deyim özünü doğrultmur. Hər iki komandanın heyətində iki əli, iki ayağı, bir başı olan 11 nəfər çıxış etsə də, güclü sayılanlar hakimin final fitindən sonra sevinən tərəfə çevrilirlər. Sürprizlər, istisnalar da yaşanır. Bu hal isə təkcə meydanın düz, topun yumruluğu sayəsində yox, oyundan əvvəl şans verilməyən komandanın futbolçularının əzmkarlığı sayəsində mümkün olur. Bəzən də arxayınlıq, bəxtin üz döndərməsi və ya hakimlərin kobud səhvləri nəticənin müəyyənləşməsinə təsir göstərir. Son illər bu amillərin sırasına bukmeker kontorlarının əlinə oynamaq da əlavə olunub. Uzun illərdi mətbuatın yazdığı öz təsdiqini tapdı. Məlum oldu ki, UEFA-nın arxivində Azərbaycan klublarının oyun alğı-satqısıyla bağlı yetərincə fakt toplanıb. Bizimkilər də iki-üç əlsiz-ayaqsız klubu bada verdilər. Ortaya ciddi fakt qoymağa cəsarət göstərmədən aşağı divizionda gün keçirən futbolçuların bəzilərini cəzalandırmaqla gözə kül üfürdülər. Bununla da UEFA-nı sakitləşdirdilər.
UEFA-nın ofisi uzaqdadı. Yaxında olanlar bilir ki, divizionda yaşananların daha betəri premyer-liqada baş verir. Mövsümün təqvimi bəlli olan kimi onu qarşısına qoyub “filan-filan oyunlar mənlikdi, həll edəcəm” deyən “mütəxəssislər” Azərbaycan futbolunda uzun müddət meydan sulayıb. Hakimlərə “şirinlik” göndərənlər də tanıyırıq, rəqib komandanın müdafiəçisini və ya qapıçısını “axşamüstü çay içməyə çağıran” da. Bütün bu yaşananların içində “təmiz” qalmaq, “qaynar qazan”dan yan keçmək heç də hər adama nəsib olan iş deyil. Oyun alveri ilə məşğul olmaq təkcə rəqibi pulla almaq, öz komandanın qələbəsini təmin etmək deyil. Bəzən hansısa güclü komandanın futbolçuları da zəif komanda ilə qarşılaşmada meydanda can qoymur və bununla da dolayısı ilə kimlərinsə qara məqsədlərinə xidmət etmiş olurlar.
“Qəbələ”nin “Kəpəz”ə uduzmasının səbəblərini düşünərkən bütün bunları gözlərimizin önündən keçirdik. Kiminsə günahını alıb, adını ləkələmiş olmayaq. Bəli, “qırmızı-qaralar” meydanın düzlüyündən, topun yumruluğundan, “Kəpəz”in də meydana iki əli, iki ayağı, bir başı olan 11 futbolçu ilə çıxmasından “ziyan” çəkmiş ola bilər. Bəlkə də gəncəlilər onlardan əvvəl “Neftçi”nin qələbə qazandığını eşidərək, meydana ikiqat əzmlə çıxıblar. Heç bir halda Şahin Diniyevin yetirmələrinin qazandığı qələbəyə kölgə salmaq, qələbənin əhəmiyyətini azaltmaq istəmirəm. Amma Qəbələdəki 90 dəqiqəni çox diqqətlə izləmişəm. Ondan sonra oyunun seçmə epizodlarının təkrarına da baxmışam. “Kəpəz” ilk altı turda gördüyümüz “Kəpəz” idi. Gəncə təmsilçisinin əl-ayaq açmasının, “Qəbələ”ni iki cavabsız qolla məğlub etməsinin səbəbini izah etmək çətindi. “Kəpəz” əvvəlki illərdə də “Qəbələ”nin önünü kəsməyi, Qriqorçuku məyus etməyi bacarıb. Deməli, ukraynalı mütəxəssis bu dəfə komandasını daha diqqətli olmağa səsləməli, rəqibə ikiqat ciddi yanaşmağı tələb etməliydi. Etmişdimi? Bunu görə bilmədik. Ən azı “qırmızı-qaralar” həmin tapşırığı alana bənzəmirdilər. Meydanda ayaqlarını sürüyən, 90 dəqiqənin tez başa çatmasını arzulayan 11 “Qəbələ” futbolçusu var idi. Onlar çıxış etdikləri komandanın ad-sanına, hədəflərinə yaraşmayacaq dərəcədə pis oynayır, həvəssiz görünürdülər.
Ola bilsin ki, “Qəbələ”nin büdcəsi azaldılıb, əvvəlki illərdə olduğu qədər mükafat verilmir, maaşda gecikmə yaranır. Bütün bunlar Qriqorçuka və onun yetirmələrinə “Kəpəz”ə belə biabırçı oyunla uduzmaq haqqı vermir. Son iki mövsümdə “Qəbələ” Avropa Liqasının qrup mərhələsində oynayırdı. Komandanın oyununda eniş yaşananda, xal itkiləri olanda bunu gərgin qrafikin gətirdiyi yorğunluqla əlaqələndirirdik. Belə çıxır ki, “Qəbələ”ni formada saxlayan, tonusu yüksək tutan elə qrup mərhələsi, avrokubokların gətirdiyi gərginlik imiş. Bu yay avrokuboklarda yolu qısa olan “Qəbələ”ni çempionluğa əsas namizəd sayan, komandanın “Qarabağ”ın iki “cəbhə”də döyüşməsindən yararlanacağını düşünənlər yanıldı. 7 oyun keçirən “Qəbələ” bunların üçündə qələbəyə həsrət qalıb. Əsas rəqibiylə yanaşı, çempionatın autsayderi “Kəpəz”ə də uduzub. Deməli, narahatlıq üçün ciddi əsaslar var.
“Qəbələ” Azərbaycan futbolunu qitə səhnəsində uğurla təmsil etməklə yanaşı, çempionata rəng qatan, rəqabətin yüksək səviyyədə olmasına xidmət edən komandadı. Bölgə təmsilçisi klub olaraq da futbolumuz üçün böyük işlər görür. Qəbələdə fəaliyyət göstərən akademiyada yaradılan şəraiti, uşaq futboluna peşəkar yanaşmanı xatırlamağımız yetərlidi. “Qəbələ” Azərbaycan futbolunun dəyəridi. Bu dəyəri hamımız birlikdə qorumalı, onun böhrandan xilas olmasına çalışmalıyıq. Əminəm ki, klub rəhbərliyi də, Qriqorçuk da bu çağırışı qəbul edəcək, çempionatda yaranmış fasilədən maksimum faydalanacaqlar. Toparlanmaq zamanıdı!
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 14:53 "Keşlə"nin Türkiyə planı təsdiqləndi, amma... Dünən, 14:51 “Bakı yox, bölgə seçiminin olması da təqdirəlayiqdi” Dünən, 14:50 “Qarabağ” təxribatçı erməni ilə bağlı UEFA-ya müraciət edib Dünən, 14:49 “Elxan Məmmədovla görüşmək istəyirəm” Dünən, 14:46 Beşinci dəfə 1/16 finala qədər uzanmayan marafon Dünən, 14:44 “Emireyts”də 21 minə yaxın azarkeş olub Dünən, 14:43 Mövsümü 26-cı yerdə başa vurduq! Dünən, 14:41 Tribunadakı gərginlik Mehini ağladıb Dünən, 14:38 Yarımfinala gedən yol: üçü Bakıda, biri bölgədə Dünən, 14:36 AFFA-nın namizəd siyahısı genişdi Dünən, 14:34 “Liman” - “Neftçi” üçün dərman! Dünən, 14:17 Baş məşqçilər ehtiyatlı danışdı Dünən, 14:16 Lider dəyişdi Dünən, 14:14 Türk mütəxəssis yığmaya təqdim olundu Dünən, 14:09 “Qurban Qurbanov bir il əvvəl, yığmanı çalışdırmaq təklifi alanda seçim etməliydi” Dünən, 14:06 Ümummilli sorğu start götürür! Dünən, 14:05 Kərim Ağayev Şəmkirdə top payladı 13-12-2018, 00:02 “FC Baku” qoldan doymur 12-12-2018, 23:59 Səfirlik “İmarət”in dörd üzvünə viza verməyib 12-12-2018, 23:58 Reynaldo “Qarabağ”a qayıdır 12-12-2018, 23:56 "Keşlə" "Mirakl"a getmir 12-12-2018, 23:54 Ruslan şirniyyat həvəsinə qurban gedib 12-12-2018, 23:49 “Qurbanov azı üç tsikl millinin başında olacaq” 12-12-2018, 23:45 Elman Himayətoğlu da vəzifəsindən ayrıldı 12-12-2018, 23:43 Turun statistikası 12-12-2018, 23:41 Turun məşqçisi 12-12-2018, 23:40 Turun oyunçusu 12-12-2018, 23:39 Turun sitatı 12-12-2018, 23:38 Hakimlərin mühakiməsi 12-12-2018, 23:36 BKFF dünən püşk atdı, həftəsonu başlayır 12-12-2018, 23:34 Turdan məqamlar 12-12-2018, 23:26 Ölkə kubokunun püşkü atılacaq 12-12-2018, 23:19 “Bədr Xocalı”ya texniki məğlubiyyət veriləcək 12-12-2018, 23:17 MOİK uduzdu, "Sumqayıt-2" "qış çempionu" oldu 12-12-2018, 23:15 "Neftçi" Ömər Buludovla müqavilə müddətini uzatdı 12-12-2018, 23:13 Adil Nağıyev etdiyi səhvlərin səbəbini tapa bilmir 11-12-2018, 17:05 Həftənin idman proqramı 11-12-2018, 17:03 Nazarov darmadağını izlədi, Şeydayev cəzalandı 11-12-2018, 17:02 Hakimlər qış toplanışını Mingəçevirdə keçirəcək 11-12-2018, 16:58 Qurban Qurbanov yığmadan getdi 11-12-2018, 16:56 Qurban Qurbanov İK-dan da gedəcək 11-12-2018, 16:54 Yığmanın yeni baş məşqçisi əcnəbi olacaq! 11-12-2018, 16:52 İstefaya göndərilən məşqçilər susmağı üstün tutur 11-12-2018, 16:51 Yeni departament rəhbəri AFFA-nın əməkdaşıdı 11-12-2018, 16:48 Əhmədovların duelini "Keşlə"li qazandı 11-12-2018, 16:45 “Qış çempionu” bu gün bəlli olacaq 11-12-2018, 16:43 “Qurban Qurbanovu itirməmək üçün bu addımı atdıq” 11-12-2018, 16:41 Dabosuz “Neftçi” ili qolsuz bitirdi 11-12-2018, 16:37 U-19 növbəti darmadağınla 100-ü ötdü 11-12-2018, 16:35 Sənan Qurbanov fasilədən sonranı nişan verdi 11-12-2018, 16:33 Bayılda səssizlik... 11-12-2018, 16:30 Rəşad Sadıqova yığmadan ayrılacağını iki gün əvvəldən deyiblərmiş 11-12-2018, 16:27 Çempion “Zirə”nin “6”nı üstünə çevirdi 11-12-2018, 16:20 “Neftçi” müdafiəçi transfer etdi 11-12-2018, 16:18 "Neftçi" büdrədi, "Qarabağ" yaxınlaşdı 9-12-2018, 14:15 Katiblik sistemi ilə bağlı təklifi “Qarabağ” rəsmisi irəli sürüb 9-12-2018, 14:14 Klublar maliyyə hesabatını açıqlamaqda problem görmür Bütün xəbərlər
Ən çox oxunanlar