19 avq 21:58Yazar

Yazıqlar, “Qarabağ” “Vardar” deyil

Cərşənbə axşamı qarşıma çıxan beş adamdan üçü “Qarabağ”ın “Kopenhagen”lə oyunda hansı nəticəyə imza atacağını soruşurdu deyə, eyni sualdan bezmişdim. Amma idman jurnalistikasında çalışmağım, insanların da bunu nəzərə alıb maraqlanması hardasa normal idi. Cavabım qısa olurdu: “2:0 hesabıyla qələbə qazanacağıq”. Nahar etdiyim kafeni işlədən Novruzun “yox bir, 5:0 udacağıq” cavabına qətiyyən təəccüblənməmişdim. Dayıoğlu Rüfətin “məzələnirsən” sualına da gülüb keçmişdim. Rəqibin Isveç yığmasının da qapısını qoruyan qolkiperi Olsen Miçellə Dinonun zərbələrinə məhtəşəm reaksiya göstərməsəydi, sonda mən deyən olacaqdı.
Uzaqgörən deyiləm, nəticələrə “barmaq edən” bukmeker kontorları ilə də qətiyyən əlaqəm yoxdu. Mərc oyunlarında iştirak etmirəm, statistika ilə maraqlanmaq da mənlik deyil. Sadəcə, “Kopenhagen”in buna qədər cari avrokubok mövsümdə keçirdiyi oyunları izləmişdim və artıq “böyük oğlan” olan (ÇL-in qrupuna vəsiqə qazansa, “yekə kişi” olacaq) “Qarabağ”ın təcrübəsinə, bacarığına inanırdım. Azərbaycanlı futbolsevərlərin Respublika stadionunda möhtəşəm ab-hava yaradaraq rəqibi təzyiq altına salacağına, bununla da çempionumuzu qələbəyə daşıyacağına şübhəm yox idi. Qurban Qurbanovun məşqçi kimi xeyli “artırdığına”, futbolçuların təcrübəsindən istifadə edərək danimarkalı həmkarlarına nəfəs almağa imkan verməyəcəyinə də adım kimi əmin idim. Sadaladıqlarımın hər biri “köhlən atlar”ın Danimarka çempionunu meydandan başıaşağı yola salmasına gətirib çıxardı. Avqustun 15-i ölkə futbol tarixinə gümüş hərflərlə yazıldı. İnşallah, 23-ü də qızılla yazılar.
Möhtəşəm zəfərin ertəsi saytlarda Türkiyədə yayınlanan verilişlərin birində yerli mütəxəssislərin “Qarabağ” – “Kopenhagen” oyununa münasibət bildirərkən dillərinə gətirdikləri sözlər övladı ali məktəbə daxil olan valideynin sevincinə bərabər olacaq qədər qürurvericiydi. Şərhçinin “Kopenhagen” Şimali Avropanın ən zəngin komandasıdı, “Çelsi”sidi. “Qarabağ” səfərdə 1:2 hesabıyla məğlub olsa belə, qrupdadı. “Kopenhagen”i mübarizədən kənarlaşdırmaq... Türkiyə təmsilçilərinin bəxtinə bu komanda düşəndə, “ey vah” dediyimiz həmin “Kopenhagen”di” sözləri qarşısında “əriməmək” olmur. Türklərin təriflədiyi, çəkindiyi, bilirsiz, hansı komandadı?
Bu təkcə son 11 ildə, yəni 2006-nın yayından bu yana Avropaya səs salmış Danimarka nəhəngidi. O vaxtkı adı UEFA kuboku olan turnirin qrup mərhələsində 3 dəfə oynamış kollektivdi. Azarkeşlərinə 4 dəfə Çempionlar Liqasının qrup mərhələsinin həyəcanını yaşatmış komandadı. 2010/11 mövsümündə ÇL-in qrup mərhələsini uğurla başa vurub 1/16-də “Çelsi”yə rəqib olmuş həmin “Kopenhagen”di. Qruplarda “Mançester Yunayted”i, “Seltik”i, “Brügge”ni, “Rubin”i, “Panatinaikos”u, “Qalatasaray”ı “ağlatmış”, “Barselona”, “Yuventus”, “Çelsi”, “Valensiya” kimi nəhənglərlə heç-heçə etmiş “Kopenhagen”di. Təcrübəsinə görə “Qarabağ”ı qat-qat üstələyən rəqibdi. Təsəvvür edin, biz ağdamlıların 2009-un yayında UEFA kubokunun pley-offuna yüksəlib “Tvente”yə məğlub olmasını bayrama çevirəndə, onlar həmin turnirin qrup mərhələsinə vəsiqə qazanıb 1/32-ə yüksəlib “Marsel”ə rəqib olmuşdu. Ötən yay “Qarabağ” ÇL-in 3-cü təsnifat mərhələsində “Viktoriya”ya “ilişəndə”, onlar həmin mərhələdə “Astra”nı, pley-offda APOEL-i “tapdayıb” ÇL-in qrupuna vəsiqə qazanmışdı. Qrupu 9 xalla başa vursalar da, 1/16-ə yüksəlmək mümkün olmamışdı. Bəli, bu həmin “Kopenhagen”di, “Qarabağ”ın qapısı qarşısında düz-əməlli qol vəziyyəti yarada bilməyib, 0:1-ə görə sevinən “Kopenhagen”di. Onlar kiçilməyib, “Qarabağ” böyüyüb. Orda çalışanlar peşəkarlaşıb, transfer büdcəsi artıb. Ailə mühiti yaranıb.
Tarixi qələbədən sonra Danimarka saytlarına baxanda, rəqib futbolçuların dediklərini oxuyanda adamı dəli gülmək tutur. Yazıqlar özlərinə təsəlli vermək üçün Bakıdakı yenilgini Makedoniyada “Vardar”a məğlubiyyətlə eyni tutub gələcəyə ümidlə baxmağa çalışırlar. Aralarından bir ağıllısı çıxıb demir ki, ay kişi, “Vardar” hara, “Qarabağ” hara? İndiyə qədər avrokuboklarda ən yaxşı nəticəsi elə ÇL-in 3-cü mərhələsi olan, nə bu, nə də digər turnirlərin qrup mərhələsində çıxış edən makedoniyalılarla Azərbaycan çempionunu tərəzinin eyni gözünə qoymağın özü axmaqlıqdı, futboldan xəbərsizlikdi. Güvəndiyi oyunçular vaxtilə özlərini Azərbaycanda legioner kimi sübut edə bilməyən Deyan Blajevski ilə Nikola Qliqorovdu. “Vardar”, yox bir...
Əlbəttə, təsəlli yaxşı şeydi. “Qarabağ”ın sərgilədiyi oyundan sonra danimarkalıların yapışa biləcəkləri tutarqa yoxdu. Bir azarkeş dəstəyinə ümid bəsləyirlər, bir də Makedoniyada 0:1-lik məğlubiyyətdən sonra Kopenhagendə qeydə alınan 4:1-ə. Amma “Qarabağ” “Vardar” deyil. Danimarkalı futbolçular azarkeşləri təəccübləndirməyin, sevindirməyin nə olduğunu yaxşı bilirlər. İllər öncə “Mançester Yunayted”i yenib, “Barselona” ilə heç-heçə edəndə imza atdıqları sürpriz bu dəfə tərsinə olacaq. Bununla da “köhlən atlar” səfərdəki sərfəli nəticə sayəsində avqustun 23-dən 24-nə keçən gecə yüzminlərlə, bəlkə də milyonlarla azərbaycanlını küçələrə tökəcək. Necə deyərlər, irəli, Azərbaycan əsgəri!
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Dünən, 11:50 “Sabah”ın avrokuboklara qatılmaması Adıgözəlov üçün fiasko olmayacaq Dünən, 11:49 Ramil Şeydayev “Sabah”ı seçdi Dünən, 11:48 Obradoviçin toplanışı nəyə xidmət edir? Dünən, 11:45 “Köhlən atlar” “qartallar”ın “yuvasını dağıtdı” Dünən, 11:42 “Sabah” “Sumqayıt”ı evində döydü Dünən, 11:40 “Səbail”dən ardıcıl ikinci qələbə Dünən, 11:34 Mövsümün ən məhsuldar həftəsi Dünən, 11:29 “Neftçi” ikinci pillədəki yerini möhkəmləndirdi 14-02-2020, 12:31 “İsgəndər Cavadovun akademiyasına ayrılan vəsaiti görəndə şoka düşdük” 14-02-2020, 12:20 Elxan Məmmədovun veteranlarla görüşü təxirə salındı 14-02-2020, 12:15 AFFA “Marafon”u da Nazim Süleymanovun üzünə bağladı 14-02-2020, 12:10 Ağabalanın cəriməsini kim ödəyəcək? 14-02-2020, 11:10 AFFA telekanallara və onlayn mediaya dəvət göndərib 14-02-2020, 11:05 “Qəbələ” çilili forvardla anlaşdı 14-02-2020, 11:03 “Xəzər Lənkəran”a texniki məğlubiyyət verilib 14-02-2020, 11:01 Ruslan “Neftçi” ilə görüşü də buraxacaq 14-02-2020, 11:00 “Birinci işimiz sonuncu pillədən qurtulmaqdı” 14-02-2020, 10:56 Rauf yenə Prezidentə müraciət etdi, anası 1333 səs topladı 14-02-2020, 10:55 Cəmşid Məhərrəmov azadlıqda 12-02-2020, 11:55 Elvin Yunuszadə “Çelik”i Ümit Özata görə seçib 12-02-2020, 11:53 Samir Abasovun seçkidən xəbəri olmayıb 12-02-2020, 11:51 “Sumqayıt” itirdiyi mövqeyi qaytardı 12-02-2020, 11:31 “Qarabağ” “Neftçi”nin yaxınlaşmasına imkan vermədi 12-02-2020, 11:28 İsgəndər Cavadov AFFA-ya əl açıb 12-02-2020, 11:26 “Forza Neftçi” 11 yaşını Mərdəkanda qeyd etdi 12-02-2020, 11:24 Səmra Əliyeva şərhinin birmənalı qarşılanmayacağını bilirmiş 7-02-2020, 22:09 Məşqçilər Komitəsi namizədləri iki saat müzakirə edib 7-02-2020, 22:07 “Qəbələ” pasportun məsuliyyətini AFFA-nın üzərinə atdı 7-02-2020, 22:06 Ağatahir Əzimov futzal hakimlərini “topa tutdu” 7-02-2020, 22:03 Riçard, belə getmək lazım idi 7-02-2020, 22:02 "Qəbələ”nin gözlədiyi hücumçu gəldi 7-02-2020, 22:00 Vüqar Aftandil Hacıyevin “gəl” mesajını gözləyir 7-02-2020, 21:49 Start ərəfəsində yüngül gəzişmə 7-02-2020, 21:47 Siz gizlənin, Rövşən danışsın... 7-02-2020, 21:44 Kamal Bayramov üçün mövsüm bitdi 5-02-2020, 11:42 Elman Ələkbərov yığmanın yaradılan şəraitin əvəzini vermədiyini düşünür 5-02-2020, 11:42 Futbolumuzun yetirməsi 50 yaşında dünyasını dəyişdi 5-02-2020, 11:40 AFFA-da Stuxlikin Bəhramovu ziyarət etməməsinin səbəbini bilmirlər 5-02-2020, 11:38 Almeydalı “Baniyas”dan növbəti qələbə 5-02-2020, 11:37 “Qarabağ” Kintananı Çin klubuna yola saldı 5-02-2020, 11:35 “Zirə”ni Qadze ilə Ramazanov sevindirdi 5-02-2020, 11:32 Rauf Məmmədov deputat olmaq istəyən anasının müdafiəsinə qalxdı 5-02-2020, 11:28 Heç kimə sərf etməyən “sülh” 5-02-2020, 11:26 İstək çox şeydi, amma hər şey deyil 5-02-2020, 11:23 Lider mövqeyini bərkitdi, ən yaxın təqibçisi dəyişdi 5-02-2020, 11:22 Əliyar Ağayev Afinada VAR-ın köməyinə ehtiyac duydu 5-02-2020, 11:17 Elvin Məmmədov “Zirə”dən ayrıldı 5-02-2020, 11:07 Mahir gözəl qolla “Qarabağ”ı sevindirdi 5-02-2020, 10:58 Yığmanın mundial arzusu “suya düşdü” 4-02-2020, 12:25 “Ən azı həmin epizodda Beyli qabaqlamaqda çətinlik çəkmədim” 31-01-2020, 12:22 “Ağsu” divizionda çıxışını dayandırdı 31-01-2020, 12:20 Ölkə basketbolunda yeni səhifə - MBA Azərbaycana gəlir! 31-01-2020, 12:08 Şok: basketbol yığmamızın üzvü də danışılmış oyunlara görə tutulub! 31-01-2020, 10:56 “Sabah” Koçukla Rodrigesi transfer etdi 31-01-2020, 10:54 Bunun harası vacib oyundu ki? 31-01-2020, 10:51 Azad Rəhimov yeni federasiyaya xeyir-dua verdi 29-01-2020, 19:03 Tofiq Mikayılov Alesionun təklifini qəbul etməyib Bütün xəbərlər
Ən çox oxunanlar