11 iy 01:36Yazar

“Neftçi”: gələcəyə getmək üçün geriyə?!

“Neftçi”: gələcəyə getmək üçün geriyə?!
Son vaxtlar Bakıda evlərin, məscidlərin gecələr sökülməsinə adət etmişik. Kimin nə gizlin işi varsa, bunu axşamın qaranlığında, şər qarışandan sonra həyata keçirməyə çalışır. Səhər açılanda hansısa yurdun dağıldığına, insanların çölə atıldığına şahid oluruq. Bunu belə edirlər ki, səs-küyü az çıxsın, qanunsuz əməllərdən dar çərçivədə xəbər tutsunlar. Adətən, oğrular öz bədnam əməllərini gecələr, gizlində görürlər. Acı da olsa, həqiqətdi. Artıq bu cür hadisələr günümüzün reallığına çevrilib.
“Neftçi”yə başbilənlik edənlər, “xalq komandası”nı 80 illik yubileyində 8 komanda arasında 7-ci edənlər də belə əməllərdən bəhrələniblər. Yoxsa klubun idarəetmə strukturunda edilən dəyişikliklə bağlı gün batandan sonra ictimaiyyətə açıqlama verməzdilər. Gözlədilər ki, axşam düşsün, ondan sonra apardıqları “islahat”la bağlıxəbər yaydılar. Özü də “İnter”lə “Zirə”nin vacib oyuna çıxdığı saatda. Məlum məsələdi ki, bu addımın səbəbi geriyə atdıqları addıma görə qınaqları azaltmaq, ictimaiyyətin diqqətinin avrokuboklarda çıxış edən klublara yönəlməsindən yararlanmaq idi. Ayıblarını ört-basdır etsinlər, özlərini heç nə olmamış kimi aparsınlar. Amma mümkün ola iş deyil. “Neftçi”ni düşdüyü bataqlıqdan bu cür yalan-dolan işlərlərlə, kosmetik dəyişikliklərlə çıxarmaq mümkün deyil, əzizlərim. Şər qarışandan sonra Müşahidə Şurasının adından da bir bəyanat düz-qoş etmək, olmayan şuranın üzvlərinin guya son dəyişikləri dəstəkləməsini iddia etmək də ağıllı beynin məhsulu deyildi. Bunu daha urvatlı şəkildə etmək, Çingiz Abdullayevi və onun ətrafında olanları bir masanın ətrafına yığmaq, çay içib şəkil çəkdirmək daha uğurlu variant olardı. Nədənsə Elxan Məmmədov bu imitasiyanı lazım bilməyib, “axşam saat 20.00 olan kimi məlumatı və bəyanatı yayın” deyib.
Klubun prezidentinin olması yaxşı idisə, ondan niyə imtina etmişdilər? Yox, pis idisə, niyə yenidən həmin idarəçiliyə qayıtdılar? “Neftçi”ni idarə edənlərin bu cür davranışları mənə rejissor Robert Zemekisin 1985-ci ildə lentə aldığı “Gələcəyə getmək üçün geriyə dönməli” filmini xatırlatdı. Bob Qeylin ssenarisi əsasında çəkilən filmin qəhrəmanı 17 yaşlı yeniyetmə Marti Makflay əyləncə həvəskarı olur və 30 il geriyə gedir. Sonrasını da filmi izləyənlər bilir. Öz yaşadığı dövrə, yəni gələcəyə getmək üçün min bir əziyyətə qatlaşmaq vacib olur. Bunun yolu isə geriyə qayıtmaqdan keçir. “Neftçi”nin hazırda düşdüyü durum da eyni ilə bu cürdü. 2015-ci il martın son günündə AFFA prezidenti Rövnəq Abdullayevin şəxsən iştirakıyla “Neftçi”nin Müşahidə Şurası yaradılmışdı. Həmin gün iddia olunurdu ki, “xalq komandası” xalqa qaytarılır, bir nəfərin nəzarətindən çıxır və ümumi idarəçiliyə verilir. Gələcək planlarda klubun səhmlərinin satışa çıxarılması, səhmdar cəmiyyətə çevrilməsi də nəzərdə tutulurdu. İclasın sonunda Rövnəq bəy əminliyini ifadə etmişdi ki, yeni idarəçlik sistemi “Neftçi”yə uğur gətirəcək və ölkənin ən qocaman klubu daha böyük zirvələr fəth edəcək. Xalq yazıçısı Çingiz Abdullayevin bu ssenaridən nə qədər maddi qazanc əldə etdiyindən xəbərsizəm. Amma bir şeyə əminəm ki, bu qurama Müşahidə Şurası oyunu dağdan ağır kişiyə böyük mənəvi itkilər, nüfuzunun zədələnməsi bahasına başa gəldi. Ondan və onun ətrafına topladıqları adamların üzərində təcrübə predmeti kimi istifadə etdilər. Sonra da gördülər ki, alınmır.
Müşahidə Şurasının “zərərsizləşdirilməsi” hələ ötən ilin payızında yekunlaşmışdı. “Batan gəmi”ni vaxtında tərk etməyə çalışan Bəhram Bağırzadə də düşdükləri oyundan daha tez çıxmağa çalışmış, amma kimlərəsə susacağı, baş verənlərin dərinliklərinə varmayacağına da söz vermişdi. Elə bu səbəbdən də şuranın “varlığı” hələ də qorunur. Əslində isə Müşahidə Şurası hələ ötən ilin payızında dağıdılıb. AFFA-nın baş katibi Elxan Məmmədov da “Müşahidə Şurası özünə aid olmayan işlərə baş qoşur, müşahidə etməklə kifayətlənməyib, idarəçiliyə və transferlərə qarışırdı” deməklə Çingiz Abdullayevin rəhbərlik etdiyi qurumun “fatihə”sini oxumuşdu. Abdullayevin kitabını çoxdan bağlamışdılar. Belə olmasaydı, prezidentlik postunu ona həvalə edərdilər, heç kimin tanımadığı Orxan Hüseynzadəni bir vaxtlar adlı-sanlı kişilərin əyləşdiyi kürsüyə otuzdurmazdılar. Gələcəklə bağlı nikbin proqnozlar vermək çətindi. Onsuz da bu təyinat ciddi mənada nəyisə dəyişməyəcək. Hüseynzadə yenə də “boz bina”dan gələn tapşırıqları yerinə yetirəcək, sənədlərə imza atacaq, aşağı ranqlı əməkdaşların işə vaxtında gəlib-getməsinə göz qoyacaq. Ona böyük işlərə qarışmağa imkan verməyəcəklər. Hə, bir də öz adını “Neftçi”nin tarixinə “ən zəif prezident” kimi yazdıracaq.
Oxşar xəbərlər:
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Bu gün, 12:28 Klublar Obradoviçin anormal qərarını anlayışla qarşılayırlar Bu gün, 12:26 AFFA “Keşlə”nin paraqvaylı legionerini “milliləşdirir” Bu gün, 12:21 Ramilin dönüşünə təəssüflənirlər... Bu gün, 12:13 Elxan Məmmədov xidmətlərin ucuz olduğu yerlərə gedir Bu gün, 11:56 Turun ən məhsuldar görüşü Şamaxıda baş tutdu Bu gün, 11:54 “Neftçi”yə bütün veteranları əzizdi Bu gün, 11:51 Cavid Hüseynova sərt cəza: 4 oyun + 3200 manat! Bu gün, 11:49 Dosyeyə bax, AFFA! 19-02-2020, 11:50 “Sabah”ın avrokuboklara qatılmaması Adıgözəlov üçün fiasko olmayacaq 19-02-2020, 11:49 Ramil Şeydayev “Sabah”ı seçdi 19-02-2020, 11:48 Obradoviçin toplanışı nəyə xidmət edir? 19-02-2020, 11:45 “Köhlən atlar” “qartallar”ın “yuvasını dağıtdı” 19-02-2020, 11:42 “Sabah” “Sumqayıt”ı evində döydü 19-02-2020, 11:40 “Səbail”dən ardıcıl ikinci qələbə 19-02-2020, 11:34 Mövsümün ən məhsuldar həftəsi 19-02-2020, 11:29 “Neftçi” ikinci pillədəki yerini möhkəmləndirdi 14-02-2020, 12:31 “İsgəndər Cavadovun akademiyasına ayrılan vəsaiti görəndə şoka düşdük” 14-02-2020, 12:20 Elxan Məmmədovun veteranlarla görüşü təxirə salındı 14-02-2020, 12:15 AFFA “Marafon”u da Nazim Süleymanovun üzünə bağladı 14-02-2020, 12:10 Ağabalanın cəriməsini kim ödəyəcək? 14-02-2020, 11:10 AFFA telekanallara və onlayn mediaya dəvət göndərib 14-02-2020, 11:05 “Qəbələ” çilili forvardla anlaşdı 14-02-2020, 11:03 “Xəzər Lənkəran”a texniki məğlubiyyət verilib 14-02-2020, 11:01 Ruslan “Neftçi” ilə görüşü də buraxacaq 14-02-2020, 11:00 “Birinci işimiz sonuncu pillədən qurtulmaqdı” 14-02-2020, 10:56 Rauf yenə Prezidentə müraciət etdi, anası 1333 səs topladı 14-02-2020, 10:55 Cəmşid Məhərrəmov azadlıqda 12-02-2020, 11:55 Elvin Yunuszadə “Çelik”i Ümit Özata görə seçib 12-02-2020, 11:53 Samir Abasovun seçkidən xəbəri olmayıb 12-02-2020, 11:51 “Sumqayıt” itirdiyi mövqeyi qaytardı 12-02-2020, 11:31 “Qarabağ” “Neftçi”nin yaxınlaşmasına imkan vermədi 12-02-2020, 11:28 İsgəndər Cavadov AFFA-ya əl açıb 12-02-2020, 11:26 “Forza Neftçi” 11 yaşını Mərdəkanda qeyd etdi 12-02-2020, 11:24 Səmra Əliyeva şərhinin birmənalı qarşılanmayacağını bilirmiş 7-02-2020, 22:09 Məşqçilər Komitəsi namizədləri iki saat müzakirə edib 7-02-2020, 22:07 “Qəbələ” pasportun məsuliyyətini AFFA-nın üzərinə atdı 7-02-2020, 22:06 Ağatahir Əzimov futzal hakimlərini “topa tutdu” 7-02-2020, 22:03 Riçard, belə getmək lazım idi 7-02-2020, 22:02 "Qəbələ”nin gözlədiyi hücumçu gəldi 7-02-2020, 22:00 Vüqar Aftandil Hacıyevin “gəl” mesajını gözləyir 7-02-2020, 21:49 Start ərəfəsində yüngül gəzişmə 7-02-2020, 21:47 Siz gizlənin, Rövşən danışsın... 7-02-2020, 21:44 Kamal Bayramov üçün mövsüm bitdi 5-02-2020, 11:42 Elman Ələkbərov yığmanın yaradılan şəraitin əvəzini vermədiyini düşünür 5-02-2020, 11:42 Futbolumuzun yetirməsi 50 yaşında dünyasını dəyişdi 5-02-2020, 11:40 AFFA-da Stuxlikin Bəhramovu ziyarət etməməsinin səbəbini bilmirlər 5-02-2020, 11:38 Almeydalı “Baniyas”dan növbəti qələbə 5-02-2020, 11:37 “Qarabağ” Kintananı Çin klubuna yola saldı 5-02-2020, 11:35 “Zirə”ni Qadze ilə Ramazanov sevindirdi 5-02-2020, 11:32 Rauf Məmmədov deputat olmaq istəyən anasının müdafiəsinə qalxdı 5-02-2020, 11:28 Heç kimə sərf etməyən “sülh” 5-02-2020, 11:26 İstək çox şeydi, amma hər şey deyil 5-02-2020, 11:23 Lider mövqeyini bərkitdi, ən yaxın təqibçisi dəyişdi 5-02-2020, 11:22 Əliyar Ağayev Afinada VAR-ın köməyinə ehtiyac duydu 5-02-2020, 11:17 Elvin Məmmədov “Zirə”dən ayrıldı 5-02-2020, 11:07 Mahir gözəl qolla “Qarabağ”ı sevindirdi 5-02-2020, 10:58 Yığmanın mundial arzusu “suya düşdü” Bütün xəbərlər
Ən çox oxunanlar